大家樂 (康齡大廈)

營業中

休息中

平時如果阿仔話要食豬扒飯，必然想起大家樂，容易搵又平靚正個豬扒飯即叫即焗，要等一陣， 上枱時熱辣辣香噴噴，賣相很好！猪扒黤得夠味， 有口感，肉質有彈性，能鎖住肉汁，沒有落太多鬆肉粉，味道很不錯！！番茄很新鮮，咬落去個陣有番茄汁bit出來，很正！飯面鋪滿芝士，焗得剛剛好，金黃色，好香。食個陣起一條條絲，很好味！炒飯底，正常味道我自己同仔仔都好中意食里個猪扒飯每次食都保持水準，所以阿仔一而再再而三encore

去完花墟，需要找個地方休息一下，這家大家樂地點理想，但位置不多，每一次都會來偈一偈腳。有時會點下午茶餐，有時會點雪糕紅豆冰，大家樂的雪糕紅豆冰都做得很好，紅豆夠爛，加了雲尼拿雪糕，很好吃。這次點了一杯熱奶茶，夠茶香，也好喝，確是休息的好地方。

名不符實,咁0既價錢,預左.份量少但勝在平,睇下佢啲洋蔥圈細小得可憐~塊牛都係mini size,好在我細食~洋蔥圈厚粉好似黃夏蕙,兩舊炸埋一舊.....牛扒雖則不似紙皮亦不遠矣不過加埋特飲同酥皮湯都係幾十蚊,算係咁啦.

今年還未吃過火鍋，這天趁著天氣稍涼，一於到快餐店吃番餐先。最近「大家樂」常賣廣告宣傳的「虎蝦濃湯火鍋」正好一試。叫了兩個火鍋，分別是「東星斑肥牛特盛火鍋」和「肥牛特盛火鍋」，與太太一起分吃。至於湯底嘛？當然是捨「豬骨湯」而要「蕃茄龍蝦湯」（即是宣傳中所謂的虎蝦濃湯）啦！這兩個火鍋的材料都甚為豐富，特別是「東星斑肥牛特盛火鍋」，除了肥牛和東星斑片外，還有腸仔、魷魚、日式魚蛋卷、芋絲、南瓜和釀豆卜等，至於其它的綠色蔬菜，分量也甚多，值得一讚。不過要彈的也有兩點，第一是湯底頗淡，根本難以嚐得出多少蝦或龍蝦湯的味道，就算有也只是非常微弱，只能依稀喝到的味道，實在名不副實，令人失望。其次，在其中一份火鍋的粟米片上，竟發現有一隻小虫虫在爬動，雖然那小虫虫比芝麻還要細小，但眼看著它在爬動，已令人對這店衛生的信心打了一點折扣。飲品方面，在兩款特飲「山渣酸梅汁」和「鹹檸檬雪碧」中，我們不約而同揀了「鹹檸檬雪碧」作為飲品。加上了鹹檸檬和普通檸檬在內的雪碧味道都不錯，可一解火鍋的燥熱，消減熱氣。總括而言，以這火鍋所收的價錢與食物的質量來衡量，這快餐店火鍋仍可算是經濟相宜的。假如想吃一頓經濟的火鍋餐，也不失為

一早要上深圳, 打點搬運辦公室傢具的事. 所以一早7點多, 爬起來, 先在太子找地方食個早餐. 食飽早餐, 坐長途車才舒服.可是大清早, 人又未醒, 又沒有什麼特別的早餐idea. 也就是就近搞定, 快靚正. 皇崗巴士站那一條街, 只有新開的點心店未吃過. 可是, 不想花過多的時間去嘆, 行出地鐵口, 轉過灣, 就有一家小小的大家樂. 求快, 求簡單, 大家樂永遠是一個唔會點出錯既選擇.想吃飽一點, 早餐肉一點也沒所謂. 牛扒, 腸仔, 蘿蔔糕. 加杯奶茶. 傳統的大家樂西式早餐. 牛扒, 薄薄的, 帶少少黑椒味. 再加上個唔知乜野汁. (西式早餐的那一個百搭汁), 味道可以. 腸仔煎得香香的, 但蘿蔔糕就是粉多蘿蔔少的糕點. 一般Standard, 果然沒有出錯. 奶茶也是間間一樣的. 查實, 沒什麼新意. 連鎖店, 連鎖的味道, 永遠都係一樣.

今日放食飯時落雨為有去最近的大家樂食飯去呢間大家樂係地下,好大間,環境好闊,而且裝修幾靚當時落去時,樓梯真係好滑= =來呢度食飯,最好帶多件衫...因為呢度的冷氣真係好凍!!冷得我手震-.-叫左個四寶飯,整個飯同餸都好少,個鹹蛋見到個蛋黃咁黑都唔想食紅腸味道正,但有少少鹹,菜心好難食,好難咬,冇咩水份,叉燒燒得比較燶,我要咬開燶左的部份唔要~.~雞肉幾嫩滑,但好少件,鼓油又好少,個飯都少,連鼓油都少-.-成個飯唔計野飲要30蚊,覺得非常唔抵食

其實本身大家樂都冇話好唔好食，不過每次我黎呢度食野，都會食得好開心，食下午茶餐既油雞或燒味瀨或粉面每次都好足料，早餐又大大份，我真係覺得唔寫唔得！今次我食既係佢既一個酥皮湯配板燒雞牛柳。牛柳好好味，好JUICY兼軟熟，一點都唔鞋。至於雞就普通啦！但牛柳真係好回味。佢係牛柳條！仲有配埋幾塊薄餅之類既皮，生菜，俾你包住D 料黎食。配料仲有粟米，仲有芝士，牛油，仲有一些醬料，就咁食又好味，用個皮包住食又好好味！呢款食物真係幾創新，好味又好玩！大家都可以去試下！

呢個係越式牛肉飯唔好味睇個樣好睇但係食落陣味好怪成個飯只係得炸蝦食得落口d豆一食落口 好老 想吐出來肥牛本來唔錯 可惜個汁好唔掂污染晒成個飯食左一半就食唔落去

當然都預左冇乜野寫...但我在八點多九點的早上歎一個早餐，感覺蠻不錯！這裡的火腿通粉是我要讚的食物，很少有大家樂會放足料的火腿絲。另外多士, 雙旦及雙腸當然是一般貨色。食了這個廿多元的早餐，即刻充滿力量！單人搵位唔難，所以幾好坐！

超喜歡打邊爐嘅我，見大家樂嘅廣告好吸引，於是拉埋阿媽同我去食。叫了兩個，一個豬骨湯底，一個辣泡菜牛肉湯底, 加多杯泰式青檸冰&山楂酸梅冰 。原本係一個豚肉，一個肥牛...不過d豚肉肥過太誇張，肥肉多過瘦肉，於是阿媽索性換咗牛肉。起碼牛肉望落肥瘦均勻。每個set 嘅份量好多，連我呢個大食人都食唔晒。有好多蔬菜，而且新鮮，唔會好係大x活嗰d已變黑。有冬菇豬肉丸、蝦滑、烏冬、粟米、鮮冬菇、魚腐、金菇。全部配料都好新鮮。冬菇豬肉丸屬手打嗰隻，不過唔彈牙，但好多冬菇粒，好食。蝦滑真係真材實料，勁多蝦，好爽口。烏冬雖然唔係咩高級貨，但係作為邊爐的結尾是不錯的，吸晒湯底嘅精華！仲要係成個烏冬咁上，所以多到食唔晒。個爐又好猛喎，由頭滾到尾，即使加野落去煮都仲不停滾！不過呢間大家樂太細，坐得好迫。食邊爐，起碼2人坐四人枱先夠擺野。不過呢間野細，又多人，所以都要4人迫埋一張枱。通道又窄，好易撞親。

無煮晚飯，買了兩個外賣share 食。一個焗豬飯同一個咖哩乳飼牛坑腩。焗豬飯豬扒幾大款，有肉，肉淋。個飯有炒底就好似無炒底咁，好在飯呈一粒粒，唔會淋pat pat。茄醬又唔夠多，只係剛剛好夠撈飯。茄醬中只有數粒菠蘿同蕃茄，料縮水呀！咖哩乳飼牛坑腩配飯，加多$1有薄餅。唔覺得同之前嘅咖哩飯有咩分別。咖哩汁奇少！完全唔夠撈飯。有兩舊大薯仔，阻晒d位，搞到無咩汁。咖哩味道不錯，香濃夠辣。但牛腩又是無什特別，唔覺得特叫淋。反而牛筋就超淋，淋到一pat pat，有點核突。

話說去左紅磡攪d野之後諗住去出晒名既時新食個下午茶騰左好耐先搵到但係因為新年未開/_________\好啦咁之後過太子諗住去食個大記攦粉唉又係新年未開/___________\想食既野冇得食真係好慘之後算啦就過左去大記攦粉隔離果間大家樂食左個西多士+可樂 $14雖然新年已經食左好多好肥膩既野但果刻真係好想食西多士西多士微暖夠花生醬!正!加埋糖漿同牛油真係好好味好耐冇食過不過真係間中食下好啦==

100分醒晨早餐$21餐肉、煎蛋：香！煎得幾好腸仔：凍的蕃茄碎肉通粉：碎肉真係碎到無咩咁濟，湯不會太濃，太重味精味，還可接受配熱檸水ok..豉油皇炒麵：無奈都係凍冰冰其實快餐店真係無咩好講，味道如常。。。

返學前醫肚, 見到附近有大家樂, 晚上六時許但唔算多人, 於是入去食飯,咖哩雞飯是我的最愛, 試一試啦。賣相唔錯, 咖哩算香濃, 但飯有點凍, 兩條豆角都是凍的 我最怕食凍菜!!!以$28元的價錢來説, 算普通啦, 但大家樂一定要留意: 凍了的食物請不要給客人食啊!

買了個下午茶餐，有豉油雞脾同紅豆冰。豉油雞脾縮水了，無以前咁大隻。幸好味道不錯，夠味，唔太肥，又無雪味。紅豆冰多豆又多冰又多糖，甜到漏。如如果無咁甜會易入口些少。