大家食

營業中

休息中

食左個番茄牛肉面一般咁啦味道都ok的但碗面好細d牛肉又少...食完都好似欠d野咁

炸雲吞($10/5粒) 抵!--好脆又香口，Yummy!!!

上完堂再食嘢, 叫左炸魚腐手攪麵, $15幾大碗, 炸魚腐薄薄一片, 魚香唔夠香, 炸得幾油, 手攪麵貌似公仔麵, 質感煙韌有些似上海麵.

本黎想去食車仔麵,但太多人,維記,譚仔如是,見呢度人少,就入去食...點了牛腩蘿蔔水餃手攪麵...腍腍的牛腩頗為入味,蘿蔔無渣清甜,水餃菜肉份量均勻,不過肉係肥肉多,手攪麵則沒有應有的彈牙,而係被湯浸得腍腍,而湯就很多油...服務方面就麻麻了,店員全為內地人,有大陸口音,對客人粗聲粗氣,店員間你話我,我話你咁...地方都唔係咁乾淨,檯面上仍見到之前客人掉下的飯,地面也是有點油淋淋...見到店員攪下攪下部機,攪d手攪麵出黎幾得意...不過下次還是會試削搖麵...

外賣番茄蛋牛手攪面,湯同面分開上,甚為欣賞!湯底酸酸甜甜夠醒胃,牛肉得三四少片,好在唔好牛,唔志在,撈埋d類似酸菜粒食,番茄仲一舊舊,正,但唔明點解d手攪面黏埋一舊,加完湯之後諗住揚番開,點知碎晒,完全感受唔到之前d網友所講的彈牙囉,外賣無罪,點解?笑面係俾個湯底同酸菜粒

My friends recommened this to me so many time and said the noodles are quite special. So when we sat down, i ordered one tomato beef noodles with dumpings just $19, quite reasonable. noodles really 有咬口, and the soya milk so big only cost $5...great!!!

今日食左呢度既海魚粥..嘩好大碗啊..係兩個人份量海魚唔即係乜魚，但幾甜幾好味喎d粥都好有味仲有原來擺係隔離個d冬菜同埋辣菜甫都好好味的啊好鍾意黎呢度食飯呢

每次黎深水埗做野都會食呢間今次叫左賽狗肉刀削麵經過門口報紙的介紹後，才知道其實那是豬肉有d肥肉，幾好食幾入味不過刀削麵麻麻太厚太un對呢間野始終情有獨鍾點都要比個笑佢

同家姐二個人去食~可能係閒日~人不是太多~點了一個蕃茄牛肉手姣麵~味道是可以的~豆漿冇乜味~溝水的我覺得~但係好底~我地二個人只食左40蚊~10個化算~環境夠光~唔太污穢~

今日黎開呢頭做野嘛，自己一個人黎左呢度食lunch，叫左呢個茄旦牛肉刀削麵，真係幾好食，好多料，d麵老實講唔係太特別，不過都ok既少少煙煙靭靭咁囉！十四蚊一碗好扺呀！食完個人好暖好滿足！

兩點幾去到, 好多人.雖然好似無位咁, 入面伙計一見到有人想入去就猛咁話"入入, 有位呀有位呀"咁樣.最終要企係好迫舖頭入面等人走先有位. 搞到我好似迫人快d 走咁.叫麵, $12一碗, 對質素無咩要求. 以前都試過, 今次味道都唔例外, 只係一般, 而且一d 都唔大碗, 其實食完都唔算係好飽, 但d手攪麵韌韌地, 間唔中食下都可以. 麵, 少少辣, 不過就唔係四川正宗隻味lor.最弊係, 趕時間我, 以為呢度可以快d填肚, 點知, 見到隔里轉兩客我碗麵都未!追幾次都無人理!等半個鐘都有, 差d想cancel order 想走ga la,真係好激氣!仲要見到d伙計拎住d麵周圍問邊個叫xx麵, 邊個叫菜心咁樣, 好多客又不停追單...唉...好混亂呀!!下次仲邊咁幫襯呀!

午飯時間, 唔算太多人, 叫左番茄牛肉面,($12), 味道好好, d面又滑, 一絕!!提一提, 加水餃($5)有3, 4隻, 超抵~ 皮薄肉正, 而且仲係d亞姐即場包, good~仲有: 有"呂先生" 既人頭好似先係正貨, d味都確實唔同d~~~ 足料d~~

同老婆去開深水埗，下午茶時間有d餓，就行過黎搵食。之前睇過openrice，所以特登叫個茄牛蛋削搖面試下。茄加牛真係最佳配拾，茄味不是特濃，但幾鮮味，連湯都飲晒，面亦有咬口。只嫌牛肉少d。老婆叫担担手攪面。我試左少少，花生味濃，老婆話d面就好食，但個醬太多油喎。但食到飽飽，埋單都係$24，乎覆何求？順帶一提，店內環境睇落幾乾淨，但太多人食煙。希望1月1號早d到。

星期天晚上,到高登看電腦;也順道在深水吃飯~帶著男友去試譚仔,怎料人太多沒位;男友說我們已在尖沙咀試過,便換地方。到了對面的大家食,我被那穿迷彩制服的店員引得發笑。幸好不是太肚餓,便和男友試試吧~店內陳設/裝修簡陋,食客們都看著牆上的大電視。餐牌上的手攪麵和削搖麵都頗特別,我點了以下的食物:特色串燒$6/串- 我點了豬和牛肉,那特色是新疆香料,好像在吃羊肉。可惜,我不喜歡食羊。四川擔擔手攪麵$12 - 湯底香濃,花生味重,個人認為配手攪麵較好。四川擔擔削搖麵$12 - 是男友後加的,因他較愛削搖麵的質地,亦愛擔擔麵的湯底。酸辣削搖麵$15 - 湯底不及譚仔般酸辣,但上海酸辣湯應有的材料,它都有且份量十足。個人認為配削搖麵也不錯。炸窩貼$10 - 香口。可以當小食一試。豆漿$5 - 一般貨色。油菜$3 - 跟麵只需加$3。均衡飲食之選。埋單才不過$69, 飽飽。可以再去,如果我要去看電腦。

來得大家食既朋友, 都唔期望佢有好好有招呼同環境不過佢既食物仲KEEP到水準, 所以間唔中都會來幫襯茄蛋牛麵$12, 超抵食, 好過食街邊十蚊麵多多聲係有誠意之作另外, 賽狗肉既炆豬肉都, 唔記得幾多錢味道都相當唔錯但有一次多手試左個炸零吞, 超咸理論上係放湯個D雲吞來既只不過煮左連麵一齊食應該就無甘咸淨食就好咸, 而且好油以後都只係食麵好啦