大山日本料理

營業中

休息中

好耐冇去過旺角行街又想食日本嘢，咁啱經過兆萬對面見到佢2樓有一間叫做大山日本料理嘅餐廳，網絡嘅價錢都相對親民，而且選擇好多，所以我同朋友就入去一齊食咗個lunch啦我哋當日佢係平日2點，餐廳都有唔少嘅客人，佢除咗有lunch set之外亦都可以散叫咁但係因為今次我哋想食多啲唔同嘅嘢share啦，所以我哋散叫。基本上你想搵到嘅嘢食種類都有，例如串燒，刺身壽司蕎麥麵等等咁我今日呢就嗌咗鰻魚卷每一嚿嘅份量都好足夠嘅，一條佢就分開咗六嚿每一嚿上面都有一大片嘅鰻魚淋上咗個鰻魚汁再加埋飯裏面嘅青瓜，蛋，蟹柳，口感非常豐富。之後我哋都有叫到牛肉壽喜燒呢一個壽喜燒嘅配料都好豐富當中包括豆腐娃娃菜金菇等，牛肉嘅份量都唔少㗎，配埋白飯食，簡直係一流！最後我哋仲叫咗雞泡魚乾同埋豚肉生薑燒雞泡魚乾用嚟做一個前菜係非常之正，因為佢甜甜地燒得好香脆，簡直係最佳嘅送酒良品熱豚肉三根燒肉都做得不過不失嘅豚肉嘅份量又係超級多配上洋蔥蘑菇食落去好多層嘅口感，重點又唔會話太過重口味，所以亦都係唔錯嘅

前幾日放工後，同朋友一齊去旺角行街，行左一段時間開始肚餓😆見到有其他人等緊𨋢，原來有一間樓上日式居酒屋，本身我同朋友都喜歡日本菜，所以就決定去呢間大山日本料理🇯🇵一出𨋢就眼見餐廳環境空間闊落，室內佈置都充滿日式感覺，就知道冇揀錯👍眼闊肚窄嘅我們點了～牛肉壽喜鍋$58食日本菜本身我最鍾意就係食鍋物😋而這份牛肉配上壽喜燒汁味道很配合、牛味也很香濃，份量也蠻多的💯配上其他雜菜一起更健康👍食日本菜又點會少得點會唔食壽司🤣再點了醬黃燒皇帝蟹棒壽司$16一件🍣玉子壽司$18兩件，擺盤擺得好靚及火炙黑松露帶子壽司$23一件🍱全部也是我的最愛，整體很新鮮及味道鮮甜😋黑松露帶子有驚喜🥳燒日本魚餅$68即叫即燒，熱辣辣的魚餅內有八爪魚粒令口感更豐富日式炒野菜$58出街食飯也要保持健康，當然少不了食菜🥬主要有椰菜及蘿蔔，表面還有滿滿的柴魚片🥰加上醬汁一齊炒很香口飲品點了～巨峰乳酸梳打$28，當然少不了甜品～北海道芝士🧀蛋糕$20為晚餐添上完美句號👍埋單加一後都係$317抵食！下次再食過😎

餐廳滿有日式居酒屋風味，掛左很多日式燈籠和旗幟，仲擺設左很多清酒瓶和日式畫作，用餐環境簡潔舒適。餐牌有好多選擇，包括壽喜燒、刺身、壽司、燒物、揚物、天婦羅、沙律、佐酒小食、飯、飲品、甜品。芥辣八爪魚：濃郁既芥末，令八爪魚既鮮味更加突出，口感爽口彈牙。角切魚生飯：魚生種類好多，包括吞拿魚、八爪魚、三文魚籽、油甘魚，全部都新鮮肥美；仲送左碗熱辣辣既麵豉湯，配料有海帶、豆腐、洋蔥，好滿足。鰻魚炒飯：鰻魚肉質厚身，加左紅蘿蔔絲、蛋絲、蔥花及鰻魚燒汁，將每粒米飯都炒至金黃色，香氣撲鼻。大阪燒：將高麗菜、麵糊、雞蛋等材料一齊煎，再放上木魚絲、沙律醬、燒汁，滋味無窮。總結，時令食材，新鮮高質，定價相宜，值得再回訪。

放工行經旺角，想食日式料理，甘岩經過有人派傳單，就上去試下餐廳位於2樓，一打開lift就有職員熱情歡迎，餐廳座位寬敞，適合同朋友好好坐底傾計慢慢食飯用QR code落單好方便，職員仲好貼心甘提醒我地，7點15分前落單壽司同刺身有85折，仲有68蚊既三文魚刺身我地點好多壽司，花之戀既蟹子多到滿瀉，三文魚好新鮮，夠厚，一啖一塊好滿足！火灸壽司燒到岩岩好，吾會太熟另外仲點左燒物，燒牛舌好彈牙，下次再試埋其他野先，值得再來

係旺角想食日本嘢，但因為唔想食放題，所以就揀咗呢間餐廳呢間都算幾多選擇，而且可以喺openrice訂枱，有啲時段仲有八五折👏🏻不過味道就不過不失咁啦😅 照燒魷魚筒太多照燒汁，食落超級甜大家都要抹咗啲照燒汁先擺落口🤣 和風炸雞都有呢個問題，太多沙律醬但係舊雞本身又冇乜味😓 蟹籽海膽炒飯炒得粒粒分明蟹籽同海膽都幾足料👍🏻 鰻魚卷啲鰻魚唔會話特別肥美，$68得六件其實唔算好抵食😅 我地仲有試埋西班牙檸檬啤酒冇乜酒精味，有啲似檸檬梳打，夏天飲都幾refreshing 泡菜豚肉鍋成個鍋可能得3-4塊豚肉其他嘅都係娃娃菜同泡菜😅泡菜唔會好濃味，唔使擔心會太難 菜式：- 照燒魷魚筒：$88- 和風炸雞：$58- 蟹籽海膽炒飯：$128- 鰻魚卷：$68- 西班牙檸檬啤酒：$48- 豚肉泡菜鍋：$53 味道：🤤🤤🤤/5性價比：🤤🤤🤤/5

今晚朋友約黎旺角既大山日本料理。 好耐冇出旺角步行區呢頭食野，但朋友話呢間要去試。 黎到真係幾有日本居酒屋既感覺，最特別係一排既對街玻璃窗，睇到西洋菜街，幾靚。先叫左個火炙吞拿魚沙律。 冇諗到吞拿魚都幾厚身，而且沙律菜都好新鮮。朋友特別將wasabi 撈入沙律醬再撈沙律，令到成碟沙律都更野味。我地叫左幾款壽司： 活赤貝，油甘魚，火炙黑松露帶子，醬油七味燒左口魚邊。 壽司永遠都係即叫即做先有個種特別既溫度，食落係特別暖心。 而佢都整得似日式既，唔會太大或太細件夠新鮮，最正路。朋友唔食牛舌，我就叫一件。 佢既牛舌好爽口，稔身但唔會沉過梳打既感覺，控制得好好。仲有個牛肉豆腐鍋，都有好多料，亦冇壽喜燒咁甜。 果然係有驚喜既居酒屋，可以再同多啲朋友黎食。

呢度無論係裝修定係背景音樂都幾日系，雖然我暫時返唔到鄉下，不過都要食返啲鄉下特色食物補下數🥲依間店舖嘅位置都係喺旺角鬧市中，位置於市中心係幾方便～叫咗個海鮮沙律，好似都唔使$100 ，勁大份，就算幾個人食都絕對夠食。入邊又多料又多魚生。無論菜定係魚生都好新鮮我仲叫咗個黑蒜蝦拉麵，拉麵上嚟嘅時候我望到啲蝦仲以為啲蝦係冰鮮蝦，點知食落嘅時候似新鮮的！😯😯好鮮味，有蝦味。個湯嘅配料仲有好多，如圖有糖心蛋，木耳，紫菜。魚湯嘅味道都算係幾濃郁。價錢抵食。另外仲叫咗個三文魚腩刺身，真係勁新鮮，係必食之選，油脂仲好豐富。我一個人可以獨食晒咁多舊我覺得勁幸福單憑佢依個三文魚腩嘅刺身質素我就想試埋佢其他刺身，可惜我已經飽飽地，下次再試

今日去左旺角食樓上居酒居，餐廳空間寬敞，入面有好多日本海報、日本燈籠、偏木系裝飾，好有感覺。每枱都有玄米茶可以飲，餐牌有好多選擇，我哋叫左兩款小食，蟹肉忌廉薯餅及鹽燒厚切牛舌串，蟹肉忌廉薯餅外皮炸得剛剛好，入面料十足，好脆口。鹽燒厚切牛舌串用左鹽同黑椒黎燒，加埋肉質嫩滑同厚身，好濃郁。野菜鍋都有唔少菜，有白菜、豆腐、菇、蘿蔔……除了菜甜之外，值得一提係湯底，白色湯底有淡香甜之外，好順口，冬天凍凍哋黎食更加滋味。三文魚蟹籽飯會配上麵豉湯，食到三文魚同蟹籽都好新鮮，份量都足夠。火炙黑豚肉拉麵嘅豬骨湯底味濃，黑豚肉有驚喜，油脂同味道都好香，夾埋拉麵一齊食，好味。總括而言，呢餐食得好滿足，餐廳環境坐得舒服，食物質素唔錯，好適合再黎聚一聚。

旺角日式居酒屋呢間居酒屋係旺角西洋菜南街，由旺角AEON出來，過馬路右手邊，二樓，招牌醒目，一眼睇到。店內的布簾、燈籠、海報，都好有日本風。三文魚海膽飯三文魚新鮮，海膽不腥，壽司飯顆粒飽滿，好吃。鰻魚卷卷物內有青瓜、蛋同埋蟹柳，味道豐富，口感十分有層次。黑松露三文魚沙律黑松露的清新，三文魚的鮮甜、軟糯，再配上沙律菜的爽脆，出奇的好吃。牛牛肉豆腐鍋牛肉豆腐鍋熱辣辣，食完嘅舒服。這環境清靜，適合小息，會友。

呢間居酒屋位置超方便，餐廳入邊放左好多日本裝飾，幾有節日氣氛，座位都算寬敞，環境舒適海鮮沙律$88有兩隻甜蝦三文魚粒鯛魚蟹子，mix 左蕃茄仔沙律菜，樣樣都新鮮美味，仲可自行加沙律醬，唔洗驚過多鐵板牛油帶子$78有五大粒帶子，帶子有厚度勁香牛油味，可惜連埋太多汁上鐵板，有d 似游泳池咁，未能發揮煎香左嘅味道鹽燒厚切牛舌串$38肉質嫩滑又夠juicy, 味道濃郁，更用左少少鹽同黑椒吊下味，香氣十足火焰三色卷$78火焰三文魚火焰帶子火焰吞拿魚各兩件火焰過後嘅三文魚同吞拿魚有溫暖嘅魚油浸出，入口即溶火焰帶子柔軟而厚實，又帶有芝士香味整體味道好唔錯，又抵食，地點方便環境舒服，cp 高，值得支持嘅小店希望下次可以試到三文魚希望下次可以試到鹽燒三文魚頭&魚腩，今次賣哂

魚生有肉味 幾新鮮嘅中午時段唔算多人價錢實惠簡簡單單午餐都唔錯可以慢慢坐 環境一流味增湯竟然有三文魚腩湯味都比一般出色好多附送綠色嘅甜品係抹茶味糯米糕煙煙韌韌都唔錯👍🏻

又喺時候周圍搵野食啦～今日嚟到旺角嘅大山日本料理，喺油麻地地鐵站行2分鐘就到。一去到就被店內充滿日本特色嘅裝飾吸引，牆身貼有唔同嘅日式海報同燈籠🏮，又有一種返咗日本嘅感覺🤭 入座之後，店員仲會主動介紹唔同嘅料理。✨ 手打烏冬配日式醬油第一次試烏冬配日式醬油，醬油鮮甜嘅味道比麻醬更出色，烏冬彈牙，入口滑溜，天氣咁熱食冷烏冬就最啱啦🤭✨清酒🍶牛油煮蜆清酒牛油煮蜆味道香滑濃郁，加埋新鮮檸檬🍋，令蜆肉嘅味道更鮮甜。✨四點刺身刺身包括有三文魚、吞拿魚、甜蝦同油甘魚，除咗新鮮之外，仲好厚身呀。最鍾意吞拿魚，口感入口即溶，魚油豐富，好抵食呀！✨黑豚腩肉串黑豚腩肉串肉質軟腍，充滿肉汁，表面微微燒焦，而且油脂同香味同樣豐富🤤

清酒牛油煮蜆🍶上枱嘅時候聞到好濃嘅清酒酒香，而且調味原來唔只得清酒同埋牛油，再加咗檸檬同埋蒜頭，所以個味道好豐富又有層次感，牛油同蒜片令個湯更惹味，而檸檬嘅酸味又可以引出蜆嘅鮮甜，至於蜆隻隻都好飽滿咁，好乾淨完全唔覺得有沙，質素頗高👍鹽燒厚切牛舌🐂應該係用咗牛舌芯嘅部份，咬落比較爽口，加咗少少鹽同黑椒去調味🧂海鮮沙律🥗海鮮有兩隻有頭甜蝦、三文魚粒、鯛魚粒等，再加上卜卜脆嘅蟹籽，另外幾鍾意沙律醬係分開上，有人鍾意多醬有人鍾意少醬都可以自己揀～壽司叫咗三文魚、醬油七味燒左口魚邊同埋火炙黑松露帶子，兩款嘅火炙壽司都燒得好香🍣依度星期一至日都有唔同優惠，如果夜晚可以早少少嚟到，仲有壽司刺身85折，會更加抵食！

西洋菜南街2W，撳2樓就到，好方便嘅位置。呢度空間好寬敞，環境舒服，服務都好周到。啱哂一班朋友嚟度舒舒服服食飯。⭐️ 牛肉壽喜鍋 $58 壽喜鍋嘅配料真係唔少，有牛肉、豆腐、金菇同埋日本旺菜😗😗。牛肉份量四、五片，再加上壽喜燒醬汁同雞蛋，暖暖地食唔錯🍲🍲。⭐️ 鐵板牛油帶子 $78 呢款帶子真係好大隻，有五大粒🍤！帶子新鮮又有厚度。用牛油同醬汁煎煮，煎得香香嘅，味道好美味😆😆，值得一試。⭐️ 鹽燒厚切牛舌串 (1串) $38 牛舌肉濃郁又爽口滑嫩🥩。配上鹽同黑椒更加突出牛舌嘅鮮味😚😚。⭐️ 免治雞肉棒串 (1串) 日本岩手直送 $38 雞肉棒嘅口感好滑嫩🍢，入口嘅雞肉味道濃郁，有嚼勁。外層微微焦香脆，再配上甜醬油同生雞蛋，口感更加豐富🤠🤠。⭐️ 醬油七味燒左口魚邊壽司 $18 稍微火炙過嘅口魚邊，肥美嘅口感，有甜甜嘅魚油滲出，入口即溶🤓🤓。如果魚邊可以厚身少少，口感會更加豐富，更有嚼勁🙆‍♀️🙆‍♀️。⭐️ 火炙吞拿魚壽司 $16 吞拿魚質量好好🍣，咬落去有口感，鮮味十足，入口有甘味，真係好讚🤩🤩。🍄 總括嚟講食物都好唔錯，仲有每日優惠，好抵食😝😝。如果想搵間居酒屋，同朋友悠閒地食小菜，飲杯嘢，傾下計

今日同小朋友去旺角買文具，書包…….準備返學啦，買完野去搵食。小朋友想食鰻魚飯，ok, 去食日本菜。今次唔係上網搵，台頭周圍望，見到有居酒屋，就試一試。一進入餐廳，好有日本feel，裝修特色，地方寬敞。職員親切有禮，問我哋幾多位，我話兩個，見到我同小朋友，即刻叫我哋坐另一區，話另一邊比較凍，細心，有禮貌。我地叫左極上北海道帶子井，蒲燒鰻魚飯，鹽燒厚切牛舌串，香草燒雞翼。帶子井有三文魚，三文魚子，赤蝦，玉子，帶子，每樣都新鮮好味，帶子好大粒，好鮮味，值得一讚。小朋友食鰻魚飯，佢話個汁好甜，鰻魚好滑溜，仲有蛋絲，連埋啲飯一齊食，特別正。另外牛舌落咗檸檬汁，唔漏，仲爽口彈牙。雞翼有香濃香草味，有啲似BBQ嘅感覺，好香口。一切感覺良好，價錢相宜，日後諗起想食日本菜，會再嚟食。😋Yummy Yummy: 8/10😋