大家樂 (昌耀大廈)

營業中

休息中

今朝(26-3-2009 Thur)同男友食早餐,去邊o度食好呢?都係啲集團式o既快餐店啦,畀o左三間男友揀,佢就決定呢間.啊,好吖,橫豎我最鍾意佢o既奶茶.o黎到,我先買o野食,男友去o左搵位,我決定要$21.50o既炒蛋伴蜜糖雞扒餐,飲熱奶茶.買完後去攞o野食,好快執齊o左,不過我前面個學生哥指住我份早餐話唔要多士而要蘿蔔糕,但明明佢o個份(o係我前面o個份),係佢o既,而且已經係蘿蔔糕,奇怪.算吧啦,我又當轉口味,要蘿蔔糕啦.坐低後,男友就買佢o既早餐.我先食雞扒,嘩!好熱呀,又幾脆,但點解好似有少少辣味o既?不過都OK,而炒蛋就有啲蛋汁,亦算滑.至於件蘿蔔糕,出奇地有蘿蔔味,又唔錯喎.而奶茶,依然係咁濃咁好飲.服務:今次我對收銀有啲不滿喇,開頭我諗定o左要咩後,行埋去,當時係冇人龍o既,而兩個收銀o係o度傾o緊偈,我向我右邊肥肥地o既收銀講/唔該’,但畀我o既反應竟然係怒’睥’我,重唔問我要咩添,咁我心諗,唔通佢呢個位係close o既?我就轉過去另一個收銀o度買o野.但之後有個男人o向o個個收銀o度買o野,佢又收喎.我心諗,你冇o野呀?咁都得呀?就因為呢個收銀咁樣,令呢個食評

前日去o左呢間度食飯,叫o左個o架喱海鮮飯,一見到佢個樣已唔多想食,試一淡,除o左有少許辣次外,幾乎食唔到有d咩味,實在太差了.d所謂o既海鮮都係蟹柳,尤魚呀,魚塊同蝦.....冇乜特別,去大家樂,咩都可以食,但o架喱就真係.......

放工後，肚有點餓，可是下午茶的時間已經過去了。男友忽發奇想，說不如去吃大家樂的乳飼牛咖哩，其實待會便要回家晚餐，不過說到吃我當然奉陪啦。六時多抵達，人還不算多，我們只點了一個乳飼牛咖哩加油酥餅(事實上男友已經說了幾天要吃這個餅)share。咦，油酥餅的賣相不是太好，只有小小一塊，吃起來一點也不酥。而且，飯也是散散的，感覺頗差。到咖哩了，汁太少，肉只像普通牛腩，薯仔亦不入味。其實把這個咖哩當成普通的咖哩牛腩，它也可以拿一個笑臉吧。可是如今硬要將它變成不普通，頂多是ok。

尋日呢度食早餐，都係食魚柳配炒蛋，凍奶茶。但今次唔食蕃茄通，反而想食牛奶麥皮。差唔多成九點半先到，但都唔算太多人既。魚柳炒蛋炒蛋都係咁滑，但個份量好似細左喎。而炸魚真係好好食呀，新鮮熱辣又香脆可口，真係好正。而多士就差左啦，就夠啦，但多士只係微暖，麻麻地啦。牛奶麥皮呢間都係預先落左煉奶去煲既，但個味都唔算太甜，算唔錯既。不過下次都係食番蕃茄通好。凍奶茶不嬲都咁好飲，茶又夠濃奶既份量又剛剛好。大記既魚柳係好食過快活既，因為佢地既魚柳係放廚房，等有客先俾佢地。而快活就放個水吧既熱爐到，放度個味點到差。

大家樂, 大快活, 美心.....大家樂都算是經常幫襯既連鎖快餐店, 吃了兩天 $1雞餐, 今天回復平時常規, 早了少少...而午飯沒有吃米飯, 於是選了細叉燒飯 + 奶茶, $20, 六塊叉燒份量不少, 瘦多肥啲啲, 飯有成碗, 好抵食, 下次再食要叫少飯!

今日又可以黎呢度食早餐，本來想食魚柳炒蛋加茄通。但見到有新早餐出，就試下啦。個餐有炒蛋、鮮油餐包及麥皮加埋杯餐飲。炒蛋繼續保持水準，依然炒得咁滑。最正就係陣陣既牛油香，相當美味。鮮油餐包即係個餐包加埋牛油，個包唔算太硬又唔算太淋。我覺得塊牛油好重要，因為無左塊牛油，就只係個好平凡既餐包。呢個感覺就好似食餐菠蘿油，雖然上面係無菠蘿。麥皮呢麥皮係加鮮奶，所以我可以加糖食。我覺覺得咁食會仲好食，因為加煉奶會好甜，但加糖就好。凍奶茶都幾好飲，好小失手既飲品。呢個餐雖然份量細，但都幾飽肚架。

好耐都無黎呢度食早餐啦，去到都係八點幾到，時間尚早。人都唔算太多，所以都好快買到早餐。今次都係食魚柳炒蛋、蕃茄通粉同凍奶茶。魚柳炒蛋都繼續保持水準，魚柳炸得好好，又夠魚味。但我覺得炸粉可以落小，咁樣會仲好食。炒蛋好有牛油香，又唔會炒到過熟，真係好正。多士普通啦，因為唔夠脆，但配上牛油都可以既。蕃茄通粉湯底好清，又好飲。加埋兩包辣椒油簡直係一絕。所以我每次都一定飲哂湯，最緊要既係湯底好健康。凍奶茶從未試過失手，奶同茶既份量好夾。令我愛上佢，每次都一定飲凍奶茶。好耐都未食過呢度既早餐，一定會再去啊。

今日(5-2-09Thur)7:10am同男友o黎到食早餐,我揀o左$20.00o既炒蛋蕃茄雞肉漢堡扒多士同熱奶茶,男友加$3.00要埋蕃茄通粉.佢就要$21.50o既蜜糖雞扒炒蛋多士同熱奶茶.時間尚早,冇咩人,有好多位,而餐都好快有得攞.各樣o野份量唔多.炒蛋裡面加o左好細粒o既蔥花,好靚,而炒蛋好滑,好味.但雞肉漢堡扒就唔係幾OK,只有蕃茄醬味,扒裡面有粟米同青豆.而多士都OK,唔燶,o岩o岩好.試吓通粉,通粉o既湯帶少少酸,通粉又唔腍,麻麻地.熱奶茶真係咁多間連鎖式快餐店之冠,茶味適中.環境:原先以為靠窗o既位會好迫,但原來唔係,唔會同後面o既客人椅撞椅.唔錯.

前日(16-1-2009Fri)同家人上完香返屋企,大嫂一早話食盤菜做晚飯,佢訂o左10-12人o既盤菜.我o地打開佢睇吓,有:1.原隻鮑魚呢個OK o既,口感唔係太煙韌.2-3.燒鴨,雞呢兩個都OK4.豆腐包做成個袋仔咁,裡面有雜菜魚肉,味道OK.5.栗子唔係好多,但甜同腍晒.6-9. 有好多o既豬皮,蘿蔔,蓮藕同芋頭,都好入味.一般o既有:10-16. 鮮蝦,冬菇,蠔豉,腐皮,魷魚,西蘭花.鮑魚菇17-18. 原粒瑤柱,鴨腳唔夠腍.汁有好香濃o既八角味,要o黎送飯一流.但原來原價要$556.00好貴,大嫂有折都要$491.00,唔係幾抵.

都係咁好飲。我今日照樣去呢度食早餐，但想轉下口味。今日要烤雞扒、炒蛋加茄通。飲品當然係凍奶茶啦。今日我遲左兩個字來度，就要排左陣先買到早餐。去到水吧，都要等耐點啦，但都唔係太耐。而家講下個早餐啦。但下次都係搭早一班車過來食啦。蜜糖烤雞扒：個皮好脆，好食呀。仲有一陣陣既蜜味，真係唔錯。唔似得大快活既咁單調。但都係細塊左D啦。炒蛋，都係咁好食。多士，今日就差點啦，雖然都幾脆，但就凍哂啦。麻麻啦。蕃茄通都保持水準，加兩包辣油更顯惹味。凍奶茶都係咁好飲。不過下次都係食番魚柳，始終個份量都大點。

今日天氣好好,我和老公都PLAN好,今日去城門水塘郊遊,我就第一次去~~~諗唔到好咩好,又要近小巴站,所以都係去大家樂食,LUNCH TIME竟然唔洗搵位,入到去好多位,可能經濟問題,寧願少出街食,不過我地都係兩個人食一個餐,因為剛訓醒,第一餐唔係食得好多城門水塘之前咖哩牛腩飯+凍奶茶老公最梗要飲杯凍奶茶,大家樂既奶茶一直都不錯.有好多舊牛腩,好林呀,又有薯仔,老公話咖哩汁比較辣,有點嗆,我就用咖哩拌飯一流,配菜係白灼,加上咖哩汁就好好味喇~~~食飽飽出發啦!!3個小時後.....................我地已經十級攰,又上山落山,又好肚餓,馬上坐小巴返荃灣,剛好係千色店落車,不如又上去大家樂食個下午茶餐,坐一陣抖抖先~~~@_@'唔想再諗去邊度食,又唔想再行,所以又去多次大家樂喇!!城門水塘之後西多雞亦+牛奶麥皮餐我地都係兩個人食一個餐(要留肚食晚飯),每樣都食小小,我至喜歡既牛奶麥皮,好好味,唔會好甜,有小小咬口,奶味夠!!老公就唔多欣賞,他至喜歡食西多雞亦,雖然西多士唔多熱,最梗要有糖槳,雞亦好快就食晒,不過仲未飽.要坐多一陣,要回一回氣,之後我再去食車仔麵先~~~

禮拜四早D起身去食早餐，又係例牌既魚柳加炒蛋同埋加個蕃茄肉碎通，再加埋杯凍奶茶，簡直係完美。去到收銀到，個收銀好有禮貌。之後過到去水吧，個經理唔小心將杯熱奶茶放左落我個tray到。好彩佢最後都知道，換番杯凍奶茶。可以開餐啦，D魚柳既粉落得剛剛好，肉質ok啦。炒蛋一向都咁滑，個通粉都唔錯啦。加兩包辣椒油就更惹味啦。最後杯凍奶茶都係咁好飲，奶同甜度都好夾。呢間大家樂真係唔錯，又有街景望下，而且個環境好光猛。另外，佢地都好主動去幫老人家，會叫佢地坐低，之後會有專人送野食俾佢。就算係大快活、美心都唔會做得咁主動。 呢樣係我對大家樂最有好感既地方，就算大家樂加價，我都會繼續係大家樂開飯。p.s.張相既右上角有個tray，唔知點解D樓面行過幾次都唔收左佢。結果，個tray係我食完早餐之後都仲係度。

見咁耐無去大家樂食早餐今朝同朋友去我叫左奄列早餐有2塊麥包,茄汁豆,火腿奄列麥包都係微暖,不過都唔錯茄汁豆係來貨.火腿奄列最值得讚!因為火腿料好多而且蛋汁足夠.唔會煎得過老朋友既鮮奶炒蛋早餐都正以為既炒蛋細細塊.今日有成個碟咁大. 多士比以前厚左3倍以前係薄薄既一塊大家樂比以前進步左好多不過唔進步又何來競爭?

我寫既係荃灣廣場地庫新店! 自從快餐店改革, 佢都唔例外! 今日第一日就黎幫襯...我叫左個蒸雞套餐, $34, 連煲既牛湯...肉好腍, 真係無味精, 不過淡左少少, 菜就太腍, 不過勝在唔油! 個糙米飯都好大碗...食唔哂! 老公叫左個中式套餐, 西蘭花炒龍柳, 油左少少...蒸飯好啲! 我見啲員工好有禮貌, 希望可以做得住, 似番啲香港式快餐店!

大家樂（晚餐)同朋友黎食，每人都要左個新既鐵板餐。我選頭盤－焗田螺﹑焗酥皮海鮮湯﹑龍利柳併南瓜雞肉串配焗薯；朋友選甜品－香蕉船﹑焗酥皮海鮮湯﹑燒春雞併腸配焗薯總的來說佢係一個大件夾抵食既餐，除左本身唔食香蕉同埋個焗薯冇味之外，整個餐既肉呀菜呀都幾好食我下次會去試其他款式添！