大家樂

營業中

休息中

買咗佢個最營之選食品券套裝 ，會員價 $100 一套，除翻開33蚊有一個飯加野飲，好抵味道方面當然冇expect佢超級好食，不過抱住一個健康嘅心態去食呢餐飯都唔錯〜 粟米汁甜度適中，紅米飯都炒得好香，完全冇偷工減料嘅感覺。雞胸水準就一時時，食過4次，有一次的確特別鞋，但其他時間都冇問題，甚至有啲嫩🙆🏻‍♀️ 已回購，係糧尾嘅救星

呢間位於將軍澳調景嶺彩明街1號彩明商場二期3樓311-312號舖的大家樂深受附近居民歡迎。早餐嘅雞扒炒蛋🌟 午餐嘅焗豬扒飯🌟唯一嘅問題係嘅時候經常比漏野⁉️試過比小中湯/汁

12月18日下午茶,因為早餐食得晏，所以下午茶嘅時候有啲肚餓就去咗大家樂買一個炸雞髀加炒麵，今次等得唔算耐都，不過隻炸髀就比較燶同埋鹹得滯,炒麵反而不過不失！所以整體都合格

12月11日下午，又到食下午茶嘅時間，咁啱有五蚊嘅大家樂積分優惠，所以去食返個大家樂嘅下午茶餐，今次就選擇咗大家樂炸雞髀加炒麵嘅下午茶餐，因為隻雞髀係啱啱新鮮榨出嚟嘅關外脆內軟，不過炒麵就比較乾咗啲！整體用埋優惠扣五蚊29蚊嘅茶餐真係抵食！

今朝如常去食個早餐，係自助售賣機買，點完餐後發覺選錯了飲品就諗住cancel 再點過餐。去攞餐時先發覺原來我之前選錯個餐都俾左錢，所以出左兩張飛，但我唔為意，拎走左一張飛就去攞餐，但去攞餐時見到出了兩個一樣嘅餐，只係飲品唔同，我都心知不妙。點知有個職員拎住張飛走黎問我係唔係重複左訂餐，我話可能係，但我同佢講個餐已經出左，佢話如果我係唔小心重複訂左餐，佢可以退番錢俾我，我當時覺得好唔好意思，佢就話無問題。於是我攞了餐坐低食，個職員就去攞番退款俾我，我覺得佢地好好，非常好服務態度。之後一坐低又有職員埋黎問我要唔要口罩袋，紙巾，牙簽同水，成間餐廳嘅職員都非常有禮貌，又有好好嘅服務態度，值得一贊！

係彩明呢間大家樂食早餐疫情嚴重，我見衛生應該會做得更足夠但今日去食早餐叫左個魚柳炒滑蛋外賣拎走番到屋企 打開 切個蛋食...就見到一條頭髮絕對唔係我跌落去，因為喺個滑蛋中間！超嘔心...即刻影相留證據然後成盒冇食掉左🥲🥲好失望

食厭咗 同系嘅一 粥麵 今次試下大家樂晚市外賣， 相比其他餐廳人流唔算多， 可能距離地鐵站遠一點或者就喺街市上面， 自己煮飯嘅人較多。選擇都算多， $100蚊三款小菜， 加$15仲有兩碗白飯，油菜和甜品： 芋頭紫米露坦白講自己買都唔都唔止呢個價錢。負責外賣嘅阿姐都好好禮貌，外賣都裝得 穩穩陣陣。 人唔多所以都唔使等好耐。🥙蒸水蛋： 面頭好似有福建炒飯嗰個芡汁， 蛋夠滑， 家常小菜嚟講味道唔錯。🥙 蘿蔔炆排骨： 吃到好濃烈嘅八角味道， 排骨就好柴，好似煲完湯嘅 豬骨， 反而紅蘿蔔白蘿蔔吸滿醬汁～🥙 煎馬蹄肉餅： 有三塊，再加兩件比較乾身嘅鹵水豆腐～ 味道普通啦唔可以話好惹味😌油菜， 非常健康一滴油都或蠔油都冇，啱我！白飯🍚🍚就比較散同乾， 同自己煲嘅甘香米飯係有啲距離嘅。。反而個甜品紫米露，又滑又香材料豐富！😋不是會員，用八達通結帳有九折！不過不失 的外賣小菜快餐。

係大家樂食飯都有驚喜：1) 諗住2:30先有茶餐，原來2點就有2）茶餐中的公司三文治好吸晴及大份。今次冇試，下次會試。3）在取餐時，自己不慎成杯可樂倒咗，姐姐9秒9快速清理，一共出動三位姐姐。勤快效率高4）最最最大驚喜係有位貼心姐姐竟然攞杯新可樂比我，好感動。可惜我係要無糖，而姐姐竟然嚐試幫我換。大讚。講返食物：我叫咗雪菜肉絲，煎蛋上海麵，麵底稔咗小小，蛋並不是即煎，但湯底夠味，肉絲其實係肉碎。口感一般，人情味撘夠！

今日又要速食，見佢新出咗個蒜汁芝士海鮮焗飯就試試啦。芝士多不在話下仲勁香就咁望雖然好似得兩舊魚塊，但其實有四塊，然後仲有蝦，蟹柳等等，連埋佢啲豆/椒類等等，都幾多料，而且幾夾以$43黎講算好抵食

午市勁多人，最終決定外賣，見佢平時個焗意粉換咗個靚名，三重芝士？？所以就試試開盒未覺好香，亦唔感受到好多芝士，撈好試多幾啖，我覺得唔特別多芝士，而且之前好似好味啲...仲要越食好似越一般，睇黎今次個改動唔係做得咁好了...

自從大家樂由健明擴建部分搬咗上樓上後，舖位縮細好多，很多都是半坐半企的長檯，繁忙時間更是一位難求，食都冇位坐，見到都唔敢再幫襯了，寧願行遠少少，到Popwalk的大家樂也不幫襯呢間------------------------------

知道人是學生還要給學生證，仲要超級寸嘴，話認證唔認人，嘢飲甜到死，食物一般，食完就要趕你走，冇乜事大家唔好來食，一啲都唔快樂,冇大家快樂的感覺😡😡😡😡😡

下午三時半，是最佳下午茶時段。今日經過有食物沙漠之稱的調景嶺站，沒有太多食店的選擇，為了填肚，沒有多想就去了大家樂吃個下午茶餐。雖然餓，但又未至於需要吃粥，飯，麵填肚。考慮一下後，最後還是落單叫公司三文治(半份)，特式雞全翼，餐飲熱檸水($32)。幸好今日的下午茶時段並不是太多人，不用排長龍就可以買餐，等待食物的時間亦很快。公司三文治的方包是烘過的，包是脆的，可見是即時制作的!特式雞翼被一糖衣包著，蜜糖的甜不會蓋過雞翼的味道，配搭很好。又是滿足的一餐!😃

The newly renovated cafe has fewer seats and the tables are much smaller. However, the food quality remains unchanged compared with the previous branch. 

每到老婆大人拋下我的時候都很頭痕，一個人又不可以到正式少少的餐廳散叫些食物來吃，這次唯有獨自在大家樂吃飯，有點頹⋯一個人要找個位子都有點「輪盡」。排隊買餐都花了10分鐘的時間，等餐又無了5分鐘。幸得我這次選的咖哩挺不錯。⭐️咖哩吉列豬扒飯飯有大大一碟，有少量配菜，上面有塊吉列豬扒。豬扒的炸粉偏多而且炸得比較乾，但話個價錢不可以要求這麼多。幸好咖哩沒有像其他茶餐廳的那麼多紅油，最怕那種有層紅油浮面的。