大爺燒鵝 (香港仔大道)

營業中

休息中

今天黃昏知悉家人臨時決定回家食飯，由於事前沒有準備，所以家中唔夠餸。最後商量後決定經網上外賣平台於大爺燒鵝香港仔分店買了豉油雞半隻及燒鵝下髀加餸，並自行到店舖自取。半小時後去店舖提取食物時，女店員居然話有人已提取我嘅訂單，拒絕提供食物給我。與店舖交涉期間，女店員態度十分惡劣，並拒絕提供任何解決方案，只想打法我盡快離開。而我等候期間，其實亦有其他食客返回店舖表示給漏食物，店舖職員做事十分馬虎。

打包了四分之一下庄烧鹅腿回家吃，口感还不错哦，烧鹅入味且肉嫩，不过还有个屁股在打包盒里 香港流行保留屁股的么。 皮也不油，口感好。很少吃到容易咬得动的烧鹅，HKD130的价格。

常常路過俾佢門口掛住燒鵝吸引住，今日專登去買盒乳豬燒鵝飯試下，價錢$88。(一般佢哋賣嘅燒味雙併飯係$35) 本來對燒鵝非常有期望，因為佢打正旗號叫大爺燒鵝，心諗應該點都唔差得去邊，一打開賣相奇差，即刻試下件乳豬，乳豬皮唔脆肉係嚡嘅，再睇下招牌燒鵝，望落去應該係鴨嚟，食落都好肯定唔係鵝，完全無鵝香鵝脂，仲要全部係骨嚟，$88你俾全骨我想點，下次點幫襯你大爺。不如你改過名叫大爺燒鵝骨。雖然外賣預咗，但係我都俾足堂食價，更加無諗過你可以燒鴨當燒鵝俾我。

已經係第二次黎食，都係叉鵝瀨。上次燒鵝得, 但叉燒唔得！ 今次燒鵝唔得, 但叉燒好得， 係肥燶叉，肉質林滑， 應該係新鮮！但最不滿今次全碟都係鵝背！有D俾人厄錢感覺！不過講到底都好食過太興、棋哥....

【南區】【大爺燒鵝】我作為一個十八區 foodie，有時都覺得自己頗為失德敗行，因為好多時都寫唔足十八區。但係當我寫得匀啲嘅時候，如果想睇某一區食物嘅讀者，可能要等成個月先等到一篇，一陣寫咗間都幾大路嘅餐廳時，想再睇就又要等。理論上，最完美嘅做法好似係梗咗十八區嘅次序，然後順序推出，咁樣就即係十八日後就點都有一篇。不過難度就係我都好難平均咁去晒十八區，都要顧及返現實生活嘅情況，加上餐廳都唔係平均分佈喺各區，好難搞嘛。自己當然有千百個理由說服自己，但係泥水佬造門，過到自己過到人，都要去多啲區食吓唔同嘅餐廳嘅。呢晚適逢打風打到呼呼作響，大家都匿晒喺安全地方嘅時候，我就去咗南區搵嘢食，咁啱見到呢間仲開門，就用你啦。咁佢係燒鵝飯店就梗係要叫燒鵝，叫咗個「燒鵝燒腩仔飯」轉「鵝髀」加「鹹蛋」，送「例湯」，飲「凍檸茶」少甜。兩款燒味我覺得都燒得幾好，味道好而啲皮又脆，送飯一流，本身唔多想食米飯嘅我都乖乖哋扒晒佢哋。價錢方面，啱啱好齊頭 $100，價錢合理。本身話冇鵝髀，爭啲搞出人命，被啲阿姐笑死，打過張單啫，唔使殺人掛，哈哈。事後搵資料先知佢都有分店，就算南區都有兩間，所以都寫返清楚呢間係香港仔大道

义燒係好食嘅。但係作為一間連鎖燒臘店都呃秤！！！買一斤义燒標價$128，等梗攞個陣，個心都諗望落去咁小咁嘅，再諗可能係個膠盒好大個有所影響啫。點知番到屋企稱吓，連埋膠盒一齊稱都只係得589g,個膠盒重40g,即係買一斤(600g)义燒,只係稱549g俾客人！549g/600g,差唔多呃咗10%,變相要$140/一斤义燒！！！！！你一係老老實實標價$140一斤啦！！！咁唔老實，幾好食都假，唔會有下次！！！！！

夜晚接近20:30，想食燒腩仔/燒肉，大家樂可能賣晒，冇得揀無辦法啦，好想食燒腩仔，食過第間呢道嘅燒腩仔都賣哂，退而求其次揀燒肉飯姐姐送上一碗熱辣辣嘅中湯，應該係紅蘿蔔粟米雞腳湯，幾好飲呢間燒肉飯有別於其他燒味店，用圓盤上枱肉，菜同飯各有其位置，冇撈埋一碟燒肉嘅皮好脆，芥末點燒肉嚟食又係正嘅，飯好夠多，仲有幾條菜喺格嚟燒味飯嚟講都真係算係咁，下次要叫少飯免浪費。想叫外賣嘅留意返，送例湯、只限堂食先有㗎

同事講咗好耐 上星期一班人去左呢間香港仔嘅燒味店 (喺Neverrr WFH嘅公司做嘢，係要搵啲嘢開心下🥺)同事話係好出名嘅 終於黎到！🍜叉燒燒鵝瀨粉 $58價錢就真係貴咗少少 但係佢下午茶就平好多！$35就可以有燒鵝雙拼！下次都係兩點嚟！叉燒同燒鵝的確係靚靚仔仔🥰🥰全部令立立好吸引✨✨燒鵝肉質厚實 皮脆 入面油脂多就一定㗎喇🤣但食落啖啖肉真係幸福😍😍✨叉燒略嫌不夠蜜味 唔夠甜🍯但肉質都滿意淋淋地 唔會太乾 完全係我最想要嘅叉燒口感🤤✨瀨粉嘅份量都多 食得好飽

香港仔人氣餐廳，尤其是下午茶時段常見人排隊。價錢親民，而且好大碗。下午茶$30-$35送熱飲。燒鵝瀨粉（$35），粉多顯得好大碗。鵝的份量適中，不算少但也不算多，而且骨多過肉，同埋都幾硬。仲以為鵝肉會比鴨肉腍滑，但原來唔係。味道方面中規中距。瀨粉是用粗粉，麻麻地。食唔曬。反而油菜（$15）值得讚賞。菜芯灼得啱啱好，軟硬適中。平時食油菜多是蠔油、腩汁或豉油，這兒是用蘸燒味的滷水豉油汁，好好味，有油香。

以後都唔會再幫襯，就係俾佢掛喺玻璃櫥窗好大隻，燒鵝所吸引，先至買來試！$ 130買下裝燒鵝，其實一心嚟買（特價燒鴨），但成日早上又冇得賣，下午又冇得賣？咁餐廳員工就叫我哋買燒鵝啦！以事實掛喺度嗰啲燒餓，真係好大隻，所以選擇試試，買到回家就如下有圖片，我只係覺得$ 130買到以下圖片嘅1/4燒鵝份量實在好唔抵，明明佢掛出去玻璃嘅好大隻，為何斬完之後咁細盒，本人就覺得好唔值！燒鵝肉質較(鞋)！燒鵝皮與骨之間冇咗舊肉燒餓分量實在太少

中秋外賣自取, 諗住今晚燒味應該唔會中伏, 點知.......order左燒鵝下庄, 但根本就食唔到, 咬唔開, d肉好硬好鞋,初初以為老人家d牙唔好食唔到, 點知成班後生個個都扯唔開d肉,成盒就咁就報銷......唉............好想評分, 但唔夠200字如果可以, 我希望俾個慘樣佢

Stumbled across this restaurant one afternoon after strolling along the Aberdeen promenade and we were glad we did. Busy restaurant means good food. We were not disappointed. Had the lunch set of pork and rice which came with a cold glass of iced tea. We will definitely return.

收工買下午茶返去食，雖然下午茶比午市、晚市便宜，但一打開發現成隻燒鵝髀無咗塊皮。想問如果食燒鵝/燒鴨走咗皮，食嚟仲有乜意思？廚房佬偷食？..........................................

收工，斬料加餸，諗住去呢度，試下買燒腩仔。去到我問：點賣？答：$128一斤我話要半斤，一計$87，比半斤嘅$64，多足廿幾蚊，即三分一！🙄我都算啦… 心諗切咗，都要啦。🤷🏽‍♂️個師傅仲要加句，多1両遮🤨🧐。嘩… 你即係蝦d客唔識計數遮… 我都費事同佢嘈。望一望個師傅，佢好不屑咁「妙」咗我，再令歪面，望都唔望。😳好，算。心諗，我買野食，你d野好食，我抵你寸。返到屋企，第一時間攞舊黎食。皮硬又唔趣！ 肉又鞋！唔值❌❌❌❌

既然唔識用安心出行，繼續外賣返屋企慢慢嘆～今次屋企事頭婆委派我去到「大爺燒鵝」斬料，上次佢幫襯過燒味都不錯 👌🏼「大爺燒鵝」位於香港仔同我住嘅地方並唔近，阿媽都特意叫我去斬料，一於試吓🤔下午四、五點，門外已經有不少客人等候買外賣，所以離遠已經見到餐廳嘅位置。玻璃櫥窗掛住新鮮出爐嘅叉燒、白切雞、燒鵝，排隊時聞到香噴噴，十分吸引！儘管店內繁忙，店員細心有禮貌為顧客落單，對老人家主動幫手，有耐性抵讚👍🏼 =========================【白切雞】$160雞身漲卜卜肉厚，色澤油潤；雞皮口感爽口，肉質嫩滑有鮮味，皮同肉之間層啫喱，阿媽教落靚雞先有呢層啫喱 😌 雞胸都嫩滑juicy，過關！薑蓉同平時食開嘅唔同，餐廳將薑、蔥blend埋一齊，係幾特別嘅，不過我個人都係比較鍾意傳統做法嘅薑蓉，有薑蔥顆粒比較有口感 😛【蜜汁叉燒】$40叉燒較瘦，不過都腍身唔鞋口！邊邊位有微微燒焦香口，蜜汁甜度適中唔會蓋過叉燒嘅肉味，送飯一流～ 下次記住同師傅講要半肥瘦！٩(ˊᗜˋ*)و店內整潔，食物質素相當唔錯，性價比高，唔怪得咁多街坊排隊幫襯，係外賣斬料好選擇 👌🏼 既然店名標榜燒鵝，下次一於避開高