大盛日本料理 (已結業)

我地兩個6p去到,已經有一半位坐滿人, 我地被安排坐近角落位, 好迫好窄o d音樂開到好大聲, 仲以為去左disco,6:20 已full 哂o我地叫左三文魚/帶子/鰻魚壽司, d 飯實到硬,清油煮蜆, 真係好清; 香蕉牛肉卷,煮熟左既香蕉,唔識欣賞; 係炸毫同蟹子沙律比較好味,是次消費$200 o

前幾日見優惠券就到期，於是同屋企人黎依到食飯。我覺得今次D 野食好過我之前黎個次。上次食蜆食到'卡卡'聲但係今次冇喎，又香酒味。D 壽司一樣咁大件而且D 款式又多左，都唔知食得邊樣好啦。我細佬就鐘意食依到D 曼魚炒飯，又香口又有鑊氣。其實依到D 服務都OK 呀，都幾NICE 呀，都幾主動加茶呀。整體黎講都OK 呀。

成日係哩到見D食評話好抵食，今日總於一試！1> 三文魚壽司–冇咩三文魚味…..失望…….2> 鰻魚壽司–鰻魚好乾呀~~3> 花之卷–反而哩個三文魚D味好好多喎，仲好多蝦子TIM！4> 蝦天婦羅–新鮮炸！好味！5> 軟殼蟹卷- 軟殼蟹唔新鮮，飯又硬喎~~服務方面，我覺得幾好喎~因為我個位比較太風，要求坐第二到，金髮哥哥都幫我調位！另外落單時，服務都OK！叫做有笑容啦，雖然假左D！但加水時時就比較粗魯LOR！下次行過的話又諗唔到食咩，會再食既...

昨天一家四口到大盛吃晚飯, 未夠六時已經有人排隊.整體上味道不錯, 值得再試.

琴晚同男朋友行經依度就入去試下~佢D 壽司有元緑O既三倍呀~仲食左個蟹粥，真係有成隻蟹係粥裡面，好鮮甜呀~日本野要生、熟食品都好食，而價錢有大眾化依度係一個幾好O既選擇~同埋之前有D 食評話D 服務差~我覺得唔係呀~佢地有求必應，又有笑容~雖然環境真係有D 迫夾~但係都食得開心~

呢間野算係ok啦,唔可以話係高質素既日本料理,但係價錢同質素起碼成正比先啦d三文魚同鰻魚壽司真係唔洗點多介紹,塊魚生咁長,真係去邊度搵,仲要唔係貴但係坐得唔舒服咯,有d位無得挨,同埋果d九折咭一派就派成疊,第一次去無咭就要俾佢屈一野先

因為早前睇食評知道有番鰻魚食於是約埋朋友仔今晚一齊去食叫左鰻魚壽司,花之卷,三文魚刺身,帶子刺身,雜錦火窩,雜錦天婦羅同汽水鰻魚壽司～一客兩件,鰻魚份量好大條,新鮮熱辣整起,味道唔錯,但可惜肉唔多,皮好厚花之卷～三片三文魚刺身包住,面頭舖住大量蟹子,蟹子新鮮脆pok pok,味道唔錯,但三文魚味道只屬一般,只係算做新鮮o者三文魚刺身～新鮮但味道一般帶子刺身～真係十分新鮮美味,好正,推介!!雜錦火窩～湯底幾鮮甜,料都幾多,三文魚雖然熟左但幾滑,叉燒唔韌又入味,豆腐滑o都o都,菜好鮮甜,不過蝦仁唔多新鮮,有少少霉;老實講,貨色係一般,但以48蚊係十分抵食雜錦天婦羅～3隻蝦同四種菜,炸粉皮唔太厚又唔油,新鮮即叫即整,菜係幾好,蝦就無乜味,而且點o個o個汁無味,結果我要點番豉油食汽水～罐裝無乜特別服務無之前咁多位講得咁差喎反應快而且有禮貌或者因為我係閒日又早去啦

之前去過依度一、兩次，但係今次意外地唔洗點等位。今次去除左例牌三文魚壽司外，試左一個霜燒牛肉(裡面係生ga)但口感都唔錯!又叫左個雜綿刺身、佢送左板海膽仔，d 刺身都好新鮮，值回票價。而且佢依度d 火煱都好足料，湯底都好鮮甜!都係不錯ge 選擇~

琴日同朋友放工去食飯~佢介紹左依間日本料理比我~初初我都唔信有咁大件壽司~但一上枱真係好誇張呀~我地叫左兩客三文魚壽司~每客有兩大片三文魚都係15蚊咋~而且咁啱有返鰻魚壽司食~又係大大件只係18蚊~又叫左海膽金龍卷、燒三文魚頭、辣酒煮蜆~熟野都唔遜色~d 蜆大大隻~好食過大排檔多多聲~個三文魚頭係我自己既推介之選~我下次去一定會再食~到埋單每人都係80幾蚊~但係食到好飽~日本料理黎講真係扺食~

夜晚7點幾同家人去食飯係門口等左5分鐘到就入得去啦我地叫左個4人餐0的壽司同以前一樣咁大件0的炒飯好正可惜今次0的天婦羅硬左0的服務都唔錯0的WAITER反應好快你問佢野佢都會答到你不過地方都係有0的迫可以改善到既話就PERFECT啦4個人都係298蚊落樓仲要係好飽咁走TIM ^0^

前幾日我同大約6個fd一齊落去食飯..我地一早phone booking左...去到大概等左15分鐘就入得啦~~都唔係好耐嗔..我覺得都ok呀...我凡而覺壽司就黎得慢左少少啦同埋我d坐位比較濟迫~~不過我地最大驚喜...就係個o個珍寶三文魚壽司呀...好大好新鮮呀...重有呀佢\地o既蟹子沙律成個頂都係蟹子好似唔駛錢咁...總括黎講都幾抵食...

我都唔記得係幾時既事,總之一定o係9月發生ga啦~我地一行9人book左8:00,因為佢地之前去過都話book左都仲要等半個鍾,所以我地都準時去到,等都唔係問題,仲要等得齊人先比坐,我地分3批,last o個陣都到左7個,我見佢地都係等一客走先拍埋d比我地,咁點解唔比我地坐住先呢? 又有老人家,又有細路仔,之後仲夠膽問我地mind唔mind拍4張,搵個坐主席位,真係火都黎埋,佢都係想多張比其他兩個人o個d姐~真係啋佢都傻呀~我都唔明點解book左都要等咁耐,應該一早有唒預算嘛~book既定義就梗係唔使等啦~仲要我9個人齊人先食得?

前兩日諗住同老公一齊去食，當日打去ｂｏｏｋ檯ｂｏｏｋ左８：３０，準時８：３０去到，見到門口都有好多人等緊，諗住ｂｏｏｋ左位，就算要等，都係等多一兩個字就有位啦，點知過左２個字，都未有位比我地，咪問下帶位個個侍應啦，佢話好快喎，點知再過多２個字，見ｗａｌｋｉｎ既人都有位，咁咪再問佢啦，答案依舊一樣，想再問清楚個時，侍應哥哥好醒咁閃番入鋪。下．．．我同老公都唔知可以講咩好，終於我地好嬲咁走左，去左附近另一間到食喇！

星期3同老公0黎食,都好多人!不過好快入到去!!!d待應都唔係好差0者!叫左三文魚,北寄貝,象牙蚌,甜蝦,炸蝦---壽司,同埋天婦羅........其實除左大件之外都冇話特別好食!係三文魚比元氣大一個double,幾新鮮幾好食!!!其他都係麻麻地!!!北寄貝,象牙蚌又係大元氣一個double,0趙到個口好累呀~~

食物係平, 但質素平平, 招呼極差, 若兩人入座, 常安排坐邊邊位, 坐位窄, 進食時常常被待應撞到, 我男友更被職員用椅子"車"了一下, 極痛, 職員衹說了一句"唔好意思"就當無事發生, 離哂譜! 食完都背脊骨落, 真係俾貴少少去第二度食好過.