大川滬 (已結業)

終於喺土瓜灣搵到一間上海菜有宵夜食，選擇又多，水準又唔差，價錢又合理仲有波睇，紅燒元蹄一定要食，味道一流非常入味！仲有好多款串燒，應該係即叫即煮的。仲叫咗條小黃魚，好鮮，值得一試🤩一定會再次光臨！

小笼包---从上海来旅游，对小笼包超挑剔的人竟然吃了三笼，汁多皮薄，感觉有赢过上海本地的，五星推荐。烤鱼干---很符合我小学生的口味，好像零食，朋友配着啤酒点了两份🍺。烤鳗鱼---最爱食物之一，鳗鱼爱好者必点，不会失望。变态辣鸡翅---吃不了辣的我是一口毙命但同行朋友吃的很爽，爱吃辣的人一定要挑战下。红豆冰---听老板说是日本十胜平原的红豆，果然甜而不腻，感觉是女生都会喜欢的味道。(来港必吃👍🏻)

土瓜灣嘅老友話屋企附近新開張一間上海菜館，裝修幾骨子，日夜都幾旺場，於是約埋班老友去試下。我哋一行6人，因入座時舖面已冇乜檯剩，伙記請咗我哋入房，原來裏面有間貴賓廳，放咗兩張十人檯，坐得舒服，雕花的餐具十分別緻。涼菜叫咗四款；醉鷄、鹽水鴨，均在水準之上，其中最正嘅係脆鱔，甜中帶酸，酥脆可口。海蜇就切得粗幼均勻，彈牙爽口。酸辣湯好大盅，足料醒胃，雖然味道稍為偏甜，但不影響酸酸辣辣的感覺。小籠包皮薄，汁多餡鮮，好味。幾款主菜，皆有驚喜。韮黃鱔糊用料比例適中，每箸皆含鱔魚甜味及韮黃香氣，配以香軟的蒸炸銀絲卷各一，相得益彰。 松子魚炸得脆而不老，酸甜滋味配搭佳。最正嘅係樟茶鴨，原本話要預訂，但伙記話因好賣所以每日都預多少少，我地點咗，果然正。隻鴨皮脆肉嫩，樟茶味香，比起一流菜館都絕不輸蝕。主食點咗兩樣，上海粗炒夠大碟，麵條靭度適中，混埋比例均勻嘅肉絲椰菜同菇片食，口感十足。 五香牛𦟌麵則香口，麵湯清甜。押單尾嘅係羌茶芝麻湯圓，上檯時已羌氣逼人，最宜消滯。最後要一提serve我哋嗰個哥哥仔，高大斯文，頻頻幫我地加水，啲水聞落又幾香，原來係蕎麥茶。佢話呢度晚上仲做埋日式宵夜串燒，所以鋪面枱椅顏色紅

一間好好味既上海菜, 今次已經係第二次幫襯.   收工後,  一大班同事諗住去食下上海野, 估唔到10點幾之後, 仲做埋日式串燒宵夜. 一次過可以食晒兩種唔同款既菜式. 上海菜方面小籠包, 皮薄餡靚, 湯汁多脆鱔, 好得意炸到脆脆的, 第一次食咁既做法蘿蔔絲酥餅, 足料, 外皮酥香十足, 餡料又夠濕潤, 已經好少地方可以做到咁正既蘿蔔絲酥餅蔥油餅, 同事話好好味, 不過, 我唔食蔥, 所以就無試. 雞絲粉皮, 幾爽口, D汁又幾好味口水雞, 肉幾嫩, 汁惹味得黎唔會搶左D雞味, 辣度恰好食完上海野, 我地一直傾計傾到, 宵夜日式串燒時段開始, 又再食過. 叫左燒茄子, 秋葵, 雞肉串, 雞皮串, 多春魚, 雞軟骨.串燒方面, 落單之後等左10零分鐘, 各款都燒得岩岩好.平時出邊食串燒既鋪頭通常都落好多香料, 大多數係好濃味,  有時會搶晒串燒既味道, 反而呢間又唔會得陣味精味.雖然呢間既串燒係比一般串燒店既淡味,  但係各款都燒得岩岩好, 唔會好乾/好淋. 食得到食材係好新鮮.總括黎講, 呢間餐廳既價錢適中, 而且食材新鮮. 食得出呢間餐廳係都幾有心機做, 員工都幾友善.餐廳坐得舒服,

行過路邊見有間門面ok的食店，門口還企著待應拉客，見待應非常禮貌同介紹。就進去試一試。入內地方寬敞，坐得還算舒服。看了餐牌叫了一個宮保雞丁，大概等十分鐘菜就到。食了口味道還說可以。但我叫的是宮保雞丁，但來的可是宮保花生。第一次食宮保雞丁，七，八成係花生

宵夜見到新地方，咪去食下，點知中伏生平未食過咁難食嘅串燒囉，全雞翼一隻要25蚊，貴唔緊要，又無味又騷又乾，呢排話瘋搶腸仔，見佢地有咪叫來吃囉，條腸仔都唔洗你調味啦點解都可以燒得難食，條腸仔乾到起曬卜，夠膽收12蚊一條，仲嗌左雞泡魚乾，除左呢樣入貨成品好食，燒蔬菜正常之外，成300蚊兩個人好似食左風咁，話日式串燒九唔搭七，早中晚做唔同菜，求下你啦，假設一種菜做得好就咪搞咁多野啦，可能你上海菜做得好掛，但我唔會想再試囉。

突然想食小籠包 又唔想離開土瓜灣區的話...可以諗諗依間。小籠包係經典的南翔小籠包，皮薄，有湯汁，不過略嫌豬肉有少少冰鮮味。炒年糕還不錯，味道適中。最好食係個鍋貼，有湯汁，香口。佢有套餐可以選擇，但二人餐無小籠包，得涼菜同小菜等，所以無試到。價錢同菜單同翡翠拉麵小籠包差不多，不過質素可能翡翠會高分少少。餐廳環境都幾好，座位同餐具都幾乾淨，又唔會迫，算大間。而且店員好好笑容，keep住幫你添茶。可以一試！

lunch同同事發現到呢間上海菜，好味抵食，已經正式成為我地喺土瓜灣嘅飯堂喇！ 餐廳都算幾大間，所以中午peak hour都容易等到位，呢個對趕住返公司嘅人好重要...見佢好似仲有個宵夜串燒餐牌，加埋門外幾個半露天位， 夜晚坐出面吹下水，飲下啤酒，食串燒應該都幾正gei, 下次Friday night 收工可以嚟試下 獅子頭木須肉炒拉麵酸辣湯紅油抄手

入座時只有一兩枱客人,點餐後要等20多分鐘才有食物上枱,此時其他後來的客人已經在進食了敢問老闆如果你是我,你作何感想?我們點的是是日午餐都要等咁耐?等左20分鐘,收我接近50蚊,就係你地精心費時製作既一粒獅子頭?下面一堆配菜?糖醋雞球得5粒,又係配菜多過主菜,你地唔係呀?餐牌上話老火湯,粟米羹係老火湯????員工又勁上錯野?係咪都放落我張枱到,等極都未有野食.............第一次既體驗好差,所以一次就夠