大漠 (已結業)

4月13日晚,5人來dinner比較吸引的有:1)羊肉pizza-個餅底唔似西式的做法,這個質感有d似酥皮,夠薄,舖芝士,因serve時還熱,所以是melted form,好軟身,唔太重羊味。但食時很熱騰騰,十分good2)錫伯咖喱羊肉(青咖喱)-好似落單的伙計(似是餐廳經理/老闆因無制服)所言,個汁唔辣,偏甜,但好好味,羊肉亦好腍,好味3)新彊烤麥餅-其1友人極度愛澱粉質的麵包,很欣賞這個麥餅-軟身,因麥是高纖,所以都幾有口感-用來蘸青咖喱汁,不錯4)羊肉串(1客)-有2串-juicy-配以孜然粉和辣粉,個人只選了孜然粉5)燒羊鞍-好嫩滑,不是全熟做法,可能是lemon grass把"so"味cover up6)小羊腿(2隻)-每隻size唔大-肉質好腍,好易切開-蘸附上的sauce,就更覺juicy7)梅花鹿-賣相好colorful,有紅色車厘茄,有grill過的薯蓉圍邊,中間是炒過的鹿肉,再伴以生菜捲埋食,豐富-鹿肉有很多蒜粒的物體1齊炒普通的有:1)哈密瓜伴老虎菜雞絲-有哈密瓜粒,紅,綠椒粒,薯仔條,雞絲-哈密瓜唔甜,無嘜特色,可能簡單叫涼拌老虎菜更好2)乳酪雜菌皇帝菜3)香蔥

短短兩周內兩度勇闖土瓜灣新疆菜大漠.這次為友人替小弟補祝的生日飯.下午時間學生客佔八成,友人既歎如果不推出學生餐便死硬.事實上,學生餐並不貴,而且比去其他茶記更具新鮮感.友人說沒有理由點set lunch,散叫才能見真章,上一次小弟在此的大漠局,吃得也令人滿意,今次再叫一些之前沒有吃過的菜式,另一友人G小姐不吃羊,更有理由可吃多一點羊以外的菜式.自私一點,自己先來個清湯羊肉麵.羊肉片味道去得七七八八,味道差不多比底下的清湯底吸收殆盡.非常神奇.嘗試用不同角度去睇,如果著重湯底者,會覺得這碗麵很對味,那如果著重材料的話,就....大路之選新疆炒紹菜,最怕吃著些"濕紙巾"質感的紹菜,這個紹菜,口感仍爽.亦夠甜.同新疆有何關係?不得而知,或者在這間大漠,按一個西北地區名行頭,才算恰當.串燒拼盤,有牛,雞,同羊肉三味.羊肉夠Juicy,可是已擱上一段時間,自作孽.其他牛同雞,略嫌乾身.孜然香辣蝦,蝦肉似乎並不新鮮.肉質潺潺地.基本上配料沒有問題,係主角失了手.新疆大盤雞,香辣惹味的汁,索到底下的粉皮,最為搶手.牛肉Pizza同老虎菜上次已吃過,不再詳述.事後每人送一個甜品,仍是羊奶凍.這間創作

這間鋪是做過功課先找到它, 原來呢條北帝街真係好多野食, 下次可以再試試同區既餐廳!夫婦二人叫了三樣食物(套餐太多了), 原來想叫pizza, 但知道一個也吃不完, 其他的就唔用講了, 所以散叫了以下食物:一. 大漠咖哩雜菜, $48, 少少辣, 新彊風味既咖哩, 即係唔會重椰漿味, 有西蘭花, 什菌等等, 唔錯!二. 重量級塞外風味香烤羊排(8條骨), $108, 先唔講味道, 呢個肉質好juicy, 粉紅色(texture 好過outback), 有一層脂肪, 雖然我覺得肥, 但因為好吸引, 今次破例食哂, but 論新彊風味我就相信唔夠羶味, 可能遷就香港人吧!三. 新彊烤麥餅, $20, 呢個唔應該叫naan 掛, 乾乾地, 不過勝在夠熱, 又夠麥味, 用黎夾咖哩食, 唔錯!最後送左兩個的桂花味羊奶凍, 桂花味濃左少少, 我唔太食到羊奶味, 不過勝在淡淡地唔太甜又細細地, Very Good ar!

阿J因事不能出席，唯有隻身參與這期待已久的土瓜灣大漠英雄宴。雖然小弟一向怕羶，但經阿J這兩年來的訓練，一於無有怕，單刀赴會是也。此店雖少，但裝修總算有心思，食物份量的骰，價錢和同區比較略貴。全晚最出色的，非pizza莫屬，有牛、羊、海鮮三種口味，三款同樣材料豐富，芝士夠多，啖啖肉香，吃得我和Chris熱辣滿足。亦推介炒鹿柳，軟稔入味，鍾情鹿肉的阿J如果係度應該會爭住話要食。這裡的焗羊扒亦有水準，肉質粉嫰，一點也不膻，啱我口味，愛吃羶的食友卻有點失望。黑啤會羊腿太苦，一向不嗜酒精的我當然不喜歡；烤魚一般水準，鮮味欠奉。羊肉串燒好處是啖啖肉，可惜不夠香口。蔬菜類阿J一定唔鍾意，全部炒至油光十足。最後店主豪氣地為每人送上羊奶凍，以玫瑰花蕾和金薄作點綴，清雅的賣相阿J定必滿意。奶凍好滑，甜度適中，有奶味，但羊羶味欠奉，嚐膻者再次失望。總括而言，大漠的食物很設合普羅大眾，味道温和，是一追奉用心之道的小店，但個人認為價錢略貴。

致: 大漠東主(現任)如果你是十一月才接手, 相信我的不快經驗並不關你事的, 我約在十月或之前到過大漠食午餐。當時好奸的是位女仕應。我只講出事實, 我亦不是批評貴餐廳, 而是對這位女仕應的處事方法感到不快, 而在這個平台發表一下。我亦無理由憎對貴餐廳講大話囉, 其實這件事根本無得查, 你問你的僱工, 係人都唔認啦(唔通我幫你識人咩), 或者她根本忘記了。算吧啦! 唯有身為老闆的, 多些時間在舖頭打點吧。

媽媽生日, 訂位前話會送一個芭菲俾我媽媽, 真的有實現喎, 好服務態度!!我地九個人叫左一個六人餐, 甜品送羊奶凍, 但係唔夠分, 我話可唔可以俾多兩杯我, 佢地又真係俾我地喎, 做得好!講返d食物, 所有食物都好好味, 除了六人餐的什麼燒魚, 好腥>.<, 不過講真"大漠"的羊肉食品, 真是無可口非, 羊鞍唔so, 好嫩, 連我唔愛吃so的老爹都吃了一件, 正!!羊串更有新疆的風味(我曾係新疆食過, 新疆的較肥和so), 加埋果d粉就一流, 不過唔食得辣的人就落少d辣椒粉喇咖喱牛腩都好味, 不過新疆有沒有咖喱呢????紫椰菜,老虎菜和牛肉粒都好好味, 加入少少提子乾, 甜味吊起整個餸, 唔知提子乾係唔係來自新疆呢?唯一唔好的地方, 就係件頭太細了, 我們九個人, 叫六人餐, 再加其他餸, 都唔係好飽(有大食的人更加覺得好似無野落過肚), 可能係少食多滋味吧!價錢唔算貴, 叫多幾個餸和十多串串燒, 用東亞銀行信用咭有折, 埋單唔洗一千元....如果有空, 又有食羊fans一定推介和再次幫襯

又一次要大家作客小弟之"地獄主場",是夜地點- 土瓜灣北帝街"大漠".大半年前曾經來探過路,看看可否在此來個飯局.月前同P.J閒談,對大漠有興趣,再橫顧其他朋友,大多是"羊痴",順應民意之下安排一局.有人想吃就安排.我們的字典,沒有什麼"不值得專程拉大隊來試"這些說話.之前榮興開夠兩圍,今次因為場地比較細,只能安排一張長檯,十一人也剛好.所以不敢約太多人,不在名單上的朋友,真的不好意思.同巴依風格有別,前者比較粗獷,大漠就自居"新疆創作菜",新疆菜大家不外乎想起羊,又或者將其與蒙古菜混為一談,連個店名也令到大家覺得,這是蒙古餐廳.其實,在大漠之下.還有一些令人驚喜的味道.菜式份量細,每一道也要開二.也叫到一檯都係.先來一個酸辣海蜇伴老虎菜,正常來講老虎菜應該很辣才對,但小弟只能覺得酸酸甜甜,幾醒胃.不錯的開胃菜.紅紅綠綠梅花鹿,非常押韻.紅即是車厘茄,綠是青椒,鹿肉片面上舖上花生碎同提子乾,用薯茸氈底.同一些西餐廳的紅酒牛尾的賣相類似.鹿肉質感似牛肉,肉味更濃.其醬汁撈下薯茸吃,味道同質感俱佳.烏魯木齊古法炒紫椰菜,什麼是古法就不得而知,紫椰菜比椰菜更爽,味道甜中帶甘.另一道野味新薑青

由裝修掛飾以至餐具都充滿著濃厚民族氣色, 再加上輕輕民歌, 就連清水都有淡淡甜味(唔知係咪落d花煲過d水呢), 顯得店主落不少心思, 感覺不錯!點了四款菜:1. 羊肉pizzasize細細個(細碟仔咁大), 打十字切開4件, 餅底係酥皮, 整得幾鬆脆; 羊肉切片, 唔羶; 加上厚厚芝士, 芝士味幾香. 其實食落樣樣料味道分開晒, 勝在夠創意之餘, 幾樣味道都幾好, 料又足, 唔錯!2. 黑啤燴羊腿一客兩大隻羊腿, 啖啖肉, 都係唔羶, 羊腿肉質好淋好滑. 黑啤做湯底,浸住d羊腿, 飲一啖湯先知真係好濃啤酒味, 苦苦地幾特別, 可惜係羊腿唔入味lor!3.辣羊骨濃湯麵辣味欠奉! 湯底配料好多, 味道唔錯. 麵都好好, 幾淋, 羊肉新鮮好味! 以上3款菜呢款最合心意.4. 桂花羊奶凍甜品, 好似燉蛋白咁, 呢款係羊味最重, 有陣陣桂花香, 幾清! 奶味唔膩好滑, 好正!總括呢餐羊餐, 對d唔愛羊羶味人應該會好滿意. 而且款款菜味道都幾好, 印象唔錯! 服務方面就普通啦, 伙計有少少唔專心咁, 但佢地都面帶笑容.

只打算在北帝街隨便吃個午飯，看到午餐有羊腿飯，價錢又實惠，嗜羊又念念不忘西域的我們就光顧了此店。只點了羊腿飯的套餐和一份烤墨魚沙拉菜，因為其餘三款套餐不像有多特色。先來的餐湯似是有濃濃羊味的羅宋湯，看到鄰桌的女士嚐了一口變了臉，我們卻喜歡。再來的花茶，視覺效果十足，味道像苦丁茶。羊腿配白飯，羊腿肉酥軟但膻味不足，醬汁則很好，清爽的辛香。烤墨魚爽脆且香口，沒烤得乾乾，味也不俗，其實我不好墨魚，但也欣賞此菜，若多點蔬菜更合我意。隨餐而來的小甜點，是帶桂花香的奶酪，清香甜滑，唯不喜其魚膠的質感。總括而言，實在不錯，地方雖窄但整潔，侍者也勤快有禮。個人感覺，平常去的巴依，豪邁，這大漠，細緻。

自本人接手以來，自問刻盡己職；顧客所求，能力所及，是必有求必應~十一月至今，深得廣大食友鼎力支持，深感萬幸。亦告誡各員工，萬勿固步自封，不思進取。有謂不進則退，自覺甚有理，故時刻求進，未敢滯閒！此文旨在回應各食友之善意讚譽。並感激貴網站設此與食客互動交流之平台。另有一事如哽咽之刺，不吐不快！本人心知貴網編者日閱萬言，未免掛萬漏一。有一食友先後置本店劣評兩篇，然經本人查實，確未有該事發生！！本人絕非敷衍塞責之徒，故對此深感憤慨，現特此公告，聲明此一劣評純屬子虛烏有之所為。另，感激各食友之關顧，適逢農曆新年之期，祝各食友貴客新年進步，身體健康，生意昌盛！

兩個人叫了兩個set lunch, 其中一個係麻辣xx羊湯麵。等待時, 聽到隔離台有位小姐想吃xx羊湯麵, 但想走辣, 仕應很免強、很免強答應。當朋友食完畢後, 我問他是否很辣, 他話乜原來係辣架咩??? 我們追問仕應, 佢好驚咁答我地(加埋d 笑容), 剛才有位小姐想走辣, 應該是廚房調轉了。我們都吃完, 他轉過一碗乜吃不落, 況宜佢亦無咁的打算。但我親眼、親耳聽到佢話會安排走辣的麵給那位小姐, 如果調轉了, 那位小姐實出聲。我好相信是廚房費鬼事煩, 又開多了味精湯, 咁隨便比埋我朋友囉。咁的食店, 講大話的食店, 仲要扮親切咁講大話, 我唔會再光顧。

好耐都無寫過食評，係大漠令我再次動手，向羊痴大力推介佢哋既食物同服務．．．我下次會再嚟架二人所點的全是羊　(^,^)１）羊肉湯～芫茜味太勁，將羊肉味蓋咗，但仍鮮甜２）羊肉PIZZA～羊肉略遜色，若變小粒或碎羊口感會較好，而酥皮餅底就十分出色，好似變咗主角咁３）極品羊鞍（靚女侍應介紹）～５成熟口應一流，再自己加上適量調味料，將羊羶味帶咗出嚟，簡直係人間美食４）回族手抓羊（靚女侍應介紹）～好似用水煮咁，唔會熱氣，只用少量調味料煮成，賣相雖然無羊鞍咁吸引，但味道同樣係一流，再自己加上適量調味料，都能夠將羊羶味帶出嚟，簡直係人間食品５）羊奶凍（叫了一客店主送了一客堂食及兩客外賣，令我哋好驚喜，多謝晒）～我從未試過羊奶凍，第一感覺香滑，沒有太大羶味，適合不啫羊者另值得一讚係所有侍應既服務同態度，笑容可掬，又不時為顧客倒水，非常細心二人共消費：＄２７０

ok, firstly the service is totally, TOTALLY awesome! The boss and waitors were really nice and it is obvious that they're genuine. The food was quite nice, really strong taste. The only not so good thing is that the food are a little too oily for me but that is just my own opinion. Some of the food seems quite authentic and tastes quite nice. However, there are some which aren't strictly Xinjiang's food. Localised, thats it. But this act of localised food is totally understandable as business &

有人怕羊少少羶，有人嫌羊不夠羶。有人保守怕創意，有嫌創意不夠多，無新意。 講番個「羊肉披薩」：薄餅用油酥餅（paratha）做底，加羊奶芝士、馬蘇里拉芝士（mozzarella cheese）同微醃的羊肉；配搭是新鮮的- 千層餅烘得酥香微脆，馬祖里拉芝士把意式薄餅「拉芝士」、煙煙韌韌的快感帶來之餘，羊奶起司又把那輕輕的羊羶味帶回家...用小茴香同小小辣椒粉醃過的羊肉片，搭在那酥化的餅底上，敗北：羊肉片沒經過特別的處理，烘在濃濃的芝士底下，雖然也有點羶，但也是軟軟的；若然餅底是脆的那種，情況或許會好些；現在醃得不深，質感又薄，味道、口感得比下去...。若然切成大塊肉粒，用孜然粉醃，先煎/炸後焗，羊味會比較出，比較惹味，口感也許會比較豐富。還有那個教人又愛又恨的「桂花羊奶凍」：一嗅，羶香四溢；一口，桂花甜香，欲蓋彌彰；及至奶凍滑進喉嚨時，羊奶的羶香才幽幽地散發出來...只有那麼的一丁兒，怎麼夠？（又想，若然太多的話，又會不稀罕了？）要不孤身一個，一定試試你的新疆大盤雞，或者新疆黑啤燴小羊腿，又或者老虎菜、梅花鹿、黃猄片...又或者簡簡單單，食你兩串烤羊串。如果有饟包肉，或者新疆拌麵，或者油

夜晚九點半左右入到去. 得一台六人左右. 我去到包場.侍應哥哥好鬼有禮貌, 有D唔慣. 唔知叫乜既情況底下叫左個二人餐B. 要雞Pizza.五色豆腐- 有皮蛋鹹蛋肉鬆等等, 豆腐好滑, 皮蛋又無皮蛋仲難食味, 加埋一流!炒紫椰菜- 落腰果&提子乾, 又酸又甜! 妙!牛尾湯- 好想要多碗, 個碗實在太細.羊鞍- 七成都見肉食紅(以為唔會.), 火路不過不失. 可惜係孜然(有人叫紫鹽, 即小茴香, cumin seed)無落埋一齊燒. 不過又真係唔係個個香港人arm食.鴨胸- 不過不失, 一般好味之作但欠缺特色.雞pizza - 芝士雞肉烤餅(似印度D Naan 餅) 雞滑到痹, 芝士好味, 唔知係叫咩芝士.羊奶凍- 極品, 可惜個器皿好似蠟燭座...點都好, 羊奶凍好好味但太小分量. 食完反而有D肚餓想再食. 埋單之前問個哥哥散叫係咪都一樣大, 佢話係. 我二話不說佢就主動送兩個俾我外賣, 呢樣拋磚引玉手段真係好受. 實會短期內再幫襯.雖然價錢要成$270 兩個人, 不過都算物有所值.最可惜係, 我要大漠豪飲豪食個種風範!!!!係播! 個頭盆豆豆都唔錯, 夠爽口.