大漠 (已結業)

雖然訂左8:45pm, 但我地一行13人, 都要等到9pm先有位呀, 無辦法, 鋪位細…講返食物, 點了以下菜:1. 炒紫椰菜 (好味, 有d果仁+提子乾)2. 維吾爾清炒老虎菜(原來係一碟黃椒絲, 紅蘿蔔絲, 西芹)3. 古法羊鞍 (每碟4件, 唔係整到全熟, 中間仲有紅紅地色既, 應該係7成熟, 所以唔會韌)4. 手抓羊肉 (d湯幾好味, 但羊肉好似索唔到d湯, 可惜)5. 羊肉面 (一碗分到5碗仔, d面唔會糊左一pat, 軟度適中, 但唔多覺有羊肉)6. 大盤雞 (辣的, 底有粉皮, 鍾意食辣既岩晒)7. 鴨胸pizza (正!! D芝士好好味, 若過個size大d就好啦)8. 哈蜜瓜炸牛腩 (配搭特別, 沾泰式酸辣醬食的, 都值得試既)9. 大漠廚師炒飯 (普通的炒飯feel)10. 炒魚面 (um…係一碟好多芽菜, 得幾條魚條既面, 可能係新疆特色)11. 炒拉條子面 (辣的, 好味, 鍾意食辣既岩晒)飲品叫左新疆黑啤、酸奶、青檸梳打, 酸奶係一碗碗上的, 似乳酪咁樣, 但酸d, 同埋加左提子乾和果仁每人食左130….由於好多肉, 飽左~

上星期同兩個朋友專誠去土瓜試下呢間特色食店,由於係平日的關係,7點鐘去到都唔算多人~毋須等位可以即刻坐低~至於食物方面~我地叫左以下幾款:1) 燒羊鞍 肉質算鮮嫩,不太so, 份量稍嫌細件2) 羊肉pizza size比想像中細, 味道一般,冇咩羊肉味3) 串燒拼盤 雞牛豬各2串, 香料味重, 蓋過肉本身道, 唔係好分到3 種肉邊種打邊種.......總而言知冇咩特別4) 羊肉碎陪烤餅 有驚喜, 陪烤餅或齋食均可5) 大漠炒面 十分一般, 似炒烏冬6) 羊奶凍 十分好味,雖則本人不好甜品,但都不得不讚賞, 重奶味但不太甜,正!!7) 酸奶 同樣味道可人,醒胃消滯,易入口, 正!總括而言, 心想像中遜,但富特色,不妨一試,但如位置旺角,有再試的機會~~~可惜....

上次係工展會食過佢地d羊鞍、羊串同羊奶涷，實在好好味~!上個禮拜同老公搵返佢地間本舖再食過!!因為我地揸車去，所以我地去之前搵附近d停車場。(因為0個度好難有街位)而就係隔離街已經有個8蚊停車場。係就係舊d，不過我地部平車仔就無所謂啦~因此，若然揸車去，都叫好方便。去到好多人，但係我地已經book好位，所以唔駛等。叫左個全羊餐食~正餐之前有碟小小菜，解悶~一陣之後，先上粉絲湯~湯好甜，好清。裡面有羊肉同粉絲。初頭以為d羊肉煲過湯會鞋拾拾~我本來都唔食，但係我老公食左一舊就叫我食埋。因為好軟好稔，仲好甜~之後嚟羊肉串同羊肉碎生菜包。羊肉串超惹味!!就好似工展會0個d~好味!之後仲嚟左一堆野食，不過我已經唔係好記得食左d咩~但係當中有個湯蔒羊肉就有d韌同好肥!!我食左兩舊，淨低0個d就質左俾老公食~最尾尾個甜品都好好味，就係0係工展會食過個羊奶涷。雖然得細細杯，但我食完成個餐已經飽哂，細細杯反而啱啱好~最後加多個唔知咩茶，好靚架!!有九萬幾種材料係入面~呢餐就咁畫上完美句號~埋單唔駛我俾$$，更完美!!

睇完飲食男女介紹$170食全羊宴, 於是星期日同爸爸, 媽咻專程去食, 一入到去好有新疆風味, 可惜太迫, 再睇餐牌, d價錢都幾貴, 再睇全羊宴, 原來要每位$170食全羊宴, 有d取考, 我地3個於是叫3個人份量, 但係份量真係好少, 於是問個侍應點解可以咁少, 問個夾餅是否得4塊, 個答案居然係:我地只會預備兩人份量!! 大佬呀! 咁你應該預每人兩塊架, 4塊點分呀! 個麵只係個碗大, d麵少到離譜, 味道麻麻, 羊肉串燒不夠味, 手握羊肉夠淋, 味道一般, 羊奶凍有d桂花味, 食唔到有奶味, 燒羊肉d茄汁唔加好過加, 好難食!份量太少, 唔會有下次!!

十二月三十一日 (星期三)大家都放假,趁著假期到工展會走一趟!做完gym後,我倆就趕到工展會!因為之後要趕去看戲工展會攤位多,今年新的有"大漠",還有即燒羊鞍,陣陣的羶味隨著風吹來很香很香喜歡吃羊肉的老公仔敵不過誘惑,最後決定買了值得一試,因為比其他攤位的菜色較特別一件件的羊鞍燒得熱烘烘的,任由選擇,賣$15蚊一件,不覺得貴,只覺得細了點,不夠喉下次到店一試!

鎮店清真古法極品燒羊鞍MEDIUM名不虛傳好有風味反而燒羊西冷比較失色尤其是賣相老闆娘好靚女

星期六晚，兩口子都想食羊肉，一於過海去大漠啦！食左個燒羊鞍，都好香口，叫住肥B唔好食肥油，但佢就話香口到欲罷不能，激到我！咖哩羊肉、鴨肉披薩都好好味，披薩D芝士多到好似唔駛錢咁，非常好味！侍應們亦非常友善，叫左個純羊奶凍，佢地都仲送多一杯仔俾我地試味，係好酒味呀，都幾特別喎！唔知下個星期做咩味呢，一於去多次再試

成班fd 7個人一齊去試下恬間野,因為有個fd食過話好味wo,咁就try try la7個女仔叫左4個DISH ONLY,因為驚太多食唔曬MA叫左2個白汁海鮮意大利粉,一個飯,同一個新彊羊肉PIZZA我覺得白汁海鮮意大利粉就係最唔SPECIAL既,同出面個D差唔多姐個飯入面有雞肉係我覺得最好味嫁^^雖然唔記得左個全名係咩呀,但真係唔錯唔錯呀下次黎一定要再食呀個新彊羊肉PIZZA唔係好大塊,唔似人地pizza hut食個Ｄ係似人地蔥油餅個D, 幾創新,食左唔會好飽個前菜係一個CREAM SOUP,佢同其他個D唔同就係加左D唔知咩香料飲落無咁油膩叫左2杯幾special既野飲,一杯係玫瑰蜜,一杯係有花係中間有熱水既時候就會慢慢開花嫁la, 幾cutie但我都係覺得玫瑰蜜好味d

拖左好耐先有時間去食新彊菜,間野比我想像中細,(可能晚市full晒吧)令到走廊的感覺水泄不通,但是食品比我想像中還要好,果然一分錢一分貨要推薦的就是手抓卷,雖然佢個賣相不討好,但是真的好好吃!!!!皮同配料非常之夾!!!羊肉串燒亦都是誠意之作~香草好特別,而家羊肉亦能保持多肉汁同鮮嫩,特別一提的是,羊肉串份量好多,超級抵食!!主菜order了炸哈密瓜牛腩,十分之有新意的配搭!!而家哈密瓜令牛腩不太膩~推介~至於個duck breast.........有所保留..............個人黎講可以煮得更加好食~^^原本近幾日沒有胃口的,(平日吃早餐後便不吃了)不知為何手抓卷令我的味蕾甦醒~感謝~!!服務方面,好喜歡有疑似學生哥的侍應有禮貌地為我們介紹菜式,抵加人工吧~~如果密d加水就perfect啦~如果大漠的位置在旺區,我想一定會客似雲來,至少我不用轉兩次車來土瓜灣~

從來都冇去過土瓜灣，見夜晚要過一過嚟土瓜灣整啲野，就即刻上OPENRICE睇定呢頭有咩好食。睇到土瓜灣排 no.2 嘅"大漠"原來係食我至愛嘅..............羊!!!!! 真係唔知原來HK有啲咁特別嘅食店，咁唔使考慮其他啦，食硬佢。因為要留肚出去食糖水，2個人只係叫咗：(1) 鮮芒果炒大花竹蝦 $ 108 >>> 有4只蝦，而且仲係大大隻，個汁調教得好好，又有芒果又有橙，感覺好fresh，連個蝦殼都好入味~(2) "鎮店"清真古法極品燒羊鞍 $83 >>> 睇個名咁勁就知有幾咁好味啦......羊肉好嫩好有羊味，最欣賞係上面條肥羔，燒到好脆好香口，而且好似入口即溶咁，一啲都唔肥膩，真係好香好好食~(3) 家鄉油酥餅 $23 >>> 都好食，不過未算突出~好有興趣佢個$170/位嘅全羊餐，下次一定要試試~

昨晚去了老公介紹的一家餐廳名叫"大漠"試試, 聽名字大概也知道是吃什麼東西了吧~ 對! 就是新彊菜! 亦因為是好奇, 所以才鎖定了要去大快朵耳...進去客人滿滿的... 價錢算算可以.. 嗯.. 其實也算平宜啦! 看看我們吃了什麼就知道~ 今天吃的是全羊餐, 不過那裡也有很多不同的款式可以挑, 只是我們比較懶, 加上車子繞圈子繞太久...坐下來已沒有耐性去想了 哈哈~~ 所以下次再去的時候一定要再試試別的東西!! 還有喔... 最後的那是羊奶凍, 超好味的... 羊肉粉絲湯 - 淡淡的, 很清, 而且肉也很嫩羊牛串 - 好好吃~羊腿肉炒老虎菜 - 好吃, 因為是 minced 肉, 故吃不出是不是腰了~ 哈哈羊肉烤餅 - 餅很脆, 夾肉吃, 好好吃~抓羊肉 - 其實是放湯的, 加上是一件件羊件... 滿不錯, 不過我比較喜歡濃味點的~羊西冷 - sauce好特別, 羊肉很嫩濃湯羊肉麵 - 點點spicy, 茄汁底... 滿好, 不過到這裡已太飽了 哈哈羔羊奶凍 - 超超好味!!!我另外加了一杯羊奶, 最後埋單 $420 - 2人

慶祝與女朋友的拍拖週年紀念，專程上網找尋附近有無好評的高級餐廳。由於唔清楚點什麼菜色較好，點了一個二人晚餐b。先上2碗牛尾湯，喝下覺得像蕃茄湯較多，肯定的是有牛肉在內。之後上了一個什麼老虎菜，個名好有氣勢，原來只係些雜菜加了雞絲肉。接住有個紫椰菜、什麼羊肉卷和羊排骨。紫椰菜略帶甜香，但吃下卻鹹了些少。什麼羊肉卷是用佐薄餅皮包既羊肉卷，味道一般啦，不過好多好多油滴落個器皿，見到都怕。羊排骨，唔好亦唔差，不過吃得出有點鹼水味！最後，有兩個甜品送上，無記錯係叫羊奶凍，好香桂花味，但奇怪在於看不見有桂花。羊奶凍不大酥味，食落仲好香滑，不過唔知羊奶從何來呢?問侍應羊奶從何來，侍應諗左一陣，話係內場運港。我還點了一杯羊奶喝....怕唔怕呢?總括來說，覺得這間店既意念好特別，因為香港很少有新疆菜，不過我覺得菜色不大好食。要說最好的一味菜，應該是椰菜罷。我很想知道羊奶是從那裡來?

是日三位姊妹上門幫手 pack 箱，本人實在感激流涕。晚飯時間行落北帝街找吃，心想住在此區好些年了也未曾拜訪過此名店，在朋友沒異議下來了這裡。老實說，本人從來少吃肉，羊就幾乎從未吃過，點菜的功夫，留給姊妹們處理。烤餅： 掂！可惜每人只有一件。就算不與餡料同吃也一流。炒椰菜：的確別有風味， 但對本人而言是過份油膩.串燒拼盤：分雞，牛，羊肉串。據朋友所說，羊串與牛串食落味道口感都是一樣的， 也有朋友說，若肉串先與那些調味粉同醃才拿去燒, 可能會更惹味。羊西冷扒：朋友吃得出騷味來，本人則。。。此店環境不錯，服務也很好，本人雖不好肉，但會把此店向其他朋友推介。

本身對羊的認識只有羊煲...今日去左呢間食店對羊有另一棰認識, 入到店內已感受到異國風情的掛氈,加上個餐牌套十分特別已吸引了我的興趣~原本想叫set...但最後叫左4個菜+一個甜品鴨胸青瓜雞絲拌老虎菜 $40 - 個鴨胸的肉質好軟+老虎菜好"翠"好形成一個好開胃的前菜新疆燒烤拼盤 $95 - 串燒上面的粉末起初以為是胡椒...但食了就知道是香料,好特別烤 羊pizza (多羊奶cheese) $45 - 呢個一定要食,個size係細dd.但勝在個邊好"翠",而且個羊cheese+羊肉好match~古法燒羊鞍 $83 - 好好食~好香羊肉味~而且好似入口即容咁......羔羊奶凍 $22 - 開頭以為好重羊味...所以只點左一個....但食完想食第二個...好軟....好滑...

日期: 08年7月26日 時間: 09:00pm人數: 2　等候時間: 0 min (已訂位)菜式與感想: 前菜放了很多芝麻和芝油的椰菜絲，十分香口哈蜜瓜配老虎菜沙拉　（＄４Ｘ）有青椒，黃椒，紅椒，青瓜，西芹等７－８種材料切成大小相約的蔬菜條，就連伴碟的鮮橙亦有切花，使小妹很欣賞廚師的心思　香蔥烤餅　（＄２Ｘ）愛食熱辣辣面包的我，吃烤餅的外層時有食薯片時脆脆的聲音～　幸福～羊肉pizza　（＄４Ｘ）失了預算，因為pizza只有直徑一隻叉咁大，pizza底其實是酥皮（就像酥皮湯那一種酥皮咁厚），加上芝士，洋蔥，羊肉。只有這麼多的材料，回想起來又好似很貴.....但當自己跟男朋友在寧靜和有氣氛的小店慶生，不知怎的，覺得很值得～烤羊肋骨(共八件)（七成熟）　（＄１４Ｘ） 烤肋骨的面層那個黃色的香料真的好美味～！如果再多點就好呢.....服務員為我們端上兩種蒙古香料，　我喜歡辣味的那種可惜 ...... 要一次過食4件羊架 ，份量太多，而且要慢慢切，使其他羊架放涼，令細嫩多汁的肉質受影響。所以要叫這個的話，要短時間掃光，一大班朋友一齊分享就最岩！大漠炒烏冬 (如果無記錯個名)　（＄６０）試一次