大巴窰 (已結業)

因工作關係,昨天同亞豬去0左黃埔一趟,於是我就隨便睇0下有咩好野食,行下行下就搵左呢間"大巴窰"試0下(註:因為我好鍾意食海南雞油飯).當時去到已經冇咩人,因為成2:00幾過0左午飯時間.我地都冇特別去睇餐牌就點0左2個海南雞飯.一0黎到已經見到d雞"乾爭爭"而且冇咩蔬菜伴碟,只係得2塊青瓜 唉.........比多2塊都好丫!!不過算啦反正都已經點了...說實話D海南雞真係唔見有咩突出,甚至可以講係差,不過D油飯反而令我有D驚喜,因為佢香得0黎一D都唔肥膩,而且果到D侍應仲好好服務,好好笑容希望係我下一次再去食既時候佢地會改善一下啦,因為我都好想食到一碟美味既"海南雞飯"

這食坊，很多食店都有食評，反而這一間沒有甚麼食評，我便第一個寫食評吧！乾抄牛河不錯，雖然鑊氣不足，但調味還可以，而河粉不是切一條條形狀的，而是切一塊塊形狀的。還有一樣菜，粟米斑塊也算不錯，斑塊不算炸得太燶，粟米汁調較得不錯。還有一款露筍釀甚麼魚的，味道無特味，但幾乎成百元一碟，不值得吃。冰鮮雞還算可以，但我還是比較喜歡吃新鮮雞。

光顧這餐廳已有好幾次，每次食物也是不錯的。我覺得這兒的海南雞飯十分好，畢竟我和家人也喜歡吃不太多油的食物，所以這兒相比起好時沙嗲，食物不太肥膩。至於冬蔭功，這兒不太辣，適合怕吃大辣的人。至於服務方面，侍應們還是很有禮的，點一杯冷水，他們立即用大水杯到倒一杯冷水，不見得服務如何差。

上星期六去食下午茶，叫咗個生牛肉麵同咖哩牛腩飯，我哋兩個人食完都覺得唔知食咗d乜，食物冇味，一d都唔好味，d位又迫，同隔離枱果兩個人好似一齊食咁，佢不停傾計，煩到嘔，又喺度研究果度最低消費HK$15 O既問題....煩、嘈！以後都米使旨意再去！佢哋設立果個最低消費HK$15，都唔知係指每人定每張枱！令人混淆呀！

喜歡吃雞油飯，也喜歡試不同的海南雞飯，就是要找那裡做得好。可惜，賣海南雞的地方很多，但做得好的地方，買少見少，是日就來試這裡。阿姐安排了坐在門口的二人位，我反指裡面的四人位，她就有人訂了。我不以為然，但見內裡空盪盪的，有人訂了？是包場嗎？要了一碟海南雞飯，另一碟海南雞撈麵，以及半打雞肉沙爹。海南雞飯份量幾多，先吃飯，是雞汁飯，香港地已難找雞油飯，算了。飯夠乾身，夠味但不香，都及格的；雞件是翼及胸肉的部份，皮厚肉韌，沒有什麼可吃之道。當然吃海南雞，我要求的不是如廣式白切雞般有雞味，而是基本的雞肉浸得嫩滑，這裡的絕對做不到；再吃撈麵的海南雞，也是這樣子的，也可以斷定其水準的了。撈麵用了甜醬油撈過，幾夠味，我來說就略嫌過甜了一點，多點鹹味會平衡些。也不夠油，麵是黏作一團的；撈麵及雞飯吃至近尾聲，也不見雞肉沙爹，要三催四請才見上檯。沙爹應該是炸的，而不似是燒的，因為油膩又不夠乾身。雞串的雞肉反而幾嫩滑，也夠味，沙爹的味道全靠在旁的沾醬，不是一邊掃沙爹一邊燒的，徙負「沙爹」之名。要了熱咖啡及熱奶茶各一杯，俱難飲，建議要汽水還穩陣一點。幾位阿姐的服務是不敢恭維的，每次將碟子放下也會聽到「呯」一聲，

試左佢地一碗海南雞喇沙,味道唔錯!首先d雞味道幾好,仲好滑,可以想像佢地個海南雞飯都唔會太差!喇沙味道可以,不過好似太多油,可能喇沙本身就係咁...但係成口都係,我以前食既好似無咁多!不過味道其實唔差,椰味香濃,唔錯!

兩日前經過呢度想食吓海南雞飯,於是叫左一碟嚟食,仲有叫多個喇沙!佢個海南雞飯好好味,d雞肉好滑,雞味好夠!甜豉油,酸汁都有,個飯淡少少,但係飯煲得幾好食,因為唔會太林!喇沙味道就淡左少少,但係都唔錯!

海南雞飯係出名菜式之一..佢個炒河都唔錯,唔oily..燒豬頸肉都好野味

又出開黃埔,今次叫埋輝媽,再食海南雞飯,沙爹豬,今次要泰式濕炒河要豬,同飛天炒通菜小辣.海南雞飯唔洗講,梗好食.沙爹豬今次啲肉(痴)住,唔離籤.炒河亦好味,有雞牛豬揀,豬係豬頸肉.飛天炒通菜,份量好似少咗,明明上次係一個大湯碗載的,但今次用咗隻鵝蛋形碟,少咗好多.小辣都好辣,下次要唔辣.

1) 海南雞(例牌) $62 + 雞油飯一碗$10份量都O.K.，雞肉夠嫩滑，好食。醬汁好正，有甜豉油、薑蔥、酸甜汁，再加埋雞一齊食，wonderful!!!2) 原隻菠蘿咕嚕斑球$68斑球炸得好香脆，酸甜汁味道好，仲有菠蘿好鮮甜。3) 泰式蠔餅$68油多& 雞旦咸的，但好大碟，蠔都算多，但細隻。喱間舖有好多人等位，唔收加一& 茶錢，所以都算抵食。但地方唔大，細張。但侍應服務幾好，有笑容，做爽手。

因上次食過下午茶覺得OK,所以今次嚟食晚餐.兩個人叫了一個海南雞飯,一個醉貓炒河,半打沙爹豬.海南雞飯$40,冇任何配菜餐湯餐飲,雞肉好鮮,但有少少,油飯一粒粒,唔會太多油一,好味.醉貓炒河$45,係用菇菇炒河,但啲河粉係一片片濶身既,唔同食開嗰啲,好得意,好食,但越食越辣.半打沙爹豬$42,嘩!超好食,尤其個汁,甜甜地又有沙爹香又有花生香,真係唔錯.本來想叫多個炒通菜,好彩冇叫到,因為已經好飽,同埋見到隔離叫原來係一大碗上唔係一碟上,否則實浪費!

本來相約M在漁人碼頭午膳,不幸地對方抱恙,這刻,突然獨身.單人匹馬轉戰黃埔,心血來潮想吃海南雞,於是,在這間星馬餐廳,找個位坐下.身為蔡生之遺物,心想應該不差,可是...海南雞飯上桌時,只跟兩格醬料,沒有黑漆漆醬油.小弟咦?你地的海南雞飯唔跟黑豉油的嗎?)店員有,即刻拿比你.)原來,黑醬油係要出到聲才有.好,沒有湯跟,又要扣分,沒有可樂有百事,友人說過,飲百事要落地獄..海南雞本身沒有味道的味道,須知有人常說海南雞不能用白切雞之標準去觀之,不過吃雞不求雞味,不如打**.不幸地,連雞肉也很粗糙,"主角"雞油飯粒粒分明,可惜雞油味亦不夠.要用到薑茸,黑醬油去怒溝,才吃得下.頭頭碰著黑,連餐飯也作弄我?天呀.

其實食過幾次,水準都OK,但唔知點解食友D report 就好差.無錯海南雞飯唔係咁得但價錢就一D唔平.今次黎食下午茶餐,咖喱牛腩麵同生牛肉金邊粉,飲品要咖啡同檸荼.$17個餐,都冇乜要求,兩樣都幾好.杯咖啡反而有D驚喜,唔算濃又冇苦味,幾好飲.

一家人去開黃埔, 來左呢間試下. 叫左:海南雞飯- 油飯有丁點雞油味, 但偏硬; 雞肉滑但冇雞味, 雞皮很肥, 算是ok的. 普通喇沙- 一d都唔辣! 冇咩椰漿味, 米粉溝油麪有點不倫不類的感覺! 大蝦不新鮮, 其他配料如魚旦魚片沒有魚味, 實在是水準平之下, 唔得!!香茅炸豬扒湯麪 - 都係普通水準干炒牛河- 很多油, 河粉炒到一舊舊, 唔得!餐飲- 咖啡超級差, 完全冇味, 重差過自己沖的三合一咖啡!! 檸水係苦嘅! 因為d檸檬勁"渣"!!!!呢度除了沒加一服務費外, 實在沒有可取之處! 實在諗唔到會返頭再幫襯的原因!!

想去食吉野x ，點知己打佯了！結果走左去黃埔美食坊內的"大巴窰"，老公鐘意呢度的海南雞飯，而我還是食香矛豬扒河算了！唔知係咪臨近收工，湯已煲至超濃，個河粉及豬扒的味道好似略咸左少少喎