大排檔火鍋

營業中

休息中

在旺角尋找美食，絕對不能錯過大排檔火鍋！這裡的火鍋和小菜讓人一試成主顧！🤤 🌟 茄汁大蝦 🍤一上桌，這道「茄汁大蝦」就讓我心情大好！蝦肉鮮嫩多汁，外頭的茄汁醬料酸甜可口，完全不油膩，吃一口簡直讓人欲罷不能！😋 鮮蝦的鮮香更是與茄汁的酸甜形成完美的搭配，讓人停不下來地一口接一口！真的很適合作為聚會的開胃小菜！🥳🍲 蟹肉豆腐煲 🦀接下來的「蟹肉豆腐煲」讓我驚豔不已！這裡的豆腐是用本地有機豆腐製作的，口感滑嫩，配上新鮮的蟹肉，簡直是絕配！🔥 鍋裡的湯汁濃郁，帶有蠔油的香氣，每一口都能品味到蟹肉的鮮香和豆腐的清淡！🥰 這道菜不僅美味，還非常適合拍照打卡，讓你在社交媒體上贏得一片讚賞！📸而且這道菜的分量也相當足。 🌶️ 水煮牛肉 🍖最後一樣必點的「水煮牛肉」，這道菜的肉質鮮嫩，配上香辣的湯底，真的是吃了讓人心花怒放！😍 牛肉的味道絕對不會辜負你的期待，湯裡的香料味十足，讓每一口都充滿驚喜！這道菜的辣味適中，絕對能讓你感受到火鍋的熱情！🌶️🔥🍜🤗 在旺角，千萬不要錯過這家餐廳，服務人員熱情友善，讓人感覺賓至如歸！💕三五好友，一起來大排檔火鍋享受美好時光吧！🥳✨

旺角有不少小菜店，今次就試咗一間我哋未去過嘅餐廳，這裏有火鍋之餘又有小菜，入到去餐牌選擇都可以，這裏的茶沒想到是有牌子的英國早餐茶，最後兩個人嗌咗三個餸再加兩個白飯10分飽肚。大排檔豬扒，香蒜味濃郁，辣度徽辣惹味不少，豬扒份量都多，啖啖肉。雙蚌什菌煲，入面有桂花蚌和珊瑚蚌新鮮爽口，湯底幾鮮甜，配什菌份量唔少吸晒海鮮精華不錯，仲有少少薑絲，如果唔鍾意湯有海鮮怕腥嘅朋友都適合。碧綠黑椒牛仔粒，個瓜幾爽口，而且牛肉口感不錯，帶少少甜，有點似薯仔牛柳粒，但這個冇咁油新之餘帶點清新。

今日去咗朗豪坊附近，睇戲就決定喺附近食少少嘢，就搵到呢一間評價都唔錯嘅中菜，見到好多評價都話佢哋係鑊氣十足，咁就決定同朋友去試吓啦，入到去都非常熱鬧，而且人流都好多，可能係放假嘅關係，我哋好彩都唔使排隊！蟹肉豆腐煲：不能嚟講真係非常多而且豆腐家鄉味道非常濃郁，餐廳話係用本地嘅有機豆腐，而且嚟到嘅時候熱辣辣真係好適合大家打卡！蟹肉嘅味道亦都非常香濃，非常配合豆腐本身清淡嘅味道！個人嚟講本身好鍾意食豆腐，所以覺得呢一個菜都做得非常好食，價錢嚟講亦都非常合理我同朋友都俾人鍾意呢個菜！🤝椒鹽豬扒鬼馬油條，呢個係一個雙拼嘅菜，一半豬扒一半係炸油炸鬼油炸鬼就配咗沙律醬而且油炸鬼熱辣辣即刻叫即刻炸買非常好食而且咬落去嘅時候亦都非常香脆再加埋沙律醬嘅味道真係非常好食！椒鹽豬扒嘅味道亦都恰到好處而且豬扒奶奶地非常好食，我覺得非常開胃呀！整個菜我都覺得評分10分高 價錢嚟講亦都唔係太貴，我覺得可以接受！瑤柱濃湯雜菇，呢一個係雜菌嘅大雜燴啊，我同朋友本身都好鍾意食菇類嘅食物，所以就叫咗呢一個菜！中間係用咗金針菇，再加埋冬菇造成一個菜！請睇佢嘅上湯令到成個菜嘅味道發揮得非常好，我同朋友都非常鍾意呢一個素菜味道

收工和同事去睇戲，之後梗係去食飯，已經差不多9點，行過旺角砵蘭街139號地舖有間『大排檔火鍋』比個招牌吸引👉［晚飯宵夜一人一支啤酒］🤭，咁豪爽，啲食物一定唔會差得去邊，值得一試😃舖仔細細，但係門口有個好企理嘅魚池，海鮮都好新鮮😙入到去有三枱客平日晚上9點屬於宵夜時段，位於衆多食肆嘅旺角砵蘭街，都有三枱食客，食物一定有水準😁枱枱都有這支啤酒🍻，我和同事都唔飲酒，激死☹️，無受惠添🥺。諗住叫👉見到牆上面有個「黃金蝦」好似好惹味，老闆娘話幫我哋炒個☺️再特色啲惹味啲嘅黃金蝦，好呀😄嘩！「川味麻辣黃金蝦」，好正呀🤩，賣相比牆上面廣告嘅黃金蝦仲靚啲😝啲味道真係又香又惹味，好好味呀👍老闆娘真係好好人，送咗個小食俾我哋「風味鴨腳」超級惹味👍勁好味😋超正👍老闆娘再介紹咗個「XO醬炒雜菜」，又係好美味😋「雙菇胡椒豬肚粉腸煲」，美味濃郁🤤，估唔到個湯仲好好飲👍，豬肚同粉腸都超爽口，正👍兩個人叫一個白飯都食唔曬，超飽😬這間『大排檔火鍋』，火候夠，好味又惹味，碟碟即叫即煮熱騰騰，夠碟頭有賣相🤩簡直大師級超水準👍👍👍👍收工睇完戲仲可以食到一餐咁美味，今晚真係好開心玩啊🥳🥳🥳

前幾日到旺角行街，行到攰，睇吓附近有咩好嘢食😊。行行下見到呢間大排檔火鍋，就同好友一齊入去食飯，打算食飽飽之後繼續行～仲有大大個水缸放唔同嘅海鮮😋鑊氣十足～ 京蔥鮮嫩，牛肉用上牛腩位置，口感軟腍，肉味濃郁，送飯食一流！食晚餐又點少得海鮮；鮑魚用上椒鹽煮炸，咬落去爽口惹味，非常好吃～［金銀蛋上湯桑葉]落單時老闆特別推介這一道菜式，因為桑葉是餐廳特別入貨 ，不是每個地方都食到，而且營養價值甚高👍湯頭非常足料，入口順滑滋養；加上薑、金銀蛋等，補足一天行街的水份和纖維～飲到唔停口，仲有大愛的皮蛋😍總結：小店雖然已火鍋做主打，但小炒亦十分出色！令到我地補充體力後繼續血拼 🛍️

餐廳門口有好多好新鮮嘅海鮮，不過我哋今次就簡簡單單食小菜門口好多靚海鮮唔惹少小菜選擇都幾多兩個人叫咗三個餸1.金銀蛋桑葉桑葉清熱解毒, 金銀蛋有鹹蛋皮蛋香, 但係又不會掩蓋蔬菜的清淡浸住菜嗰啲湯都好好飲，重薑味最尾一滴不漏， 完全飲晒份量上比想像中多， 鍾意食菜就會覺得好開心3.蒜香風沙骨鑊氣好夠，皮脆肉嫩， 香口惹味之選3.午餐肉炒四季豆正宗港式風味， 午餐肉的鹹香好特別環境光猛乾淨， 係旺角都搵到啲咁好嘅環境食飯👍

今日嚟咗呢間喺旺角嘅大排檔火鍋，朋友之前係呢一間餐廳入邊食過唔同嘅小炒都覺得唔錯，所以我哋今次再去到決定幫襯一下，我哋今次兩個人去揀咗三個唔同嘅小炒，整體味道我哋都覺得非常有鑊氣，而且廚師嘅手勢都非常好，我同朋友都覺得呢一個地方嘅小炒非常唔錯，而且整體氣氛好，適合一大班朋友或者同事過嚟。😎秘製炒蜆，味道做得非常好，而且係用豉椒嘅味道去做，我同朋友都非常鍾意，每一隻都食到好正嘅味道，而且非常入味，少少辣辣地非常好食，每一隻都清洗得非常乾淨，因為我哋都完全食唔到係有任何嘅沙或者污糟，整體呢一個餸我哋都非常鍾意，而且份量嚟講我哋都覺得幾多，呢個價錢嚟講我哋都覺得差唔多。😎菜心炒牛肉，牛肉真係非常大塊，$88非常抵食，牛肉亦都調味做得唔錯，我哋覺得呢一個餸係非常抵食，菜心嘅味道亦都好，整體亦都鍾意呢一個餸。好食！😎鍾意去大排檔嘅朋友一定會鍾意食呢一個小炒王，小炒王係有好多唔同嘅材料，成個口感非常多元化，用嚟送酒呢就係正，調味上主要都係微辣，但係亦都保留到本身成個餸菜嘅鑊氣，我同朋友都非常鍾意，最鍾意食腰果！朋友就飲咗啤酒，我就飲咗忌廉，成餐飯整體都幾開心，鍾意食大排檔嘅朋友都可以過嚟試吓。

作為土生土長港人，捐窿捐罅嚟到專做海鮮、小菜嘅<大排檔火鍋>🤠 餐廳門口嘅海鮮全部好大隻好生猛，龍蝦厚肉，瀨尿蝦長過前臂，象拔蚌粗過小腿😍 隔離一枱女士們睇住琳琅滿目嘅餐牌點餐，表現非常雀躍，但我哋今晚唔肚餓，請老闆娘幫我哋發板，每人 budget $200，要有營養、易入口🧐 第一味奉上，係餐牌上冇嘅<薯仔炒牛肉>，老闆娘話好快新餐牌就會有，俾我哋先食為快😜 食落口先知，原來碟餸係微酸開胃嘅，配搭牛味濃、油脂多牛肉，夾埋個味道好夾🤩 薯仔可以當飯食，啱晒炎炎夏日👍🏻第二味叫<河塘月色>，詩意盎然😇 原來係係鮮帶子炒西芹同伴菜🤗 簡單一味清清地，品嘗食材原味，夠健康🉐最後一味<椒鹽泥鯭>，喺開胃菜、清淡菜後出場，唔多唔少令人興奮🤭 泥鯭仔唔大，但條條有肉食，魚骨硬，所以拆肉唔困難😙 欣賞炸魚火候控制得好好，得以保留泥鯭仔肉汁💖 食吓食吓，越食越過癮，越食越精神，打破炎夏眼瞓魔咒💪🏻📌大排檔火鍋 📍旺角砵蘭街139號地舖

今日約左朋友在旺角行街，晚飯時間經過呢間有幾個魚缸在門口位既小菜館，我哋被生猛既海鮮吸引左，就決定入去醫肚。店內環境光猛，牆上貼左好多小菜圖片，圖文並茂；除左小菜，仲可以食火鍋，配料選擇豐富。鯪魚球雜菌湯：湯既配料好多，金菇、新鮮冬菇味道鮮甜，鯪魚球爽口彈牙，湯頭無添加味精，吸收晒配料既精華，上枱一刻，熱騰騰既香氣樸鼻而來。乾魷魚炒芹菜萵筍：乾魷魚爆炒後，散發著咸香味道，配上多種健康蔬菜，包括黑木耳、蓮藕片、芹菜和萵荀，令整道菜非常惹味。咕嚕炸魚塊：用左帶魚皮既石斑塊，酥炸後魚皮脆卜卜，魚肉少骨，肉質鮮味，配甜酸醬汁、洋蔥和三色椒，口感開胃。總結，食物好味，份量大，上菜速度快，港式大排檔風味。

今日放工約左朋友係旺角睇戲，在無訂餐廳既情況下走走逛逛就留意到喱間大排檔火鍋，老闆熱情介紹食物由於趕時間睇戲，佢仲特登叫廚房快手啲。椒鹽豆腐上菜已見到豆腐表面金黃，顏色好靚，廚師將豆腐做得夠乾身，豆腐咬落唔會油淋淋，食到裡面係嫩滑既豆腐，外層香口配搭豆腐既口感一流。薑蔥魚頭煲喱個菜式係朋友指定既，因為我唔鍾意食魚。薑蔥份量多魚頭煲上菜一啲腥味都冇，朋友話魚頭夠啖啖肉，魚肉既油脂同薑蔥絕配，一定要食白飯😂金銀蛋浸時菜我就更偏好喱個金銀蛋時菜。上湯加入左皮蛋同咸蛋，有陣鹹香鮮味，菜本身係冇味既，索左上湯精華好清甜，份量都唔少食完我地急急腳就去左睇戲啦~多謝老闆照顧，加快左我地食飯進度~~有機會會再黎試其他菜式

公司附近新開咗間大排檔餐廳，放工就同個同事去食炒小菜。🥢咕嚕甜酸魚咕嚕肉就食得多，咕嚕脆魚鯇又真係未試過。脆魚鯇炸得幾好，粉漿唔會太厚，外層香脆；入面啲魚肉彈牙緊實，冇乜細骨；醬汁酸酸甜甜，非常醒胃。🥢麻辣蜆蜆肉新鮮，調味香辣惹味，份量都幾多，送飯一流👍🏻🥢金菇扒牛腩牛腩炆得軟腍入味，入口滿滿牛香，連埋啲爽口金菇一齊食，呢個配搭又幾夾😋整體上啲食物都唔錯，夠鑊氣，下次會嚟試吓打邊爐🍲

又到父親節啦就上openrice 度碌下有咩新嘢食見到呢間嘢新開就諗住試試佢訂當日7位 到埗老闆二話不說就比左間房我地坐😱仲要有K唱😂正到呢入正題啦叫左個豬骨煲，夠足料潮州牛肉質地口感可以但牛味就一般雲吞一食裡面有蝦子😍脆鯇件新鮮，西洋菜新鮮蝦滑同黑松露墨魚滑好彈牙竹笙係野生果種象拔蚌刺身一條(中size)龍蝦刺身(兩斤幾)老闆建議蝦頭，腳同尾做椒鹽叫左好多嘢,掛住食冇映晒😂總結全部食材都新鮮既❤️多人仲可以包上層開party or 包房都可以營業時間去到兩點👍

花螺辣酒呢道花螺辣酒真係辣得非常過癮。花螺選用最新鮮既，每隻都彈牙爽口，辣酒既香氣濃郁，令到成道菜味道層次豐富。辣酒入味，辣得啱啱好，唔會過火，而係適當地突顯出花螺嘅鮮甜。呢道菜啱哂鍾意食辣既朋友，每一口都充滿刺激同滿足。🌶️蒜蓉炒菜心蒜蓉炒菜心係一道簡單而清爽嘅家常菜。菜心選用最新鮮既，保持住翠綠同鮮嫩，蒜蓉炒得香氣四溢，令到成道菜更加美味。蒜蓉既香同菜心既清新完美結合，每一口都充滿健康同滿足感。🥬香煎黃花魚香煎黃花魚呢道菜真係非常考廚師既功夫。黃花魚選用最新鮮既，魚肉煎得外脆內嫩，保持住魚肉嘅鮮嫩多汁。魚皮煎得香脆，帶有少少焦香味，同魚肉既嫩滑形成咗好好嘅對比。配合簡單嘅調味，突出咗魚本身嘅鮮甜，真係每一口都充滿魚香。🐟

砵蘭街好多餐廳食店, 今次去左「大排檔火鍋」, 雖然環境簡單, 但卻散發出一種滿滿排檔火氣氣息,感覺很有地道。不過,最重要係佢哋既廣東菜, 都幾唔錯丫~~首先既就係椒鹽脆骨腩, 一啖咬落去, 外皮酥脆香口, 裡面嘅肥美魚腩肉又唔會太膩,再配搭上鹹香四溢既椒鹽脆卜卜,實在太過癮啦!另一道就係椒絲腐乳通菜, 脆口通菜淋上濃郁醇香既腐乳醬汁,加上香辣椒絲,口感鹹香, 火氣十足。最後一道係辣酒煮花螺,呢個亦必點之選。鮮嫩彈牙既花螺浸泡在濃郁辣酒汁, 首先品嘗到花螺鮮甜, 緊接就感受到辣酒嘅麻辣,實在夾心有味。同樣配枝啤酒, 好好配襯椒鹽脆骨腩, 好爽呢。廣東菜真係好多選擇, 太出色, 每一道菜款都有傳統既韻味, 味道濃郁又實在, 即使環境普通, 但呢一帶亦係尋找地道美味嘅好去處。

見哩間係朗豪坊後而新開左冇耐, 有小炒食環境又新淨光猛就入去試下~有兩款前菜分別係花生同埋麻辣鴨掌, 個鴨掌食到我停唔到口, 香辣入味, 送酒一流!! 叫左兩個小菜又幾好食架喎! 芽菜薑絲白灼手切牛肉 牛肉大片有厚度, 鮮嫩有牛香, 食落仲有D肉汁咁, 簡單以薑絲配襯食番原味已經夠好食。有跟埋個辣椒豉油, 中意辣辣地既點少少就再惹味D! 芽菜亦夠哂爽甜。薑蔥生蠔煲上枱熱辣辣滋滋聲一路聞到香味, 桶蠔大隻厚身, 咬落去有滿足感個隻! 乾身得黎又沾有薄薄醬汁, 加埋薑蔥吊味非常之香~~叫兩個餸再配個白飯，滿足了✔️✔️