大姆指餐廳 (已結業)

朋友想住去隔離街添置新居用品,成日經過呢間餐廳覺得外觀特別❇所以行左入去試,選擇左午餐既葡汁雞飯,好快已經有得食,望落都幾似樣,不過葡汁如果加多d椰汁香d會較好,午餐包飲品,免費特飲,檸檬西洋菜蜜+薏米

炸雞翼薯條送熱飲 熱奶茶  $33炸雞脾·咖央西多士＋$3凍飲   凍奶茶   $37＋$3放假起身hea一陣已經4、5點呢個時間唔想食太多，但又肚餓，去屋企附近食下午茶大姆指唔似正式西餐廳，有中式炒粉麵、西式鐵板扒餐、焗飲意粉、東南亞喇沙雖然菜牌種類有啲似茶餐廳但環境就好過茶餐廳，環境靚啲都食得開心啲見到佢除咗下午茶之外，其他粉麵大部份都會送熱飲，旺角區好多餐廳只會係晚餐或午餐先送熱飲好處係多啲選擇，唔會因為想食嗰款粉麵唔係set而要俾多$20叫野飲不過因為我依家係下午茶時間，所以唔知係咪全日餐牌都一樣講返啲嘢食先，炸薯條：薯條面有啲少少辣嘅粉，唔駛點茄汁都ok炸雞翼：脆脆的，唔算好熱熱奶茶：味道都ok啦炸雞脾：熱辣辣的，但唔係有粉漿，好脆皮爆汁嗰種咖央西多：有少少咖央味（個人小口味）其實我鐘食炸雞脾配送的沙律菜整體嚟講，嘢食我係滿意嘅雖然唔算好特別好出眾但配合整體環境、價錢、（餐牌望落幾靚，我個人好鐘意啲有心機製作嘅餐牌）相比一般茶餐廳係比較好的如果2個人（或者幾個朋友都ok嘅^_^）唔係特別要慶祝節日，只係簡簡單食一餐，又唔想去茶記或食包推介試吓呢個大眾化嘅餐廳

今天跟朋友來到大拇指吃晚餐之前看到一堆食評說這裏的食物很普通抱着嘗試的心態進來用餐但吃下去還算不錯價錢跟品質成正比之餘比想像中好可能因為餐廳見到食評之後有所改善？無論如何，應該還會再來一試😚利申 唔係打手，講大話甩J

過年前要幫家中愛兒(狗)取定足夠的藥，所以造就這一場一個人的浪漫，到了旺角人頭湧湧真係唔想週圍揾嘢食，行經一間在彌敦道的大姆指餐廳，見裝修都好企理又不用等位，一於就入去食個Lunch啦！看看正價餐牌和下午茶餐牌後，最後選了麻辣豬扒米線$46。配凍檸實+$6，好耐冇飲凍檸實了，這兒沖調得剛好，不會太過甜，加埋檸檬的酸香好醒神呢！麻辣豬扒米線色澤看上去色澤像喇沙多點，確實味道都係喇沙，不過加了少許麻辣就變成這碗麻辣豬扒米線，湯底味道好香濃，最重要吃罷右口渴，真心讚賞它。米線咬口亦不錯不會過淋，盡湯能力亦很好，豬扒係香茅味我喜歡的味道，而且夠淋滑又唔霉好味道啊~不過大家咪錯過內裡的滷水豆腐呀超級好味，豆腐質地軟滑，滷水味十分醇厚，原來有得單點呢！下次要同車爸爸一起去吃先得。

紅日中午唔知食咩好，見到大姆指圖片幾吸引，就被吸左入黎。大姆指係同金裝燉奶佬同集團。同行友人就係受呢張相引誘話：未試過呢個配搭，想試下西冷肉醬意粉！意粉連特飲$55 menu款式算多，小食、粉面、飲品都一應俱全。水晶 蜂蜜綠茶 只飲到蜜糖味。右：椰汁紅豆冰，味道正常 紅豆稔 唔會太甜。焗咖喱帆立貝雞扒飯 飯中只有一粒帆立貝，焗到乾晒。咖喱汁偏咸，唯一值得一讚是飯有炒底。焗菠蘿芝士肉醬意粉配西冷 菠蘿太酸，意粉完全無味，滾水煲熟了又焗得不夠時間，肉醬汁好稀。西冷每舊唔同靭度，成件事好似分開左3樣味道。幫襯一次就夠了。

2016-12-7大姆指餐廳******************大胃首領呢晚無啦啦走咗出旺角，又諗唔到想食乜，就入咗呢間大姆指餐廳。叫咗一個美式什扒同一個焗豬扒飯。但落單落到有啲滾，因為個waitress好似聽唔明我地講乜咁。美式什扒個黑椒汁都ok，但個焗飯……個sauce就得個鹹字，極少（甚至可能冇）鮮茄成分，塊豬扒超薄，肥膏超多，可以食嘅肉頗少，成碟嘢食未到一半已經食唔到落去…期間望下隔離枱order小菜配飯，小菜份量少得可憐…總括嚟講，呢間大姆指餐廳已被納入“可一不可再名單”******************消費：$160優惠：/

太氣憤了😤😤我從來都冇寫過食評，可能你地睇左會覺得唔係事實，但我只想表達我而家心中既不憤。今晚我同老公2人行經此餐廳（其實我地成日都行過，但從來都冇入過黎食），今晚第一次經過個陣，老公已經話不如今晚食依間喇，次次經過都冇食，但當下我人有三急，我話去左廁所先算。我地去左始創廁所後，老公再問食咩，係咪頭先間餐廳，我見佢再三咁問，一定好想食，我就提議去望下餐牌先決定（因為我係好睇心情食飯既人）。由始創行返轉頭終於到達門口，望一望個餐牌，得一樣野係令我感興趣：「炭燒肉眼扒配黑松露菌汁」。個下，叮一聲咁，心諗幾特別喎，就入左黎試！一入黎，唔算滿座，waitress叫我地自己搵位。我地一坐低就舉手點菜叫我期待既「黑松露菌汁」。Waitress黎到，我話：「唔該要炭燒肉眼扒配黑松露菌汁」仲指埋幅圖（方死佢唔認得咁）Waitress：「你要咩汁？」我：「黑松露菌汁！」Waitress：「咩汁呀？」我（已有少少唔耐煩）：「咪話黑松露菌汁！」Waitress：「咁即係炭燒定黑椒呀？」我：「下！兩樣都唔係喎！你寫明係炭燒肉眼扒配黑松露菌汁，即係塊扒係炭燒，再配黑松露菌汁！」Waitress：「即係黑啦！」佢

今日，我由太子行去旺角。順便捉精靈，見到大姆指啲下午茶餐價都ok 就入左去。望住個下午茶餐牌，大多都係豬、雞同魚為主。我見T14嘅鮮茄羅宋湯扭扭粉配吉列石班。我即刻想叫嚟食。 落左單之後先醒起叫石班同通粉分開上。但自己又唔好意思出聲咁就由佢啦。幾分鐘之後我見我個我個吉列石班同通粉分開上。好滾動呀。先講下個羅宋湯通粉，啲蘿蔔好淋，個湯有少少甜但有少少酸。蕃茄味好足。通粉好滑，唔太淋。而個吉列石班完全我想再食。石班食落去唔太油而且唔乾身。啖啖肉而且幾滑口。沙律醬係他他醬，點完食酸酸地。正。😀熱檸水就唔苦，係切靚檸檬。酸酸地幾好。

同Best Friend有好多密偈傾, 行完街夜夜地又唔想搵啲會早閂門嘅食肆, 所以大家決定黎呢間喺聯合附近嘅茶記食個快嘅晚餐, 然後主力傾偈!雖然呢度係茶記, 但個裝修同嘢食都有少少似翠華, 食物款式都唔錯, 有中, 有西, 但唔算多。我點咗豬軟骨鮮蝦菠菜水餃麵, 我哋再叫一個菜芯同木耳share 食!豬軟骨鮮蝦菠菜水餃麵 & 菜芯 - 普普通通, 不過不失木耳係有啲驚喜, 因為佢個蒜溶辣椒做得好好味, 酸酸地又蒜蒜地咁, 真係食唔停口!價錢就唔係最平, 但亦唔係太貴嘅, 坐到卡位我哋不知幾開心, 如果大家都會黎附近又想坐耐啲, 呢度都唔錯, 又遠離咗最旺嘅旺角, ok咁啦!

星期六就梗係嘆番個正早餐啦～今日來到大姆指吃～裝修好靚，樓底又高，叫左個吉列魚柳餐（揀左炒蛋，火腿），飲熱即磨咖啡～飲品來先，聞落去幾香，飲落口都幾滑，又冇乜苦澀，不錯的； 冇幾耐我碟早餐都到了，望見就即刻食慾大增 因為賣相相當唔錯，忍唔住即刻先切少少魚柳試試，是熱辣辣的，外皮香脆，內裡魚肉嫩滑，最開心係佢塊吉列炸皮一d都唔厚，唔會食到成口粉，魚肉份量都相當足仲要都幾大塊添。之後用牛油搽餐包，餐包都幾軟熟，微暖； 炒蛋要讚一讚，炒得好滑，味道調得剛剛好，唔鹹唔淡；火腿就微微煎過，正正常常啦。＄32呢個價錢我覺得幾抵食，下次會再來食早餐的

旺角彌敦道一帶，基本上沒有太多的食肆，餐廳都集中在內街的西洋菜街、通菜街，去到太子，就更加少選擇。這一天經過這裏，竟然發現彌敦道上有一間裝修得相當新派別緻的港式茶餐廳，名字就更加有點譁眾取寵，竟然叫自己做【大姆指】，莫非質素真的首屈一指 ？一於試真一下！一入門口望向地下，又是他們餐廳的名字，非常 hard sell。抬頭望向前方是一個小小的收銀處，本來裝修也有一定特色，牆壁上裝裱了一張海報，展示各種各樣的香料，令人聯想到雖然祇是茶餐廳，但出品製作依然有心思……但將目光視綫擴闊一點，又再見到大姆指三個大字，真的有必要重複又重複地提醒客人嗎？ 最終結果，卻是引致我發現餐廳錯別字 ，英文名是【thumb】，中文名應該【大「拇」指】。正值中午1點半，整間茶餐廳人頭湧湧、座無虛席，質素應該有保證吧！餐牌選擇多元化，有潮州魚蛋粉麵、鐵板餐、炒粉麵飯、星洲喇沙，最吸引是有營之選。有營之選又細分蔬菜之選及3少之選，即少油、少鹽、少糖。餐牌照片十分精美，揀了炒滑蛋珍珠帶子大蝦飯（$53）。看見實物，心往下沈。雖則已預計「照片只供参考，以實物為準」，但差別實在太大！先講外觀，那一堆滑蛋蝦仁珍珠帶子完全兜亂

今晚我們去咗旺角彌敦道嘅「大姆指餐廳」食晚飯！我們叫咗焗咖哩帆立貝鷄扒飯、北海道帶子鰻魚鍋、紅酒汁燴牛尾配扁意粉、鐵板韓醬乾炒帆立貝海鮮烏冬、羅宋湯、木瓜湯同白灼油菜！焗咖哩帆立貝鷄扒飯嘅咖哩味道唔係好香濃，只係辣味比較重，無乜椰汁嘅味道！北海道帶子鰻魚鍋嘅炒飯比較濕，唔係好乾身，鰻魚嘅肉質亦唔係好彈牙！紅酒汁燴牛尾配扁意粉嘅牛尾炆得唔係好腍，亦唔係好入味！鐵板韓醬乾炒帆立貝海鮮烏冬嘅烏冬一啲都唔彈牙，超級腍！羅宋湯同木瓜湯嘅味道係淡而無味！真係令我有啲失望！

週日4 個人在旺角想食什麼又不想行到朗豪坊迫, 反方向走去太子方向, 見到對面馬路的大姆指就進去了 這間餐廳的設計其實挺下本的, 很難想像茶餐廳用的裝修物料比其他 fine dining 還要貴而且餐牌圍邊還有走燈, 很有特色! 價錢在晚上來說, 一點都不貴 ($60-$90) 之間, 整體味道都不錯! 希望頂得到旺角貴租, 生意旺多一點! 那個咖哩牛坑腩煲($71), 已經有飯, 湯, 吉列魚柳及薏香菜蜜!!牛根亦俺得剛好, 牛腩亦煲得很腍 , 吉列魚列雖是送的, 沒想到大大塊, 而且魚質很滑咖哩豬軟骨煲, 這邊的煲每一個都有水準, 豬軟骨不會太硬, 可以連骨食 , 咖哩底不辣惹味日式饅魚芙蓉蛋飯: 賣相吸引, 而且有超多火腿! 饅魚亦不是切粒, 是片片都很大塊, 跟香港平常食到的茶餐廳份量有點背離, 而且滑蛋加了洋蔥很香口吉列石班蛋包飯這個日式蛋包飯真的不輸, 有很滑的魚柳, 蛋包飯的份量很大, 而且滿滿的包了香飯! 

今晚我4個人去食，個男侍應俾左一set餐牌我地，我問佢拎多set餐牌俾我地，佢唔理我，然後我自己去隔離檯拎，跟住佢叫我地一set餐牌逐個睇咪得囉。我話有冇搞錯，佢聽到之後用粗口問侯我阿媽 ，我好大聲問佢乜野服務態度，好多食客都聽到，之後佢就講多幾句粗口，然後走出間野，逃離無蹤。最神奇係，無任何經理或店長出黎調解。間野好少樓面，我都知佢地忙。其實佢話等等我都明，但係點會對住個客講粗口? 有d阿姐傳菜時非常誨氣，好似我屈佢拎野埋黎咁。咁既服務態度，唔會再去!其實d食物唔差，算過得去，但有d咁既員工，請佢地老世三思。

到彌敦道的銀行時，發現對面有間新餐廳，門面看似不錯。今日拉了同事去試下！大姆指餐廳 創立於1996年，經營至今十四載。為「金裝燉奶佬」集團旗下一個品牌。這裹的名片好可愛，有幾個趣緻BB。創意十足！店舖地方大，店方非常善用空間，放有不少枱椅，枱之間零距離。午餐時段，當坐滿食客時，十分嘈吵！店鋪裝潢充滿時代感，最特別是其中一面牆上一排掛著的多個黃色平底鑊，而下面放了一幅老香港的油畫，十分搶眼而且創意十足。午餐選擇一般，連飲品差不多５０元。如選擇其它食品，可半價加飲品，不錯！焗鮮茄雞扒飯＄４６（包飲品）左右兩枱都點了這個食物，但人客都面有難色；原來大家都等了超耐，同伴都差不多食完，但自已的食物都未有送上。大鑊～結果等左２０分鐘先有得食，食得好急，５分鐘要食完～飯炒底，飯一粒粒非常干身，而且每粒飯都有蛋汁，不錯！焗時間不足，因此蕃茄汁好浠，但蕃茄汁酸味度適中，味道ｏｋ。芝士不太多，少了芝士的香。雞肉已去骨，肉質可以，不鞋口。紫菜魚蛋片頭湯米＄３６（不包飲品）湯底唔覺有味精，ｏｋ！魚蛋比片頭好味，魚蛋彈牙有魚味。奶茶味道一般，奶太多，茶唔夠香。