大快活

營業中

休息中

8月21日下午6:15 ，買一個粟米斑塊飯套餐外賣，有湯有茶，加了一個油菜，共$72。返到屋企打開嚟食，每件班塊粉漿好厚，用口咬開，內裏冇乜魚，好難食，簡直係黑心呃人，根本食唔落肚，正常人都唔會食粉漿落肚，以後都唔會買黎食。宜家市道生意難做，都唔好咁樣去做食物俾人食，如果因為物價昂貴，倒不如取消此項食物，簡單做一個餐蛋飯就算數吧！作為一間連鎖店，幫襯的都是小市民，而且都係相熟街坊，簡直對大快活好失望。

大快活生日優惠，最近用手機App下載了大快活App做會員，其中一個生日優惠，就是加$9.9可以品嚐精選早餐或下午茶，今天我就用了這個優惠，$9.9有一碗沙嗲牛肉麵及熱飲檸檬茶，雖然是快餐店，但牛肉竟然是出奇地用了新鮮牛肉，這碗麵沙嗲味湯底很濃，不錯！

今天是星期日，早上起來去大快活食個早餐，今天人不多，可能星期日其他人未有咁早起身。我見餐牌上有上海面，正好想吃得飽一些，於是叫了辣肉酱上海面，多士配荷包蛋和咖啡。味道不錯

我要去新蒲崗上堂，近近地而又好食的大快活位於新蒲崗彩虹道242號的釆頤花園內。我點左D61的沙薑豬扒飯配餐湯（節瓜淡菜唐排湯）$40，此為驚喜價（原價是$47）。雖然是每週的驚喜餐，亦絕對是交足功課的。此餐的賣相不錯，豬扒的肉質腍熟，有咬口，值得推介。有配菜，有誠意，餐湯好飲👍。

新蒲崗下午茶大快活，近地鐵站馬路邊，個位置好方便，晚上去體育館運動前，到呢個大快活食個下午茶，就會有體力去做運動，不錯的，雞翼如果能水份多一點更加好，雞翼好香脆，味道好食，熱狗腸仔多汁，個包到鬆軟香脆，熱狗如果加啲青瓜或者生菜就好啦，更加豐富

今日係2023年3月22號下午，午餐時段，見到呢個阿活港經典午餐係五香豬柳韭黃草菇燒伊麵，包一杯熱飲，我就叫咗杯加大可樂，套餐價43蚊，加大要比一蚊結果埋單係44蚊，於是我就試一下呢碟炒麵有幾好食啦，其實快餐店嘅炒麵都冇乜期望㗎喇！點知超級失望簡直浪費我嘅quota！嗰碟伊麵走出來只係兩塊細豬肉片，加一碟淡茂茂！冇呢味道！兼冇材料嘅燒伊麵！！！我立即向櫃檯職員反映！佢攞返入廚房，後鑊將碟嘢炒散佢完全冇improve到！！卒之見到碟伊麵得幾粒草菇同兩片豬肉！成碟麵仲係唔熱嘅！因為畀佢炒散咗當係表面交差！！你唔好當啲食客白痴睇唔出！！！👊🤜💥扮做咗嘢！！！奉勸大家，食大快活嘅經典午餐，預咗超級唔好食！！！🤮🤮🤮🤮🤮🤮🤮

晚上我雖然是在「筲箕灣東大街」泰國菜館裡面食完「泰式海南雞飯」，可惜泰國菜館裡面沒有提供「牛腩」，迫使我需要光顧泰國菜館，要儘快坐港鐵返回「新蒲崗」享用牛腩食品。可惜我坐港鐵回到「鑽石山」，再徒步趕回到「新蒲崗」的時候，很多食店已經需要打烊休息，迫使我需要尋找其他食店，趕及「堂食時間」完結之前儘早食完「牛腩」。結果我需要離開「新蒲崗」，徒步返回「采頤花園」商店街裡面，光顧同樣快將打烊休息的「大快活」，怎料「大快活」收銀店員也告訴我「咖喱牛腩飯」已經差不多售罄了。結果快將關門休息的「采頤花園」分店的「大快活」，只剩下「柱侯牛腩煲」客飯套餐仍然有存貨提供，令我趕得及在「堂食時間」完結之前還有「牛腩」可以享用。「大快活」「柱侯牛腩煲」套餐裡面雖然有白飯，但是偏偏沒有飲品，連成本最便宜的「汽水」，迫使我需要另外加港幣七元，追加汽水「雪碧」一杯。由於我光顧「采頤花園」分店「大快活」時，已經接近食店打烊休息的時間，所以剛剛等候到「大快活」廚房製作「柱侯牛腩煲」套餐的時候，食店已經準備打烊休息，店內已經開始關掉部分燈光。至於「柱侯牛腩煲」裡面的「牛腩」的實際份量跟熟成口感程度，都只是屬於勉強剛剛好，

大熱天時搵間簡單快捷冷氣足既餐廳坐低食下先,就近首選就系新蒲崗呢間大快活啦,其實簡單幾塊雜扒細心食都幾有味,賣相已經知夠足料，醬汁當然系成份餐既靈魂,牛扒豬扒味道清晰,牛有牛味豬有豬味,火腿扒亦都好有滿足感,配菜新鮮紅蘿蔔甜美營養均衡,飯煮得軟硬適中, 唔會好軟, 尤其是加埋醬汁食落都好滋味,加上香濃奶茶一杯算係令人激賞之作

阿媽在晚上忽然安排了，在妹妹那一邊的家旁邊舉行燒烤派對，以燒烤作為當晚的晚餐，可惜我的性格一向比較固執，晚餐一定要有米飯落肚，所以我先叫我食完晚飯，才趕到她那邊參加燒烤派對。我為免花了太多時間在外面食晚飯，導致晚上趕不及返回西貢墟，所以我只能選擇在西貢墟，或者西貢墟附近的九龍地區內，尋找食肆和食晚飯。由於我在午飯沒有機會食牛肉，所以我的晚飯大前提，是一定要有牛肉可以食的餐廳。結果我選擇了，位於「采頤花園」商場裡面的連鎖快餐店「大快活」，結果我為我自己的決定感到有點後悔。因為原來「采頤花園」商場裡面的「大快活」，「大快活」晚餐所有菜色裡面，都沒有菜式可以同時只提供牛肉跟雞肉。就算「大快活」有部分菜式可以提供牛肉雞肉，卻意外加插我絕對不會食的「豬肉」。牛肉跟雞肉在「大快活」的晚市裡面，彷彿變成了「莎士比亞」的經典作品「羅密歐與茱麗葉」裡面的男女主角一樣，永遠沒有可能相宿相棲，或者會有其他不知情識趣的角色，例如「豬肉」插手介入。最後我只能夠選擇，同時購買「大快活」的兩款咖喱飯，分別是「大快活」的「阿活咖喱牛腩飯」跟「阿活咖喱雞飯」，代價就是放棄選擇飲品。我沒有所謂，反正我到了晚上不能喝咖啡、

落單全部錯哂, 叫HOTPOT要豚肉,俾左牛肉我, 湯底叫辣湯,.佢就俾左花膠湯我, 都唔知聽乜GE....講番佢晚市HOTPOT, 80G 豚肉要79, 唔平架都, D豚肉大大塊, 有肉味, 但唔會太肥, 唔錯。湯底叫左辣味果隻, 但完全無辣味, 似蕃茄湯底多D。另有魚餅, 芝士腸,餃子果D 每樣2件, 唔使再追加配料都得。菜都有3款, 仲有金菇, 本身湯底有羅白, 雞肉2,3舊, 都算多野食。

昨天早上路過釆頤花園，因趕時間怱怱入去大快活吃過早餐，很久沒有幫襯快餐連鎖店的早餐啦！因這大快活是地舖，落地玻璃，很光猛，又在路邊，所以不作考慮，即時入內醫肚。叫了一個S01 有火腿通粉但可轉其中一款雪菜肉絲米粉，份量剛好，味道可以，還有厚多士，鮮奶炒蛋，或者真很久沒吃過大快活的厚多，覺得唔錯，烘焙得適中，加上牛油吃都是不錯選擇，炒蛋都很香和滑，不是水汪汪！最後來杯熱齋啡，好滿足！

為了食早餐，我又來到了采頤花園轉車，上一次，采頤花園那平平無奇的茶餐廳吃過了，而這一次，我決定試一試這位於屋苑大門口旁的快餐店，連鎖的《大快活》。在《大快活》，我食黎食去其實都係果幾味野，是日有一個雙腸炒蛋餐，在餐牌上，他們又說明了會用上英式的肉腸，於是就二話不說地點了，加一個通粉。出來的，的確是兩條焗得很香的英式肉腸，味道濃烈，肉的味道重，肉的比份也重，而炒蛋夠甜，也夠滑，令我感覺到《大快活》出色的一面。火腿通心粉，是眾快餐店的最快早餐，預先煮好的通粉及火腿，加熱湯就是，而那熱湯是雞味湯，入口感覺很好，很美味。很用心的早餐，在此，我都係用這一句總結，連鎖店若是做得不好，好多時都是因為該店沒有用心去把東西做好。