大排檔火鍋

營業中

休息中

今日去咗朗豪坊附近，睇戲就決定喺附近食少少嘢，就搵到呢一間評價都唔錯嘅中菜，見到好多評價都話佢哋係鑊氣十足，咁就決定同朋友去試吓啦，入到去都非常熱鬧，而且人流都好多，可能係放假嘅關係，我哋好彩都唔使排隊！蟹肉豆腐煲：不能嚟講真係非常多而且豆腐家鄉味道非常濃郁，餐廳話係用本地嘅有機豆腐，而且嚟到嘅時候熱辣辣真係好適合大家打卡！蟹肉嘅味道亦都非常香濃，非常配合豆腐本身清淡嘅味道！個人嚟講本身好鍾意食豆腐，所以覺得呢一個菜都做得非常好食，價錢嚟講亦都非常合理我同朋友都俾人鍾意呢個菜！🤝椒鹽豬扒鬼馬油條，呢個係一個雙拼嘅菜，一半豬扒一半係炸油炸鬼油炸鬼就配咗沙律醬而且油炸鬼熱辣辣即刻叫即刻炸買非常好食而且咬落去嘅時候亦都非常香脆再加埋沙律醬嘅味道真係非常好食！椒鹽豬扒嘅味道亦都恰到好處而且豬扒奶奶地非常好食，我覺得非常開胃呀！整個菜我都覺得評分10分高 價錢嚟講亦都唔係太貴，我覺得可以接受！瑤柱濃湯雜菇，呢一個係雜菌嘅大雜燴啊，我同朋友本身都好鍾意食菇類嘅食物，所以就叫咗呢一個菜！中間係用咗金針菇，再加埋冬菇造成一個菜！請睇佢嘅上湯令到成個菜嘅味道發揮得非常好，我同朋友都非常鍾意呢一個素菜味道