大煲皇小廚 (已結業)

已前係長沙灣返工都成日去，轉咗荃灣返工，應該都冇咩機會再食......點知開咗分店新界荃灣海壩街108-114號荃碧大廈地下個日行行下見到新開又唔知係咪分店，不過眼見...似似地就胆粗粗提議去試下.......話晒都8個人嘛oh....好有驚喜味道同款式差不多...不過就唔近地鐵店，附近又冇咩地標...唔熟荃灣就要比心機搵下叫咗個魚剌身...(唔記得咩魚) 好鮮甜, d骨就攞去椒鹽...正正正雞煲味道保持水準...我諗比起認真去排過隊個間荃灣雞煲好好多....起碼唔洗排隊其他打邊爐會食嘅嘢都唔細說了，總之同長沙灣差不多 及環境更好~唔轉工一定會再去

因為公司係附近,一收工就過去,所以通常唔洗等位,佢果到7點零開始就人多,唔想等就早D去啦~~~重有,佢個雞煲都好味,乾雞煲好食D,食得辣叫大辣,重正~~~

星期六晚只係想揾個地方可以食下野睇下波途經深水埗, 因為人生路不熟, 幾經辛苦下, 終於比我地揾到有餐廳直播一係打邊爐, 一係茶餐廳, 唔洗諗...大煲皇入到去見到格局到幾"士正", 幾多電視機 感覺唔錯再睇下餐牌, 價錢中等, ok la...trytry先叫左個細雞煲 - 水份收得唔錯, 幾入味..食完之後叫伙計幫手加湯打邊爐... 一煲兩味.等既其間叫左個刺身拼盤, 幾肥美, 係八爪魚差D火煱料叫左好多, 最正一定要提鵝腸, 手切脊頸肥牛其他: 花甲, 生蠔, 雲吞, 豬肚, 粟米(超甜), 黑柏葉....都唔錯.最後加番個生麵, 簡直係享受估唔到睇波為主既飯局, 竟然有驚喜火煱料夠新鮮, 有水準, 值得ENCORE!!!

11月22日相約了幾名同事一起食雞煲,我都係第一次食雞煲炸,雖然不氣突然回暖左少少,但都冇減我地食雞煲興奮既心情,我地一行八人一早訂左枱,7點鐘都已好多人,餐廳唔算大,因有同事食過話正,所以就嚟左幫襯呢間啦.同事一坐底就埋頭苦幹的點菜,先點左半隻雞煲先,先後點左好多打邊爐既配菜啦,因食雞煲係食到一半就會加湯變相打邊爐架,我地點左好多嘢呀,首先會有一盒配味料俾我地自己攪"混醬",我落左少少豉油,少少生及熟蒜,少少紅及青辣椒. 仕應先俾我地兩小碟炸三文魚前菜,辣辣地非常好味,好香好惹味呀!! 等左唔係好耐個半隻雞煲出場啦,係用黑鐡煲裝住架,好香喎,加熱就食得啦,個鐵煲唔係好大個,我地仲諗住係咪食完要轉大一個既煲打邊爐呢,但同事話唔使架,用番呢個就得架啦.雞肉好滑,唔算好辣,麻麻地好香好好味喎,雞肉唔算肥,細細件好易入口,食到差唔多就叫仕應加湯啦,雖然好忙,但仕應既速度都好快,好有禮貌呀!!打邊爐既配料有牛肩脊,芝士牛肉丸,韮菜餃,雲吞,響玲,炸魚皮,疏菜籃,羊肉,手打墨魚及蝦滑,鯇魚件,鱔片,皇帝及西洋菜,廋珍菇.....響玲真的係好正既打邊爐配菜,浸一浸脆卜卜,好正,炸魚皮都係一樣浸一浸

天寒地凍同老豆去大煲皇打邊爐...材料十分新鮮,叫左遊水花足蝦,牛頸瘠,鮮魚片,全部都係即叫即劏的,一D 雪味都冇!好正!強烈推介牛頸瘠,入口即溶,但價錢貴左少少!!!最後埋單$700!!!!!都算合理....

由於前日係豬仔媽媽生日, 所以琴晚我地同佢去左呢間大煲皇食生日飯喇!!點解要叫鬼祟?? 因為我地坐左係商場入面既一間鋪仔 (房仔) 度同餐廳係分開左ga!!琴日我同豬仔最遲黎, 所以一去到, 已經叫哂湯底lu~~d火鍋料未到, 先黎上左個雞煲!!餐廳應該用左好惹味既料黎整呢個煲!一上已經香到成間房都係喇!! 個個都拿拿聲襯熱食!! 我都食左幾粒雞雞~~味道都ok! 不過因為其實我對雞麻麻地, 反而係度狂食d菇菇d菇索哂味, 好正呀!!!食左雞煲後, 仲黎左2個小食一個係泰式活蝦刺身, 一個係三文魚刺身每樣食左一片~都ok!!跟住d配料陸續上喇!!叫左好多野.. 炸響鈴 (即係炸腐皮)啦, 炸魚皮, 豆腐, 粟米, 金菇, 芝士腸, 蟹柳(?), 黑柏葉, 鵝腸, 魚皮餃, 滑牛, 墨魚丸, 羊肉, 菜心王, 西洋菜.......最好味應該係黑柏葉同鵝腸啦!兩者都夠爽, 又有鮮味!粟米都好甜~~正呀!! 食左3舊啦我! 哈哈!!d野食最後都清哂, 連湯料既豬骨同雞腳都掃哂!好勁呀!!!

大家很想食餐勁,天氣愈來愈冷之下決定圍爐打邊邊,咖喱醬提議其同事對其風評不錯的大煲皇。致電訂枱時接電話的小姐禮貌很好,不是高級食府才會有有禮服務的。美人們先行就座, 圓桌上已安置電磁爐一台,及一大盒顏色繽紛的香蔥/蒜茸/辣椒/炸蒜粒,連同沒味道豉油一碟,客人們可發揮自己創意調個特色蘸汁。一套花紋像有油跡的黑色食具,第一眼真的給我碗碟不清潔的錯覺,連包裝濕紙巾也有,小店也真夠貼心!鹽焗花生作前菜,鹹鹹脆脆的蠻可口,但又有點熱氣唷,多灌幾杯茶味一般的熱普洱茶好了。 小鍋豬骨煲其實也不算小,滿滿一鑊也夠看頭,要是大豬骨煲應更壯觀!豬骨煲不是用上豬筒骨, 而是多件豬手/腳和有軟骨的排骨,喜歡吃湯渣如我則很對題,但想啜骨筒裡的骨髓的就會失望了。排骨肉質稍韌但肉味濃,當中白色軟骨未夠軟身,吃來骨頭偏硬,要花點牙力才能完成消滅,斬得大大件的豬手皮彈牙非常,連同當中筋肉,絕對是補充骨膠原的材料!!湯裡還有新鮮黃油雞腳,煮得熟透時外皮彈牙,相當好吃的。豬骨煲還加了一堆新鮮蔬菜如大蒜/芫茜/秀珍菇/粟米/白蘿蔔,令到湯底有著肉類及蔬菜的甜美,隱約還有點胡椒香但不會過辣,蠻好飲的湯底!小店每次都是加骨湯而不

朋友介紹話深水涉有間食雞煲好正咁當然要試下啦當日一行5人去到立即叫左個雞煲先一食!!!正!!!點知食完個雞煲仲可以加湯打邊爐等水滾中途仲叫左d刺身食刺身都幾新鮮水滾啦!!!打邊爐最正就係牛肉粒同炸腐皮埋單7百幾蚊

延續今早看完{清明上河圖},去東涌稻香飲完中午茶,再去逸東村探望表姐一家,再去土瓜灣探望婆婆,今日終點站就是這裡~~大煲皇~~一早約好了舊同事,朋友,弟弟來這裡食飯,本來得我們5個人,後來加入表弟妹,妹妹,妹夫他們一家,結果10個大人,朋友S的兒子再加妹妹的囡囡,好在打電話來說要最大張枱都有,因為我們有架BB車,這裡其實好擠迫,不過我們坐角落那張大枱免強還可以.來過這裡幾次主要都是朋友 T極力推薦這裡的雞煲好正,印象中的確唔錯,不過已經好久沒來了.要了兩個湯底,一個當然是雞煲,另外一個是冬蔭公,一口氣點了好多東西珊瑚蚌,桂花蚌,象拔蚌,韭菜餃,雲吞,鳳城水餃,招牌三寶丸(牛丸,蝦丸,墨魚丸),皇帝菜,唐生菜,鍋筍,茼萵菜,菇類併盤,炸魚皮,凍豆腐,滑豆腐,野生木耳,鵝腸,午餐肉,鱔片,魚肚,生根,肥牛,公仔麵4個,竹蔗茅根水1渣,炸響鈴等等.先說湯底~~冬蔭公~~本身並不喜好,其他人有些都是覺得泰國食店好味及正宗些,而雞煲對我來說有些失望,以前是用瓦煲,現在用了打邊爐煲,感覺少了風味,其次肉質唔夠滑,不過亦有少少驚喜,雞煲面上鋪滿的芜茜,好香及鮮嫩,亦增加這煲雞煲的

其實黎大煲皇打邊邊都大大話話都超過5, 6 次,但之前次次都冇寫到喎,好...今次將我食左好幾次o既經驗分享下先~平時就同屋企人黎多,都試過叫朋友黎食,因為平時我地都係去開尖咀呀,銅鑼灣食飯多,就好少同朋友去長沙灣lei頭食,但事實大煲皇打邊爐真係幾正,材料好新鮮,好多款式,唔只係打邊爐,仲有小炒,小食,雞煲,魚生食...不過我次次都係黎打邊爐o者...我地次次食o既野都係差唔多,因為覺得好食嘛,咪之次次都係食o個d囉...而家去趁都係叫左個水蟹花甲煲先...好正 水蟹花甲煲,好多料,除左有水蟹同花甲之外,入面仲有粟米,冬瓜,菇,芹菜,咸蛋黃都有呀...好大鍋架,D花甲好似食極都仲有咁,但今次D花甲就奀左d啦,有時食好大隻架,水蟹都算大隻,都幾好肉,芹菜味都幾重,雖然我唔食芹菜,但成煲野mix埋一齊又ok喎...lei煲野都百幾蚊架...但足料!極品手切脊頸肥牛, 叫左碟大,開頭諗緊4個人食,叫碟細好冇呢, 大就160,細就108...如果叫碟細唔夠食再叫又貴左,同埋都可能食唔晒喎,最後都係叫碟大, fit呀...好正...份量都o岩o岩好喇...4個人食..夠晒..碟牛真係幾雪花,師

已經來了很多次~~總括都是正~~愈多人愈抵食~~

朋友食過話好正, 今晚帶路黎食, 一行4人踩入深水埗!個名幾得, 但我成日叫錯係 "好大煲"...6點來到, 剛開晚市, 不太多人.咦, 個魚缸內有好多魚及象拔蚌等, 但竟有兩鯊魚?!鯊魚都有得生劏????唔通個魚翅花膠湯底都係即弄的?本想一試個濟公豬骨湯底, 又有人想食冬陰公, 女仕又想魚翅花膠湯底, 4 個人都意見分歧成咁...最後叫左個駌鴦底算了....點都好, 最緊要係大家happy 嘛, 冇所謂啦!送方面, 除左基本的丸, 菜之外, 叫了個碎蝦, 及個雪花肥牛刺身!刺身當然係片到好薄, 但有相睇, 係好野黎, 好夠雪花,入口也即溶, 只是個汁略咸, 點少少便夠了!花刁蝦有11隻, 好生猛的在d 花刁內... 好鬼香, 未食都已流晒口水花刁蝦要等d 蝦飲陣, 都要成5分鐘, d 蝦腳才唔郁.但一放入湯內, d 花刁味便完全消失了....係沙爹湯底太濃? 但放入清湯都係如此, 冇法子.但起碼d 蝦係好新鮮, "生歐歐" 的~其他菜, 丸, 都冇什麼特別, 也冇任何問題.服務ok 好快手.4人食了600, 正常價!走果陣已勁滿坐, 好多人!唔制, 下次要試個濟公豬骨, 或個翅花膠!

己經有幾年沒來過了,上次看見朋友的相片就引發我想在這兒打邊爐原本今晚大家相約係稻香酒家,但因為朋友的美食相片令我改變主意一行十四人一早訂枱,仲要近電視位(今晚做頒奬禮,一边食一边睇,正丫)我們叫咗二個煱.. 一個係招牌豬骨煱,一個係冬陰公湯底招牌豬骨煱 內有很多配料~ 粟米,蘿蔔,豬軟骨,豬骨冬陰公湯底 內有,一隻蟹,蝦,冬菇,蕃茄 (不是太辣,愛飲冬蔭公的朋友可以一試)我們叫咗好多食物, 生蝦, 粟米, 新鮮牛X肉 188&148 一隻係有雪花,牛味重一點, 一隻係冇雪花,牛味無咁重水餃拼雲吞X2, 九菜餃X4碟, 稻庭烏冬X3,新鮮枝竹豬潤九肚魚西洋菜,鴕鳥肉招牌四寶丸,魚皮芝心牛肉丸蟹柳不如講下好味既嘢~ 芝心牛肉丸, 係見朋友既相,好好味, 叫咗來試, 裏面既芝士流流地, 好好味, 牛肉亦有牛味, 好正豬潤新鮮不苦, 好味, 好爽呀水餃好大粒, 好香好味, 雖然份量不多, 但起碼好食呀烏冬,好滑好味真貨既稻庭烏冬呀 九菜餃食咗四碟, 因為好香好味個個好爭食呀~今晚既食物整体係好好味,好新鮮, 價錢亦只需每人150元~ 好抵食呀~

第一次去既時候好鬼多人~~~感覺好嘈!但其實都無乜野~~又有電視睇~都算係咁依間野都係經我朋友介紹而去~係長沙灣地鐵站行5分鐘左右就到~我地上次去7個人~因為2個月之前先食過一次~有張COUPON送~本身有效期得1個月~但個待應好好咁話~張coupon過左期都照送比我地!送左我地絕無減料既刺身併盆我地一坐低就係咁咩都點~~手切肥牛~~依個一定要叫~~比起出面既又大碟又抵食~象拔蚌刺身~我地叫左個例牌既~$198~但都有好大盆~雖然我地7個人~每人都可以夾到好多舊~仲叫左帶子~一碟有6隻~隻隻都好大好肥美~好新鮮~好正!佢地仲有個炸腐皮捲~應該係即叫即炸既~因為拎出黎果陣好鬼脆~之後仲叫左碟細既生牛肉~本身我都未食過係乜黎~都係係依間野第一次食依樣野~聽D朋友講話出面食生牛肉好鬼貴~但佢地叫碟細既都係$88~其實細既份量都已經好多~每人夾左好多舊~唔錯唔錯~夠晒新鮮!其他D大路野既好似墨魚滑依D都幾好味呀~好彈牙~我地叫到成張台都係野~多到都食唔晒~雲吞~菜~魚麵~水餃~金菇~海蝦~泥猛~貴花蚌~珊瑚蚌~柏葉~蛹豪~多到都唔記得嚕~每人埋單都係拎左$200出黎~我地仲要飲埋酒添~真係算係

搭的士過去到達時大約七時多, 坐落於天悅廣場, 平常到長沙灣我只會到大中華吃小炒, 第一次來這裡, 感覺這店像牛王星與力奇, 不算大, 坐位之間空位不多, 但感覺還可以. 湯底我們選了芫茜皮蛋, 算是清一清熱氣的感覺吧. 友人特別推介了手捲腐皮, 說這是必叫的食物！另外還選了鱔片, 花甲, 蝦膠墨魚膠, 芝士牛丸, 炸魚片頭, 冬瓜, 翠肉瓜, 粟米, 豆苗及手切肥牛.先說手捲腐皮, 這算是一吃兩味的食物, 上碟時有一個炸雲吞式的甜酸Source, 可以就咁點來吃, 另也可以放到湯裡煮, 個人比較喜歡點Source吃, 因為這樣才吃到鬆化感,　果然是友人必吃推介.鱔片與花甲十分新鮮, 雖然鱔片比較多骨, 但肉質非常有彈性. 花甲也一樣, 30多元一碟, 質素與份量也好好.看相大家便知道質素也是甚高的！除了賣相, 吃時也算是入口即溶的感覺, 感覺得出用的是安格斯牛,　除了在新東記, 火火咼館外, 這裡的也是非常推介！！蝦膠與墨魚膠味道不錯, 但感覺蝦膠比較好吃！芝士牛丸個人覺得不過不失, 但肉的彈性是標準以上的. 冬瓜與翠玉瓜也不失禮, 但吃翠肉瓜記住不要煮太久, 爽口才正. 豆苗與炸魚