大山日本料理

營業中

休息中

好耐冇食日本嘢啦，見就腳就喺旺角搵咗間樓上店試試佢~好彩冇中伏，仲好似幾正添！三文魚腩刺身（4片） $68刺身好新鮮，有三文魚嘅鮮味；仲要係厚切，入口即融兼啖啖肉，滿足！大吞拿魚腩壽司 $52終於知咩叫「油脂豐腴」，必須用呢個四字詞嚟形容佢！超柔嫩，好似要同個口融埋一齊咁，貴啲都係有道理，推薦！海膽軍艦 $44呢碟真心抵，2件上，仲要多海膽！入口充滿海膽嘅腥甜味，係海洋嘅氣息呀！帶子壽司 $32帶子好鮮甜，好厚肉，正常發揮，推！油甘魚腩壽司 $20呢款比較有咬勁，較柔韌；魚味較重，但都ok！醬皇燒皇帝蟹棒壽司 $16呢款幾滋味，甜甜地，蟹棒啖啖肉，啲小朋友最鍾意！鹽燒厚切牛舌串 $38因為係鹽燒，所以夠哂惹味，唧幾滴檸檬汁，又清新啲！牛舌好柔軟，好好𡁻！推薦呢度嘅壽司！掃QR Code自助落單

⭐️大山日本料理⭐️📍: 旺角西洋菜南街2W-2X號2樓⏰:12-00nn-11:30pm今日放假同好朋友一齊去做facial relax下，美容師推介我試下呢間樓上居酒屋食日本菜，CP值超高，一於同朋友試下先~🦪室津生蠔 ($38/隻)店員推介我地試下近排當造既室津蠔，生蠔非常肥美，肉質鮮嫩，海水味濃郁😍😍😍🍣鵝肝壽司 ($40)好少見到出面有鵝肝壽司，煎香左既鵝肝油香滲透至壽司飯內，入口即溶既鵝肝好正😌🍣花之戀壽司 ($40)私心推介大家一定要叫花之戀壽司，三文魚好肥美，包住壽司飯好似朵花咁，上面仲有脆卜卜既蟹籽鮮味十足😄😄🥩牛肉壽喜鍋 ($58)食左幾款生野都咁高質又超抵，佢地既熟食都好出色，牛肉壽喜鍋好多肥牛片，湯底鮮甜，有蔬菜做配料吸收哂湯底既精華，食嗰陣將上面既生雞蛋撈埋一齊食就得，好滿足😘😘🍗明太子雞翼 ($48)食左咁多款其實都飽飽地，見到隔離枱叫左明太子雞翼好吸引，口痕又想試下，雞皮煎到好香脆，一咬開見到粉嫩既明太子，鹹香十足👍🏻👍🏻👍🏻

收工同朋友想食日本菜，大山喺旺角，地點又方便就試一試佢啦！我哋叫左黑松露三文魚沙律，黑松露味夠出，三文魚幾正幾新鮮同份量都好多，沙律整體幾好食同開胃喎另外有叫到牛肉壽喜燒，湯底入味夠哂多料，有菜又有爆汁蛋再叫左芝士鰻魚卷，份量超多好食😋另外又有叫燒雞軟骨串同牛舌，牛舌好爽口彈牙，兩樣都好食！牛舌愛好者要試下啦！位置都坐得舒服，晚市都好多人食下次會再試下剌身飯，賣相幾吸引要食日本野下次都會揀依間番啅

平時講開旺角高性價比日本餐廳，就會諗起好平但唔好食嘅餐廳。但今次嚟到呢一間餐廳價格就相對地高少少，但係食物質素就有大大嘅提升，係真正嘅性價比。我哋被安排到坐窗邊望出街景，少咗一份侷促嘅感覺。打開餐牌，種類比較多，叫左刺身拼盤，和牛串燒，牛舌串燒，牛肉壽喜燒，燒三文魚鮫，冷烏冬。整體性食物水平偏高，更上一題嘅係個刺身拼盤上海膽嘅時候都擔心海膽唔新鮮，但我嘅擔心睇嚟多餘，海膽不但正常，亦好鮮甜，好多時候有餐廳刺身拼盤有海膽冇跟紫菜，搞到好難去食用。係一個唔貴嘅價錢喺旺角食一個有質素嘅日本餐廳，我覺得呢間值得翻食。

今日收工遲左，為左補償心靈上嘅缺失，決定去食壽司，開心一下。係旺角搵左呢間大山日本料理，幾抵食。好，坐低睇下有咩好食先。叫左啲單點壽司，壽司色澤光亮，幾新鮮。醬油七味燒左口魚邊壽司，燒完迫左啲油份岀黎，食落油脂感係口，好好味！帶子壽司，好肥美又鮮甜。芥末八爪魚壽司，係我成日會點嘅，芥末果種辣同八爪魚爽，真係好正！明太子雞翼，明太子釀到雞翼脹卜卜，咬落啖啖肉。清酒牛油煮蜆，個份量都好足，輕輕酒味帶岀蜆嘅鮮味。

🌃 餐廳位於旺角樓上舖，新開不久， 與日式和風設計， 木色為主調， 以二至四人枱為主 ， 食客氣氛比較熱鬧， 價格定位屬於平民價。.🐠🐡🐟🦑🐙刺身拼盤(松)💲 248👉 包括 赤蝦兩隻， 吞拿魚三片， 三文魚腩三片， 劍魚腩三片， 海膽半板， 呢個價錢食到咁多樣刺身， cp值幾高， 刺身新鮮同埋都算鮮甜。.🐠🐡🐟🦑🐙極上北海道帶子丼💲 128👉 包括 帶子三隻，赤蝦一隻， 三文魚兩片， 三文魚籽少量， 玉子一片， 帶子大隻肥美， 其他刺身都新鮮，食落幾鮮甜，壽司飯醋嘅比例恰當。.🦪日本室津蠔兩隻💲 78 👉 日本室津蠔size都唔細， 食落都幾爽甜， 有啲海水味。.🍝 手打冷烏冬配日本醬油💲 58👉 手打冷烏冬口感幾彈牙， 仲有一隻鵪鶉蛋可以撈烏冬， 再配以日本醬油， 十分滿足。.🍺 西班牙檸檬啤酒💲 48👉 酒精濃度只有3.2個percent， 啤酒同檸檬果汁嘅比例係6比4， 所以非常易入口， 同埋飲到酸甜嘅檸檬味， 感覺幾開胃。.📍 大山日本料理旺角西洋菜南街2W-2X號2樓.=====================.*此價格只供參考及以當時為準，實際價格或會與本文章有所差異。-

呢間日式餐廳，除左Openrice好評多之餘，就連youtuber都有介紹，見佢地講到好抵好正咁，加上可以喺Openrice book枱咁方便，決定星期五晚試下。餐廳限時90分鐘，但其實我6點半入座，到7點半走果陣都仲有好多位，所以唔知係咪真係會請人離場。樓下有個二拉架，寫住只要係7點半前離座，所有刺身、壽司85%。另外仲有星期五及全日優惠。油甘魚刺身 $68/四切係全餐最好味，魚肉好甜。三文魚刺身 $68/十切 (消費滿$100，以優惠價$68換購)味道一般般，稱唔上鮮甜，亦唔算肥，但勝在厚切。油甘魚腩壽司 $20完全無魚油香，仲衰過上面個刺身😫。醬油七味燒左口魚邊壽司 $18平時自己好中意食火炙左口魚，因為燒過後魚油更香更爆發。可惜，呢個燒得唔夠，魚油未迫出嚟😑。吞拿魚壽司 $24@2件我不嬲都唔食赤身，所以無評價，但友人話唔好味。三文魚腩壽司 $12@1件每一次食壽司有兩件刺身魚，唔好以為好正，感覺似係D頭頭尾尾夾埋做一件壽司，感覺真係好差🙄。三文魚腩係韌架!! 唔滑、無魚香、仲衰過上面個三文魚刺身，中哂伏。牛油果軟殼蟹卷 $78食得出軟殼蟹係新鮮炸出嚟，食果陣仲脆。不過沙律醬落

天氣仲係咁熱，晏晝食Lunch 食乜好，就去食壽司啦，今日出去旺角，去咗呢間大山日本料理，我記得大約一年前我都食過，佢哋啲午餐Set幾抵食，不過今日我呢樣又想食嗰樣又想食，所以冇叫到Set ，今次我覺得食物水準比上次進步，尤其是壽司飯，調味又好又夠鬆軟👍🏻🍱▪️鰻魚卷 $ 68鰻魚卷有成六大件，份量十足，鰻魚片厚肉Juicy ，小飯卷包住蟹柳，玉子，青瓜，灑上芝麻，簡單又好食
🍙▪️蔥吞拿魚腩手卷 $ 38吞拿魚蓉非常肥美，加上碎蔥，脆脆嘅紫菜包住鬆軟壽司飯，好食▪️點咗五件火炙壽司，食材份量大件，食得出是新鮮即叫即灸燒，非常唔錯，特別係左口魚和三文魚燒過之後魚油豐富，入口油脂滿瀉，好肥美
🍣鵝肝壽司 $ 40
🍣醬油七味燒左口魚邊壽司 $ 18
🍣火炙黑松露帶子壽司 $ 22
🍣火炙厚切三文魚腩壽司 $ 22
🍣醬皇燒皇帝蟹棒壽司 $ 16🦀▪️蟹肉忌廉薯餅 $38真係有隻蟹鉗造型，好鬼正，即叫即炸，外層酥脆，內裏忌廉蟹肉非常Creamy ，超正

旺角高CP值日本料理🤍-👀沒有立場資訊-🍱刺身拼盤(松) ($248)有吞拿魚、油甘魚、三文魚腩、海膽、同埋牡丹蝦🫣三文魚腩好鮮甜，充滿油香🤣至於吞拿魚同油甘魚都好新鮮，而且魚肉軟嫩，切得好厚😚牡丹蝦都幾大隻，不過如果多啲蝦膏就會更正🫡最後仲有細細板海膽，可愛得來食落幾香幾鮮甜🤔-🦪室津生蠔 ($78)見到好多人都有叫呢個生蠔，所以我哋都叫咗嚟試吓，食落唔腥幾鮮甜，肉都幾肥美，不過可以再鮮啲同蠔味再出啲😮👅鹽燒厚切牛舌串 ($38)個人覺得呢個真係必試，食落幾軟嫩多汁，而且厚薄適中，幾有牛味🫶🏻擠埋檸檬汁更加帶出個鮮味，同埋冇咁油膩，真係好食！🐔鹽燒雞軟骨串燒 ($38/2)雞軟骨夠脆，而且食落好香口，一樣完全唔油膩，調味亦都適中🙈🐔明太子雞翼 ($48)幾大隻幾足料，明太子嘅味道偏辣，咬落幾多汁😋不過個人覺得雞味同埋鮮味可以再出啲~餐廳嘅地理位置超級方便，就喺兆萬中心對面，係樓上舖頭，位置幾多同埋幾闊落🤣而且裝修幾有日本風味，食物嘅選擇都幾多，而且價錢係真係幾抵！味道 7.5/10服務 7.5/10環境 8/10回頭率 8/10總評 7.75/10☺️人均消費 $248💰-📍大山日本料

➡️食盡旺角之日式 — 大山日本料理————————————————————— 旺角就不嬲多唔同野食，有平有貴，今日就黎食下呢間價錢相宜既日式料理餐廳😁🔸 鰻魚炒飯 $98炒飯上碟熱辣辣， 鰻魚都幾多粒， 飯粒唔會過鹹， 分量適合一個人食做主食，唔錯👍🔸 明太子雞翼 $48明太子雞翼係雞翼入面係包住左d明太子🤔唔知係點樣做到既呢，不過味道幾特別，外皮都燒得幾香 😛🔸 豚肉生薑燒 $58豚肉幾juicy咬落亦都唔鞋， 一樣份量適合一人主食，有跟埋白飯，價錢幾抵食！👍🔸 油甘魚腩壽司 $20薄薄一片唔算太厚，不過勝在味道夠新鮮😀🔸 醬燒皇帝蟹棒壽司 $16大大條蟹棒， 味道正常發揮，幾抵食🤗💭Overall Comments:呢間日式料理價錢喺旺角算係平， 而且留意如果lunch去食嘅話lunch set更加抵唷！🍽食物: 7/10🌌環境: 7/10👔服務: 7/10🎖CP值: 7.5/10

呢間絕對係旺角鬧市隱世性價比高嘅🇯🇵日式居酒屋🍶平民午餐定食🍱而且質素一啲都唔差 拉麵 烏冬🍜壽司🍣刺身 串燒🍢炸物🍤都有 而且個環境都好有日本feel 🎏🎎辛辣黑豚肉烏冬套餐🍜(亦可以選擇拉麵)$62套餐句括三文魚壽司兩件 或 花之戀壽司三件🍣辛辣湯底非常濃郁🌶辣度亦都啱啱好 有啲似出前一丁辛辣豬骨湯嗰個味道 黑豚肉有三至四片半肥瘦剛剛好 仲有一隻流心蛋同埋鳴門卷 烏冬亦都係日本嘅讚岐烏冬好滑身 正👍🏻🤩另外值得特別讚賞就係佢個吉列豬扒🐷好鬆脆而且炸完個豬扒都keep住啲肉汁🤤再加埋個沙律醬 絕配😍💃朋友叫咗個壽司烏冬餐 有10件壽司🍣同埋一碗豚骨湯烏冬 再包埋嘢飲都係$78 去食迴轉壽司都唔止呢個價錢而且質素都好好😋😋

成日行過睇佢樓下個menu 就好想試，今日終於有機會食佢啦😋一上到去真係好似去咗日本咁，好想去旅行啊😭😭😭今日忙咗成日都無點食過野，所以我一個人都叫咗唔少野🙈🙈🙈首先係個海鮮沙律，因為嚟到日式料理餐廳無理由唔食刺身。刺身種類好多同埋完全無雪味👍🏻👍🏻👍🏻👍🏻即叫即炒鰻魚炒飯，個飯偏濕身，好香完全停唔到口，兩三下就俾我清咗👍🏻👍🏻👍🏻雞皮餃子推薦👍🏻👍🏻👍🏻👍🏻外皮炸到好脆，一咬爆哂汁，正！雖然係日式餐廳食芝士蛋糕有點搞笑，但最後點都要有個甜品先完美，好味😋

成個環境嘈到好似打仗咁啱啲侍應係用擲野嘅模式黎執枱同做野，每做一樣野都係要擲到發出一下巨響，兼且服務態度十分惡劣，個個都做到好晦氣，連問佢拎張紙巾都唔應你！食物方面就不過不失，熟食還可以，不過作為一間食日本菜嘅餐廳，竟然最差就係啲壽司同個刺身拼盤，衰過食放題，所謂嘅三文魚腩壽司只係一件好普通嘅三文魚，個刺身拼盤雖然$88唔算貴，但每件細到得2/3隻手指尾嘅長度，真係好伏！唔會有下次，見到都掉頭走！

喺旺角發現咗間抵食居酒屋，地方好大，都差唔多坐滿晒，好多4個一枱嘅朋友或情侶。睇過menu見到價錢唔貴，刺身拼盤最平$108起😮要有埋海膽都係$248，可算係非常抵食。本來見佢哋個特別menu有間八😍點知我遲咗一步叫賣晒😢海膽壽司（$44/2件）油甘魚腩壽司（$20/件）帶子壽司（$32/2件）室津生牡蠣（$78/2隻）冇得食間八轉咗生蠔，大隻creamy三文魚腩刺身（$68/4切）油甘魚刺身（$42/4切）兩樣都好肥美，油甘魚更多咗層甘香，大推。魚生每樣都好新鮮牛油果軟殼蟹卷（$78）大碟抵食明太子雞翼（$48）爆汁雞翼，點埋沙律醬更正。德島雞皮餃子（$58）超級正嘅雞皮餃子，外皮炸到卜卜脆，雞油標出黎，入面係肉餡加少少辣，點埋醋十級美味。和風炸雞（$58）呢碟多人一齊食好抵，成碟燒八爪魚丸咁但係件件都真材實料全雞肉，鋪上面頭嘅沙律醬同紫菜好邪惡，中意食濃味食物嘅朋友啱晒。呢到服務好好，加茶好熱心，出餐快但唔會一次過堆晒上枱，會等你食到差唔多先出，餐廳非常有心做，成餐都食得好開心。

室津生蠔$78 新鮮嘅生蠔真係冇得彈 夠曬鮮 海水味十足 夠肥美 78蚊兩大隻 個人認為好好抵食 平時去蠔吧食蠔六十幾蚊一隻個種都冇佢咁大隻刺身拼盤$248 最鍾意食刺身係厚切形式 實在又滿足嘅口感確實良好 三文魚腩好肥美 好爽口 魚之味香濃 蝦刺身成隻手板咁大 好誇張 油甘魚食落唔醒 真係有種回甘味道 板海膽夠曬新鮮 除咗用鮮甜形容我真係諗唔到啦 哈!牛肉壽喜鍋$58 最鍾意食日式鍋物 個甜豉油湯底真係會令所有食材題味道更昇華 湯底好熱好熱 本身生嘅肥牛浸一浸已經熟曬 浸熟既肥牛特別鮮嫩啲豆腐吸哂湯底嘅精華好入味角切魚生飯$78 兩個人share一碗剛剛好 份量十足 切割魚生堆到成座山咁高 啖啖都有魚生 確實係正嘅鐵板牛油帶子$78 帶子粒粒都好大粒 夠肥美 用鐵板上熱辣辣 煎到有燶邊效果零舍香口