大快活

營業中

休息中

有時都會行過依間大快活食免煮快餐，可能間鋪唔係大鋪，只係應付附近屋苑居民，佢既質素都算平均。職員有禮貌同時手腳都算快。廁所清潔就。野食都夠熱。點左餐-》就搵位-〉放個流動鐘仔-》等送餐。是日晚餐叫扒餐，牛扒加雞扒跟蒜蓉包，加錢買可樂。個餐塊牛薄而大，當然唔係靚扒，唔算多筋及容易切。但咁既價錢，我收貨。雞扒用雞脾扒，因為我仲見到條骨，算嫰，佢最好食。蒜蓉包，其實應該叫佢多士，較硬但好脆，年輕人會鐘意食，但老人家話硬到咬唔到。盤底有墊菜，白水煮，冇味，但每餐要均衡飲食，放左入口先啦。

一早去食餐、附近两間快餐和小餐廳、這間比較多人、经常排長龍、因為他提供款式比其他的多、今早望着餐牌'、花多眼亂樣樣都想食、最後、决定選擇……糯米鷄配一杯茶、之前都食過、有信心的、点知……😢😢

因為諗住試勻快餐店式嘅火鍋套餐，所以趁機都搵藉口攪掂去~~先前嘅冬冬火鍋，我係讚不絕口，所以唔多唔少，對大x活嘅期望都相比其他兩間高。今次試嘅當然又係豬併牛，因為8點半後嘅關係，散叫多個墨魚滑送左個獅子狗卷。湯底︰蕃茄昆布蜆肉湯底，好香蕃茄，加左蜆肉好鮮味，但個人認為唔夠濃。肉類︰相比冬冬火鍋黑豚肉同牛肉都失色左，唔知係咪唔同店鋪問題；肩肉粒呢間賣相唔夠吉之島分店靚仔，有幾舊成舊都係肥膏，同埋真係要滾好耐入面先熟透，但滾得太耐又會韌~~麻麻地~墨魚滑︰今次加埋蟹子，仍然都係咁好食，不過唔知係咪心理作用關係，我都係覺得置樂分店好味d~~配菜︰相對另外兩間爭少少，不過我都好鍾意玉子豆腐同水餃，ok啦~~整體黎講，論價錢，唔夠平；論質素，要視乎分店；論份量，唔算多；論選擇，算多但未必個個會啱揀。反而冬冬火鍋除左timing上早推出有優勢外，第二輪日式承接唔到第一輪，同埋平平穩穩可能好少少~~不過都有可取之處，醬料任攞唔使驚唔夠用，同埋就係可以滿$100送汽水，兩個人去到邊間快餐店都一定過，唔知點解另外兩間係都要人加錢先有嘢飲~~~

我自己就比較少幫襯，我爸爸就多d，呢間大快活俾我地既印象就係咩都慢，一個好簡單就係淋d汁係面既碟頸飯都要等成4個字，同埋d 食物味道麻麻，只有杯紅包冰比較好味。