大快活

營業中

休息中

呢個係我嚟食用體驗最差最垃圾既一次之前我路過見到個大快活既窩夫餐感覺地吸引就諗住今次放假嘅時候叫個下午嚟食下出餐時間：點知落咗訂之後出餐好耐都未嚟，等咗成15分鐘我遲十分鐘叫嘅譚仔米線都已經早出過佢去完譚仔拎埋餐都仲要等食物質素：垃圾，塊窩夫餅燶到成個黑炭咁，我仲膽沖沖切一舊嚟食，完全唔掂，苦口到爆。我打開個盒已經有陣臭味都唔知有冇跌過落地下。同埋我拎到塊窩夫餅嘅時候，成個餅都已經係塌曬，又塌又燶。比狗都唔食

去完銀行㩒機，轉身出來見有間大快樂，而剛剛有人從玻璃門出口離開，我就跟住推門入去諗住食個快趣下午茶，一入去之後就有人話個出入口封左，咁我話唔知道，反正入左來，下次會注意，跟住有個著黑色制服嘅女人一連串向我發炮，但首先錯不在我，我反問若然係封左就封好D為何又比人出而無人阻止？我問該位黑制服女人我係唔係要出番去，佢答得我好快：「咁你唔識字架？…」,我明白價錢平係無服務可言，但作為一個飲食集團，最基本服務態度應該都要有掛，何況係一位相信係管理階層（穿黑制服的）員工。－肚之下離開，這次親身感受到寳林街方多年的無奈。

今次又嚟這間連鎖快餐店，不過就去了另一間分店，亦唔係食下午茶，而係食午餐。上次只用了一張$5電子優惠劵，今次就用張$10，再省多啲。同樣在網上點餐，午餐選擇都唔少，而我這個省妹當然揀最平的系列，即係「超值之選」，淨一個客飯，唔包飲品就最經濟實優。「超值之選」都有六七款選擇，但其實餸料差唔多，只是配搭不同。我今次點了一客泡椒魚塊蒸南瓜飯($33)，白飯仲可改多飯、少飯、欖油意粉、紅米飯、多紅米飯和少紅米飯，我當然將白飯改了紅米飯，健康啲咁。雖然沒有包飲品，但可加錢配湯，抵!飯餸分開兩盒，份量都好足。南瓜本身紛棉甜美，配上泡椒汁，甜中帶辣，好味! 魚塊約有四五份，全部無魚骨，啖啖肉，雖然睇唔出係咩魚，但好嫩滑，弄得好入味，鹹香帶辣，好惹味。紅米飯都幾有咬口，但唔硬身，拌上泡椒汁真係可以「爬」多幾啖。加錢配了淡菜粉葛扁豆唐排湯(+$7)，一打開蓋就聞到淡菜香。湯料十足，粉葛和扁豆都煲到腍身，夠火喉，味道甘香，好好飲，有家的感覺，讚! 提外話：今次埋單幾錢呢? 本應$33+$7=$40，網上訂餐有9折，再用埋$10電子優惠劵，實收$26，你話我係咪省妹呢?

大快活 今次想同大家分享嘅係大快活嘅白咖喱香茅豬扒鴛鴦粉！食慣沙嗲王，很少喺出邊食更好味嘅白咖喱豬扒喇🍛，忽爾喺屋企樓下大快活見到就試吓啦。佢份餐HKD$46@，不包飲品，但有超大塊香茅豬扒，切開了約五六件；有一兜較洁嘅香蒜白咖喱醬；再另有一大碗用較稀嘅白咖喱湯米粉溝粉絲。份量充足，香茅豬扒炸得很香，點醬嘅味道很配合，整個餐都幾喜出望外。

網上訂外賣自取有九折、星期五夜晚就試吓經典牛扒鐵板餐同雜扒餐各一份。加左粟米肉粒飯同埋肉醬意粉，另外包埋羅宋湯同薯餅蒜蓉包加飲品！⬇️拎咗返屋企、主菜正確 ⋯ 但係羅宋湯就少咗一碗，意粉就離奇地多咗一個（可能員工睇錯咗）而蒜蓉包薯餅就少咗一份。⬇️上面有個電話可以打去同佢地講返，聽電話嗰個都勁唔好意思話可以送返上嚟屋企。後尾真係送返上嚟、其實已經唔係第一次包錯野但佢哋肯承認責任同送返上嚟其實都已經算好好！⬇️講返份餐、份量其實都好足夠$63同$55咁多野算抵。但係原來蘑菇汁又係包錯咗俾黑椒汁！Anyway蒜蓉包幾好味、羅宋湯唔好飲、牛扒一半係根但係都大大塊有啲雪味、雜扒有齊雞扒豬扒炸魚柳好多野，最後粟米肉粒飯同埋肉醬意粉都好好食。⬇️外賣自取好方便、最緊要員工態度好 👍🏻

今朝帶囡上興趣班，去大快活食早餐，收銀姨姨一黎就介紹我地食雞扒特價早餐，平時你要係快餐連鎖店食個有肉既早餐閒閒地都3x，係得塊扒，一塊包，同搭粒雞蛋。今次係係3x,居然有埋個粉食，真係抵。我仲加左2蚊將多士轉大多士。2母囡唔駛$40可以係快餐店食到個有肉既早餐，都真係值得推介下既不過都要特別講下今日塊雞扒，都唔算太細既，叫做正常size，推介

我昨晚買飯食，個收款員心不在焉，排我前面2個位個阿婆買外賣飯，47元個飯，支付50元，個職員找返53元比阿婆，阿婆吾出聲，跟著我前面個男人見到責罵她點收款，找3蚊的變找50幾請著你倒米，跟著到我買飯，我只說要什麼飯，就毛啦啦變外賣，點之櫃檯員埋怨的轉單做堂食讓佢麻煩，我都冇講過外賣我同佢地說，你收款員找錯錢又落錯單做錯野，就怪我這個食客，我覺得態度好差，跟著個拎餐員將盤飯掉在的枱前，勁勞氣個隻，好冇禮貌。第一次遇到這樣。 自己同事做錯野懶食客。

今日突然好有慶致，朝早7點半去左寶村大快活同人食早餐。 因為唔想食咁貴，就叫左魚柳熟蛋加通粉。 個熟蛋其實都唔係好就，仲見到滑滑地既影子，我就唔鐘意食喇。 而魚柳就外脆內軟，好味。 通粉就淡左d啦，有d似淨湯面既感覺。 通粉都太冧了。

呢間大家樂開左甘耐,味道不嬲都唔係話好好,都唔會差好多叫左外賣,話要外賣,多汁多賣好地地一個咕嚕肉飯洋蔥仲多過飯多汁無多汁多飯又唔係特別多一間做開街坊生意都做得甘求其唔會再諗囉

今日不用上班，一如以往般睡至死去活來，十時多才起床，大概是昨晚夜了睡吧!起身上過網，追看完昨晚的義海豪情後，便到屋企附近的大快活跟家人吃午飯。去到時雙親早已order完畢，正在享用他們的咖喱牛腩飯及焗豬扒飯，而我看了看餐廳的水牌，即被那「厚切吉列黑豚扒大碗飯」吸引著，可選配日式咖喱汁或日本栗米白汁，我即刻到收銀櫃落order，要配日式咖喱汁，另加一杯雪碧，盛惠$37元!其實以快餐店來說也不算便宜呢，不過在物價騰飛的現今社會，也差不多了，好在物價還未漲至九姑娘年代要十幾廿萬一餐的地步!?~哈哈，真的睇義海豪情睇到上晒腦這個厚切吉列黑豚扒大碗飯，聲稱採用日本麵包糠及黑豚扒，再以160度高溫炸至金黃，鎖住肉汁，真是要吃過才知!等了幾分鐘，期待著的黑豚終於出爐了，眼見黑豚扒一開五件，外層果真炸至金黃色，而且size的而且確是厚切，差不多有半個碗咁大塊。墊底的雜菜堆，除了椰菜絲及胡蘿蔔絲外，更有木耳絲，一點也不求其，不過如果能熱一點會更加理想......吃得到咖喱汁裡些微的薯仔蓉，而咖喱味道一點也不辣，不過個人認為味道有點死鹹，如果師傅能輕手小許會更佳 急不及待咬了一啖，麵

話說上一次無意中試過大家樂的大煲翅後，覺得以快餐店來說，質素出乎意料的好，有如發現瑰寶，一直都好想找機會跟女友去試試。今日下午三時多，女友陪我這個仍未吃午飯的人吃下午茶餐，於是乎我建議到大家樂。可惜，由於店內大排長龍的關係，所以最後也放棄......最後跑到了寶林的大快活......這間分店自從多年前裝修過之後，已好幾年沒有到過。看看餐牌，快眼看到一個奶油多拼司華力腸及碗仔翅的茶餐，再加多杯熱奶茶，因為好想食碗仔翅，所以就點了這個茶餐~奶油多外層炸至金黃但同時間亦很油，不過吃得西多士就預咗嘞!西多只是微暖，很明顯炸了好一段時間再烘住。淋上鍊奶後，我就切一大塊放入口，味道中規中矩，無咩特別~至於司華力腸亦是大路貨，同樣只是徵暖兼油光四射，又係無咩特別~ 到最期待的碗仔翅，無論賣相，用料，甚至味道都令人失望，只有蛋花及幾片雲耳，真係一個字------"hea"味道亦偏鹹，應該多少也加了味精吧，吃完很渴........相比起大家樂的大煲翅，簡值係無得比....從小丑logo轉變至"大"字型logo，從連鎖餐廳變成上市公司。品牌形象的確好了

最愛呢間分店既下午茶鷄亦, 唔知點解, 零舍香口既. 真係好味過其他既分店. $16蚊, 都算抵食啦另外, 西多都好味, 個人最唔鐘意西多入面有花生醬, 太甜啦. 呢度就冇落醬, 正!!其實, 每一次黎都冇乜人, 係呢度可以靜靜地食tea, 真係不錯

平時如果吾係太"支力",我都寧願去遠少少新都城個間大快活,感覺個邊d質素好過喱間但因為今日實在太"支力",決定買個飯盒返屋企食其實喱到以前都吾係咁差,自從新都城新店開左之後喱到d飯愈來愈硬,特別係咖哩系列,食一啖已經冇胃口今日已經醒水,轉登吾揀飯食,買左個意粉炸雞磨菇芝士繪意粉聽落好好食咁,就買喱個試下啦收銀個阿姐吾知係咪新黎,我講完之後佢望左個水牌好耐,然後話"哦,芝士繪意粉呀!!"之後等叫Number,望住D Staff做野,可以用混亂黎形容明明講左外賣,廚房都仲可以成碟意粉拎出黎,又要等好啦...買到返屋企,打開...乾爭爭的,芝士吾知響邊炸雞係"林"ge...陣味有d似KFC D雞味不過人地廿幾蚊有杯汽水...喱個餐28蚊不特止冇野飲,乾爭爭,仲幾難食...以後都係行遠d去新都城

黎到呢間大快活食tea....初初被那個雞脾+紅豆冰吸引了! 不過$17呢睇到實物, 完全係大失望!! 大家可以睇到雞脾係幾咁細隻...d肉仲要係硬的! 煮到老哂.....個紅豆冰唔夠多紅豆..又冇咩奶...好難飲!!媽咪叫的豬扒包...唔係個包大到遮哂塊扒...係塊扒太細塊=0=" 味道都唔係特別好...今餐勁唔抵!! 就算個雞脾係$10我都唔會再食!!

2007年6月10日。大快活。兩個人食完肯德基再去了大快活，叫了一個XO醬鴨肉炒飯和一杯低糖綠茶。我不是喜歡吃炒飯的人，因為怕油，吃過印象最深刻的炒飯是在凱悅酒店的凱悅軒。當然大快活這個炒不能相提並論，吃不到XO醬的味道，鴨肉也少了點。一般般的啦。