大漠 (已結業)

看到這店的食評, 令我想起某日book了晚飯枱, 到達時, 侍應給了在廁所旁的2人枱給我們, 因時間尚早, 我們要求轉枱, 侍應不肯, 我們便走了。其後有一男子(不知是否老闆) 來電說可轉枱給我們, 還頻說不好意思。但因我們已進入了另一間食肆, 便婉拒了, 但對他的好意及禮貌留下深刻印象, 決定下次必定試試。不久他再來電, 說為了補償, 只要我們告訴他們同一個電話號碼, 下次來時會給我們85折及25號枱, 還說已寫下此事。於是隔了一段時間後, 我們再訂枱, 我們對接電話的人(聽聲音不是上次的男子或後生仔) 說了此事, 他態度不太好地說要去查查再覆電, 而且多數不能給25號枱, 因太多人啊! 當然他沒有覆電, 我們亦沒有再去。經此事後, 對這間食肆的好印象已沒有了!

要入土瓜灣買野，所以睇下果頭有咩好食，見大漠評價唔差，就去試下，叫左個２人套餐Ｂ五色涼拌豆腐：豆腐夠凍，幾滑，不過淨係食到肉鬆同皮蛋，豉油汁太甜香濃牛尾湯：材料豐富，但唔覺有牛尾，只得好少肉碎香燒鴨胸：比較普通，冇咩特別，係面啲汁太甜極品燒羊鞍：唔騷肉質幾好，羊味唔重，好香口青金堤亁炒紫椰菜：菜爽口，但都係汁偏甜PIZZA：要左羊，肉好林，ｃｈｅｅｓｅ勁多，好好味桂花羊奶凍：桂花香味重，奶凍好滑，但冇奶味總括幾好，服務態度好，員工有禮貌．上菜快，但份量少，啲汁太甜，價錢ｏｋ唔貴，會再去食

銀行朋友請食飯，今餐我地就黎到呢間野試食。呢間野位置其實都唔算太僻，幾易搵到。2000黎到餐廳，人客並唔多。燈光黝暗，同男女朋友黎會較適合。不過裝修就好普通下，唔覺特別有新疆味道。我地點左個二人套餐。食品如下﹕鹵水豆腐- 其實都有d搔頭新疆菜會有d咁o既菜色，不過味道都算唔差。炒紫椰菜- 加左果仁同乾葱炒o既紫椰菜都幾好味，好香好爽。新疆鴨胸- 同一般食開o既鴨胸差唔多，無乜特別。烤羊鞍- 好香，八成熟，有d血水，但食落又唔覺生，羊皮脆脆地，唔需要點其他香料都唔會覺得"so"。雞pizza - 正。雞肉薄pizza，芝士雖然好多，但又唔覺『漏』，pizza皮薄香脆，一流。上菜細細地，唔會令人太飽o既感覺。整體食品質素同服務水準都好唔錯。唯一係覺得菜式好似modified到變成港式新疆菜咁。

我和男友都是喜歡吃羊的人,覺得這間餐廳的食物物有所值,我已介紹了很多朋友去試,因為實在太正。總之,若你喜歡吃羊,你一定不會失望!!

第一次在大漠吃完晚飯，感到很滿意，故約了10個朋友再到大漠試試全羊宴。(須預訂，$150/位)致電訂位，告知食店我們全部十人，只訂九位全羊宴，因有一位朋友不吃羊；過了不久，大漠那邊來電，給予另一個較佳選擇給我。每位價錢一樣，還不用加一。新菜式包括全羊宴的幾道菜，還加入幾道不是羊的菜式，就是廚師為我們選擇，有大盤雞、雞肉薄餅、魚，全部都好好味!最正當然是燒羊鞍，與平時吃的不同，十分嫩。不過已經很飽很飽了。今次這個雲哩嗱羊奶凍甜了點，還是綠茶羊奶凍好味d!!!服務又好，我和朋友都吃得很開懷。下次再試其他菜式。

已經好耐無寫過食評啦...嘻嘻...昨天去完"大漠"....覺得個環境好舒適，所以上來寫一寫，留一留...昨天我跟阿哥在土瓜灣搵食，無人的鋪頭唔敢試，多人的鋪頭就無位入，在東搵西搵的情況下撞入這餐廳....因為有2檯人，所以我地都放心d入去...其實我地都唔太餓...所以只叫了2個dishes...炒雜菌....好好味！哈哈...可能係我本身鐘意食菇啦....但食唔到有幾新疆feel，但好味...所以都唔緊要！跟住仲有食鴨胸...嘻~都幾好味....最後...送甜品....係咩呢ga?我都唔知點形容...奶凍的東西吧？！哈哈...但幾好味呀！質感幾好啊...哈哈！不過我最喜歡都係呢到個環境幾舒適...個waiter/waitress都好nice....無趕人走....我同阿哥走左之後先知道...原來佢地係等我地走先收到鋪....哈哈~搞到人家遲收工真唔意思！

昨晚我與友人到大漠進膳, 侍應建議我們吃set dinner "全羊盛宴", 不平的, 每位需$150, 並必須兩位叫(即$300), 我們為了吃只有跟餐才有的"手抓肉" ,所以貴也試一次。誰不知, 這種新彊特色的名菜, 我在內地其他餐廳吃的好味與回憶, 到這裡卻令我作嘔, 食物賣相像是一個沒有味道的豬肚(其實是一塊雪藏及充滿脂肪的羊扒, 但手抓肉是不該用扒部份做的!), 咬下去無味, 只像吃熟了的豬肚。另外其他食物, 只是一般, 咖哩亦差, 烤羊串成串是炸黑的!

烤羊腿夠「林」身，唔會話太乾，酥味都可以接受。乳酪雜菌皇帝菜唔特別大盤雞有點失望，首先真係細碟左ｄ，得幾件雞，個汁就搞到好似一個透明獻汁咁，感覺都唔夠濃，所以連而下面的粉皮都唔可以吸到ｄ汁....味道亦一般。服務好，個個都好有熱誠同好笑容，仲會主動介紹招牌菜比大家。

烤羊腿夠「林」身，唔會話太乾，酥味都可以接受。乳酪雜菌皇帝菜唔特別大盤雞有點失望，首先真係細碟左ｄ，得幾件雞，個汁就搞到好似一個透明獻汁咁，感覺都唔夠濃，所以連而下面的粉皮都唔可以吸到ｄ汁....味道亦一般。服務好，個個都好有熱誠同好笑容，仲會主動介紹招牌菜比大家。

每次上館子用膳，也總愛指指點點，對菜式評頭品足一番。我當然不是甚麼食家，煮東西也弄得一塌糊塗，只是我相信，一個人，就算真的沒吃過甚麼好東西，就憑一條舌頭，也能有一己之觀感。再沒有要求，對最基本的咸甜酸辣，都有一定的偏好。在下不才，正經的學問做不好，說到「飲食男女」也沒下甚麼功夫鑽研。幸而後者是「人之大欲」，任誰吃多玩多，也弄得了一點經驗。男女之事，說來不巧，一直門堪羅雀，自是說不得，免得大家見笑。但吃方面，這幾年來吃過不少好東西，厥詞放了不少，自以為也可說來供同好分享，不然也可給大家一哂，看看在下是如何的自以為是。要說評論食物，不得不從北京說起。雖說香港是美食天堂，好吃的都在這裏碰到懂吃又吃得起的，學習「吃的藝術」，世上也真無人不知這個都會是最好的地方。可也其怪，在香港時到處的吃，也只懂說好不好吃，鮮有逐味菜的點評。但到了北京卻不然，可能因菜系之不同加上生活無聊，每日花在吃的心思和時間也多了不少，時間多了，自然找東西打發時間。在吃飯當兒，沒有甚麼比細味每一味菜，並給它一點「註腳」更點題了。再者，北京人少有聽得懂廣府話的，就是在餐廳中高談闊論的批評廚子，也沒有殺身之虞。如是者，便得了這個

e間野都幾偏僻，位址在土瓜環北帝街，店鋪細細，book左6點幾個侍應話要7:30交?，去到全部?都擺左"留座"---俾人book哂~環境不錯，店內播著一D少數民族歌，幾有氣氛~推介食羊~~>v<超好食!!!6個人食，叫左一個4人set dinner $488，加埋一都係500多啦~1.冷盤--xx豆腐----好味!好滑!2. 芒果炒牛肉---好食!牛肉炒得唔過火嫩&好香!3. 羊肉pizza-----好夠羊味但一d都唔羶，略嫌細件左d，所以叫多件~~(不過我都唔介意食羶既羊肉架~~)4.心心相印---即係花茶.....但味道好似普洱....5.紫椰菜-----味道帶甜，因為加左d提子干落去炒，加埋d花生碎，好味!!!!成碟清哂!6.咖哩雞---ok，一般啦~7. 雞&羊肉串---鮮嫩多肉汁，外面烤得o岩o岩好~正!!!8.唔知咩魚----我覺得有d腥&佢用太多香料....麻麻地...但肉質都算滑9.廚師炒飯----冇咩特別....10.羊鞍(4支)---正!!同羊串一樣咁好味!好食過POKKA同埋平過POKKA多多聲!!!$7811. 素菇-----麻麻地...唔係咁好

如果唔係朋友住附近,相信真係唔會特登o黎.食o左好多羊肉菜色,包括香草羊架,煎羊架,羊肉串燒,羊肉pizza. 起初覺得孜然味唔夠,但當食到羊肉串o既時候,我就明白點解係大陸食羊會咁重味. 因為呢到就算羊肉串,肉質o地係淋,有肉味,冇雪味. 所以呢到咪唔洗用咁多香料law!想食羊o既話,我會心思思再番o黎!

羊肉用來熬湯, 就不要拿來再稍微炸一炸便做主菜.... 那個是"湯渣"....

有日(都好幾個月前)流沙包神神秘秘話去土瓜灣食飯, 對於我地住元朗既人黎講交通真係幾唔方便(雖然我地係放佐工係尖沙咀出發過去), 流沙包話去食新疆菜, 去佐間叫大漠既餐廳, 果度舖仔細細, 有個肥仔埋黎推介, 幾有禮貌, 服務幾好, 我地叫佐個葱烤餅, 一個荔枝雞球, 一個羊架(肥仔推介五成熟), 一個酸辣海鮮湯. 個海鮮湯超勁辣呀, 不過味道係唔錯, 同埋一碗仔裏面已經落足料, 有魚, 青口, 魷魚, 蟹柳等等; 個葱烤餅有四件, OK; 個羊架真係好味, 我平時唔多食羊, 因為怕羶, 但覺得黎到食新疆菜唔食羊又好似爭緊D, 於是聽肥仔推介叫佐呢個, 果然係唔羶喎, 仲幾好食添; 個荔枝雞球都好得意, 味道甜甜地又酸酸地咁, 幾開胃, 同埋有好多粒荔枝呀, 好食. 係一間用心有誠意既餐廳, 值得一試~~

去"大漠" 食新疆菜, 初初仲以為佢係蒙古菜添...我地一行五人叫左一個四人套餐另加蔥油餅. 個套餐包括豬肉鬆豆腐(冷盤) , 羊/牛肉串燒, 咖喱雞, 燒魚, 燒羊鞍, 炒紫椰菜, 和牛粒炒哈蜜瓜, 菇, 綠茶/羊奶奶凍等等. 炒紫椰菜好好味好甜, 唔知個汁有冇加左蜜糖炒呢.... 羊/牛肉串燒有好濃既香料味, 雖然有少少乾, 但我都好鍾意食, 不過如果受唔到陣味都幾係野. 我怕梗魚骨所以只係食得好少魚, 未食真係咩味. 羊鞍我冇食到, 因為唔夠分. 和牛粒炒哈蜜瓜好好食, d 和牛肉粒唔太乾, d 蜜瓜粒又唔會炒得太"林", 伴碟d 蜜瓜片清清地好fresh. 個菇真係好大個, 成個一頭鮑咁, 味道一般.初初嫌佢細細碟, 唔知夠唔夠食, 但食埋都幾飽. 間舖d 人仲好職做, 我地5 個人去食, 雖然只係叫4 人餐, 但佢地都主動俾5 客甜品俾我地食, 仲有兩款任我地揀添! 唯一最唔好既係冷氣太凍, 坐底無耐就覺得好凍, 食埋果杯奶凍之後, 成個人凍到打冷震要即刻走.其次要改善的地方係我地每食完一串串燒, d 待應好快手拎走d 鐵籤, 我覺得可以等多幾支一齊收會冇咁di