大橋頭 (已結業)

我趁週末去粉嶺探老媽子，行經粉嶺中心商場有點累及肚餓，見到－間大橋頭台式甜品頗為吸引，搵了－張枱坐下，落單－份芋圓3號（仙草、紅豆、白珍珠）及仙草2號（地瓜、椰果及黑珍珠），心裏掛念台式甜品的真材實料…… 侍應端上兩碗甜品，－食就知中伏，除了仙草及紅豆外，全部是假芋頭味、假地瓜味、假貨充斥，實在太過難食。

今日黎到依間台灣餐廳環境十分開陽食物望落吸引,裝潢仲好有台灣Feel今次叫左鹽酥雞扒滷蛋麵, 雞扒味道豐富, 同過往食嘅鹽酥雞扒 唔一樣,依間味道層次 口感一流滷蛋仲要係流心 有水準~~以依個價錢食到依種台灣味道 抵!最後叫左糖水 都唔錯! 下次會再黎幫襯試下其他台灣野食

屋企人想食台灣嘢就同佢嚟咗呢間好有台灣風味嘅餐廳😆試一試久違嘅台灣美食.💎$79 古早味滷豬腳滷蛋麵餐廳係麵既種類同湯底上都有好多選擇我地就揀左蕃茄湯底同新竹米粉湯底既蕃茄味道十分濃郁😆食得出新鮮蕃茄既鮮甜而新竹米粉偏幼每條麵條都掛得上湯底既汁滷豬腳肥瘦得宜而滷蛋亦好香滷水汁香味😍.💎 $59 台灣特級花枝丸滷蛋麵呢款就叫左藥膳花雕湯底同寬麵湯底有少少花雕酒甘香 又帶點清甜寬麵口感煙韌 好有口感粒粒花枝丸都好大粒 又彈牙 好正😇.💎 $69 鹽酥排骨肉燥滷蛋乾拌麵乾拌麵配上份量好多既肉燥都好正乾拌麵中和左肉燥既咸味 鹽酥排骨外層酥脆肉質厚實🤩配埋拌麵一齊食好夾.💎 $36 紫金地瓜QQ球我同朋友都好鍾意食煙煙韌韌既食物呢款就岩哂我地外層十分香脆🥰內層就好重紫薯香味.💎 $18 椒鹽雞翼（2隻）椒鹽香既雞翼勁惹味亦好香口酥脆食完齒頰留香🤣.💎 +$22 黑糖珍珠牛奶掛杯的黑糖珍珠加上濃醇既奶茶香一路食飯一路飲勁滿足🥰.💎 $18 濃香鮮乳布甸有香濃牛奶味質地亦十分棉密細緻😍

今晚去了朋友家拜了個遲來的新年。他家位處粉嶺。本身諗住食個雞煲先回家休息。但當行過粉嶺中心附近。見到一間台灣餐廳屬開放式的設計。突然間挑起我的黃金舌之慾。而家本人最喜愛食台灣菜。特別愛好台灣菜的小食。但台灣小食好食到令人禁不住口腹之慾。始終人大了對這些有少少保留。紅燒牛肉三寶麵-先要講湯底味道濃厚。牛肉三寶煮到入口即化。令愛牛的人難以忘懷。麵條軟硬程度適中。入口有咬口。麵條配以湯汁更是完美無缺。紫金地瓜QQ球-粒粒賣相嬌滴滴。令人食慾大大增加。入口有彈牙之感。個人認為食完一碟。總覺得不夠喉。很想再一次添叫。

之前食過好多間台灣食物 質數都係唔太正宗!!所以一直係附近搵台灣食物結果俾我搵到依間大橋頭餐廳 初頭以為係普通餐廳 但估唔到係主打台灣食物嘅餐廳鍾意食台灣食物嘅我 點會唔會去試下 今次點左個牛扒肉燥滷蛋飯嘩!真係好大驚喜 D肉燥好香 好入口 食極都唔厭個款 牛扒係黑椒味 好好味~~其他D台灣餐廳都冇整得甘好食大橋頭 冇令我失望 反而好有驚喜 值得一試再試而且環境光線充足 令食物睇落好吸引牛扒肉燥滷蛋飯$73大大碗 平靚正!!下次會再試下其他!!!

牛肉完全冇牛肉味，煮得好靭，有啲鞋，多根，好難咬。湯底唔係特別好味，有啲鹹。啲粗麵一般般，自己屋企煮都好味過佢。嗰半隻蛋，唔知點解冇咗一忽？！完全唔似食緊台式菜。杯蜜糖綠茶冇蜜糖味，出邊支裝飲品好味過佢，唔值得加錢買佢哋嘅飲品。嘢食嚟得比較慢。。。職員態度極差。坐緊一張兩人座位嘅枱，食到一半職員叫我哋換另一張枱。 換完位之後都冇人入嚟坐...收銀員黑口黑面，態度差又冇禮貌。一定唔會再返嚟幫襯呢一間餐館。

粉嶺嘅大橋頭長期人氣高企，經常滿座，今日無煮飯，係到買外賣返去食，餐廳做緊下午2:30後9折優惠，非常抵食😍🌟牛肉麵 $65材料好足，但牛肉肥瘦適中，但一定要有少少肥膏先食到果種脂香🤩，去煮過嘅牛肉好甜好食😆配菜仲有紅蘿、蘿伯清甜可口...小吃拼盤 賣相十分好味!

大橋頭食過幾次lunch，晚飯時間第一次。原來晚餐都ok wor，唔係貴！有下次！套餐已有主食，小食，飲品同甜品，先至$88咋！（換特飲+10）無論係食物質素或份量都比起名都間台灣嘢好食好多…🤣呢個係鹽酥雞扒半份加豬扒半份，炸得幾香，雞扒稍勝一籌。配白飯一碗，珍珠米飯令人好開胃。小食要左木耳，涼拌微酸，份量不少，唔錯！飲品換左黑糖珍奶，估唔到咁大杯，仲可自選甜度等等，加$10真心唔貴！另一杯係仙草奶茶，一樣大杯！晚餐個甜品係冰粉，都幾好食。食得太多煎炸野，食一碗解膩剛好！台灣腸肉燥飯，望落都幾正，有生蒜片夠正宗。好大碗🙈個肉燥份量多，仲加左少少辣醬，bb辣幾惹味的！小食炸花枝丸，個花枝丸真係有幾多花枝，Show彈牙！一客好似有五粒，抵食！壓軸登場嘅係佢哋嘅芋圓仙草甜品，配搭超多不一一介紹了。總之一定有一款啱食。呢度嘅珍珠同芋圓煮得幾好，水準比好多地方好。真係深藏不露嘅台灣美食好去處👍

經過呢間店好多次，裝飾令人有印象，設計具有台灣風光，值得加分。思念台灣，懷念台灣的豬手風味，特意這裡嘗試下，真係有啲失望。我係叫左一個叫藥饍滷豬腳新竹米粉，諗住一定無叫錯啦，湯麵黎左，藥材味都好濃嘅，當試一啖，好苦都係好苦；咁試下豬手啦，ok wo, 煮得稔，好滑，好多骨膠原，似港式炆豬手感覺，不是台灣那種有咬口，但是豬手上的毛毛令我有啲不開胃，如果連這些細節做好，會更佳。最後，試下個面底，都正常，幼，易咬口，不過配上苦苦的藥饍湯底，就有啲扣分。加分位，送左3舊蘿蔔俾我，好食呀，稔左易咬。如果有下次，要再諗諗😗😗😗😗😗😗😖

真係未試過買完即刻要寫劣評…$40碗糖水得半碗…實在太過分~仲要個膠碗 已經係細碗😓 我問個員工點解得半碗?仲要答我係正常㗎😤😤😤所以我忍唔住要寫劣評!其實樓下有間鮮芋鮮我都嚟幫襯你哋細舖…你哋點做生意？之前堂食都覺得嘢食都可以，所以今次都幫襯買外賣，但估唔到咁差😡

朋友好耐冇食台灣菜，所以我地相約係「大橋頭」食晚餐。餐廳以QR落單，方便又環保，餐牌多元化，有麵食、古早肉燥飯、乾拌麵、台灣小吃、甜食、台式飲品等等。鹽酥雞扒肉燥飯（另加$16肉燥）以為會好少肉燥，點知原來都夠多，下次唔駛再另加肉燥，肉燥飯份量十足，好大碗，我一個人都食唔晒，另外鹽酥雞扒即點即炸，雞扒好厚身，不會過鹹，肉嫩多汁，鹹脆香口。菜肉水餃麵有5款湯底可以選擇，朋友點了藥膳牛肉湯底，湯底藥膳味夠濃，味道突出，麵條軟硬適中，菜肉水餃餡料十足。紅油抄手抄手皮夠薄，餡料滿滿的，食起來帶點麻辣。鹽酥花枝丸花枝丸夠大粒，好彈牙。冰粉3號有仙草、椰果、芋圓、白珍珠，冰粉晶瑩剔透，芋圓和白珍珠煙煙韌韌，份量足夠，同朋友分享一齊食岩岩好。熱黑糖珍珠牛奶&凍香蕉牛奶好大杯

📢招牌菜: 藥膳紅燒三寶牛肉麵 / 鹽酥雞扒 / 古早味肉燥飯🥢是日菜式:⭐紅燒三寶牛肉麵 一擺上枱已經聞到好香嘅藥膳味道！介紹話落左好多藥材落去而全不加味精 非常滋補! 三寶有齊牛筋牛腩牛肚好豐富仲有紅白蘿蔔配襯，全部炆到好淋好入味，熱辣辣真係好正。同埋要讚下佢嘅寬麵，煙韌彈牙好有口感!⭐鹽酥雞扒肉燥飯 雞扒炸至酥脆可會好多粉，雞肉仍保持滑嫩多汁，高水準! 肉燥吾會得肥膏 味道咸淡適宜 跟飯既鹵水流心蛋好好食!⭐紅油抄手 微辣 餃子皮做得幾薄 好開胃⭐台灣烤香腸 外皮脆脆地 微焦香 味道甜甜的!⭐台灣涼拌青瓜+涼拌高雄木耳 醋味香甜 材料新鮮爽脆📷餐廳氛圍:餐廳設計開揚，台灣夜市主題裝修風格好特別令人注目左好一陣子。😋美味指數: 性價比好高，好食又吾貴，估吾到粉嶺都會搵到甘有水準既台灣菜!!

由開鋪開始就有恵顧，雖覺得服務態度唔好，服務員態度冷淡，總是愛理不理。由於食物質素還可接受，於都有繼續去。今天再經歷惡劣的服務態度，那個經理態度囂張，決定以後都唔再去食。

越來越差嘅店， 飲品完全無味同飲極稀奶水冇分別， 先唔講有冇所點飲品嘅香味， 連甜味也欠奉， 午餐跟餐飲品要加17蚊比杯咁嘅嘢，落單飯備註多蔥嚟到冇多蔥不止似少蔥， 埋單75蚊食到一肚火

餐廳係粉嶺中心商場中央開放位置，台式餐廳，主打真材實料，冇味精，健康餐廳。試下推介虱目魚湯，一碗$28，非常清甜，帶有一絲絲薑味，虱目魚大件而且肉質很嫩，唔腥。鹽酥雞扒藥膳湯麵，雞扒炸至金黃香脆，大件夠熱，藥膳湯底濃郁藥材味，好暖身。蕃茄濃湯牛肉麵，湯頭酸甜濃郁，牛肉軟嫩入味，而且粗麵條帶有啲咬口。小食拼盤，台灣香腸，黃金流心芋泥圓同地瓜球，台灣香腸有埋大蒜一齊食😋。最後食台灣嘢梗係要食埋芋圓做甜品，揀咗芋圓3號，有仙草，白珍珠，紅豆配椰汁。