大快活 (已結業)

今日爸爸👨可以同小雲食早餐☺️懶惰嘅小雲就等爸爸買外賣返嚟同我同家姐三個人一齊食😆家姐係細食人士我哋就兩個餐三個人食！ 早餐都有多士、火腿通粉同埋雞扒、魚柳呢一啲😆魚柳都幾脆👍🏻 我最鍾意食魚柳同埋都算大塊😚不過雞扒一個燒汁就略為鹹咗啲🙊如果你好似小雲咁唔鍾意食多士你可以同佢地講叫蘿蔔糕🤪🙊👀 係屋企一齊睇電視食早餐一家人咁幾溫馨😊😊*連鎖店買早餐小心德爸爸用Alipay 現金券仲平左$5🤔👍🏻精明消費者

星期日天寒地凍，唔洗返工就梗係落街食個煲仔飯。叫左個冬菇滑雞，本來都唔抱任何希望，但卻意外地出色。煲飯雞滑，飯有烤香味，仲有飯焦，一淋上李錦記甜鼓油，即刻滋滋聲，將啲雞味吊曬出黎，令到成煲飯昇華到升一個層次。45蚊，仲送埋野飲，性價比高到爆炸。比起另一連鎖集團，午市好多餐都唔包野飲，呢個真係良心價格。我敢講，係大快活煲仔飯面前，廟街嗰啲都係不外如是，完全諗唔明點解會值70蚊，仲要大排長龍。大窩口街坊來吧，來感受暖笠笠的冬天吧。

今日天氣好悶熱，無咩胃口咁，所以好想啲食香辣嘢，行過大快活，諗起佢個阿活咖哩，於是就決定今晚晚餐係佢啦! 咖哩可以選牛腩或雞，我呢排食得太多牛肉，想轉轉口味，所以揀咗雞，買完嘢就坐定定等食。大快活喺晚餐時段轉人送餐服務，仲跟埋杯熱水，快餐店嚟講，服務真係好到無得彈。 咖哩雞一送到，已經急不及待開餐，咖哩雞食落雖然香料味都幾重，辣味都夠，但唔知點解覺得啲咖哩差少少嘢，啲味唔夠濃，而雞件就正正常常，夠入味嘅，薯仔雖然炆得夠淋，但唔夠入味。由於咖哩好刺激食慾，最後都食咗大半碟飯，下次會為咗佢哋嘅好服務，再 encore!

首先講明，個飯唔算好好食。不過個配搭真係好有趣。外賣呢個雞飯，固然有雞肉，另外仲配有雲耳、乾豆腐、雜菜。就咁聽落，好似無咩特別，好正常咁。正當我都咁以為既時候，我就食左第一啖。咦！！點解個汁咁奇怪，係甜既！？再咬左幾啖又有鹹味。。。呢個情況係食乾豆腐既時候最明顯，因為佢會吸哂d汁既味，好有趣。雞整得唔係幾好，有少少碎骨，好驚咬崩牙。呢個飯整體黎講，又唔可以話唔好食，但一路食真係得啖笑。想試新野既人不妨一試。

今晚晚餐去左大快活開餐，呢度職員幾有禮貌，所以間中就會黎幫親下，今次我繼續一如既往都係繼續叫左美味既阿活焗豬扒飯，酸酸甜甜既香濃蕃茄醬汁舖係豬扒上，蕃茄醬汁完全滲透豬扒入面，豬扒又夠味又夠淋，仲好大塊份量好足夠，面頭仲有開胃菠蘿做配料，再配埋炒得好香同粒粒分明金黃色既炒飯底，夠哂乾身同味道，好味非常，跟飯仲有細細兜既椰菜送，清清地健康又窩心既配搭，跟餐叫左凍蜂蜜綠茶，少少苦澀既綠茶溝左甜甜地既蜂蜜都幾好飲，咁美味既晩餐只係$4X,好抵食最重係真係食得飽飽，有時唔係咁餓，一兜飯一個人真係食唔晒！

今日一個人求其揾左間地方食野，揀左個咖喱牛腩飯配凍檸茶，取餐之後，只需短短幾分鐘就可以開餐喇！！熱辣辣的牛腩鬆軟細嫩唔黐牙，牛腩配上香濃咖喱汁，咀嚼有點香辣味，咖喱汁融入到牛腩里面，味道恰到好處！！

今日約定朋友去商場行街，幾乎走遍整個商場，行到差唔多個肚咕嚕叫喇，我哋嚟左大快活，我揀左個吉列炸豬扒飯，豬扒己經一條條切好左食起黎好方便，咬一啖豬扒外脆裡嫩，肉质细膩食起黎又唔油腻。

因家中小動物轉左新藥後,情況異常..今日個心總前不安,有時真係覺得連自己寵物都照顧唔到,還說照顧人..真可笑但又要上班,只好等家人帶小寵物去睇醫生,在等待期間,經過大快活,發現出了臘腸排骨煲仔飯,天氣凍凍地,就去試下,加埋飲品50元都算合理,太約等15分鐘,就有取,材料好豐富,有一條完整臘腸.菜甫,數件肉排,同甜豉油,從外觀外.有飯焦,應該原煲煲成,加埋豉油十分野味可口,而且好熱,食完暖暖的,總給到我寒冷中一點溫暖,總括來說,飯做得有水準,肉排冇咩骨,但甫加入飯,總怪怪的,臘腸少肥但好淋好味

大家樂,美心,大快活,三間快餐店入面本人最中意就係大快活,尤其是佢GE早餐,選擇又多又特別D~好可惜荃灣目前所有大快活已經關閉哂,所以趁住假期就同朋友特登行去比較近GE大窩口再會我最心愛GE大快活早餐!本人最中意GE早餐配搭就係: 特式腸配炒蛋配多士+辣肉醬上海幼麵+阿活奶茶友人GE就係: 蜜糖雞扒配炒蛋配多士+火腿通粉+阿活奶茶特式腸: 分別係芝士腸,脆皮腸同香草雞肉腸.本人最中意芝士腸,芝士味極濃,咬開可以見到好微細GE芝士粒.香草雞肉腸味道有D似豬柳漢堡不過都好好味. 脆皮腸就比較普通~同一般街外買到GE脆皮腸味道差唔多炒蛋: 牛奶味都幾濃,蛋炒得都算滑,不過份量控制就要再加把勁多士: 大快活早餐重點!! 多士間間快餐店都有提供,但大快活係提供埋果醬,花生醬,煉奶,牛油比你~只要拎野食果陣問阿姐拎就有~ 果占多,奶油多,奶醬多等等,全部都可以自製!!~辣肉醬上海幼麵: 份量極多,麵條偏硬,湯底有少少辣,如果放太耐會易漲~所以建議唔好放太耐先食蜜糖雞扒: 友人最中意,皮煎得幾脆~火腿通粉: 普普通通~冇咩特別阿活奶茶: 望到色都知係茶偏多奶偏少,不過最岩本人口味~

2010年5月17日 ( 大快活 - 1 ) (首評:121) 大快活最近推出之厚切吉列黑豚肉，今天的午餐，就是選吃了厚切吉列黑豚肉扒餐(32元)，改飲紅豆冰要加9元，合共41元。厚切吉列黑豚肉扒餐，吉列外皮香脆，肉汁豐腴，口感味道！真的有點驚喜。飯底採用圓潤的珍珠米，米飯粒粒分明而不黏牙，配上香口的黑芝麻，確實是不錯的。還有那配上自家製的柚子汁菜絲，菜絲清甜，醬汁開胃可口。紅豆冰，淡奶香滑而不過甜，紅豆香腍，乃是一杯合格的紅豆冰矣...大快活的這一餐，看似貴了一點，然而，味道與質素卻是超值了，還帶來猜不到的驚喜呢！