影片
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
招牌菜
前日（30-8-2024 Fri）放工後買嘢食，食咩嘢？麵包吧，去享樂定呢間呢？呢間吧。嚟到睇到有雲尼拿，咖啡同原味瑞士卷，賣$26.00，而班蘭味就原價$36.00，做特價$30.00，但賣晒。咁睇有咩包賣，呢喥選擇唔太多，最後我要咗：1. $12.50嘅奶油丹麥酥由於有啲似我未食過嘅忌廉筒，所以買嚟試。忌廉丹麥13cm長，7cm, 5cm高，韌，甜甜地，cream肥膩，漏，似椰絲忌廉賓嘅cream。cream多數喺兩端，食咗2／3時，cream就咇咗落碟。1分2. $13.00嘅吞拿魚丹麥酥佢約有16cm長，10cm闊，3cm高，食落，又係韌，吞拿魚餡味道有啲怪同竟然係辣，唔係微辣小辣，係辣，唔係吊味／惹味嘅辣，好地地吞拿魚，點解咁重手加到咁辣？0.7分食埋呢個就飽，已經食唔到第3個黑麥扭紋軟包，要留到今朝當早晨食。3. $19.00嘅黑麥扭紋軟包佢約有2.7厘米長，9厘米闊，5.5厘米高，有提子乾同合桃，呢個味道同口感都正常冇問題，諗起原來我好耐冇食麥包。3分價錢：唔同咗，原來有啲包係88折，頭兩樣折咗分別係$11.00同$11.44，所以3個包TTL係41.40。上次食評係2022年2月18日刊登嘅呢篇：https://www.openrice.com/zh/hongkong/review/yeah-%E6%83%85%E4%BA%BA%E5%8C%85-e4327250
繼續閱讀
在 3月份的 Staycation，我自己四圍去尋找美食！ 那天，我走到荃灣，主要想去日式超市激安殿堂 Don Don Donki！經過荃灣眾安街的 <大班麵包西餅>，順便買定早餐給自己吧！店內有不少款式的麵包、甜品及蛋卷！所以，忍不住買了一盒咖啡瑞士蛋卷，留待翌日早上做早餐！咖啡瑞士蛋卷 $32打開包裝盒，散發誘人的咖啡香氣！ 共有6件！瑞士卷拿上手很鬆軟輕盈！質感密度高，軟綿綿的海綿蛋糕質感，入口甜度剛好，配上一層香滑的奶油，濕潤口感！配上一杯酒店奶粉沖制的牛奶，簡單美味的早餐就夠飽足嘞！
繼續閱讀
真香港人，要食月餅就選擇真正屬於我哋香港人嘅冰皮月餅。冰皮月餅真真正正由我哋香港人所創，而冰皮月餅就係由「大班麵包西餅」發明的，support Hong Kong，所以我就買大班冰皮月餅食。今次呢個中秋節我買咗嗰個係「冰皮玲瓏九星月餅」一盒就有九個月餅，8個細一個大，分別就係，楊枝甘露綠豆蓉、經典綠豆蓉、流沙芝麻豆蓉、海鹽焦糖爆脆vanilla豆蓉、西尾抹茶紅豆豆蓉、栗子豆蓉、榛子朱古力豆蓉、翡翠綠豆蓉、芒果綠豆蓉。唔同餡料嘅月餅當然有唔同嘅味道，好難去比拼邊一個特別好味，我自己就覺得經典綠豆蓉係特別好味，因為始終呢個係原始，特別有情意結。海鹽焦糖爆脆vanilla豆蓉，係另外一個我特別推薦嘅口味，因為味道實在特別到我根本唔知道點樣去形容，味道又特別口感又特別，就好似味蕾大挑戰一樣。
繼續閱讀
每逢中秋節都一定會買冰皮月餅 🥮，眾多選擇之下都一定會揀大班。除咗因為老字號之外其實試過出面咁多牌子都覺得大班嘅冰皮月餅係最好。蛋黃綠豆蓉。由冰櫃拎出嚟解凍約10分鐘左右就可以食，外層煙韌。綠豆蓉入面有蛋黃粒，好有口感，而且唔會太甜。一口氣可以食兩個啊。題外話，店員如果態度好啲就會更加好啦。
繼續閱讀
秋風起，貓人肥！又係時候四出搜羅月餅來孝敬屋企人，今年貓人預備咗多款冰皮月餅，滿足咀刁嘅為食貓家族😽😽！其中嘅和風新驚喜系列 🎏~ 西尾抹茶，簡直讓貓人😻😻眼！將迷你冰皮荳蓉月餅，融合了來自名古屋嘅西尾抹茶精萃，拼合出抹茶焦糖爆脆、抹茶拿鐵及抹茶紅豆3款新口味！抹茶焦糖爆脆 ~ 甜蜜蜜裡有回甘，口感層次幾豐富，軟中爆脆兼爆趣！抹茶拿鐵 ~ 白色奶油流心效果令人垂涎欲滴，好似細味一杯滑溜溜嘅拿鐵咁寫意！西尾抹茶系列屬輕便裝，1包有兩個月餅，同一口味。作為抹茶控嘅貓人，揾機會要試埋呢個系列餘下嘅抹茶紅豆味先！而另一系列則為「冰皮玲瓏四色伴官燕月餅」禮盒裝，內裡包含1個標準裝冰皮官燕豆蓉月餅、每款各2個迷你豆蓉冰皮月餅，口味分別為：黑芝麻、心太軟朱古力、芒果及經典綠豆蓉，即一盒總共9個冰皮月餅。心太軟朱古力 ~ 一口咬開時猶如朱古力噴泉在咀裡瞬間爆發，味道適中而不會太甜膩。流心黑芝麻 ~ 每啖可感受芝麻糊嘅棉密細滑，so sweet！其餘嘅芒果及官燕冰皮月，就留待中秋再壓軸品嚐啦！
繼續閱讀