大排檔火鍋

營業中

休息中

今日嚟咗呢間喺旺角嘅大排檔火鍋，朋友之前係呢一間餐廳入邊食過唔同嘅小炒都覺得唔錯，所以我哋今次再去到決定幫襯一下，我哋今次兩個人去揀咗三個唔同嘅小炒，整體味道我哋都覺得非常有鑊氣，而且廚師嘅手勢都非常好，我同朋友都覺得呢一個地方嘅小炒非常唔錯，而且整體氣氛好，適合一大班朋友或者同事過嚟。😎秘製炒蜆，味道做得非常好，而且係用豉椒嘅味道去做，我同朋友都非常鍾意，每一隻都食到好正嘅味道，而且非常入味，少少辣辣地非常好食，每一隻都清洗得非常乾淨，因為我哋都完全食唔到係有任何嘅沙或者污糟，整體呢一個餸我哋都非常鍾意，而且份量嚟講我哋都覺得幾多，呢個價錢嚟講我哋都覺得差唔多。😎菜心炒牛肉，牛肉真係非常大塊，$88非常抵食，牛肉亦都調味做得唔錯，我哋覺得呢一個餸係非常抵食，菜心嘅味道亦都好，整體亦都鍾意呢一個餸。好食！😎鍾意去大排檔嘅朋友一定會鍾意食呢一個小炒王，小炒王係有好多唔同嘅材料，成個口感非常多元化，用嚟送酒呢就係正，調味上主要都係微辣，但係亦都保留到本身成個餸菜嘅鑊氣，我同朋友都非常鍾意，最鍾意食腰果！朋友就飲咗啤酒，我就飲咗忌廉，成餐飯整體都幾開心，鍾意食大排檔嘅朋友都可以過嚟試吓。