大家樂

營業中

休息中

大家樂午餐洋蔥豬扒飯．熱檸水 $38一哥焗豬扒飯．凍奶茶 $52雞扒嘅Size唔大，但沒有雪藏味..可惜食得出腌料頗重不過都可接受嘅...現今世代嚟講lunch唔超過四十蚊，我覺得都算係咁...一哥焗豬扒飯，其實我覺得大家樂嘅一哥焗豬扒飯係非常出色嘅，基本上同酒店或者一啲高級餐廳食嘅都無太大嘅分別（如果你食到佢啱啱焗起嘅話）。豬扒份量適中，加配必須的蛋炒飯底，撈埋酸甜開胃嘅番茄汁，一個字形容...掂！！

天寒地凍就最啱打邊爐， 但係兩個人又唔想整一餐，所以就去咗屋企附近嘅大家樂。 唔知係咪因為多人打邊爐關係，出现手不足。 其實以為一個火鍋係好少，但其實食落嘅時候。就會覺得份量好足夠， 唯一就係如果兩個人要食火鍋，二人枱真係好逼夾， 完全係唔夠位放啲食物

早上到大家樂享用早餐，早上只有一個收銀員，人工也很長，用了支付寶， $10折扣，但是等了差不多15分鐘，才能夠進食，人手好像有點不足，食物水準是可以接受的，只是等候時間太長。

相信都好多人會試過一個人去快餐店食飯我自己又何嘗唔係呀! 今晚要返學, 黎到呢度想食返d好少少既野最安全就係肉醬意粉好多時都會覺得呢d快餐店做果個肉醬係最好味! 估唔到...真係比我估中!!!(食食下自記得自己又唔記得左影相, 唯有影返個食左少少既樣比大家睇下....)肉醬個汁無疑係做得幾好的! 味道濃之餘仲有好多肉碎嫁!肉醬份量都幾多, 真係可以食到啖啖意粉都有肉醬, 而意粉亦都唔差, 唔會煮得太林食落去仲keep到有一定口感, 整體而言都唔錯嫁!不過d菜就煮得林左d, 所以食左少少就冇食有時雖然係食呢d連鎖快餐店, 不過都依然會比到我驚喜! 所以快餐店都唔一定難食嫁~~~~

今天下午去買兩個pizza餐外賣，佢地又比漏野我，我個pizza餐又跟少咗個咖哩角，次次買親到會比漏野，兩個餐包埋一袋，上面那盒就有跟咖哩角，下面那盒的咖哩角又不翼而飛，好失望，差不多次次都執漏。

由於好耐冇食過焗飯既原故,今日放假就決定食番次,一諗到邊到有焗飯食就好快諗起最平民既大家樂 - 一哥焗豬扒飯啦! 雖然衣個一哥焗豬扒飯已經出左好多年.但係老實講,小編覺得咁多年黎係大家樂入面最好食既都係佢~ 耐唔耐食番次其實都真係覺得幾好食! 由於個飯係焗出黎,所以D茄汁都好滲入到去塊豬扒到,而D 焗左既蓄茄汁連埋D有旦絲既飯都真係好夾到,唯一覺得美中不足既係..如果D茄汁可以再多D就好啦~因為每次食都覺得D茄汁唔夠送飯~

今日又落咗大家樂食晚飯，日日食飯冇乜新意。今次就揀咗食個牛扒鐵板配意粉。牛扒都幾大塊，而且肉質都嫩滑，不過我就覺得佢既筋多咗啲囉。意粉唔算太林，陪上加上黑椒汁味道都唔錯，個鐵板仲有好多豆角同蕃茄，感覺上好似健康啲。一個鐵板50幾蚊其實都幾平，速食快餐係大家嘅選擇嚟嘅。

如果吾係屋企裝潢都真係吾會落街食...大家樂,我淨係諗到焗肉醬意粉,然而佢8點已經賣曬!!omg!!!唯有食四寶飯...燒味飯夜晚冇咩人食,吾洗得,買完票就可以去拎.等左10分鐘左右,拎得.d飯熱騰騰~有蒸氣~好"新鮮"//我都幾鐘意大家樂d飯係一粒還一粒(粒粒分明因為有時酒樓d飯都會有點太濕,我鐘意乾身少少的飯.硬得黎當然又吾可以好似食飯焦咁啦,so far食左咁多次大家樂都覺得佢地d米飯係ok ge.燒味方面,好細件...d雞翼好細隻...一啖冇左.一隻好瘦ge翼同一隻好瘦ge雞槌,鼓油味係夠ge,塊皮有味,d肉就,因為太少,食完都吾覺得自己食左...叉燒我覺得係好味ge,冇我吾鐘意ge肥位,好瘦的叉燒~味道都好味,同埋叉燒d肉都吾會係黑黑實實,算新鮮啦?紅腸其實當做燒味都真係...隻蛋我每次都吾食.d菜凍的,吾係咁開心,如果佢地係熱的會比較好.菜都爽口,,一餐飯無論點都應該要有菜!母親的飯:聽講個湯比較咸,d花生好好味!下面衣個係炸豆腐,外脆內軟~父親的飯:我偷左一件雞黎食,都幾好,好過我四寶飯ge雞.