影片
更多
2022-03-05
166 瀏覽
今次又嚟這間連鎖快餐店，不過就去了另一間分店，亦唔係食下午茶，而係食午餐。上次只用了一張$5電子優惠劵，今次就用張$10，再省多啲。同樣在網上點餐，午餐選擇都唔少，而我這個省妹當然揀最平的系列，即係「超值之選」，淨一個客飯，唔包飲品就最經濟實優。「超值之選」都有六七款選擇，但其實餸料差唔多，只是配搭不同。我今次點了一客泡椒魚塊蒸南瓜飯($33)，白飯仲可改多飯、少飯、欖油意粉、紅米飯、多紅米飯和少紅米飯，我當然將白飯改了紅米飯，健康啲咁。雖然沒有包飲品，但可加錢配湯，抵!飯餸分開兩盒，份量都好足。南瓜本身紛棉甜美，配上泡椒汁，甜中帶辣，好味! 魚塊約有四五份，全部無魚骨，啖啖肉，雖然睇唔出係咩魚，但好嫩滑，弄得好入味，鹹香帶辣，好惹味。紅米飯都幾有咬口，但唔硬身，拌上泡椒汁真係可以「爬」多幾啖。加錢配了淡菜粉葛扁豆唐排湯(+$7)，一打開蓋就聞到淡菜香。湯料十足，粉葛和扁豆都煲到腍身，夠火喉，味道甘香，好好飲，有家的感覺，讚! 提外話：今次埋單幾錢呢? 本應$33+$7=$40，網上訂餐有9折，再用埋$10電子優惠劵，實收$26，你話我係咪省妹呢?
泡椒魚塊蒸南瓜飯
$26
7 瀏覽
0 讚好
0 留言
飯餸分開兩盒，份量都好足。南瓜本身紛棉甜美，配上泡椒汁，甜中帶辣，好味! 魚塊約有四五份，全部無魚骨，啖啖肉，雖然睇唔出係咩魚，但好嫩滑，弄得好入味，鹹香帶辣，好惹味。紅米飯都幾有咬口，但唔硬身，拌上泡椒汁真係可以「爬」多幾啖。
淡菜粉葛扁豆唐排湯
$7
2 瀏覽
0 讚好
0 留言
加錢配了淡菜粉葛扁豆唐排湯(+$7)，一打開蓋就聞到淡菜香。湯料十足，粉葛和扁豆都煲到腍身，夠火喉，味道甘香，好好飲，有家的感覺，讚! 提外話：今次埋單幾錢呢? 本應$33+$7=$40，網上訂餐有9折，再用埋$10電子優惠劵，實收$26，你話我係咪省妹呢?
張貼
