大快活

營業中

休息中

小米在公園玩樂過後, 來到這快餐店, 為求快快脆食晚餐.  來到快餐店大集團, 有大量位置. 但要找個乾淨的枱, 有一定難度.  小米點了咖哩牛腩飯, 自己喜歡芫茜, 所以點香茜鱆魚肉餅煲仔飯.    香茜鱆魚肉餅煲仔飯 ~ 多茜   MENU表示可選擇多芫茜, 原來是多了一小碟的<鹽西>.....   先把小碟裡的芫茜倒在肉餅上, 然後反轉肉餅迫出芫茜香, 再落豉油焗一焗.   鱆魚肉餅雖有豉油加持, 但肉餅仍透出梘水味!  大集團, 心照. 特別夾出肉餅, 主攻芫茜豉油撈飯. 熱辣辣的煲仔飯, 令煲邊的飯粒變得焦香, 可是自己喜歡軟綿綿的食物, 就覺得硬崛崛的焦焦飯似砂石.   唯有選擇仍未變焦的飯芯! 米香拌著淡淡的芫茜香, 配淡淡的豉油, 還有豆角惹味graham蘿蔔乾, 讓人一口一口的繼續食. 煲仔飯份量超大, 單食芫茜豉油撈飯, 來到一半已經覺得很飽了.  咖哩牛腩飯    看到紅色辣椒油跟稀湯湯的咖哩完全分離, 就覺得特別篤眼篤鼻.     小米報告, 咖哩唔辣, 牛没有牛味, 食到一半就放棄了. 

今日凍凍地，唔知食乜好，咁凍最適宜食煲仔飯啦行過大快活見佢地有煲仔飯賣, 就決定試一試我揀咗臘腸冬菇雞煲飯，個煲仔飯$47，用支付寶仲可以減多$5。等咗15分鐘先有得食。煲仔飯有齊臘腸、冬菇、雞，熱辣辣香噴噴，飯都煲得ok, 咁嘅價錢CP值算高啦

天寒地凍見到大快活外賣自取有9折優惠，又想食下煲仔飯，就試下叫外賣啦～晚市時段係5點15分開始嘅，一入到個網見到做緊個2人餐優惠，$93（未折）可以揀兩個飯，配埋兩杯野飲好似幾抵。但係開始無耐已經見到有啲煲仔飯賣曬。餐飲：青紅蘿蔔粟米煲豬展湯就係一般茶餐廳嘅質素，偏淡、水水地，上面浮住一層油。入面有青紅蘿蔔、南北杏、蜜棗同少少肉碎，不過豬展煲湯都預左啲肉會好鞋，個湯可以唔洗特別去試。窩蛋土魷雞粒冬菇冬菜肉餅煲仔飯 一開就見到隻蛋都幾生下，即刻趁熱落埋甜豉油撈下佢，但係都唔係好熟。見到人地啲煲仔飯會有飯焦，但係今次個煲仔飯唔夠熱，無飯焦得黎隻蛋都仲係好生，可能都係要自己再加熱下。肉餅食落有冬菇粒同魷魚嘅香味，整體黎講份量都幾多，如果細食嘅朋友可能可以兩個share一個飯添。臘腸豉汁排骨煲仔飯呢個比上面個煲熱少少，所以係有啲飯焦嘅，相對之下菜同蔥就會黃啲，同埋比起上面個煲仔飯，呢個個份量睇落好似少啲。臘腸切落去爆汁，唔算好肥，都係甜甜香香嘅臘腸味，幾好食。啲豆豉都幾香，食落仲有少少陳皮味，不過啲排骨幾厚粉，而且好大舊骨，比較少肉⋯加$6就送埋個煲俾你，都ok新淨，係個邊位有少少崩左。如果拎

我和兩位好戰友小聚會，因為我哋之後，會成立一個偉大嘅商會，所以現在就開始努力，努力中途肚餓，就去食飯。撞正嗰日鰂魚涌做大party。大家樂都唔敢開門，咁就去咗呢間食。講真我哋三個叫的餐，都達到連鎖快餐店應有水平，幾廿蚊唔好咁高要求啦。係豬扒有啲乾，咁真係有啲乾嘛⋯⋯整體都唔錯嘅，大家望吓張相就知啦差唔多食晒。咁就明白唔會係好差。但我覺得嗰度空氣好悶焗，唔知道空氣係唔流通定冷氣機好耐冇洗，呢樣真係要搞下佢。都係果句啦，我知道我要求高，唔好意思！

今日 再次嚟到大快活 決定嗌一啲比較乾身嘅飯希望唔好太油膩 見到餐牌上有一個鹹蛋肉餅飯 正正適合我今日的口味 打開手機apps見到alipay coupon咁就順便用埋啦 最後埋單38減8蚊呢個飯只係用咗30蚊, 性價比冇得輸鹹蛋肉餅飯味道合格 肉餅鬆軟唔會太鹹,鹹蛋味道亦都剛剛好, 有起沙的感覺 但你要追求留黄的鹹蛋, 對唔住佢未到呢個境界。跟餐配菜亦都係老毛病 白曬曬一啲味都冇,但反而今日的餐湯味道合格不會太鹹 味精也沒有那麼重手 所以整體今餐我會畀六分。

今日係見工嘅日子，著得整整齊齊來到鍘魚涌，見工都係預早少少探一探路，早啲食個大早餐飲杯咖啡醒腦提神，有問有答show醒目一面！一出地鐵站只係見到大快活，就佢啦！叫個鮮茄脆皮腸湯通粉配熱咖啡 ($32)，佢強調意大利鮮茄湯，就試一試！佢有兩條長身嘅脆皮腸，配上少少菜同好多通粉，的確好飽肚！佢聲稱係意大利鮮茄湯，但疑似係用大量茄膏加少少少少量蕃茄溝出來嘅醬，”不”一羹係面，連淆湯嘅時間同誠意都慳返，係濃郁嘅茄膏湯！不過唔係難食嘅！

今天家人個個有節目，自己一支公就去咗鰂魚涌地鐵站對面果間大快活晚餐，呢度雖然要上二樓，但反而人流冇咁多，搵位容易咗，地方又好大，坐得舒服了！叫咗一個足半磅肥牛火鍋，$85，坐落等店員送來，自己先去攞醬油辣醬等，不久店員先送酒精爐生火，上面一個花膠湯底，滾滾吓等多一陣，肥牛，豚肉，什菜，烏冬一齊送到！擺放都好四正，牛肉、豚肉切得好薄，方便淥一淥就食得！水滾先下肥牛片先，好易熟，點醬油食得，嘩！唔錯，好有牛味、一D都唔鞋口、正喎！再來豚肉，又係好嫰滑而有鮮甜肉味，一大碗生菜皇帝菜，又有金菇，一個人，慢慢烚下烚吓，最後係落埋D烏冬，滾滾下，D烏冬吸收哂D湯汁，又滑又好味！呢餐真係平靚正呀！

秋風起，又係打邊爐既季節。上年都有食過大快活火鍋，今年既質素依舊，值得一試。店舖超闊落，可能已經8點半，只有10多枱客人，購買火鍋後就可以靜靜等服務員送餐，絕對係懶人之選。今次點了花膠雞湯底，套餐有牛肉和豚肉各4安士，蔬菜籃，烏冬等，另外星期一至五追加配料有半價，超抵。追加食材份量亦不少，個人推介魚肉春捲，胡椒扎肉。留意返，分店10點就關門，所以想悠悠閒閒地打邊爐，慢慢享受美食，就要預留時間喇!!

今早趕時間，冇得嘆茶，只能食個快餐，去到大快活叫咗個早餐，有多牛油多士、炒滑蛋，雪菜肉絲湯米線！仲有杯熱奶茶添，先至係$29.5！炒旦好滑，用來夾多士變咗自製旦治，又幾香口喎，雪菜肉絲米缐，畧覺咸咗D、但米線就好軟滑，果杯熱奶茶都好香滑不覺鞋囗，咁大份早餐，食飽飽，又幾抵！

今天晚餐去咗大快活點咗個㗎喱牛腩飯，外觀幾靚仔喎，架喱汁夠濃夠多，仲有好多好腍嘅牛根係我至愛，食落牛腩都好香滑，㗎喱汁撈飯更係開胃啦，好快就成碟飯清哂，平民消費，好抵食！

雖然今天是父親節，但是整天的活動，都是圍繞著小米：鰂魚涌公園～玩～玩～玩！到日落時分，本想在附近享用大餐，賀一賀父親節。奈何，小米發現這邊有大快活。死Chur爛Chur要去這家快餐店，就是為了Show me your love粟米肉粒飯。小米對食物真的很專一。   小米至愛的粟米肉粒飯　　將山楂豬軟軟骨飯套餐的餐飲，轉為紅豆冰走奶，即係紅豆水，留比小米。 山楂豬軟骨飯　　深紅色的醬汁，酸中帶甜，山楂可活血化瘀，豬肋骨不夠軟，要比牙力，咬呀咬！但不夠軟也有好處：即使咀嚼後，豬肋骨也呈粒粒狀，似膳食纖維，刺激腸道蠕動，有助排毒。　原來配料中，混有薯仔和枝竹。  咖哩雜菜蛋飯    小米之父最喜歡的咖哩，但又要扮健康，所以點了雜菜蛋飯。不過這份咖哩油份較多了！   每份都是几十個大洋，百五都唔洗，一家三口都可食飽飽，真抵食！我比錢喎！只是想不到，竟然會在大快活享用父親節大餐啫！

細細個既時候成日weekend都會同屋企人去連鎖快餐店食雞脾餐配紅豆冰仲記得果陣成日都沽清 食唔食到都要睇運氣今日做野做到冇時間lunch 就喺tea time既時候去大快活食野其實咁多年嚟大快活既menu都唔係變左好多以前通常係叫油脾食既今日見有燒雞脾就叫呢個配紅豆冰 $32一攞我自己都嚇親點解可以咁細隻仲要好似斷頭斷尾咁唔夠熱 而且好乾 入面想搵d肉汁都唔容易幾啖就食完 就算作為tea都完全唔夠🥤紅豆冰就正正常常 紅豆都算甜冰粒稍微碎左dd有時會連埋d野飲一齊飲倒呢個餐要$32我覺得真係好唔抵質素比起以前真係差好遠(雖然以前唔係食燒雞脾)

The cashier lady was very friendly and patient and explained the menu to my parents who were visiting from the States. The prices are decent and the combo photos from the menu explain it all. It is good that side dishes such as soup, drink and veggies are cheap and economical. I also appreciate the fact that I can get unlimited ginger sauce for my cha siu, upon request. The roast duck and the cha siu were especially delicious.

又一抵食茶餐之選，就係大快活的烚蛋熱狗包+春卷，連餐飲只係 $23，用埋 COUPON 減 $3，即係 $20 而已，一個字，抵！大快活的雞翼和春卷幾入味，尤其是後者，唔似大家樂果 D 咁，內餡筍多過乜，炸得又油又散，跟餐只得一條。反之，大快活的春卷除左入味之外，共有 3 條，醃得好入味好香口，唔太油，裡面 D 餡有菜有肉有紅蘿蔔等。至於個烚蛋熱狗包，搽牛油後上面有生菜有沙律醬，蛋是烚蛋 (係一整隻切片，唔係我三兩片)，感覺幾輕怡。

咖哩和豬扒分別係佢嘅店舖皇牌，今次第一次食。$43 冇野飲跟，用券減 $3，$40 的阿活咖哩厚切豬扒飯，嗯，係就係厚切，炸漿唔算太厚，肉質夠腍，不過件豬扒本身醃得唔太入味，就當係食 "清清地輕怡豬扒" 吧。除此之外咖哩汁真係唔夠，極其量只夠撈 3 分之 1 碗飯......雖然係咁，配菜都幾多，種類多樣：紅蘿蔔，椰菜，紅菜頭，長豆。如果呢個飯配埋餐飲就更好！