大戶屋

營業中

休息中

荃新天地一期食店選擇唔算好多，因為男朋友唔太餓，所以睇中左呢到有串燒就行左入去啦。大概晚上六點入到去發現餐廳已經六七成滿。我地叫左一個蘿蔔蓉煮炸豬扒鍋物定食、串燒拼盤同一份迷你黑醋野菜鱈魚。上菜比較慢，除左串燒比較出色之外，其餘兩樣味道唔算出眾。定食味道一般，鱈魚男朋友唔鐘意個煮法。而幾好食既串燒有一串燒雞肉食到最尾一粒發現個心好生☹️ 好彩一咬落去就感覺到唔對路雖然呢到外貌上好有日本傳統西餐廳風格，但食物質素遠遠未達上.....

因為先前朋友在網上看到介紹這餐廳，於是今天我們就來到荃灣的大戶屋吃午餐。由進餐廳到離開，整個過程店員的服務態度也非常好丶很有禮貌整個店舖的環境很寧靜很舒適，就連身旁裝牙籤的小盒子也非常精緻！下單以後，與朋友談談話聊聊天，食物很快就到了。擺設都非常有條理，醬油原本也是很貼心的用裝醬油的瓶子蓋住，整個套餐一到來的時候叫人眼前一亮。冷烏冬配上蔥跟豉油，非常美味。迷你飯中的吉列豬 扒非常香脆，不過作為喜歡味道重一點的人，這個飯可能會略為淡一點。不過對於喜歡吃淡一點的人，可會是最適合的套餐。有機會一定會再來品嚐一次！

住了荃灣很多年，基本上很多日式餐廳都吃過了，當中比較推薦的就是大户屋。這家主打定食的日本連鎖店，無論環境和食物方面，在區內也是比較不錯的。吉列熟成豬柳扒定食吉列豬扒可說是最普通的日式定食之一，卻不易做得好。雖大户屋的吉列豬扒比不上一些吉列豬扒專門店，但肉質和炸粉都做得OK，很少出現皮肉分離或炸粉過厚的情況，上菜時也是新鮮炸起的。銀鱈魚西京燒定食比起其他魚類定食，我最愛便是銀鱈魚西京燒這一款。銀鱈魚厚度和大小適中，西京調味也平衡，不會過甜或過咸。銀鱈魚皮燒得香脆，魚肉柔軟，魚油也不斷溢出，那魚油更可足夠用來拌飯！附有的蘿蔔蓉和伴菜則一般，我也比較少吃，盡量不想干擾吃主食的樂趣。燒鹽米糟熟成五花腩定食這五花腩定食也是較推薦的一款，因五花腩肉燒得比較入味，可能有些朋友會覺得過咸，但我個人則十分喜歡用來配飯。腩肉不會出現處理不好的豬臭味，反之是燒過的油香。把肉塊沾一點旁邊的山椒粉，更有特別的香氣。旁邊微酸的薯仔沙律也不要錯過，正是用來中和那五花腩帶來的油膩感。吉列雞扒蘿蔔蓉鍋定食比起以上三款，這個吉列雞扒蘿蔔蓉鍋則較普通。蘿蔔蓉醬汁和平時吃的吉列豬扒鍋是同樣的味道，但雞扒浸下去，吉列皮便會變軟

星期日朋友聚會，無得訂位，只能Walk-in, 8個人，等左40分鐘入座，坐低左五分鐘，選餐中無人奉茶，點左8個套餐，只來7個，問先發現漏單，7個人差唔多食完，朋友個餐才來，都明白客多，伙計少，但成$110起一個所謂家庭料理，食物真係好一般，上餐速度又慢，服務員唔知去左邊，想揾個人問下都唔易，咁嘅服務真係怕怕，無下次，香港地好奇怪，日本食物，一般質素，卻貴中式食物幾成，服務又唔好，唔知點解咁多人光顧？

同一個老朋友好耐好耐無見，想搵間好食又好坐既餐廳一齊食知飯聚下舊，就黎左荃新天地呢間朋友極力推薦既日本家庭式料理。我叫左個燒五花腩定食，本身我係個種打邊爐食肥牛都要咬走肥膏部分先肯食既人，因為我唔鐘意太油膩既口感。但呢個五花腩肥膏燒得係入口會溶，完全唔捨得咬走😹同埋佢側邊個粉有少少花椒8角係入面，食落更香口😁😁青柚子胡椒雞扒定食，無我想像中個隻好清新酸甜既柚子味，但佢都煎得好好，皮係我鐘意食既金黃色☺️☺️佢地既茶碗蒸蛋真心滑，比我食過一間係尖沙咀貴既壽司更滑😻😻令我忍唔住搶埋朋友個 然後比自己碗湯佢做交換 哈哈 下次黎開荃灣又有一間好餐廳食，價性比係高！

雖然係日本料理，不過我每次來都食熟食，例如牛舌set，豬腩肉set，其中我最愛係泡菜豬肉set。 今日又來了，天氣有點悶熱，要食D辣野開開胃，所以又order 了泡菜豬肉set。上餐速度快，熱辣辣的泡菜豬肉飯，很快就端上。泡菜炒豬肉，泡菜不是死辣死酸，豬肉薄薄的唔肥，有少少汁，拌飯一流。set 亦包了茶碗蒸，配菜，味噌汁同咖啡/茶。茶碗蒸尚算滑，冇overcooked。如果你想食日本家庭料理，大戶屋是ok 的。

今日來到荃灣辦點事，完事後當然上openrice搵下野食啦。因為無咩胃口，所以想找點麵食，最後找到這間有蕎麥麵食的。有五種選擇，小弟同女朋友都決定食蕎麥麵。小弟選的鴨湯蕎麥麵，鴨湯香濃，少少鴨油香，但不知為何蕎麥麵好難粘上鴨湯味，所以比一般粘醬油的味淡，鴨湯中的鴨肉就比較老，但蒸蛋十分滑。入會送的豆腐都幾滑，不過無咩豆味。攪拌了才記得影相，攪拌了淮山後十分黏口，加上木魚乾可增添口感，少點滑潺潺感覺。一般，唔多講。價錢一般，上菜有點慢，如果唔係無咩胃口，應該會唔夠飽，味道一樣一般，環境舒服，有機會再試其他食品。其實最後想食個甜品，朱古力芭菲，可惜侍應話無朱古力醬，所以無食甜品

早前與家姐細妹遊日本，行程匆匆，沒有機會促膝長談，又沒有時間勁吃美食，回到香港找個機會食日本野。大戶屋已幫襯多次，對著餐牌揭呀揭，樣樣都想食，最終點了炸熟成豬扒。落完單左望右望，見人地嘅嘢好似好好味，心諗，係咪決定錯了。豬扒來了，唔理前菜配菜，也不管食嘢次序，即時夾了一件豬扒食，嘩，不，得，了，唔怪得咁大膽收我110蚊再加一，原來，真係好味嘅呢，豬扒肉質軟，豬味出，特別左右兩端那舊，連住小小油脂，加埋薄身的脆外皮，在口腔內滿足了味覺和觸覺，雖然分量唔係多，但也令我好滿足喔。

同兩位朋友食飯，我叫左黑醋銀鱈魚定食加蕨餅配綠茶雪糕，定食味道係同日本大戶屋一樣。 由於其中一位朋友係日本人，佢地成日食大戶屋，但不約而同話我啲鱈魚得嗰四小條。其實上星期去日本我都有去大戶屋食同一樣野，所以記憶猶新，今餐嘅定食份量真係少好多，而且每粒蕨餅細粒過日本嗰個一半有多，口感仲要完全唔似蕨餅，似jelly多啲。日本大戶屋平得多，呢餐真係一路食一路嘆氣。我朋友話銅鑼灣大戶屋嘅份量冇呢間咁離譜，所以下次都係去銅鑼灣分店好喇。

同朋友行完街，夜晚來個聚餐，聽聞呢間餐廳嘢食唔錯，由荃新天地二期又行返去一期，拎籌排隊，終於入左坐低叫餐，我一開始係門口見到好吸引，就決定點「黑醋真鲩魚野菜定食」呢個餐，朋友問我好幾次，睇晒全部餐單都唔轉呔，殊不知等到上菜，感覺不太好，有些貨不對板，頓生失落心情我嘅至愛…啲蓮藕呢，拼埋一塊都唔夠，都幾失望下好采其他都算正常，就係調味料太濃，食唔出有原味，魚肉有啲韌，冇乜鮮感！睇黎好多事物，聞名不如見面，好壞都係要靠自己試過才知，一試便知真假了。

喜歡呢度既定食，雖然有時水準飄忽，但都仍然比好多日式餐廳好。今晚試左新製法既雞扒定食，個人覺得稍微咸左尐，但蒸蛋就好好味，夠滑有蛋香。個人唔好食飯，但每次黎呢度都會忍唔住食曬佢既飯，出事！

這店子的菜色選擇不多，幾乎每次光顧都是點xx魚定食。不過勝在食物質素良好，店內空間足夠，坐得好舒服，唔會有壓迫感xx魚定食的質素穩定，魚：非常juicy，侍應態度亦良好，整體感覺

是日和朋友於荃灣逛街，逛街後到大戶屋 晚膳， 由於大戶屋也比較出名我們等了約20分鐘。 八時入席點了菜後朋友的 炸豬扒於20分鐘便到達， 但我的炸豬扒腳要等待超過30分鐘才到達， 朋友也差不多吃完我才有， 感到非常失望， 然後我急不及待試炸豬扒的味道， 外表的確炸得鬆脆， 但裏面的豬扒淡而無味, 還算有肉汁, 雞蛋也算滑, 整餐飯的感覺很差.

去荃灣找我最喜愛的髮型師處剪頭髮，每次不是煩惱做什麼髮型（因為我的髮型師實在太強了😁），而是諗今次剪完髮後，應該吃什麼美食。之前經常到海壩街搵食，後來海壩街慢慢變得不太合我胃口，於是就改去荃灣西那邊的shopping Malls 搵食，近幾次都愛吃主打日本家庭式料理的大戶屋食晚餐，最欣賞他們的自家製豆腐，也很愛他們的山芋茸。也曾試過到日本大戶屋吃晚餐，點解？不是「愛」他 「愛」得那麼犀利...只是日本大戶屋開放至零晨兩點，shopping誤了晚餐時間，他們就是拉麵之外的另一些選擇。🍚燒五花腩定食是每次去都點的。值得推介是因它不太油膩，燒得少少香脆，但又能保留肉汁，況且用料算得上頗新鮮，所以特別好吃。👍🏼✨是次也點了他們期間限定，由築地直送的燒伊佐魚定食，魚的肉質鮮嫩甜美又唔多骨，不錯！👍🏼自家製豆腐： 用塩鹵自家製造的豆腐、質感嫩滑、豆味濃郁，配以木魚絲（自己加、要幾多有幾多 😁）及葱花也是每次光顧必點之算～刺身三點： 其他都不用説，新鮮最重要！😋

我平時都係睇帖唔回帖既人,今次係第一次寫食評, 因為真係食到一肚氣 雖然食物味道不錯, 但係服務0分。由我叫埋單直到我頂唔順親自行出去收銀處, 過程竟然用左超過15分鐘我第一次叫埋單,侍應應左聲, 之後冇下文。 隔左5分鐘再叫一次 ,一樣冇理 。最離譜係我叫左第一次埋單後,隔離桌都叫埋單 ,但係佢地埋完單走左 我張單仲未黎, 好離譜。叫左第3次都係咁 搞到我要直接行出收銀處直接埋單!!! 竟然仲叫我等等 !! 真係離晒大譜 咁既服務態度, 都夠膽收加一