影片
更多
2009-10-22
122 瀏覽
因為諗住試勻快餐店式嘅火鍋套餐，所以趁機都搵藉口攪掂去~~先前嘅冬冬火鍋，我係讚不絕口，所以唔多唔少，對大x活嘅期望都相比其他兩間高。今次試嘅當然又係豬併牛，因為8點半後嘅關係，散叫多個墨魚滑送左個獅子狗卷。湯底︰蕃茄昆布蜆肉湯底，好香蕃茄，加左蜆肉好鮮味，但個人認為唔夠濃。肉類︰相比冬冬火鍋黑豚肉同牛肉都失色左，唔知係咪唔同店鋪問題；肩肉粒呢間賣相唔夠吉之島分店靚仔，有幾舊成舊都係肥膏，同埋真係要滾好耐入面先熟透，但滾得太耐又會韌~~麻麻地~墨魚滑︰今次加埋蟹子，仍然都係咁好食，不過唔知係咪心理作用關係，我都係覺得置樂分店好味d~~配菜︰相對另外兩間爭少少，不過我都好鍾意玉子豆腐同水餃，ok啦~~整體黎講，論價錢，唔夠平；論質素，要視乎分店；論份量，唔算多；論選擇，算多但未必個個會啱揀。反而冬冬火鍋除左timing上早推出有優勢外，第二輪日式承接唔到第一輪，同埋平平穩穩可能好少少~~不過都有可取之處，醬料任攞唔使驚唔夠用，同埋就係可以滿$100送汽水，兩個人去到邊間快餐店都一定過，唔知點解另外兩間係都要人加錢先有嘢飲~~~
先前嘅冬冬火鍋，我係讚不絕口，所以唔多唔少，對大x活嘅期望都相比其他兩間高。
今次試嘅當然又係豬併牛，因為8點半後嘅關係，散叫多個墨魚滑送左個獅子狗卷。
湯底︰蕃茄昆布蜆肉湯底，好香蕃茄，加左蜆肉好鮮味，但個人認為唔夠濃。
肉類︰相比冬冬火鍋黑豚肉同牛肉都失色左，唔知係咪唔同店鋪問題；肩肉粒呢間賣相唔夠吉之島分店靚仔，有幾舊成舊都係肥膏，同埋真係要滾好耐入面先熟透，但滾得太耐又會韌~~麻麻地~
墨魚滑︰今次加埋蟹子，仍然都係咁好食，不過唔知係咪心理作用關係，我都係覺得置樂分店好味d~~
配菜︰相對另外兩間爭少少，不過我都好鍾意玉子豆腐同水餃，ok啦~~
整體黎講，論價錢，唔夠平；論質素，要視乎分店；論份量，唔算多；論選擇，算多但未必個個會啱揀。反而冬冬火鍋除左timing上早推出有優勢外，第二輪日式承接唔到第一輪，同埋平平穩穩可能好少少~~
不過都有可取之處，醬料任攞唔使驚唔夠用，同埋就係可以滿$100送汽水，兩個人去到邊間快餐店都一定過，唔知點解另外兩間係都要人加錢先有嘢飲~~~
張貼