大家食

營業中

休息中

今次叫既係牛展削麵,麵質很煙靭,湯是腩汁,牛味濃!加埋杯凍檸茶,咁又一餐,都唔錯! 個招牌老闆個樣好似李兆基,勁搞笑!

第一次食個陣叫左個貢丸麵,食食下,有隻有八隻腳的蟲漂左上黎,個刻簡直想嘔！我仲要連湯都飲左幾啖！之後我叫佢換過，等陣十分鍾無黎，我地仲同佢講，佢地好懶懶閑咁叫入面整= =第二次，我係陪佢fd食，個時我食左飲，只叫左杯野飲！隔離枱d人又係食食下發現左有隻細甲甴= =哇！真係衛生到佢

而家加咗價，仲要難食過以前好多好多。要了個酸辣削搖面。面身都ok, ng 會大淋。不過個湯同d料超唔得，超搵笨。以前酸辣係真係好似酸辣湯ge 料，e.g. 荀、木耳絲、肉絲etc. 今次食，咩料都無，淨係得酸菜同好辣！豈有此理！真係超搵笨，不如你叫酸辣菜面好過啦！

好耐前吃過,今日經過間舖裝修過.廚房由門口搬去舖後面.換左藍白色牆紙,天花又有一大排光管,門口一部大LCD TV睇落去夠光猛,乾淨企理好多,當堂唔同曬,以前舊舖睇落去又暗又舊一於入去吃返餐.叫左擔擔削搖麵$14腐乳通菜$4凍寧茶$4唔知係咪錯覺,碗麵好似比裝修前細碗左少少,驚唔夠吃,所以上麵時叫多碟菜見佢有得加麻辣,就要中辣啦,不過真係失望,完全唔係麻辣,只係落D辣椒油噤大把,而且中辣一D都唔辣,我唸果度特辣都唔夠潭仔小辣一半噤辣..湯底略嫌唔多夠濃但$14 整體做到噤都算唔錯腐乳通菜$4扺吃,算大碟不過好似太多水如果可以落多少少辣椒,蒜容就VERY GOOD建議兩個人去吃既話,叫一碟都夠凍寧茶$4,以前無凍飲,得罐裝氣水(所以以前唔多去呢度吃野)都係對面潭仔既好飲D,人地仲要係跟餐+$3總評:雖然加左價,一個麵最平都$14,唔再有$10碗面但換黎乾淨企理既環境,都算係噤啦依家好難話裝修唔加價..但一下加到最平都$14好似有點兒.....如果全部麵加少1$,噤就一定可以接受.凍寧茶+$4都係...以噤既水準,+$3就差唔多噤多樣,都係油菜$4最扺食呢間舖有一樣野好,就係多卡位,又少人,

味道都唔錯, but 我食左幾次之後, 已經起碼一年之內唔想再食, 好似有d 悶ge感覺

第一次食油渣麵, 啲油渣味道好似牛肚, 又入味, 唔錯. 衛生情況比想像中理想=)

以前10蚊碗時食過幾次,而家見佢有麻辣,唔想等譚仔於是試下一入去..個地勁油..menu 都係油油地..唉..叫左個生滾牛肉削揺麵加麻辣要中辣上枱,右係有腐竹個d配料, 同譚仔一樣...辣就中辣等於譚仔小辣啦,麻同辣2樣都有, 牛肉不夠多削揺麵佢話即係刀削麵,但佢係機削,條條一樣粗,少少煙um口感...16蚊一碗,份量比不上譚仔,但味道有點似呢度d呀姐不太有禮貌..仲有叫極佢比水你佢都係唔比同埋地方不乾淨,如果住附近既話,外賣也不錯

今日同花老爺做完推拿, 誤打誤撞見門口有咁多明星幫襯過就走入嚟試下. 食物種類都幾多,睇張menu都有d眼花, 可以先選麵,然後再選餸,不過好攪笑所謂'餸' 同車仔麵0既分別不大,最後見有幾張圖特別放得好大好大係豬膶酸辣米線同鹵水豬腸酸辣米線, 就一於試下啦, d呀姐都好爽手,唔夠5分鐘兩碗麵已經呈上, d豬膶好爽,鹵水豬腸好入味, 餸亦好多,有酸菜,肉碎同腐皮, 不過最美中不足係唔夠酸只係得個辣字, 下次再嚟一定要加酸先得

抬部腦去黃金整，又又熱，成條街得呢間鋪頭叫做少人d，快快趣就呢間啦。叫左一個豬腸牛肉水餃手攪，個湯底酸酸甜甜幾開胃，不過可惜唔夠熱，令到碗打左折扣，水餃入面既菜同肉分配均匀，其餘各樣配料都好入味，十幾廿蚊算係咁啦。不過始終都唔知道乜野係手攪，外型似公仔，但比公仔幼d，又無拉果種口感，有機會下次再用心試下。

這評是代暖暖寫的。今日他和一友人去吃，想要一杯水，唔該左人地，人地竟然罵他，話他好唔自己去斟，人地好忙咁話喎。唔明，咩叫侍應，咩叫樓面，對客人粗聲粗氣，罵得人黎都可以有時間幫下客人啦，係嘛。幾平都係假。有得比一千個喊面的話，一定比佢。服務係零分。

叫了一牛展搖削麵先咬了一口,很煙un的感覺.湯汁應是腩肉汁,好味,不斷的灌入肚因以前做過手攬麵,請記著,這些麵的方法,一定不會衛生.

啊！老板真哲导~天气34度，还要员工穿厚厚的迷彩服。戴军帽，店铺冷气不足，员工人手不足。新员工来个走个，工作十二分吃力，表现冷酷无情。天啊！这个香港甚麽资本主义社会，真是－——惨~惨~惨~

上次黎左呢度食個牛腩麵..個d牛腩唔係咁好食..冇乜牛腩味的...個次個麵都唔係咁好食再對上一次黎食個個絕椒肚..d肚好細..麻麻尋日又黎左呢度食.食左餐旦飯..隻旦係我最鍾意的半生熟旦，但係d餐肉唔夠多囉..又唔夠厚不過依然覺得呢間野真係不俗..d野食夠平又好味係最後一次由彩虹去深水做野了..我諗都再冇機會黎呢度食啦

茄蛋牛麵加碟三蚊通菜麵似乎未熟透.中間硬硬地d蛋好碎不過有三個蕃茄切半加返d分(我鐘意食蕃茄)衛生情況大家都知.無謂多講呀姐問我做咩食剩點答?笑兩野俾錢走

水餃手攪麵...d水餃幾特別..裡面d野幾爽...好有自家製feel..總之一句講晒..好味