大快活 (已結業)

     當晚同家人食飯~買任何食物滿$32,即送紅豆冰~點知我地每人ORDER果份餐都係31蚊~所以用不到張COUPON~但兩份夾埋都60幾蚊,但職員又唔比用COUPON WO….之後唯有單買1杯算了…但佢又GET唔到我地O既意思,唔通連廣東話都唔識聽咁可憐???? CASHIER個職員又惡惡死死咁,見佢掛住個牌-受訓中, 但SERVICE如此差勁都無人睇實佢…唉~又開得1條LINE收銀~唔想為杯飲品同佢再嘈了~~$9 一杯紅豆冰~不過由CASHIER落完單行去取餐果邊真係好遠………紅豆冰叫左少冰 都可以有成堆碎冰……太多了……味道不錯呀,紅豆粒份量都OK~幾軟身~大大杯, 焗豬扒飯有好多鮮茄粒~正,滿滿的~SIZE一般的豬扒~略為硬身……味道OK,炒飯底都OK!有5-6件酸酸的菠蘿~環境不錯,很闊大~

下午茶有新餐款:臘味糯米飯.....選配碗仔翅陳皮紅豆沙.....選配迷你叉燒飯食後感:臘味糯米飯煙韌富口感, 臘味落得不多兼且夠瘦, 糯米飯食落唔油膩, 味道少鹹, 連埋花生同吃會更香囗碗仔翅有好多料, 全部切得幼幼, 濃稠度普通, 吃到半碗左右就開始稀；另外粉絲充魚翅, 粉絲粗身但無咬囗。陳皮紅豆沙有好香好香陳皮味, 紅豆沙甜而不膩, 紅豆飽滿大粒, 可是調煮得稀, 而且還欠蓮子百合迷你叉燒飯的叉燒有點兒瘦, 越嚼越有肉味；白飯就唔ok, 飯質太軟, 黏黏的每款都是$20頭, 抵夾飽

當日6:30pm買左1客焗豬扒飯 $31好大盒,份量又多~勁多tomato粒,醬汁tasty,酸酸~好鬼開胃呢~union好爽,芝士一片片~還不錯~飯粒口感ok的~GOOD 出菜都好快,只需3min~用coupon送紅豆冰,諗落都幾抵~紅豆份量好多!!!椰汁甜甜的,但紅豆當中有其中一粒有d怪味呢..........其他紅豆脹卜卜,好好0趙~大滿足~比90分!!!

之前用報紙的現金優惠COUPON—惠顧滿$32元或以上,可當現金$3使用,但根本有好多set dinner只係$30 only, 之前更試過買2份餐,用1張coupon也不容許 但coupon上只係講惠顧滿$32元或以上,完全無指明只限買1份餐囉但今次的coupon就改善左喇,只需惠顧滿$30便可減$3西西里豬柳意粉 $31未試過呢款意粉,幸好意粉的口感佳,又唔會乾身,又有味道!!豬柳無豬扒咁硬身,加上有豬柳的味道,很不錯呢!!細細件,無須用刀來切開也可以吃,還有意粉的雜菜作為伴菜也很健康!不重味精,味道不太濃!意粉很大碟,份量很多呢!很飽再單買1杯紅豆冰 $9可惜今次的紅豆冰失水準了…紅豆粒又唔夠多,又唔夠大粒,口感一般!!椰汁比紅豆味更重不太滿意

星期日去左呢間店食晏,唔多人,見到水牌果度冇咩食,又唔想食燒味飯,正想走之際,比我見到有雞髀飯食,我細個果陣成日食,但呢幾年我都未見過有,即刻叫左個來食.今時今日d野食越來越細,雞髀都係,好細件,冇咩肉食,有d乾,d汁都冇咩味,雖然係咁,但都可以一試,搵番以前既回憶一陣都好.

買了一碟雪菜肉絲炆米$28作晚。一睇就覺得好食。肉絲腍腍的。雖然米粉沒有汁液牽著,失了「炆」的效果,但每條米粉也很入味。米粉不會太碎,能夠一著著夾起,爽身的,再蒸熱,也沒有漿實成餅。(24/6/10)隔了一星期,已是糧尾時候,更需是要節制,可惜Tonkichi唔係話想食就食;有位你坐。唯有食著大快活近排推的,「厚切吉列黑豚扒」$32。那碗「珍珠米」可是嚇人!不夠熱不特只,米飯一粒一粒的,完全沒有黏性,味道更是像大陸米,沒飯香的。那片黑豚扒可是OK的啊!麵包糠很鬆脆,「黑豚肉」軟而有彈性,醃味也是很下得飯。「大快活」的,是港式口味。不要跟吉列店比較,一定是兩碼子的事罷。菜絲沙律,切得夠幼,下了柚子醋,也是很開胃的。大韓鑊仔牛肉$32,以「鑊仔」上,是否應該很熱騰騰嗎?不好意思,是暖暖的。那片煎大蔥蛋餅,「立」口的,有冬菇!?學做「韓式」?太不夠切底吧。那些辣年糕,更不濟!粉粉的!跟那碗飯......oh no!又是一模一樣的「珍珠米」。看來它攪什麼主意,還是中式/港式焗飯實際得多。

2010年4月21日 ( 大快活 - 1 )時近黃昏，仍是下午茶時間，今天特別肚餓，已經約會了朋友，在一小時後，到韓食家晚餐，但肚子也等不了，在這裡先來個茶餐。今餐選了豬扒包及熱奶茶，豬扒味道好，質素好過上次在大家樂的炭燒豬扒包，生菜絲鮮美，沙律醬足料，幾好。熱奶茶好過不少茶記呢！

落左風球,嘆早餐。黑松露炒蛋幾「高檔」wor!蛋雖然未至於滑滑蛋,但就好香牛油味和鮮奶香。那pat松露係將觧菌切幼粒,再落松露醬炒,菌增加松露香,好好食!但係杯Cappuccino就好失望喇!奶到不得了,咖啡味極輕!平時的即磨咖啡好飲好多!

睇相都想食,買左番屋企慢慢嘆。打開盒,好驚喜,賣相一絲一苟。「蜆」肥dod dod,有成六隻之多；「龍脷柳」煎得金香；「蝦」雖然未必係新鮮,不過一點雪味也沒有,仲好爽口。飯粒應該真係外國米,軟硬適中不特只,唔知佢係咪用左蝦、什麼海鮮湯煲飯,令飯極之鮮味!快餐店有咁水準,真不錯!

快活既下午茶都幾耐無食過，見佢地出左個燒雞下午茶，就抱住好奇心去試下啦。點知真係好正呀，隻燒雞好似隻BB鴿咁大隻。我二話不說即刻換左隻燒髀番黎，隻燒髀睇落順眼好多。蜜味燒髀隻雞髀都唔算太大隻，但個味道都唔錯既。起碼隻雞髀蜜汁味好夠。我比較鍾意呢種既味道，起碼甜甜地，又夠味。粗薯條得果三數條，個薯味就唔多夠。真係無乜特別。紅豆冰呢個就幾好飲啦，紅豆幾淋，算係咁啦。講真，燒雞未試過就真係唔好試啦，唔係一定會後悔。

今日放左學，四點三個字落去呢度食下午茶。都係食番燒髀米加紅豆冰，湊巧，我有神沙係度。我俾左個十元、兩個五元同兩個二元。個收銀居然話我爭個五元，唔係呀。我俾哂錢你仲話我爭你錢。佢連找都未找過，就話我爭佢錢，咁既服務都有既？最後，佢都找回個五元。食物都係咁啦，但燒髀有小小overcook啦。紅豆冰都係咁上下啦。整體而言，食物就無乜特別既問題，但服務態度就要好好改善啦。

今日放左學落呢度食下午茶，我又諗唔到食咩。咁就食蜜汁雞髀配米粉，就飲紅豆冰。入到間舖，都OK大啦，但始終位置唔多就腳，唔係太多人食下午茶。隻燒髀都幾好食，有D蜜糖味。外皮都OK脆啦，但係無富華果度咁好食。個米粉無乜特別啦，今次無加麻油啦，真係好食好多。而杯紅豆冰都係咁上下啦。整體上都幾好啦，唔係太多人，好好坐呀。換著係天水圍，下午茶真係會打哂蛇餅架。

20/11/2008係荃灣開飯嗌左鮮原茄豬扒同埋日式咖哩豬扒飯同埋雜菜湯個鮮原茄真係好新鮮又甜,食左第一啖真係好開胃可能係我第一次食有新鮮感喇不過對我來講真係好好味個日式咖哩幾有日本咖哩既味不過就嫌d味唔夠濃特別一提既就係佢地既豬扒真係炸得岩岩好個湯飲我飲左兩間都係唔好飲既或者個湯既料點煲都係唔好飲喇