大家樂 (昌耀大廈)

營業中

休息中

尋日(6-4-2010 Tue)朝陪男友出公司前,o係o度食個早餐.我一眼見到有米粉,男友覺得健康同想食o既o野,就即刻話佢知,佢就叫個$20.00o既雞扒,腸仔米粉,飲熱檸茶,我就叫個$18.50o既火腿,餐肉,腸仔通飲熱奶茶.坐低後男友拎一份應該係佢o既早餐,但係通粉唔係米粉.我問係咪整錯畀佢?佢答啊,可能同我o個個掉亂o左啫,一陣自己攪返正.佢拎埋我o個份o黎,唔係喎,我o個份o知,係通粉冇錯到.即係男友o個個真係整錯畀佢,咁佢就拎返去換.攪返正返o黎開餐喇.通粉份量唔少,呢個餐冇問題,奶茶都係淡o左唔係以前standard o個隻.而男友就自攞茄醬同辣醬自製加辣蕃茄湯米,佢話好好食喎,哈.

都好耐無去過呢度食早餐，呢日返學之前就過一過黎啦。慶幸既係，呢個早上都唔係太多人，等都唔算等得太耐。魚柳炒蛋魚柳係新鮮炸，所以好好食。魚肉既質感好實，唔會皮肉分離。加沙律醬就最好食架啦。而炒蛋唔會炒得太熟，炒到好。好滑同有蛋味。而多士都算脆口，唔錯架。火腿公仔麵呢個都無乜特別，加三蚊就有得食。只係無左蕃茄通既代替品。凍奶茶奶同茶既份量好平均，算一杯好飲既凍奶茶。呢餐都食得幾好，咁返學就唔會肚餓啦。

新裝修之後，都係第一次度食下午茶。呢日真係好多人，假日真係會多人小小架。等都要等好耐。西多士都係即炸既，好熱辣辣。同花生醬搽得好勻，好鍾意食呢隻西多士。雞翼味道都唔錯既，燒得好好食。好香蜜糖味，同好多時都有個問題。就係唔夠熟，但呢次又無，真係唔錯。凍奶茶依舊咁好飲，茶味好夠。奶既份量算適中。都算唔錯既，呢個下午茶餐算幾抵食。

今日(7-2-2010 Sun)男友要返工,見佢有好多o野要拎且落雨,就同佢一齊出去啦.大家先o係荃灣食早餐,落車o個陣都幾大雨,佢話就o係大家樂食啦.啊.佢買o左個$23.00雞扒,腸仔,厚牛油多士,原味麥皮同熱奶茶,我就要$21.50o既蜜糖雞扒,餐肉厚牛油多士,熱奶茶.睇見啲雞扒幾細件,我o個件食到最後,o係小小脆脆o既雞皮至食到一啲蜜糖味,午餐肉同腸仔都鹹.多士放涼但幸好未韌,男友同我都覺得奶茶已經唔標準喇,茶味淡o左只係幾滑,係咪份量開始改變呢?

睇完牙醫後,上大家樂睇睇有咩好野食（ｌｕｃｎｈ）～12:2x pm人流已經好多..已經好耐無到大家樂看看lunch的餐牌呀,,幫家人買埋，提議家人食炒意粉**我要南瓜雞皇飯先～ $28~買外賣~盒飯好快搞掂,,服務態度nice喔~不過等炒意粉好耐返到屋企1掀開黎睇,見到勁多芝士的肉醬意粉唉..............比錯左肉醬意粉呀!!!! 非常之氣憤!!記得小時候,大家樂外賣,又係咁樣經常出錯呀,仲要肉醬意粉只係25元..咁就蝕左3元呀...唉~~家人都感到不滿,1:10pm才扲返去換...想換返南瓜雞皇飯點知家人說，ｌｕｎｃｈ餐牌完全＜蚊＞晒下來,d好味的食物款式全部　售罄記得頭先我等外賣，那個好好人的職員哥哥,其實佢都唔知果盒係肉醬意粉黎ｇｅ．．都唔係佢的錯但無得食我想要的南瓜飯啦．．嗚嗚1定1定係廚房做錯野呀,好過份呀之後家人都無奈的回家便繼續食啦,好在仲係熱的幸好錯有錯著,不過真係想不到d肉醬意粉的肉醬有咁多tim呀仲係熱的~意粉又多,d材料又好~仲之質素都無變,真係大盒過pizza hut,仲好好味,好有茄汁味ga而家人果盒海鮮炒意粉,有蟹柳,碎番茄,魚柳,西蘭花的~我地都

牛乳炒蛋~濃郁的牛乳味道呀,好好味,又真係幾有水準的=]意料之外的好味,因為想不到真的有牛乳味道~很新鮮的感覺,而且令到炒蛋有軟滑的感覺呀~正方立體的大大個牛油餐包,中間的牛油SWEET~可能本身個甜餐包也是甜甜的吧~但餐包的底部是lemon汁??!!真的吃到有lemon味...=3=||奇怪呢~ 吃畢這個包,真是很飽~簡簡單單又好吃的火腿通粉,火腿新鮮的,而且湯底都好清,通粉又唔會過軟,很好!!!!!!而且又大大碗~10:20am 星期2早餐時段人流也很多呀...很多單身人士看報紙,很休閒的享用早餐呀,扲食物的bar 工作效率幾高呀^^ 又好有禮貌~~~~

今(20-10-09 Tue)朝同男友食早餐,問佢想去邊o度食,佢答大家樂.啊,咁好吖.o黎到,我o地都揀$21.50o既美式腸仔早餐,我要腸仔,漢堡雞扒,多士同凍奶茶;男友就要腸仔,魚柳,蘿蔔糕同凍奶茶.好,開餐喇.多士唔熱同有啲韌,明顯擺o左幾耐吓.而漢堡雞扒食唔出有咩味,只被啲醬汁蓋過晒,腸仔同男友o既蘿蔔糕唔講啦.而魚柳唔似係魚柳,反而覺得似雞柳之類.而奶茶水準始終保持住,冇問題.其實咪睇佢份量好似好少咁,但都幾飽肚,又飽到我lunch時都食唔到o野.而男友話貪呢o度配搭多多.

大家樂---鮑絲竹笙小煲翅套餐~配菠蘿生炒骨+白飯+茶日期：2009-09-11在"大家樂"(荃灣昌耀大廈分店)買了"鮑絲竹笙小煲翅套餐~配菠蘿生炒骨+白飯+茶"($39)。1.鮑絲竹笙小煲翅---內有鮑魚絲，竹笙和素翅。湯羹夠稠身，雞味較淡，醬油色澤及鹹味適中。竹笙份量算多，口感軟中帶爽，鮑魚絲少許彈牙，鮑魚味淡。2.菠蘿生炒骨---內有炸肉排、菠蘿、洋蔥、青甜椒、紅辣椒和糖醋醬汁。炸肉排部分外層微脆，肉質略為結實，少許嚡口，鹹味適中。糖醋醬汁酸味較淡，甜味足夠。菠蘿是用新鮮菠蘿而非罐頭菠蘿，香甜多汁。

前幾日，見唔使咁早返學。就黎呢度食早餐。而家呢間大記同以前都係咁多人食早餐，不過都唔係等太耐既。魚柳炒蛋早餐個炒蛋好香奶味，香而不膩。個蛋仲落左小小牛油，令炒蛋滑。而魚柳好新鮮，好有魚味。不過個炸粉落多左，唔係既仲好食架。多士都算幾脆口，不過烘得唔夠膿。哈凍奶茶一向令我好欣賞既，奶同茶既份量好夾。雖然係凍奶茶，但唔會令茶味變淡。真係好正。無糖麥皮綿綿既麥皮真係好食，自已可以加糖食。我覺得麥皮加糖好食，所以下次都係咁食。都幾好既，唔知幾耐無黎過。呢間都坐得幾舒服，又唔會太迫。

今朝(24-6-2009 Wed)都幾趕時間,同發現屋企o既麥片只夠一個人食,就同男友決定o黎大家樂食早餐,貪佢會好快手嘛.由於同男友又唔係太餓,所以叫一個早餐兩份食,佢揸主意叫o左個漢堡雞扒餐,有兩條腸仔,一碗火腿通粉,多士同一杯奶茶,男友亦叫多一杯奶茶畀自己.漢堡雞扒上淋o左鮮茄醬,當我想搵牛油塗多士時,卻發現冇,男友話職員畀o左一兜士多啤梨果醬.都試吓啦.塗好o左後,食落,呢隻凍士多啤梨醬味道幾好喎,清清甜甜咁,又有果肉,好味啊.但我o個半件唔燶o既多士竟然有啲韌.而火腿通粉亦都清清地,湯就梗有少少味精.漢堡雞扒內有啲粟米粒,雞扒都鬆鬆地,OK o既.而腸仔當然冇乜問題.至於奶茶呢,茶味都貼近水準,唔太淡o既.唔知幾錢,我估應該係$30.00o掛.

日期：2009-06-11 在"大家樂"(荃灣昌耀大廈分店)買了"海南功夫雞‧蝦餅‧春卷(配白飯,咖啡)+$1草莓椰汁西米布甸"($35)。由於雞湯蒸飯售罄，所以只能配白飯。在家將蝦餅春卷煎2分鐘翻熱。1.海南功夫雞---雞肉份量較少，幸好是雞翼位置，肉質嫩滑。醬料分別是濃黑醬油、薑蔥蓉和酸辣醬。酸辣醬的酸甜辣味平均，十分惹味。2.蝦餅---吉列外層略硬，不夠脆口。蝦肉份量不多，蝦味足夠。3.春卷---春卷皮厚薄適中，十分香脆。餡料有粉絲和木耳等等，當中混有紅辣椒，味道微辣。4.草莓椰汁西米布甸---其實即是椰汁西米露加入草莓果醬和魚膠。西米份量算多，當中還有少量草莓粒。椰味和草莓味濃，略甜了點。

昨天去做facial前嚟左大家樂,因有兩張10元coupon好耐都未用,一直想用冇機會,咁我就選了最平的飯嚟食,見有一個叫吉列豬扒雞亦煎蛋飯,26.5元,好似幾好咁,就叫了,去到櫃台話冇晒吉列豬扒,問我俾多隻雞亦及條腸仔我好唔好,都ok,但冇得食吉列豬扒囉.碟飯有兩隻雞全亦,一條腸仔,一隻煎蛋及一些配菜,一碗黑椒汁.都幾好呀個賣相.份量都幾多,味道,腸仔係脆皮腸,好味及大條,雞亦都好味,不會太濃,蛋是太陽蛋好味喎.整體都算抵食及好味.仕應都好好服務架,見你拎野食入去都會話歡迎光臨,走又會話多謝,下次再光臨.

廣告成日賣、影到咁靚既冰活藍貝意粉….如果係新鮮既青口,真係會好好食,即管試試。在買走等待之際,發現執枱的阿姐們都非常熱誠地叫歡迎、多謝。更主動說問人客,重唔重,洗唔洗幫手。而家快餐店既服務,好令人賓至如歸呢!講番兜意粉。青口size不像廣告般,整隻青口充滿成個殼,實際細細隻,1.5-2cm左右失望。不過肉質絕對不韌,OK細嫩。小麥製的優質意粉,以微香的香草炒過,不硬不腍,到返屋企,都無被焗到發脹。食到最尾,發現原來好油,啖啖上咀都滴油,幸好那些是橄欖油,不算太油膩。不過我覺得喜歡濃味既人,會嫌佢淡。

都差唔多三個月無黎過呢度食早餐，今日終於可以黎啦。都成九點幾，都仲可以咁多人，真係好野。今次就食蜜糖雞扒早餐。蜜糖雞扒雞皮無我旺中果陣咁脆，但都可以接受既。而雞肉又唔算鞋口，我覺得唔錯啦。不過雞扒起左骨，所以係細塊。炒蛋依然咁好食，都係咁滑，容易入口。蛋味又夠，真係好想食多隻呀。多士都係差小小，始終都係唔夠熱。好彩，色水都唔錯既。牛奶麥皮整得唔錯，有一種綿綿既質感。又唔算太甜，係清清腸胃既首選。凍奶茶依舊咁有水準，奶同茶既份量都好夾。忙裡偷閒間食個早餐，實在係一件快事。無辦法啦，六點鐘先放學，唔食好小小點得呀！

今朝(15-4-2009 Wed)同男友落荃灣食早餐,想去Freshness Burger用Openrice送o既coupon,但執o左,於是都係o黎大家樂啦.男友幫我買$21.50o既楓蜜雞扒,腸仔,多士,熱奶茶早餐,但我要埋通粉就要加$3.00.而男友就要$21.50o既楓蜜雞扒,炒蛋,蘿蔔糕熱檸茶早餐.兩份都拎到o黎,點解我o既雞扒比男友o既細件?而佢o既多汁啲o既?好,算數,因為我有兩條腸仔.食落,雞扒有蜜糖甜味,唔太多,我覺得味道o岩o岩好,而且煎得幾香口,唔錯,但男友仍話甜o左少少.不過腸仔唔香脆,且放涼o左;而多士又唔夠燶同脆.,我見另一個客o既唔係咁o架.而男友o既炒蛋仍保持水準,依然有蛋汁又滑.而蕃茄通粉又好似細碗o左,我同男友share食.我唔多鍾意食佢o既蕃茄湯,好似麻麻地,而原來有火腿通粉o架,下次加都係加呢個.最後竟然連奶茶都失色,今次淡o左啊,但仍好過其他o既,因佢依然有茶味.今次係咪因為有條長長o既人龍所以咁差呢?