大快活

營業中

休息中

叫左個泡椒雞（半隻）套餐，我期望係好似青椒皮蛋個汁咁，點知係大量薑粒加少許紅椒粒，但味道又唔突出，都唔知自己食緊乜，雞又冇咩肉，我情願佢比雞件我，起碼有d肉食下。反而係個韮黃魚肚羹好食，足料，加d紅醋好好味😋收銀姐姐好好態度，前面個阿伯改乜改乜都好好笑容。

過咗食飯時間又月尾所以最佳嘅選擇都係食快餐嘅下午茶，今次去咗大快活嗌咗脆皮腸雪菜肉絲米加一個燒雞髀！不過我覺得個份量就比較少可能大食嘅人呢唔會夠夠食，所以我提議都係加多個小食會好D

真係第一次寫大快活，因為個煲仔飯真係出色！鱆魚肉餅拼泡椒雞肉煲仔飯哩個鱆魚肉飯拼泡椒雞肉煲仔飯，雙拚都只係53蚊，鱆魚肉餅同泡椒雞肉已經份量多，肉餅本身調味好好，再加埋辣辣地的泡椒雞肉，好鬼惹味。煲仔飯最最最重要，就一定係飯，佢個設計好好的紙盒，預埋厚紙皮俾你做「隔熱神器」，一開始打開蓋落埋豉油焗一焗，幾分鐘後真係有飯焦架！除左紙盒設計，佢隻匙又係特別厚身，可以括起飯焦，細心！近排佢做緊外賣優惠，連煲拎走，還煲重可以拎返8蚊堂食現金coupon，分開用得，一次過用亦得，得左！減埋8蚊只係40幾蚊，問你死未！餐廳：大快活 (明豐大廈) Fairwood (Ming Fung Buliding)地址：灣仔灣仔道128-150號明豐大廈1樓A舖Address：Portion A, 1/F., Ming Fung Buliding, 128-150 Wanchai Road, Wan Chai#肥誠 #肥誠搵食 #fatshinghk #instagramhk #instagramfood #food #餐廳 #香港美食 #香港餐廳 #灣仔 #觀塘 #旺角 #早餐 #午餐 #晚餐 #hongk

"大快活"這個名字係我字典入面消失左好一段日子 如果唔係朋友經過見到佢做緊羊腩煲套餐 話幾吸引既話 我無諗過我同大快活會再見😶八點鐘上到去 直衝收銀： 佢答：［最後一個羊腩煲 俾排喺我哋前面嗰個買咗啦！］......OK.......一人火鍋 x 2 唔該🥲 芫茜皮蛋湯 x 麻辣湯 自製鴛鴦鍋😌 每個set都配有一條單條油炸鬼 蔬菜籃 配菜有餃子炸魚肉卷蝦卷等 芫茜皮蛋湯 好足料 湯底好夠味 用嚟煮瓜菜 鮮味好突出 唔錯麻辣湯既麻味比想像中突出 用呢個湯煮煮烏冬 公仔麵 會有驚喜👌 蔬菜都新鮮 油炸鬼牛肉豬肉其他配菜就正正常常 係對得住個價錢既質素 唔好用牛小排黑豚肉做基準 ok?以$81蚊既價錢 有滿滿既碳水 有肉有菜 真係會抱住個肚走p.s. 臨走嘅時候 經過收銀果時 個姐姐請左我哋食雪糕🥳 爽總結: 算係甘啦 呢個價錢 仲要求啲咩😌

雞扒+煎雙蛋+魚肉燒賣3粒+蘿蔔糕+加配皮蛋瘦肉粥(+$9.5)配凍奶茶(+$3) $51外賣自取九折後 $45.9早餐雖然唔算平 但勝在可以隨心所欲 配搭自己想食嘅都唔錯😆🐓今次嘅雞扒比較細塊 堂食嘅味道應該會好過外賣🍳煎蛋配埋燒汁食都幾好😬我覺得好食過炒蛋覺得佢嘅蘿蔔糕幾好食 口感吾會好粉皮蛋瘦肉粥雖然要加$9.5唔算大碗 不過原來都幾多料😍都有幾多皮蛋系入面🥤依間分店既奶茶都沖得唔錯👍🏻

身為退休人士，要保著份退休金，於是午餐變成下午茶餐，小數怕長計，可以慳好多！平時食大快活下午茶有關愛咭優惠減三元，今天開始一連十幾日都加倍減六元，對我們長者實在喜出望外。今天去了灣仔的大快活，要了壹份沙爹牛肉公仔麵配熱咖啡，牛肉軟綿無根可以食哂六塊，湯底濃郁配上幾塊椰菜。有菜有肉盡顯誠意。價錢是三十二元減六元，只需廿六元，非常抵。最欣賞是一杯熱咖啡，味濃奶適中，飲後有種疲倦盡消的感覺，相比某些貴價咖啡，更勝一籌！

上一次嚟叫咗個鐵板，等咗20分鐘，後面的號陸續 出餐， 我都仲未有 ，一問之下原來漏咗單，咁唔緊要，佢話幫我整過啦，點知再等多20分鐘， 都係未有，原來重係未整，再等落去都唔係辦法，嚟到都唔夠時間食，亦唔知佢要整幾耐，餓住個肚走人。啲單都忍住手唔寫食評，但今次呢煲蘿蔔牛腩真係超超超唔掂，啲蘿蔔鹹到要lur，廚師試一試味先啦，啲鹽 而家唔使錢咩

鴨胸豬扒炸薯仔飯 40元 +3元凍飲  3.5/5分1. 鴨胸都幾多,有5塊左右,算係有油脂味,好少係快餐店會有2. 豬扒都有炸過,雖然少少暖唔夠熱,但都唔錯3. 炸薯仔真係神來之筆,炸得好好味,好有咬口,有4-5舊,食得好開心4. 本身有凍綠茶,加3元變凍央,都幾抵食5. 扣分位是米飯,有點凍及唔夠軟熟,可惜大快活每星期推出一個特別套餐,價錢比較低,方便沒有富有的人選擇,實在是窮人之福呢~自己只會吃大快活,而大家樂一粥面美心吉野家都唔會再去~

大快活除咗新出$33蚊餐，仲出左$46蚊煲仔飯餐，又經濟又實惠。今次叫咗個冬菇滑雞臘腸煲仔飯。開蓋後，要淋一淋附送嘅豉油汁，再撈一撈佢。第一啖熱辣辣，比佢辣親條舌頭，所以提一提大家記得要吹一吹先好食。入口都幾夠味，飯都幾香，雞肉都好滑，冬菇都係幾香嘅。臘腸係咸得來帶甜個種，半肥瘦。兩條油菜都新鮮，爽脆。食到底有飯焦，卜卜脆，好味喔。呢個飯唯一美中不足就是太油膩，如果可以少啲油就perfect了。一煲飯夠兩個人分，所以叫一煲兩人食就足夠了。

Lunch time 想食d 健康d 既野所以叫左個蘑菇汁雞胸紅米飯，點知好失望...D 紅米只係小小暖，雞胸勁"鞋",冇乜味，d 雜菜賣相勁差而且都係凍既... 係得個蘑菇汁味道正常...超失望，never eat this again.

收人50蚊，冇嘢飲。5月16號，星期三，下午一時左右，一個大快活推介咖哩牛腩飯，牛腩少到冇人有，只係得幾粒骰仔size，牛筋爛溶溶，小到死，只係好多汁，兩舊大薯仔。 咖哩汁味道也不及當年，辣有唔夠辣，咖哩味又唔夠，冇層次不特止，味道也不夠鹹。其實如果成本太高賣50蚊都回唔到本的話，不如加價加到$60 $70 做返一個似有牛腩的牛腩咖哩飯，好過乜都冇，丟自己㗎。老實講，我總唔信$50蚊一個咖哩牛腩飯冇錢賺。茶餐廳都做到啦，仲有湯有嘢飲。冇啦，食水勁深。

夜晚來到大快活, 灣仔店裝修左, 點左無味精的小菜咕嚕肉, 跟生菜, 老火湯。老火湯比較鹹, 其他還可以。咕嚕肉份量夠, 少肥肉, 飯量足夠, 整體份量唔會過多。 **想再試素咖哩和紅米飯。

花膠雞湯肥牛火鍋 （8安士肥牛）邊爐包括兩大碟肥牛，烏冬同埋蔬菜籃。湯底係花膠雞湯，裡面真系有兩件雞同埋花膠，講真就無咩味，當清湯底，健康打邊爐。整體價錢相宜，質素亦都唔差！抵讚既係佢有好多醬料選擇，可以任加。另外，餐係唔包括飲品，需要加金錢再叫！8安士肥牛 （1碟4安士）標榜係新鮮刨，的確係比其他快餐店既邊爐牛肉優勝，值得一試！邊爐必備烏冬蔬菜籃非常豐富，有金菇，娃娃菜，生菜，芋頭，芝士腸，餃子

I can't remember what tea set I ordered but the crispy bun came with condensed milk and peanut butter which I didn't use.HK style tea also came with it too which I don't drink so I mixed the peanut butter into the tea and surprisingly, it made the tea quite palatable!The creaminess and sweetness of the peanut butter and condensed milk made it less bitter and disguised the HK tea taste a bit!!

46咖喱牛腩飯飯淋到暈，咖哩加辣有幫我加好，而且夠汁撈好一大碟，女仔食曬一整碟，真係薯不簡單。加9凍奶茶挺不錯有碎冰朋友的飯同樣淋到爆，但佢相當鍾意，我都覺，放入口，唔洗，直接可以吞，啱曬好忙要食好快既你啦。