大山日本料理

營業中

休息中

📍大山日本料理 (旺角)旺角西洋菜南街2W-2X號2樓在繁忙旺角鬧市裏的居酒屋‼️路痴留意假如面向家樂方向 兆萬中心在你右邊只需往左邊抬頭一望 就見到‼️)午市餐牌有拉麵及飯類Set lunch-特盛刺身定食 配壽司飯三文魚, 吞拿魚, 劍魚腩, 油甘魚, 希靈魚, 八瓜魚, 鮮立魚(各2件),帶子(1隻),甘蝦(1隻),蟹棒食材新鮮👍🏾在主餐牌單點🍣 小食 及串燒醬油七味燒左口魚邊壽司 油甘魚腩壽司,劍魚腩壽司,海膽軍艦墨魚咀,枝豆 -劍魚腩壽司😋-海膽軍艦 味甜又新鮮 如果再多啲海膽就好喇🥰-唐揚墨魚咀 熱辣辣夠香口好好食‼️日本岩手直送‼️-鹽燒雞皮串😋燒到脆卜卜👍🏾-照燒雞腎串😋配燒汁 一流-免治雞肉棒串😋配生蛋及醬汁 好食🌟 整體用餐體驗🌟🌟餐廳環境( 4/5):寬敞闊落 舒適
🌟餐廳服務 ( 4/5): QR code落單 方便快捷
🌟食物種類 ( 4/5): 有set lunch或者餐牌主食🌟食物味道 ( 4/5):食材新鮮有水準

今日同老公喺旺角行完街，去咗西洋菜街兆萬中心對面一間樓上舖食日本嘢，估唔到幾有驚喜!餐廳係走日本居酒屋風格，地方好寬敞有安排卡位，坐得舒舒服服！餐牌勁多選擇，有刺身、壽司、鍋物、卷物、炸物、炒菜、串燒等等，總有幾款啱你😋我哋點了以下食物：蒲燒鰻魚飯$98鰻魚食得出是即燒的，微脆微熱、好香口，鰻魚汁配壽司飯底簡直人間美食！同超市買到的鰻魚完全唔同級數，極力推薦大家試吓！燒雞泡魚乾$68 呢個又係冇得輸，燒到少少脆脆地，少少燻黑，未上枱已經香氣撲鼻，配埋沙律醬點來吃，非常美味！三文魚加州卷$68 三文魚好鮮甜，油脂分佈剛好，而且每件三文魚上邊都有蟹籽，好新鮮！卷物大大件，$68有六件，性價比非常高！煎餃子$48 餃子煎到脆卜卜，外脆內軟，又有雪花底，不錯！香草燒雞翼$32 雞翼肉質燒到剛剛好，不會乾身，點埋沙律醬吃，一點也不油膩！天婦羅壽司$22 蝦非常大隻，炸到好乾身酥脆，而且又係即炸，食落口還有點燙口，非常新鮮！巨峰乳酸梳打$28 梅酒梳打$38整體而言，餐廳食物質素非常高，好多食品都係即叫即做，但價錢非常親民！因為老公個肚有少少唔舒服，所以今日冇試到刺身，下次一定會回來再吃😋😋😋

經過樓下門口見到宣傳有啲定食都係58$，咁我就入去試試依間樓上店。店內裝修都有日本特式。我叫左三文魚生丼定食一客。不過三文魚同爭鮮最差果隻一模一樣。飯又無咩味。其實去爭鮮食都差唔多。非常失望。

今日去完花墟便去西洋菜南街大山日本料理吃飯。店有日本居酒居feel，座位舒適，服務不錯。餐牌選擇多，魚生，壽司，拉麵，定食，揚物，串燒，石板燒牛，壽喜燒，鍋物，小食，甜品等，任君選擇，豐儉由人。晚市有大割引，天天不同，正價壽司刺身85折，幾抵食。磯煮鮑魚新鮮好味道，鮑魚一份兩隻，入口鮮甜，軟硬適中，有水準。火炙吞拿魚壽司肥美新鮮，壽司飯夠味道。原條海鳗壽司見到wow一聲。條海鳗好大條，上面有燒汁芝麻，入口香甜肥美柔軟，超值推介。大蝦天婦羅一碟五隻，炸漿香脆，入口不油腻，有水準。火炙黑豚肉拉麵大大碗，好食夾大件，拉麵彈牙，豚骨湯濃郁，料足，有三塊美味叉燒，一隻糖心蛋，粟米，紫菜，木耳等。本來想試下西班牙檸檬啤酒，因為太飽留番下次，今日飲茶就好。今餐吃得好滿意。

大山日本料理 旺角西洋菜南街2W-2X號2樓西洋菜南街 係登打士街交界兆萬中心對面 坐lift上2樓喺附近行完街上嚟食嘢超方便全層都係大山 左三排卡位最有feel小廂房設計 近窗口望到街上人來人往 坐裏面同樣有感 和風味濃厚 昭和風 多日式掛飾畫紙 燈籠 🏮 清酒列陣點少得食物款式好多選擇 午市定食套餐😳價錢ok wor！19:15前落單 刺身 壽司85折！$128 蟹籽海膽炒飯看得見既蟹籽海膽 炒到熱辣辣上嚟 手機影相打個卡即刻將海膽帶子全部撈埋一齊 自己撈先過癮蛋花均勻 珍珠米炒得粒粒分明
$68燒雞泡魚干 * 佐酒小食 記得落少許七味粉 蘸點沙拉醬* 燒到脆脆地 都幾厚肉 燒到3成燻黑👍🏻😳
$26 蟹籽軍艦 $22北寄貝壽司 






今日食呢間地點好方便，係鬧市之中。入面裝修都幾靚，好有氣氛。食物選擇都好多，有卷物，炸物，炒菜呢D都有。叫左個海鮮丼，有三文魚，熟蝦，生蝦，吞拿魚，玉子等等，都幾多料，飯有少少醋味，如果個量再多D就好。三文魚加洲卷賣相好靚仔，每塊三文魚上面都有蟹籽，面上仲有好多沙律醬，飯量岩岩好，唔會太少料又多飯咁樣，一啖一件好滿足。烏冬配胡麻醬都好食，烏冬好彈牙，除左麻醬仲可以簡平時D冷面汁。吉列黑豚上台時仲係熱辣辣，炸得好好，好脆口! 明太子雞翼入面好多料，好似食緊餃子咁，不過都比想像中辣。全程上菜速度都好快，唔洗擔心要等好耐。

大山日本料理🥟🍛🍱🍣📍旺角西洋菜南街2W-2X號2樓今日中午黎到旺角食日本菜，係油麻地站A2出口出會比較近😆行2至3分鐘就到餐廳，餐廳位於兆萬中心對面，好易搵，地點好方便👍店舖裝修好有日本風格，一入到去簡直覺得自己去左日本旅行一樣😆😆安排左坐位後，客人自行掃QR CODE落單，食物選擇都算多🤭🍱🍣🍛🍽黑松露三文魚沙律 🥗 $48有好多三文魚粒，魚粒撈左黑松露醬，味道出奇地好夾👍而且有d沙律菜係底，好新鮮、好Fresh，不過如果份量可以多少少菜就更加好了😆～咖哩吉列豬扒飯🍛🐖 $78吉列豬扒外層炸粉唔厚，切開有6塊，配上甜甜地嘅日式咖哩同日本米飯，真係絕配！！蕎麥冷麵配胡麻醬 $58去日本餐廳必食蕎麥麵🥰蕎麥麵份量好足！好抵食😆而且配埋胡麻醬簡直一流👍好食！！火炙三色卷 $78共有6件（2件火炙三文魚、2件火炙帶子、2件火炙吞拿魚），每一件壽司都好大件，食落充滿魚油，好好食🤭🤭十分推薦👍⭐️⭐️整體嚟講，餐廳位置方便，服務員態度好好，食物上枱速度快，價錢合理親民👍食物質素都唔錯，有機會一定會再同朋友一齊黎食😆

前排天氣凍少左食日本野,宜家天氣又暖番, 食日本野既心又番黎啦!!見到旺角呢間大山日本料理評價唔錯, 夜晚7點半已經FULL HOUSE咁滯, 建議早少少/BOOK定枱!一睇MENU原來真係好抵食, 刺身飯唔洗100蚊都好多選擇, 而且用料都相當唔錯, 係新鮮又甜的, 帶子同三文魚子都相當美味!健康既生活當然要叫番個沙律, 近排愛上左食豆腐沙律, 豆腐既味道配埋芝麻醬係相當夾, 而且沙律菜新鮮, 都只係40幾蚊, 無得輸~卷物我地揀左牛油果卷, 相信係即叫即整的, 飯粒仲帶溫暖, 入面軟殼蟹好香脆不油膩, 牛油果再加添一層幼滑口感, 不錯!天婦羅拼盤份量都好大, 有3隻炸蝦, 而且熱辣辣, 牛肉壽喜燒都好大鍋, 牛肉厚左少少, 不過牛味很重, 唔算肥, 湯底甜美, 加D粉絲相信仲好味~仲叫左份三文魚鰭同炸雞, 三文魚鰭油香十足, 腩位所以淡淡肉, 炸雞都好JUICY香脆, 呢2款送酒都一流~~最後見到芝士蛋糕只係$20一件, 但質素都幾好, 有芝士味而且香滑, 抵食

今日我同阿女都放假，當然要行下街食下嘢啦🥰。行完旺角Aeon，佢話晚飯想食日式嘢🇯🇵，於是係openrice搵到最近嘅一間日式食肆“大山日本料理”😊。店舖裝修得好有日本🇯🇵風格，雖然座位安排得有啲密，但係唔會覺得好逼夾🤗，仲有啲對窗🪟嘅梳化位，不過梳化位就唔多，想坐就可能要早啲去😆。餐牌📔食物款式勁多🫢，有刺身、壽司、卷物、炸物、串燒及鍋物等，真係總有一款啱你😚。咖哩吉列豬扒飯 $78吉列豬扒🐖外層炸粉唔厚而且炸得非常香脆，內裡依然軟腍有肉汁😍，配上甜中帶微辣嘅日式咖哩汁🍛，真係絕配，送飯一流😋。日本A5和牛手打烏冬 $128A5和牛🐂肉軟嫩帶油香，烏冬滑溜煙韌，配上清清地嘅牛味湯底一齊食，perfect 💯。牛肉壽喜鍋 $58壽喜燒鍋配料有牛肉🥩、娃娃菜、豆腐、金菇、芋絲、紅蘿蔔🥕和一隻生雞蛋🥚。壽喜燒湯汁甜甜地，所有食材都吸收咗湯嘅味道，非常好食😋。總括而言，店舖位置非常就腳，食物上枱速度快👍，地方環境乾淨企理，食物價錢合理，質素又好，難怪我走嘅時候差不多爆滿。

今日路過見食評唔差，少許肚餓就想試下，點咗份三色魚生定食，除非魚生不新鮮，正路不會有大問題，點知中伏。飯是凍的，好似食冷飯，劍魚食落有渣的，吞拿魚還未完全解凍就上枱，三文魚不算太鮮味但尚算正常，好彩味噌湯都是熱的，但裡面的昆布點解會有渣，是未完全浸泡就拿去煮所致，真失敗。只有生菜沙律是正常，都算新鮮，甜品沒有驚喜，只是普通一小塊。另外額外點咗杯綠茶鮮奶，不算甜，因為要自己額外加糖，但奶味就唔係好夠，總之不會有下次。

我跟朋友昨天去了旺角，以前家樂商場附近行街。行吓行吓，朋友感到有點餓，所以，就上openrice搵吓附近有咩好野食。經過朋友一輪篩選後，選左呢間“大山日本料理”，就喺兆萬對面。上到去，店舖裝修成日本小店一樣。喺呢度食日本料理，有d日本feel.💖先嚟我至愛💗💗💗，牛肉壽喜煱，足料抵食。再叫四點壽司，刺身有油甘魚，吞拿魚，三文魚，蝦。都好新鮮。👍鹽燒牛舌串燒，燒得啱啱好，唔會過硬。食過第一輪刺身，唔夠喉，再加碼叫多油甘魚壽司，見圖片海膽好正，就叫多個海膽軍艦，同埋嚟食，先會滿足。😋😋😋魚生好新鮮，以呢個價錢，我覺得十分抵食。👍👍👍

前排去完日本意猶未盡, 仲係好想食日本野, 咁岩搵到呢間係旺角既日本野, 好似相當抵食, 即刻約埋朋友黎食飯啦!!雖然係用qr code落單, 不過仲有一本menu比大家睇, 有圖片好方便, 而且圖片既野食仲相當吸引!前菜我地叫左個豆腐沙律, 只係$48, 份量都算幾大份, 豆腐又多, 沙律菜好新鮮, 爽脆, 豆腐都香豆味, 配埋麻醬唔會唔好食既!呢到有相當多款式既魚生飯, 而且價錢仲要超平! 呢碗有帶子/甜蝦/三文魚文同三文魚既飯都只係$128, 如果食粒粒魚生飯只係$78....帶子仲要估唔到咁鮮甜! 仲有3粒咁多!呢個牛油果軟殼蟹卷都係當日既必食, 我相信係即叫即整, 因為入面隻軟殼蟹仲係脆卜卜既, 牛油果既滑溜配埋沙律醬真係好好食! 因為想食d熱野, 朋友叫左個牛肉鍋, 湯底好甜, 牛肉份量都幾多, 同埋有好多菜, 都值得推介!!呢份炸雞又係超級抵食, 只係$48, 但係份量極多, 同埋炸粉好薄, 香脆, 人肉仲有好多肉汁, 又抵又好食!最後仲叫左個冷烏冬, 呢個就不過不失, 不過overall黎講呢到真係性價比超高, 同埋選擇好多, 而且質素好好, 以呢個價錢黎講真係無野投訴

今日想平平地同朋友食日本嘢，我地就揀左旺角呢間大山日本料理👍🏻餐廳環境幾有氣氛，又有日本嘅燈營造柔和嘅格調，座位間隔都好闊落！食物方面叫左三文魚海膽丼、蕎麥麵、黑松露薯條同炸雞🍗上菜速度幾快，手機落單等左六 、七分鐘就已經上到菜 三文魚海膽丼飯 份量嚟講對胃口唔大食嘅人會幾合適👍🏻一個人都夠食。三文魚食落嫩口亦有油香，一碗丼仲有六片，性價比超高🥰海膽份量相對就唔多，但整體來講呢個價錢都對得住質素👍🏻👍🏻黑松露薯條薯角即炸即上，好脆口😍！黑松露醬嘅松露味幾重，好抵食！同朋友都食唔停口唐揚炸雞 一上菜見到好多醬即刻留晒口水🤤份量都幾多，有七至八塊。又係炸得好脆口😋正！蕎麥麵配日本醬油去日本餐廳必點啊🤤🤤份量多質素亦正常！食完已經飽啦😆總括嚟講性價比極高🤤又平食物質素亦唔錯👍🏻值得同朋友一齊食❤️

係旺角睇戲前黎食一食日本菜~呢間餐廳勝在好近戲院而且選擇幾多價錢算平又唔會好多人環境舒適方便傾偈黑松露三文魚沙律黑松露同三文魚一直都係最配個份量算大亦都有好多粒三文魚雙色魚生食魚生幾新鮮可惜比較薄整體飯好多價錢亦都平再叫咗個清手打烏冬食非常清淡適合食齋嘅人😚個三文魚湯又幾唔錯入邊真係有幾舊三文魚而且熱辣辣另外再叫咗一舊三文魚壽司份量都真係細但係價錢係真係平佢而家每一日都做緊一啲特別嘅優惠如果佢去睇戲之前食都幾適合

🍱燒鯖魚定食.👍🏼👍🏼👍🏼- 條鯖魚有佢應有嘅實淨，但唔代表煎得唔夠，因為啲骨全部都軟，吞得唔會插喉嚨，一直都覺得食鯖魚要揀骨好麻煩但呢條完全冇呢個煩惱😍- 條鯖魚無論點唔點汁都好味，加咗檸檬汁好super- 甜品嗰粒抹茶唔知咩（麻糬？）好軟，但唔會死甜.👍🏼👍🏼- 個飯係珍珠米，幾香唔錯，雖然有撈啲魚食，但就咁食都好味- 麵豉湯係正常味，唔算過鹹，裡面有軟軟哋嘅蘿蔔幾好.👍🏼- 菜份量較少，但配埋啲沙律醬係好味嘅.樣樣都好味又飽肚仲要冇收加一，埋單只係$58，CP值好高😍