大家食

營業中

休息中

我就向來都係粉麵愛好者貪佢又平又抵食又飽肚 營養價值亦較高😝而平靚正嘅粉麵亦正正代表香港基層嘅生活寫照 起步於平民區深水埗嘅 #大家食 係真正嘅本土品牌自1998年成立 陪伴住一代又一代香港人成長相信大家對金槍人呂先生嘅大名 一定唔會陌生佢哋堅持每日新鮮製作手攪麵同削搖麵20幾年來絕少加價 今日依然用30幾蚊就可以食到一碗麵 真係打工仔同學生嘅恩物❣️******************************🍜村村住家鍋麵 呢款湯麵已經包一款餸菜 有成30幾款任君選擇配料有齊紫菜、海帶、雜菜同韭菜麵底當然就必點招牌手攪麵啦🥰每日都新鮮製成 誠意十足㗎麵質比食開嘅米線幼細 但就更香口同彈牙 仲好索汁添❣️湯底揀咗麻辣湯少辣 味道幾開胃 唔算太辣我哋另外再加配咗幾款餸菜 成碗麵非常豐富呀😆男朋友話一定要試呢度嘅咸腩肉 肥瘦分明 份量仲好多而海膽蟹籽丸較為罕見 一啖咬落去 爆晒餡好juicy😝仲有豬油渣同滑滑麻辣雞翼尖 食完真係超滿足呀❣️🥢皇牌炸醬撈麵 食完湯麵緊係要試埋佢哋嘅皇牌撈麵同樣揀咗佢哋招牌嘅手攪麵麵條特別掛汁 令每條麵條都有適當嘅調味配料有炸醬、花生、芽菜同青瓜絲撈埋一齊食 味道啱

大家見面大家食，最近大家食J悄悄換上新餐牌和新碗，又係時候嚟encore自選百搭麵配一餸只是$35起，尤其在晚市時段可說是抗通脹之選。可選配餸多達30多款，選擇困難下叫左「魚腐蕃茄蛋湯底手攪面」($39)蕃茄蛋湯一如以往超足料，有一件又一件嘅大蕃茄肉和蛋花，唔係平時一般餐廳的茄湯只有蕃茄衣。隨湯底仲有紅蘿蔔粒和粟米粒，似健康的住家餐。手攪麵係自家製麵條，方形麵條較米線掛湯，比米線淋少少，易咬得黎又有少少彈牙。魚腐都好大方畀夠五粒，值得一讚大家食嘅魚腐係實心，唔會好似咬空氣咁。食到飽一飽，下次又黎大家食面見大家。

三十幾蚊一碗麵配一個餸價錢真係幾抵食麵條就有最廣為人知嘅削搖面同埋手攪麵削搖面類似係闊嘅刀削麵掛湯有咬口大家食嘅清湯通常會配幾件蘿蔔幾清甜不過今次想食重口啲叫咗麻辣中辣冇嚟一睇成個碗唔同咗樣個碗印有大家食嘅招牌金句幾過癮叫咗份普通雞肉， 足料到鋪滿成個碗呢個價錢喺連鎖店嚟講真係好抵食配料湯底麵條三者兼備嘅平價麵店平時食開雞翼尖， 又大隻又入味大家一定要試下雖然裝修就普普通通但旺角店喺咁多間分店嚟講都算坐得闊落

手攪面面質不錯，因為第一次食呢種面，同台灣拌麵有啲不同，呢個有咬口好多🙌🏻，就算外賣都唔會好林🤣；炸醬食得出係自家制，肉粒有肥有瘦😃；花生🥜係有烘/炸過，所以好香口；青瓜🥒會令口感帶一絲絲爽口同去油膩；辣菜圃係神來之筆，加左成個面野味非凡👍🏻，而且$1，抵到爛🤭滷水雞翼就普通，有保留完整性，唔會爛😬雞翼外皮雖然好夠味，但略微唔夠入味，肚翼的肉仲有浸雪藏定豬肉的味🤔，但$11/3隻好抵😂

下次不會再在放工之前叫外賣啦，阻住人地廚房收工囉，次次叫到外賣都比錯野，上次湯底比錯，呢次叫左小食，狀元骨變左🐷扒，失望嗮。打電話過去投訴，個阿姐都冇咩表示，淨係話唔好意思。然後又話，敢點啊，廚房收左工咯

呢間係朋友介紹先第一次食如果唔係佢帶我食平時嘅我 應該唔會係首選食嘅餐廳一坐底朋友就係咁心心念念話嗌 過山雞 HKD21 我一試左又真係幾好食 真係必嗌 佢煮出黎嘅雞好嫩 一D都唔鞋 而且份量很多啱晒嗌黎同朋友/ 家人Share 食另外 仲試左 皇牌炸醬撈麵 HKD35 上菜個時以為佢好細碟 點知食食下同frd吹下水 就食左一碟佢個麵質好有咬口，炸醬嘅味都調得唔錯~朋友嗌嘅 涼拌雞絲撈麵(少辣) HKD39 哇  佢個少辣都好辣 大家要睇著睇嗌辣度！而且有成座山咁多 好抵食味道都好好

十幾年前我好中意，後來食米線多啲，所以都寧願食譚仔都冇再去過大家食。今次本身想食天星，但係多人到黐線，諗起好多年冇食大家食就過嚟試吓啦。*********************都係叫返一樣，我以前都淨係會叫麻辣牛肉手攪面，印象中以前唔係咁樣揀餸，賣10幾蚊一碗，而家已經30幾蚊了，菜圃仲要加一蚊。🥺*********************佢個牛肉真係好好食，同其他食店嗰啲完全唔一樣，唔係滑牛又唔係肥牛，似鮮牛肉但又好淋好入味，非常神奇！*********************當譚仔/ 茶餐廳質素越嚟越差，大家食都仲係保持水準，味道始終如一，而且三十零蚊其實唔貴…可能以後會多啲嚟😆*********************啲阿姐幾細心，見我坐得好迫仲幫我移開啲膠板!

以前嘅大家食，每次嗌親都吃唔曬，最中意都係米線或者刀削面🍜而且真係好味到連湯都想飲曬。但宜家就係乜都縮水埋，乜配菜都另外加錢價錢又貴佐，服務員身體🈶好大體味影響食慾喔。

鍾意食煎炸嘢嘅一定唔可以錯過！！過山雞必叫（煎到鹹鹹香香啱啱好）料又好多食米線送埋菜脯，不過唔太鍾意食酸嘅朋友可以叫米線小酸。（呢間米線嘅酸度對我來講啱啱好，但係屋企人就覺得有d酸）食飯嘅時候中途走開咗，翻返嚟嘅時候米線湯已經乾晒，呢度嘅員工好主動貼心咁送上一碗清湯🥹🥹 （呢件事真係要盛讚，真係唔會有人留意到呢樣嘢，同枱都冇為意到，但係呢度嘅員工居然可以主動發現到，真係好sweet。食咗咁多次都冇上嚟讚過，就係因為今次，一定要讚吓！！）四個人埋單$211，個個都食得好飽😌😌，抵呀👍

本身滿心期待食好多年冇食既米線，坐低已經發現旁邊牆上有生猛曱甴走黎走去再望望後面地下 有一攤曱甴藥係到exactly係我後面食桌既下方心諗一次半次食左佢就算點知食到中途突然黎左1男1女操大陸話坐正我對面完全冇任何間板一坐低就除口罩 係咁講野 痴線 完全俾唔到反應 碗野已經全部係條八婆既口水我就即刻衝去埋單我同收銀果位先生講疫情其間你有乜可能任由啲三唔識七既人坐埋一枱仲要打對面佢呆左望住我3,4秒就話我地有間板我話：你地冇呀 坐正我對面除口罩呀然後佢唔望我唔出聲搞到我扯哂火一定唔會再食你幾好食都冇用啦 衞生又差 員工態度惡劣仲要有啲豬大腸係酸既☻☻

入到去大家食，顧客嘅年齡層都相當廣泛，有後生仔、有一家大細、有中年嘅叔叔，再望一望價錢，簡直係窮人恩物🥺 入邊係採取剔紙仔嘅落單方式，而張傳單嘅設計、顏色配搭都相當土炮，帶出土味特色，而當中我最鍾意就係佢個企牌"大家見面大家食，大家食麵見大家，大家食見" 即刻睇得出佢嘅文學造詣之餘，仲感受到愉悅既氣氛🥰淨係食個環境都抵啊自選粉麵$21 + 蕃茄湯 $4 配菜：過山雞 +$10一嚟到大大碗嘅粉麵果然貼合大家食嘅親民形象，再睇一睇茄湯嘅色水，本身有啲擔心茄味唔夠，點知唔單止茄味好濃，過山雞事先有煎過，食得出好香而且數量都幾多。至於麵底揀咗較少見既削搖麵，麵質口感煙靭，整體味道好食過坊間大部分茶餐廳涼拌雞絲麵 $37喺menu 張紙仔到見到佢好貼心地列晒入邊有嘅配料，包括：雞絲、芽菜、青瓜絲、花生、芝麻、仲有我最憎食嘅芫荽，所以喺落單嗰陣可以大叫走茜THX🥺 加分加分。而佢最貼心嘅位係呢一款冷麵竟然可以轉為暖食🥰，令唔同年齡層既大家食J食得好開心😘呢一款麵既味道有啲似平時麻辣手撕雞再加麵，麵底我揀咗手撈麵，口感較為軟身、麵質較圓。相比削搖麵我更鐘意呢一款🥰 總結：本身見到呢個價錢同埋裝修其

由細到大我都好鍾意食米線，而除咗譚仔之外，大家食都算係一間我幾鍾意食嘅米線專門店。主要鍾意佢哋嘅過山雞，個人感覺佢嘅口味就好似雞煲煮法嘅雞，而且佢哋另外有手攪麵同刀削麵，可以唔使揀米線，我個人覺得佢哋嘅手攪麵相比米線同刀削麵面更加好食，因為比較有咬口同彈牙。一如既往佢哋嘅火山雞米線配酸辣湯底我係更濃郁好食，但係今次食完之後真係幾口渴，明顯感覺到係幾重味精。而另外我地點嘅刀削麵就一般般，主要太大塊令到麵底唔太入味，比較淡，都係比較米線同手攪麵會好食啲，不過未試過所以試吓新野啦。另外有點佢哋一款小食涼拌雞翼尖，食咗一隻發現酸左變咗，但店員都好快幫我哋取消咗個訂單。

話說之前睇開YouTube，有唔同嘅YouTuber都有介紹過呢一間大家食～有一日出到旺角，諗唔起食啲咩，行吓行吓就黎到大家食門口，結果就將錯就錯入咗嚟食啦😍-我叫咗佢嘅三餸麵2，有雞翼、過山雞同埋豬油渣🙈🙈而朋友就試咗佢嘅滷水大腸、狀元骨🥳好多餸嘅名都好特別啊🤩上菜嘅時候，炸雞翼同埋狀元骨都係分開上嘅，咁就唔會浸到淋左😻我叫咗酸辣湯底，湯底嘅味道都好濃郁，一啖手攪麵一啖湯，又幾好食呀😍手搞面嘅口感好煙韌，喺出面食唔到嘅口感黎🥳同埋佢每一個餸都好高質，絕對唔會因為價錢平而馬虎🙈唔怪得知咁多人推介啦～

終於食到久仰大名嘅大家食(j) ！之前成日喺網上面睇到老闆嘅meme，唔知道點解咁出名，於是抱住獵奇心態去試下佢咩料，大家食飲食集團令我諗起大家樂飲食集團（笑）嗌咗個村村住家鍋麵（用老闆疊字名做菜名真係好有signature 🤣），餸就揀咗滷大腸，加4蚊整個蕃茄蛋湯底。嚟到見到真係用一個煲裝住，啲刀削麵質感ok，如果可以煙韌啲就更好，湯入面有青椒、洋葱，下欄嘢都畀佢整到咁fit個麵，係好嘢嚟。同埋份量都多，用42蚊食到抵啦，會再試佢其他分店，簡直係窮人恩物。

「大家見面大家食，大家食麵見大家。」，聽說大家食就快換新logo，今次我哋兩個就襯住"金槍人"老闆頭標誌未換之前嚟「大家食」旺角分店試吓味道J唔J得過啦。😝今次我哋叫咗兩款麵🍜第一款係「番茄湯手攪麵 配 牛腩蘿蔔/過山雞🐔」。 色澤金黃嘅過山雞肉💛，咬落輕微鬆脆嘅雞皮，肉質細膩，加埋濃濃嘅煎油香味配番茄湯底嘅酸甜味🍅非常吸引，牛腩炆得夠淋夠入味，手攪麵爽口彈牙唔會煮過龍，咁嘅價錢食如斯質素💕，真係抵到爛🤤。第二款係「麻辣削搖麵🔥 配 牛肚/炸雞翼🐥」。為咗遷就非常“食得辣嘅我”🙋‍♂️，所以我哋就揀咗~小辣~，食落唔太辣，有輕微麻辣香😋，湯底味道唔錯，骨湯加咗腩汁令味道非常濃郁🤤，削搖麵類似刀削麵，但麵身夠薄易夾👍，牛肚一樣非常入味，炸雞翼炸得通透鬆脆冇過火🐣。最後😈仲有個隱藏boss，就係附送嘅辣菜脯，辣得香口又過癮，正😝🔥（想試嘅朋友記得要剔✅紙上空格呀～）