大家樂 (山景商場)

營業中

休息中

今日晚餐唔知食咩好，行行下就見到大家樂，不如就入去食返個DINNER啦，首先，我揀左個中餐，呢個餐有係有一個燒味(叉燒&油雞)，最重要就係佢有個老火湯，個湯真係非常之唔錯足料夠火喉，仲有叉燒都好入味油雞都勁好味。之後仲据返個扒先，塊扒如圖所見，個SIZE完完全全係LARGE SIZE，成塊面咁大呀，加埋個扒汁 JER JER聲真係好正。個扒餐仲有一個酥皮湯作為配搭，個酥皮湯個酥皮非常香口，不論係獨立食還是浸湯食都好，都係好味。係大家樂食到一個咁好食既DINNER，真係俾足100分啦。

如標題所述，平靚正既嘢係絕無僅有，有最前既一個形容詞，多數就無後兩項。今次既平價午餐之選有葡國雞飯- 色水唔錯，但實際上隻汁無味。- 唔知點解，我覺得飯既配菜好難食。- 肉既比例奇低- 奶茶太甜間鋪多鳥英，而且飯枱附近周圍都有回收餐盤的回收點，呢點實會有d影響。

Lunch時間又到公司附近搵野食。好耐都冇食過瀨粉，而坊間亦少有瀨粉食...大家樂係滿足到呢個食瀨粉既願望o既....可惜..希望愈大失望愈大...湯鹹。叉燒鞋。講完😑😑

呢個早餐只能用無味黎形容，蘿蔔糕質地夠淋，但係完全冇味，又煎得唔夠香同蒸冇乜分別，個雪菜肉絲米粉，又係完全冇味，米粉又少又硬，啲湯就水汪汪咁，杯奶茶又冇茶味，差差差！

話說一年前，我曾就這裡的炸雞脾，留下了喊臉。一年後的今天，因為懶的走到茶餐廳買雞脾沙津，看到這裡的開價跟茶餐廳同價，再加上最近數次消費經驗尚算OK，就再給一次機會。一隻炸雞脾+ZERO一杯，$27。不過剛巧午茶時段開始，等候人潮多，如是者，等了十分鐘才拿到食物回家。所以今次拿到的雞脾，算是「即叫即炸」的。雞脾大小OK，剛炸好的雞脾熱辣辣，沒有像上次多餘的炸粉，外皮炸的鬆脆，內裡雞肉算是嫰滑，亦沒有炸不熟的情況，調味略淡，加上自家椒鹽，味道變的剛好。或者這樣說，我很幸運拿到剛炸好的雞脾，應該沒有難吃的理由吧﹖

知道大家樂在晚市有一個感覺「十分邪惡」的外賣套餐，但一直沒機會嘗試。內容包括香草鹽烤雞 1隻、炸薯球10粒、牛油粟米2支、肉醬意粉1客、蘋果薯仔沙律2客及可樂2罐，$88。今天因為較早回到家加上不想煮飯，就落樓碰碰運氣吧。付錢後，等了十分鐘。前台姨姨將一大袋包裝好的食物交給我。本以為這些東西都只是純綷「意思意思」而已，事實上.....份量還真不少.....2-3人分享還是足夠有餘的。烤雞正常大小，熱度足夠，外皮烤的香脆，雖然有點微焦，但不減美味，調味剛好，雞肉的嫰滑度也適中。炸薯球鬆脆，但壓在烤雞底用的安排是敗筆....因部份薯球因此壓扁了。牛油粟米，味道正常，但熱度略遜。肉醬意粉：正常飯盒份量，賣相尚可，吃了一口，味道不過不失。蘋果薯仔沙律：吃了一口，味道清爽。由於食力大幅減退，沙律和意粉都得放在冰箱留待明天食用。整體而言，食味不過不失，外賣餐而言，某程度算性價比高了。

好耐無去過大家樂食晚飯啦今日心血來潮決定黎食大致好評既豬扒飯豬扒好有口感,一D都唔硬,成碗飯再加茄醬,味道亦都唔錯又唔會太酸或者無味另外將野飲換左將中湯味道都幾好偶然選擇飲湯都幾有新鮮感既成份餐大概41蚊左右對比起前幾年個價其實都幾貴不過味道唔錯,算係咁啦有樣好不滿既係外賣拎返屋企先發現無俾刀同叉我咁點鋸扒呀

星期日假期，下午茶時段想食少少野，去到大家樂，見到「厚多士」木山竹日心戈的推介，心想:抽水抽咁盡？ 既然你抽，我又抽下。大家樂的厚多士，包底同早餐食到的一樣，上面有芝士，腸仔，青椒等，有少少似pizza， 味道ok，平平地，有隻雞全翼同飲品。到底佢係target自由行、厚多士，定係香港人都好，只要個餐無人係附近大聲講普通話，一架架拉車放係附近頂住條路，可以靜靜地食返餐，已經係一日入面最開心的事。

當然，對連鎖快餐的食物不要有過高期望，是常識。但是，當店家將很多年前賴以起家的食物放進MENU裡，是否應該做好一點呢﹖今天執完屋，和寶貝去吃下午茶。見到下午茶餐牌上有炸雞脾餐，心想不會太離譜，叫了，另叫了一客西多士跟紅豆冰。$44。等了十五分鐘，姨姨將食物送上。看見賣相，心感不妙。雞肶大小還可以的，不過看樣子明顯是翻炸，外皮硬，肉更硬，淡而無味。寶貝的西多士比它味道好得多。如沒記錯，九龍灣日月星叫個雞髀餐價錢都是差不多吧，但整體上好得多。如果可以，真想找天午飯時間再去吃一次.....日月星應該不肯送外賣送到九展那麼遠吧﹖

其實近年黎已經好少食大家樂, 因為價錢一直加, 但質素同份量就一直減減減, 由幾年前食個豬扒飯只係29蚊, 到依家要成40幾蚊 !!大半年前同老公食過一次之後, 老公已經嬲到話發誓以後都唔再食 !! 今次完全係因為無哂選擇之下先至再走入去 !!同老公下午茶時間一人叫左一個燒味湯瀨 !!我叫左個切雞瀨, 飲野要加5蚊, 所以就無飲..一黎到, 一碗湯瀨只有4舊雞, 仲要細舊到係平時一舊size既一開二, 20幾蚊食碗咁既野, 真係完全極度不滿 !!至於老公就叫左個燒鴨瀨, 碗野更加係令佢嬲到震 !!份量依然係得個3, 4舊, 原來都諗住一餐半餐由佢, 但食到一半, 老公真係忍無可忍, 4舊鴨全部都係骨, 真係一舊得dd肉, 就算係貴, 就算係差, 都唔可能差成咁囉, 比20幾30蚊落黎食骨 ?!??!結果老公就忍唔住拎返碗野去燒味部比個個人睇, 仲問佢一句, 呢碗野d鴨全部都係骨, 如果係你, 請你都唔食啦!!!!結果, 雖然佢換返碗d鴨全部都大大舊既黎, 但係如果下下都要個客人真係不滿到出聲既話, 先有返似樣少少既質素, 咁下次真係唔洗再旨意我會入黎食野 !!!!!

一到lunch時份,山景每間餐廳一定逼爆學生,今次都唔例外大家樂係山景黎講都算係貴價午餐黎,我一直好少食不過今日難得唔太肚餓,又有同學同我share,所以今次就大家樂今次呢個飯,個汁反而係我最愛,酸酸甜甜咁,個飯似乎好似炒炒地底咁?!個飯唔差,塊扒幾軟,唔錯,但我最愛既西蘭花竟然苦苦地....好彩有個汁頂頂,不過杯奶茶又唔錯喎,幾滑,幾多奶味學生餐,29蚊有野飲,唔錯啦

每逢星期2有1個鐘食飯時間成班同學就會走黎附近既山景間大家樂食每個禮拜如是之前食開既款式都已經厭了今次見到有豬肉漢堡牛扒腸仔飯有學生餐23蚊仲有杯紅豆冰好抵也叫左個黑椒汁等左唔係好耐佢地做野簡直係摩打手勁快開始食喇豬肉漢堡唔會太細塊而且好多料都唔會1切就散唔錯腸仔係普通腸仔牛扒當然係薄到冇得再薄啦但值得1讚既係個黑椒汁1d都唔稀好有黑椒味好香而且惹味同埋越食越辣不過紅豆冰入面既紅豆好多都未林好硬味道只係普通不過23蚊食到咁飽唔可以要求太多!

今早,約埋另外1對義工夫婦,係油塘到等,因為今日要去屯門探訪d老會員,我因為唔識路去,所以要佢地帶我去啦.搭車途中,遇上交通意外,係架巴士個度係咁等,等到係屯門既義工,打咗個電話俾我地,問我地幾時先到,我都想快d到呀.到屯門既海趣坊,我地集齊晒12個義工,大家去拎資源,今次既禮物係蘋果同埋糉&一個電話绳,然後分批去屯門各村,去到先知,屯門好大呀,我地由蝴蝶村探訪,再去友愛村,到1:00左右又去山景村依肚,初時諗住係商場既酒樓飲茶,但酒樓拆咗,咁唯有去樓下既大家樂食啦.去到有幾款飯已經售罄,初時見到有海南雞飯,後尾諗諗下早排食過,今次轉下口味,食五寶飯,每款餸都係少少,但五款餸加埋就變咗好多,夠食啦.其它d飯我就唔知好唔好食,但海南雞飯個套餐我就食咗人地一件,覺得幾好味喎,唔錯.

大家樂早餐最近都有o係某d早餐側邊mark住「3少」即係少油少鹽少糖好似好健康咁...事實上...今朝黎呢到食早餐黎大家樂就廢事食米粉呢d啦...於是叫個茄蛋吞拿魚麥包三文治聽個夠睇下幾夠健康~~係咪?有菜(蕃茄)、蛋、吞拿魚麵包仲係麥包tim~~但其實一d都唔健康...首先可以肯定一樣野就係呢個餐一d都唔「少油」而且勁多油!!打開件三文治見到塊麵包揸滿哂牛油!!!!!揸得仲多過茶餐廳....另外仲加左沙律醬...又係高脂食品假若你因為個名而好安心咁食下呢個早餐你已經不知不覺吸左好多卡路里雖然會比食雞扒牛扒魚柳o既卡路里少但係一定冇想像中咁健康先囉...話時話...如果有時間...真係自己整早餐健康d..~出面o既健康早餐都唔係咁「健康」....

雖然話我只係俾10蚊，唔好要求咁高....但竟給我再次遇上不熱的即製厚多士....話說我第一次吃此茶餐，是在灣仔碼頭對開的大家樂當時買了個外賣上船吃，發現厚多餐又平又正多士又厚又脆又熱又平(連奶茶只係10蚊雞)點知第二次在駱克道的大家樂番兜時個"即製"厚多士是凍的....又腍.....吃完覺得很不可思義，因為凍的話點解要我等成5分鐘呢咁食完手多就填o左份意見表，反映下點知第二日即刻有個經理打唻say sorry，仲話會改善，叫我下次去搵佢，佢話請我食多次，咁我就話唔駛今日o係山景又叫多次厚多士餐啦點知又係等幾分鐘就有塊一拎時有微溫，未切完已經凍o左的厚多.....仲要好韌.......救命......不過已經冇心機再寫多次意見表lu唯有下次唔再叫哩個餐因為我只係俾10蚊，唔想要求人o地太多值得一提係此店新裝修了，環境不錯