大師傅粥品 (TKO Gateway西翼)

營業中

休息中

之前一年前試過呢，開頭真係性價高！啲粥係「錦」既，就算放一晚翻熱都係杰！而家嗰啲直頭係2樣嘢，食到一半都己經變水，啲豬肉丸又霉，豬膶就臭嘅，豬肚就臭尿味！我都吾知你地搞乜，好好地一間野，直頭變咗第二間咁！啲出品差到呢！

今日超吾想落街又吾係好有胃口男朋友叫好選好食咩佢落街去買好幸福💕💕想黎想去都係想食粥好食的粥店附近吾係好多黃沙豬潤粥+ 煎堆口淡淡呢個粥又有少少味吾會太寡煎堆上到黎都仲係熱的

星期日買咗皮蛋瘦肉粥，皮蛋煲到爛晒，畢都畢唔起，咁都算！瘦肉仲唔係新鮮滾嘅瘦肉，似係燒肉上片落嚟，仲癡住肥膏，切埋絲，簡直不知所謂！尋日唔信邪，再買一個皮蛋瘦肉粥同一個菜乾豬骨粥，點知阿姐成個外賣比錯我，打開完全唔係我嗌嘅嘢，咁都算啦，仲要係難食到嘔！一個艇仔粥唔似艇仔粥，粥入面就得豬皮，炸粉絲，魷魚冇其他嘢，請問你識唔識咩叫艇仔粥？另一個更加不知所謂，完全唔知自己食緊咩，最後掉咗！希望睇到comment嘅朋友可以感受到呢間嘢有幾hea同埋亂嚟，通常想食粥嘅人都係唔舒服或者冇咩胃口，千祈唔好嘥你地嘅錢去買呢啲垃圾返嚟，信我！

今朝一早落樓買返個醒神早餐返屋企食，一行入商場見到一個好大嘅招牌，寫住【大師傅粥店】，我剛企喺門口望一望入邊職員一見到我即刻行出嚟幫我落單，我買咗碗艇仔粥配一碟炒麵和一條油炸鬼，返屋企打開一睇外觀都好吸引，不過因為太餓，食咗條油炸鬼先諗起忘記咗影相，油炸鬼熱辣辣唔會太油膩，碗粥吾會煮太爛，食落口都係唔會好鹹，炒麵好乾爽唔會黏埋一舊，市面上雖然好多粥店但係經常都落得太重手，令到啲粥或炒麵都過鹹， 大師傅出品嘅粥和炒麵果真係有一定嘅水準😋

黃沙豬潤+鯇魚腩粥總共有四塊黃沙豬潤同三大氣鯇魚腩平時食粥都好鍾意食呢個配搭以味道黎講 佢都算幾好40幾蚊一碗 料都好多豬潤時間整得岩岩好 唔會有個種好鞋口感或者係苦澀味鯇魚腩亦都夠滑食完隔左一陣後開始有少少口渴不過以外食黎講 係可以接受的程度油炸鬼好好食唔會好厚粉但又炸到好脆浸落粥食的半脆口感或者淨食油炸鬼 味道都好好除左油炸鬼 見到佢地仲有煎堆同牛脷酥不過真係好邪惡只能間唔中過一過口癮了以好食的粥店黎計佢都算價錢適宜了

自命大師傅嘅，應該都唔係咁簡單，其實依間粥面鋪我都食過好多次，想當年康城冇乜嘢食，出嚟坑口食早餐，依間都係一個我常去嘅地方。 好耐冇食過，今日再試吓睇吓水準如何。今日我同Mcdull食早餐，兩個人叫咗兩碗粥一碟炸兩同埋一支豆漿。菜乾豬骨粥 $24我記得以前食係好足料，會有幾粒細細粒切碎左嘅蠔豉，今日我搵唔番，但舊豬骨都幾好食同大舊，粥底就偏鹹。豬潤粥加皮蛋$35水準好高，豬潤熟嘅程度啱啱好，冇酥味，爽口，都算係近排食過最好食嘅豬潤；皮蛋正常；粥底都幾綿，但都係一樣偏鹹。蔥花炸兩$19喺香港地出面食嘅炸兩，好多時候都係預先整定，啲油炸鬼淋晒，好多時候食到咁嘅炸兩都會媽媽聲。依度嘅炸兩係即整嘅，雖然條油炸鬼唔係特別脆，但都算好好食。腸粉皮唔係好厚，夾埋啲少少脆嘅油炸鬼，再加埋啲甜醬麻醬辣醬一齊食，正👍豆漿$9支豆漿應該唔係佢公司整，係叫返嚟嘅，豆漿唔係好甜，都算幾好飲，正常味，但個樽設計上有缺陷，無論你擰到幾實都好，都係會漏咁啲出嚟，頂，成袋濕晒都係豆漿🌚綜合評分：7.5/10，豬膶粥同蔥花炸兩都好高水準，鍾意食依兩樣嘢嘅人不妨試吓，而我就一定會翻兜🤞

呢間開咗幾年嘅粥店第一次嚟，無記錯十幾年前成日去大角咀嗰間。係一間較傳統嘅連鎖粥店，無套餐無水吧，粥底唔錯，見我朋友係咁攪都無點化水。配粥點少得油條，唔熱但係都脆，唔係硬脆。煎堆好味。鹹肉粽，兩次喺連鎖粥店食嘅粽都唔好食，比上次好少少叫做有啲肉，無咁乾。叉燒腸粉，唔錯。齋腸粉，幾滑。生滾粉腸粥拼皮蛋半隻，皮蛋有啲流心，個粥味道唔重，又夠綿，粉腸夠淋。皮蛋瘦肉粥。黃沙豬膶粥，豬膶爽口，份量唔少，好味。

態度差到已經唔需要評論食物本身好唔好食啲職員個個都好唔耐煩咁，好似欠左佢咁，唔講以為佢先係客人最無奈既係網上無任何客戶服務部既聯絡方式，連反映既途徑都無，，我唔相信只有我一個係呢到受過啲咁差既對待，要令佢地作出改善，最好既做法就係用金錢去說話，唔再係佢呢到消費，等佢做唔住，將啲錢去幫襯一啲有心做既餐廳，淘汰呢啲惡劣既餐廳，我會用永不消費既方式去表達對呢間公司既不滿，除非佢地作出改善睇到呢到既你，如果都係對呢間餐廳不滿， 請唔好再縱容佢哋，話埋比其他人聽唔好再係度消費

呢間粥店我地都食左好耐，價錢合理，質素平穩，唔會令你點失望，百鬆啲就可以食飽四個人，所以我地一家都經常幫襯油器全部$9件，好味，不過有時要睇佢出個時間，尤其係煎堆，凍左會唔好食，仲好油淋淋。齋腸好滑好彈，好難夾起，醬料就自己黎喇，咁仲好，因為我地鍾意多醬多芝麻，必點！炒麵都唔錯架，唯獨是個器皿有保留，一黎伙記嘅手指會接觸到啲麵，二黎好容易夾跌，不過依然會點咸肉粽$17一隻，因為我唔食粥所以叫，但係我都好鍾意食，佢好紮實，唔會又濕又淋，咸肉半肥瘦，全肥嘅就不硬恭維。。。至於艇仔粥係我屋企人必點，因為粥底綿滑，材料豐富又足料，屋企人除左艇仔外係唔會叫其他粥，咁就知佢有幾好味將軍澳區內就腳又好味嘅，佢應該當之無愧，不過請唔好催人，趕時間都建議唔好去食喇，因為佢地人手唔多，做唔切，或者比少少耐性等一等吧香港人

呢間粥店，我經常食的👍🏻地理位置非常方便，一出地鐵對面就系👍🏻營業時間長，最算夜左收工都吾怕冇野食👍🏻價錢經濟👍🏻粥有好多款，味道亦相當吾錯👍🏻特別推介佢既粽🤤🤤🤤真心正

不知所謂，先唔講食物好無食，員工態度極為惡劣。問多幾句就表現得不耐煩，沒有服務，西口西面，好似欠佢錢咁，唔知以為食你既唔比錢，唔會再黎不論食物質素又好，服務態度都好，人地東港城海皇粥店好過你度度聲！

話說好耐冇食粥，將軍澳有間大師傅食粥店 開咗好幾年，今日就嚟幫襯下，地方環境 一般，座位有啲唔係幾自然感覺，雖然係四人枱，但係是斜角嘅，我哋兩個梗係想坐二人枱喇， 二人枱唔算多，有點奇怪坐唔落，都係坐四人枱了，坐低梗係想幫襯碗艇仔粥啦! 細細個就好鍾意食艇仔粥，價錢都一般，早餐時段 ，午餐時段， 晚餐時段，都係照睇一張水牌，即是冇套餐食嘅！我哋就叫咗兩碗艇仔粥 ，叉燒腸粉，牛脷酥，艇仔粥真係好夠熱👍而且都好大碗 ，材料都好充足和豐富！花生都好香脆 ，腸粉就一般啦！ 乾蒸蒸可能擺得耐喇！不過都常可，牛脷酥 細細個就好鍾食！味道都差唔多，因為唔係 以前坐大排檔即時有個熱爐去煮，梗係新鮮啦！而家通常都係入貨嘅！所以都一般般啦！

第一次幫襯呢間粥店，叫左菜乾排骨粥，24元。但搵晒成碗粥只有兩件好細嘅排骨，於是問樓面大姊。佢話其實本身得一件架咋，師傅見細件俾兩件你囉。實在令人覺得佢皇恩浩蕩有兩件俾你。大姊答得好自然架。毫不覺得有問題。我即話咁每次師傅“筆”嘅時候都好小心好專業囉。

天氣熱辣辣，做完野本來想去X嫂到食碗糖水消消暑，點知完來X嫂係3點先開，由於太熱既關係，曬到食唔落，真心唔想食飯同麵，所以就唯有去食粥啦！其實我一向對食粥都真係麻麻，不過耐唔耐食一次都ok既！叫了一碗生菜粟米瘦肉粥，老實期望真的一點也不大架，點知入口又有啲驚喜喎！啲瘦肉本身有少少喊味，粟米好鮮甜，生菜亦都非常爽口，三樣主要材料都係感覺新鮮的，個粥底煲得好香好滑好綿，全部加埋我只可以用兩個字來形容，就係好味！唔知點解食完感覺良好，好開心！

今天放假，不想早餐吃太多食品，便想起去大師傅吃。大師傅的位置很方便，它近坑口地鐵站，步行約1分鐘，所以吸引很多街坊來光顧，然後上班。店內座位適中， 但都有不少卡位。平日較好，不需要等位太久。艇仔粥，粥的稀稠度適中，碎牛、豬皮 、花生份量也不少，味道不錯。艇仔粥魷魚份量多。我喜歡的炸兩，配搭麻醬、甜醬及芝蔴一起吃，味道好。蝦米腸有蔥花及蝦米，賣相不錯，好適合送粥吃。