大滾友火鍋 (紅棉大廈)

營業中

休息中

以宮廷為主題既火鍋店「大滾友」🇭🇰🍲 我都已經食過好幾次嚕😆 除左荃灣呢間分店 元朗個間都去過😂 秘製香醋凍蟶子皇 $98 / 2隻打邊爐前先食左呢個前菜先🐚 香醋味醇香濃 蟶子皇鮮甜又爽口 酸酸地好開胃🤤玲瓏浮凸花膠雞湯鍋 (半隻) $328每次黎食都系為左呢個湯底🐥 非常滋補養生😌 店員依舊提醒先飲湯再打邊爐🍲 雞湯湯鮮味美 仲有好多彈牙爽滑花膠 ; 半隻既雞既份量都多 雞肉多汁嫩滑🐥大滾友牛肉拌盤 (細) $428有手切外裙肉、本地手切牛頸脊、澳牛和牛金錢展、美國頂級雪花肥牛、牛黃喉、牛肉粒、牛舌花🐮 7隻吾同部位口感既牛肉 岩哂選擇困難症又想試盡既朋友仔😆伊比利亞橡果豬 $228豬肉清晰呈現大理石紋般既油花 肉質細膩 濃郁且鮮嫩 而且食個陣都吾覺油膩🐷和牛墨魚丸 $78 / 4粒比軟少見既款式😆 以攪碎鮮味濃郁既墨魚🐙 包住和牛 口感豐富😙大滾友雜菜拼盤 $98有油麥菜、娃娃菜、唐生菜、萵筍、粟米、芋頭、蕃茄、金菇、木耳等😌 色彩繽紛 非常豐盛🥬飲品方面我地嗌左一渣竹蔗茅根🌱 清熱生津 另外餐廳仲送上火焰焦糖豆腐花🔥 非常打卡able📸

係荃灣想搵間坐得舒服食材高質既特色邊爐打下，即刻返左黎#大滾友火鍋 🤞🏻手工火鍋，淨係湯底都超多選擇，玩味名令人好想睇晒佢🤣櫻唇半開特色卜卜蜆鍋、黑胡椒炒蜆雞湯鍋咁😍最終都係叫返最出名既花膠雞湯鍋，滿滿花膠加金湯，又補又好飲，真係必試✨食淥一淥食得，嫩滑👍🏻肉食時間⏰牛肉拼盤，漂住煙咁用個寶盒上，多個唔同部位，牛黃喉爽身，牛舌心就爽得黎帶牛味😙牛頸脊同牛小排肉質正加埋好濃既牛味👍🏻牛柳粒幾粒一齊食幾爽，飲返杯生啤再戰😎伊比利亞橡果豬，大大份，肉質好嫩有肉味，拍得住牛肉既高質豬👏🏻和牛墨魚丸，真手打，食落墨魚味為主，和牛就令到個口感好滑，都幾爽，好味🤤韮菜豬肉餃，薄皮爆餡，韮菜味濃，高質🌟雜菜拼盤超大份乜都有，配雞湯食幾唔錯😌甜品食火焰焦糖豆腐花，落酒點火好香咁整左個脆皮焦糖，超濃豆香👍🏻整體保持高質食材好味道，服務質素好，慶節聚會都係咁啱，想食好啲既不二之選🤞🏻Bookmark啦😆

大滾友荃灣分店 , 古色古香中式宮庭佈置， 掛上大紅燈籠及古樸木屏風，十分 特色，充滿濃濃中國風。半隻花膠雞湯鍋金黃的雞湯 ， 有半隻肥美三黃雞及厚實的花膠片， 煲滾後傳來濃厚雞湯香氣， 十分誘人， 先吃一口湯， 濃稠鮮甜，帶黏糯的口感， 用來做火鍋湯底 ， 認真一流， 雞件好嫰滑， 花膠Q 彈 , 充滿骨膠原 , 滋補又養生。牛肉拼盤 (細)拼盤豐富吸引， 牛肉好新鮮有: 🔸️頂級安格斯牛肉🔸️手切本地牛肉🔸️新鮮牛展🔸️頂級雪花肥牛🔸️牛黃喉🔸️牛肉粒及🔸️牛舌花每款牛肉滿佈雪花， 顏色粉嫰，安格斯 牛肉及頂級雪花牛 , 油脂豐盛，放入湯中淥十數秒即可， 肉質軟嫩細膩 , 充滿肉汁。手切本地牛肉及新鮮牛展 , 入口軟腍鮮嫰，牛味濃郁，咀嚼間釋出油潤肉汁， 滿足食肉獸的我。 牛舌花及稀有的牛黃喉 , 爽脆帶嚼勁的口感 , 認真一流。手打鵝肝墨汁墨魚丸 (4粒)黑卒卒的墨汁墨魚丸, Q彈又嚼勁，內裡 包上鵝肝粒， 啖啖鵝肝甘香，誠意十足。伊比利亞橡果豬伊比利亞豬，以橡果餵飼育成，肉質結實爽口，色澤嫰紅，肉味香濃， 咀嚼時帶淡淡嘅橡果果香 ，肉香加倍誘人， 讓人回味 。大滾友雜菜拼盤有： 🔸️生菜

今次我地黎左荃灣玩，朋友介紹話呢度有間打邊爐好正，叫我黎試，佢話lunch食最抵，有68折，咁我就午餐都照食打邊爐啦😏餐廳裝修好有古時既中國風感覺，餐枱都算闊落，仲有紙巾提供，我最撐呢樣野😗玲瓏浮凸•花膠雞湯鍋（半隻）（$328）花膠有好多件，店員幫手加入新鮮雞湯，滾咗之後就可以飲湯同埋食花膠先，未飲已經聞到好濃郁嘅花膠香味，呢個花膠湯非常之好飲，我連續飲左幾碗，平時媽咪煲既花膠湯都無飲咁多，雞就之後先至落，因為雞係半熟雞，所以淥六4-5分鐘就食得🐥大滾友牛肉拼盤（細）（$428）呢個拼盤總共有7種唔同牛既部位，手切外裙肉，本地手切牛頸脊，澳洲和牛金錢展，美國頂級雪花肥牛，牛黃喉，牛肉粒，牛舌花，d牛無論色水，脂肪，都睇得出係靚野，鐘意食牛既話叫呢份就可以滿足曬唔同口味🐮伊比利亞橡果豬（$228）呢碟豬肉肉味是濃郁到滿瀉，就好似豬中既和牛級數，呢句係餐牌寫既，我食完都覺得形容得幾貼切，呢碟豬仲係店長推介既食物，果然係出色🐷金屋藏嬌和牛墨魚丸4粒（$78）呢個丸我覺得幾特別，係外面墨魚丸包住入面少少既牛肉，口感係墨魚丸，但係又有牛味😛大滾友響鈴拼盤（$88）分別係黃金響鈴同埋普通版響鈴各

二訪呢間咁特別嘅火鍋店，佈置得如同古代宮廷，真係打卡一流！一踏入店內，就被龍椅同青花瓷餐具吸引，感覺就像置身於古代的御膳房，仿佛隨時可以接到聖旨，實在係禦膳級嘅享受。食物質素當然係好。另外我就係貪呢啲環境夠特別😌湯底我選擇咗花膠雞湯底，湯底清香濃郁，花膠的份量超大，每一口都能感受到那份鮮甜。這個湯底不單止好味，還帶有養生的效果，令人越食越想食。食材牛肉拼盤，肉質鮮嫩，搭配各式醬料，口感豐富。金屋藏嬌的和牛墨魚丸更是驚喜，牛肉與墨魚的完美結合，口感滑順。伊比利亞橡果豬的味道亦非常出色，肉質鮮美，脂肪分佈均勻，食起來特別香。大滾友的雜菜拼盤，色彩繽紛，搭配著各種新鮮蔬菜，既健康又美味。脆鯇腩片則是另一個必點的菜式，外脆內嫩，吃起來口感層次豐富，讓人忍不住一片接一片。甜品最後，火焰焦糖豆腐花作為甜品，甜而不膩，焦糖的香氣與豆腐花的滑嫩配合得恰到好處，令整個用餐體驗完美結束。

愛玩小生👦🏻第二次去荃灣大滾友火鍋，感受古色古香的宮廷風裝潢，紅燈籠加上木屏風，充滿濃濃中國風，環境氛圍一流！🥣 花膠雞湯鍋（半隻）湯底用鮮嫩雞肉燉煮花膠，膠質豐富，濃郁甘香！無論當湯飲或打邊爐都滋補養生！🥩 手打鮮牛丸彈牙紮實，咬落滿滿鮮美肉汁，手工製作，真材實料，必試之選！🥤 自家製足料竹蔗茅根清甜解膩，天然甘香，飲完即時中和火鍋油膩，清爽又養生！🍖 大滷友牛肉拼盤（細）多款牛肉部位，油花分佈均勻，口感豐富，肥美五花腩、牛胸肉，款款滋味！🥬 大滷友雜菜拼盤新鮮蔬菜搭配火鍋配料，爽口又營養，配濃郁湯底，平衡口味更添層次！🐷 伊比利亞橡果豬肉肉質細嫩，帶獨特堅果香，油脂分佈完美，入口軟嫩不膩，無論涮煮或燒烤都極致美味！📍 大滾友火鍋（荃灣）地址：荃灣青山道125-133號紅棉大廈地下

調味料好有特色放得好靚，同埋有一杯welcome drink係百香果都幾好飲。玲韈浮凸花膠雞湯鍋（半隻）個花膠雞湯勁好飲，飲落去係飲到煲咗好耐嘅雞湯味道，一飲落去成口都充滿骨膠原，同埋入面勁多花膠，隻雞都好滑同好嫩好有雞味。店長推介伊比利亞橡果豬佢下面放咗乾冰上碟嘅時候勁吸睛，佢呢個豬肉勁好食，好重肉味。大滾友牛肉拼盤（細）入面有好多唔同牛嘅部位，望到已經覺得好好食，肉味都幾濃，最鍾意食係牛舌同埋牛頸脊，打邊爐係一定要有。配埋啤酒真係一流。手打鵝肝墨汁墨魚丸自家出品一定要食，個墨魚丸咬落去好彈牙同埋真係食到鵝肝味，喺其他地方一定食唔到。大滾友雜菜拼盤都好多款式嘅菜，份量超級足夠，打邊爐一定要有肉有菜。新鮮鮑魚（兩隻）鮑魚勁大隻勁新鮮，食落去好有質感。食埋個焦糖豆腐，超級滿足。

俾食評呃左去嚟食，第一次食，非常失望，咁嘅食材質素（牛肉好乾又好嚡，海鮮好多沙）同價錢又唔係平，真心除咗佢自己懶好笑咁同d食物改埋d食字當有趣嘅名，根本冇乜特色及水準。而且，d侍應成日加水成個水壺底放落d生肉上加去慳力，罔顧衛生，俾佢攪到無曬食慾，而且態度好差又無禮貌，d位又迫又混亂，今時今日都咁安排，真係落後，已blacklisted.補充：回家後有一半人已肚痾，呢啲食市真係無良。唔怪知walk in就有位。

今日嚟到位於荃灣嘅大滾友火鍋食飯，依到嘅打邊爐都幾出名㗎。係湯底方面，我哋就揀咗豆乳濃湯鍋，呢個湯底都幾有心思，用上魚肉熬製而成，加上仲有少少蔬菜，所以整體感覺好健康。牛肉拼盤牛肉拼盤夠晒大份，有牛肉粒，牛肉片等等，多種唔同嘅部位。賣相夠晒吸引，不過如果兩個人都大食嘅話，就可能未必太夠。伊比利亞豬豬肉片入口香濃，有脂肪嘅香味，完全唔會覺得靭。稻庭烏冬估唔到呢個價錢會食到一份咁大嘅烏冬，將烏冬擺入去豆乳濃湯到煮完後，烏冬吸收咗湯底嘅精華，味道更上一層樓。火焰焦糖豆腐花呢個豆腐花夠晒噱頭，不過因為豆腐花以甜味為主，撈埋酒之後，略帶少少苦味。嘅食物都幾豐富，我最欣賞嘅都係今次嘅湯底。

第一次食火鍋係湯底+餸+甜品都咁打卡able🤣✨香濃豆乳蜜瓜龍躉雞湯鍋✨牛肉拼盤（細）✨伊比利亞橡果豬✨金屋藏嬌和牛墨魚丸✨蔬菜拼盤✨白鱔✨凍竹蔗茅根✨火焰焦糖豆腐花鍋一上台已經呆左 好有仙氣 店員會幫你剪開菜同瓜第一次食呢個配撘 聽落有d怪 但味道係零違和感☺️最正係佢有海量嘅龍躉肉 好似撈極都仲有 真材實料😳牛肉拼盤有牛舌 外裙肉 牛頸脊 雪花肥牛 黃喉 牛展…款式好多 咩部位都可以試下 薄切 所以一淥就食得🤪橡果豬肥瘦均稱 肉味都比一般豬香同濃味😚白鱔淥完好脆身 墨魚丸真係食到墨魚肉 但和牛餡一般🤣火焰豆腐花上枱後 店員會問可唔可以加酒🤓點火個下好吸晴 豆腐花面會帶小小酒味幾清新😍PS 經OpenRice book位 指定時間埋單有折🤗📍地址: 大滾友火鍋荃灣青山公路 - 荃灣段125-133號紅棉大廈地下A&B號舖大埔舊墟直街4-20號美新大廈地下B2號舖元朗鳳攸南街9號好順利大廈一座地下G4-G5號舖

今日再一次黎到荃灣紅棉大廈嘅大滾友打邊爐，呢間宮廷風火鍋店，真係食過返尋味。餐廳嘅九宮格調味醬料盤，記得一定要打卡，呢個醬料盤好獨特非常精緻。基本嘅醬料都會有，可以根據自己嘅口味調配。-今次我地食嘅係卜卜蜆鍋底，卜卜蜆鮮味十足，每隻都好肥美，而且食落一啲沙都冇。個湯頭亦都非常清甜，蒜味好濃郁，我足足飲左2大碗湯。-另外我地叫左細份嘅牛肉拼盤同伊比利亞橡果豬，個拼盤牛肉部位種類眾多，足足有7款，牛肉口感嫩滑，脂肪分布均勻，食落好有牛味。另外伊比利亞橡果豬都好推薦，上台仙氣滿滿，非常有儀式感。肉質方面幾有咬口。-除此之外，我地仲叫左蔬菜拼盤、帶子翠玉瓜餃子、鵝肝墨汁丸等等，都幾吾錯。最後再黎返個火焰豆腐花，真係好打卡able，大滿足。-

大滾友 @bigboilsclub.yl.tw 以宮廷風作主題裝潢及擺設用心 餐具古色古香 環境雅致舒適超人氣自家熬製湯底 多種新鮮手工火鍋配料另外火焰焦糖豆腐花必點 火焰效果打卡一流😂可手機呼叫職員傾計/飲返杯/加湯/埋單⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🐣玲瓏浮凸花膠雞湯鍋(半隻)鍋底呈金黃色 濃郁好喝 建議先喝湯再煮雞肉花膠的柔滑與雞肉的鮮嫩完美結合 暖心選擇·🐂牛肉拼盤(細)拼盤有頂級安格斯牛小排 美國頂級雪花肥牛骰子牛肉粒 手切本地牛頸脊 牛展 牛舌 黃喉各部位色澤誘人 肉質鮮嫩 肉汁渗透着每一口·🐖伊比利亞橡果豬肉質細膩 甘香味濃 脂肪分布均勻 口感豐富按喜好調製個人醬汁 風味更佳 罕見提供葱油·🦑金屋藏嬌墨魚和牛丸這款手打丸口感獨特 墨魚味香濃 爽口彈牙包裹和牛粒的香氣 帶來意想不到的美味享受·🐚澳洲帶子片薄切的帶子片鮮嫩多汁 肉質鮮甜 輕輕一灼即激發出海鮮的鮮味 配簡單醬料 整體份量多·🥬大滾友雜菜拼盤種類繁多 色彩繽紛 有粟米 蕃茄 紫淮山 金菇番茄 生菜 油麥菜 娃娃菜 誠意十足 好新鮮·🍺生啤選擇了藍妹及Hoegaarden 好大杯 價錢合理清爽可口 泡沫細膩

大滾友火鍋 (紅棉大廈)青山公路 - 荃灣段125-133號紅棉大廈地下A&B號舖近排香港既天氣開始轉冷，凍冰冰第一時間就係諗起想i打邊爐，今次朋友帶咗我嚟呢間位於荃灣嘅<大滾友>, 一嚟到已經知道呢間係好嘢，成間餐廳以宮廷風做主題，小至一個牙籤筒大至成間舖頭嘅裝修都一絲不苟，非常有誠意火鍋湯底都非常有質素，本身想試下特式卜卜蜆鍋，但最終因為見到隔離枱嘅花膠雞鍋好吸引所以就轉咗，真係絕對無揀錯，店員好細心幫我哋開好個鍋跟住教我哋可以先飲湯，非常鮮味，之後仲提醒我哋雞件係半生熟既，所以唔使剥太耐，而雞件就真係值得一讚非常嫩滑伊比利亞橡果豬/牛肉拼盤肉類方面豬牛同樣出色，除左擺盤靚之餘仲有乾冰效果仙氣十足，岩晒打咭。。。豬肉方面望落脂肪比例好平均唔會太多肥肉，好吸引，至於牛肉方面，有各個不同既部位，淨係望到已經覺得好新鮮非常高質除咗肉類之外，其他嘅火鍋配料都非常出色，蔬菜我哋揀咗個拼盤，咁就兩個人都可以食到唔同種類嘅蔬菜，另外呢度嘅手打丸都係招牌嘢，全部都係自家製，保證出面食唔到，仲有餃類都絕對唔可以錯過

今晚涷涷地緊係打邊爐啦，今次就黎呢間食，佢地d火鍋湯底同火鍋料都幾有特色，都幾好味。半隻花膠雞 湯底勁大鍋，雞同花膠份量都幾足料，雖然係半隻雞，但份量都唔少，花膠都好大隻，好厚肉，先飲雞湯，後打邊爐，個湯非常濃郁，真係真材實料。牛肉拼盤(細)分別有幾款唔同部位嘅牛，牛肉嘅脂肪好均勻，好靚嘅雪花紋，食落都好嫩，好重牛味，唔錯。金屋藏嬌和牛墨魚丸包有咸蛋黃嘅墨魚丸，再包有一粒和牛，味道咸咸香香，又幾特別。伊比利亞橡果豬豬肉嘅肉質一d都唔鞋，好嫩，肥瘦適中，食落有少少橡果香味，好味大滾友響鈴拼盤呢個拼盤有2款，響鈴炸到好香脆，即叫即炸，另一款係面頭有咸蛋黃包住，又幾惹味。大滾友雜菜拼盤每款菜都幾新鮮，用黎吸湯汁，非常唔錯。竹蔗茅根一渣唔算太甜，飲落好清甜，好清香嘅竹蔗同馬蹄味，正火焰焦糖豆腐花原桶豆腐花，店員淋上酒，點火，非常有視覺效果，好吸睛，豆腐花面有一層焦脆糖衣，下面就係滑嘟嘟嘅豆腐，加上少少酒味，好正。

上星期同朋友嚟到「大滾友」食火鍋😍😍餐廳以古色古香的宮廷風格為主題，主打多款特色火鍋湯底！平日夜晚去到都好full，果然好受歡迎🔥🔥🍲特色卜卜蜆鍋✨上枱時店員會放入乾冰營造煙霧效果，打卡一流📸！！鍋底用上大量新鮮沙白蜆，隻隻都好鮮甜！加上蒜蓉同辣椒調味，越食越開胃🤤🤤🐮大滾友牛肉拼盤(細)✨包括有手切外裙肉、美國頂級雪花肥牛、牛黃喉、牛肉粒、牛舌花等，一次過可以試哂多款牛肉～～全部味道都唔錯！我就鍾意「美國頂級雪花肥牛🐂」，肉質嫩滑juicy，啖啖油脂香！！🐷伊比利亞橡果豬✨橡果豬肉味濃郁，肉質軟腍無膻味！同朋友食完要再encore❤️❤️🦐龍蝦墨魚丸✨墨魚丸爽口彈牙，裡面包住鮮甜小龍蝦，口感層次豐富！！🥓半熟五花腩✨五花腩肉質肥美，油脂分佈平均～輕輕淥一淥就食得，邪惡得嚟又好味😆😆🥬大滾友雜菜拼盤✨蔬菜包括粟米、蕃茄、金針菇、木耳、生菜、油麥菜、娃娃菜等，全部都好新鮮！！🥣火焰焦糖豆腐花✨店員會先加入黃糖同酒，再用火槍燒至焦糖🔥～～豆腐花口感嫩滑，重豆香！入口帶淡淡酒味，幾特別😋😋🍹自家製足料竹蔗茅根✨味道清甜解渴，好足料！食完火鍋飲返杯就啱哂啦👍🏻👍🏻