大盛日本料理 (已結業)

本來呢日諗住去食公和既，點知去到見佢執左，真係未曾食過已執先。呢間野雖然個位置唔好，但就連我個最唔食野既朋友都食過，應該係好野。我地叫左個魚生飯菴列，本來以為佢好淡，點知咁好味，好過我地之前係香港食既蛋包飯好多；仲叫左冬菇海膽天婦羅，呢個就麻麻啦，海膽太少；仲有牛肉茄子卷，個味唔錯，但太多油；最後就係個刺身，個白玉豚真係好味，初初以為係帶子，食落又唔係，都唔知係乜。整體來講間野幾好，但環境太擠逼，太多人，價錢都唔係話平囉。

今晚同肥仔去左呢到食晚飯...叫左三文魚..今日d三文魚好新鮮同埋好厚..我地又試左芝士蟹子壽司但係好似吾係咁大芝士味...因為我好鍾意食芝士..因為我地六點幾食所以吾洗等..太好了..而侍應都成日幫我地加水..服務吾錯..同埋吾知係咪我太耐冇去.佢而家個menue轉左有圖睇好好多...

第一次黎呢間食，感覺麻麻地。唔好:1. 唔明白放垃圾ga 地方點解會同放水杯ga 位放埋一齊。2. 唔明白d 點解d waiter態度咁差，我落個order好似想殺咗我咁，你黎差野，又好似想殺咗我咁。3. 三交魚無味，唔知自己食緊咩...4. 聽到d waiter 大大聲鬧交，望一望發生咩事，又好似想殺死我咁...好發現個海膽有d 黑咗，問佢\\\係咪壞咗，佢\\\返去bar 台睇咗好耐，之後好細心咁解釋返係產地問題。改善下d 服務應該會好好多~

簡直一肚氣！！！lunch 我同妹妺係度買外賣！我講明係外賣，不過佢地搞錯左，以為係堂食，仲離譜到話我無講清楚！咁都算啦！可能佢地未訓醒！因為當時岩岩開舖我地係第一位客人！買左兩個set-lunch加子沙律！返到屋企後發覺少左盒沙律，當時已經一肚氣，大熱天時仲要行多轉，加上d飯真係好難食，真頭係隔夜飯黎！雖然d三文魚好新鮮好好味，不過d服務真係唔得，我以後都唔會再去！

11 August 2006 (Fri) - 午飯有個舊朋友特登走過黎我公司附近食lunch，因為我既lunch時間唔係太flexible！佢想食魚生，所以我帶佢黎呢間，呢間我自己都好耐冇黎，不過質素都係差不多，唔太差又唔太好咁囉，而且午市壽司既選擇好少！！我哋叫咗兩個自選壽司午飯，一個係自選八款($40)，一個係自選四款再加八件雞卷/牛卷/加州卷($38)，我哋揀咗雞卷，而壽司則係最普通既．．．不過餐最好既地方係送罐裝汽水，OK，而且午市又唔洗加一，算係咁！

早幾日約左幾個朋友去食飯又唔知食咩好wo. 上次係到食左個lunch都ok抵食丫.咁咪諗住試下囉.我一開始以為自己中左招.d服務一般.d座位又窄...好彩d野食ok喇.叫左個牛肉鍋甜甜地都幾好味.d壽c真係長過我隻手板嫁!!總括黎講..呢個價錢食呢d野..ok喇!!80分喇

呢間野我不嬲都食開.初頭冇乜人識已去幫襯.感覺還可以..好~由頭講起位一定要訂,兩個人就好快.兩個以上我勸你都係吾好去了/book早半個鐘不過個度d等位制度其實好有問題,walk in有時會快過book,安排入座個條女就真係吾掂,態度又差..到入到座喇位就真係幾逼,人又多,新個d 侍應還可以,但舊個d就真係~差,上菜時間還算快.到食物我諗大家都係俾佢d壽司吸引先,大大塊魚生,不過其實我覺得佢個度得幾樣壽司好食:三文魚,鰻魚,甜蝦,帶子沙律,其他都不外如是..十個有九個都試過o既蟹子沙律係好大碟,不過我覺得佢d蟹子流流地,完全吾好食..拉面還可以,有機會可以試下個中華冷面,呢個吾錯,其他卷物就吾係好洗試(特別係有海胆個d)..最重要一樣就係吾好叫天婦羅~硬到乜咁..炒飯都不過不失..食完喇一見你枱面冇食物就會問你d野食黎齊未,黎齊上埋d甜品俾你(雪米磁),跟住就幫你埋埋張單,坐多陣都好似吾得咁,我排左咁耐隊,等左咁耐,竟然一食完俾人趕走,真係舒服晒總括來說食物還可以,但好食的吾多,未飽又吾想食返一檥o既野就唯有叫d普通的食物坐位吾掂waiter吾掂服務吾掂但係真係冇乜邊度食到咁大塊魚生o

呢間未開任何分店之前..我成日都會o黎食(o個時新蒲崗呢間仲係好細o架咋.. 仲未食埋旁邊個鋪位) ... 開左山林道.. 依家又開埋o係觀塘之後... 唔知係咪名氣大o左呢.. 佢o既水準每況如下.. 我大大話話都成2個月冇去咯.. 上個星期六又心思思想去番..點知.....唉!!!2個人order 左:1) 縵魚壽司: 有陣怪味.. 腥腥地咁.. 同埋一d 汁都冇.. 乾爭爭..2) 帶子壽司: 有條頭髮係上面呀.. ~.~ 大打折扣...帶子雖然好大舊.. 好厚.. 有口感.. 但係第一個印象已經對呢件壽司反感喇..3) 三文魚拚墨魚刺身: 今次三文魚4小塊.. 感覺唔係太新鮮.. 而墨魚刺身反而幾好.. 有咬口.. 幾好食..4) 雞軟骨: 普通5) 泡菜牛肉鍋: 全晚呢個最好食.. 最正常...唉.. 我對大盛真係開始失望.. 以前未出名.. d 師父好似好有心機去整o野食.. 味道比依家真係好幾倍...但係依家愈o黎愈多人.. 整出o黎o既o野比以前求其左好多.. 唔通真係名氣大左而招積.. ??!!

我在此都食過好多次lunch...平ma....不過次次service都好唔掂﹗waitor 個個都好似見唔到你咁；call 好耐都唔理…理左又唔做；叫佢倒茶都要叫成5次﹗仲要好"副"氣﹗一肚氣，比錢買難受…食物quality又比以前差了....坐位好迫…

一行九人黎到大盛食壽司,好彩訂左位,唔駛等就入得去!叫左炸雞軟骨---炸得好脆,面頭灑左炸過的蒜茸,好香口!!蟹粥----好甜,真係要食!加左雞軟骨的蒜茸落d粥度,又有另一番味道!三文魚壽司---仍然好大塊鰻魚壽司---好多地方已經停售鰻魚,呢度有,所以叫左黎食,原來都係好大塊架...............三文魚頭窩---okay,幾好味!!奄烈魚生飯---用雞蛋包住d魚生飯,有三文魚,吞拿魚粒,辣辣地,好味!!雜錦天婦羅----脆漿唔會厚,薄薄一層!叉燒拉---普普通通值得一讚係一個叫alex的侍應,因為我地有個bb女,佢添水時都會專登行去另一邊斟水,怕整到個bb女!唔好以為佢地淨係做野快,原來佢地都好細心

經常經過呢間店, 見裡面都好多人. 就算夜晚六點半, 都己坐滿人...o個晚八點半左右, 等左半小時才有位入座...點左蝦天富羅, 櫻花魷魚(唔記得係咪魷魚喇), 串燒墨魚咀, 熱清酒.櫻花魷魚- 麻麻地, d粉紅色係染上去o既, 好似唔多天然串燒墨魚咀- 燒得香, 有咬口, 正!座位都幾逼, 經常比人撞背脊, 都幾無癮...侍應都幾有禮貌琴日經過, 見間店拉晒閘, 唔知係咪摺左??

尖沙咀o個間就食得多,聽個friend講話新蒲崗喱間好食D,所以去試食,適逢lunch時間,就叫個八搭壽司套餐.前菜有蟹子沙律同螺肉,ok,蟹子沙律太過多,食唔晒咁滯.主角係任揀八件壽司,都係大路款式,見佢真係每件手握,但舊壽司飯食落都相當硬,魚生較乾身,三文魚,"魚立"魚,魷魚都係乾身,感覺麻麻,好似比尖沙咀店差D.但喱個lunch set連飲品都係$40算抵食.

去完京木食得唔開心,就來到大盛食餐飽的.九時半還有大班人在等,雖等了半小時,不過是值得的.其它的食物不多講了,只講一樣未試過的.日式蟹窩粥---等了很耐才到.大大窩黃黃地的粥,賣相十分吸引.蟹粥鮮甜,熱辣辣的十分好味.還以為它的蟹肉會很"梅",食落又很鮮甜多肉,很滿足呢.ttl:$266

我2月18號,有朋友介紹我落黎食,我係第一次食,同埋3個朋友.我食過d三文魚,好好味!好新鮮!d手卷好掂,最重要係好抵食.重有個蒜蓉海鮮炒飯,真係好有鑊氣,加埋d蟹子,外觀好靚,重有個辣酒象拔蚌好野味,真係唔錯,值得叫黎試試,但得8邊,好似少左d,加番多d就好喇.最重要地方就太細,同埋等得好耐,我book左8點...但9點半先有位....無奈

三文魚刺身$35/ 8件, 吉列拼盤$38什錦手卷$68/ 4件, 針魚壽司$25/ 2件大蝦天婦羅$38/ 6隻.用匯豐, CitiBank 或東亞信用卡可免加一三文魚刺身: 好新鮮, 但唔係話好好味吉列拼盤: 有炸帶子, 魚, 蠔等等, 炸蠔係最好食什錦手卷: 普通左d, 可以不吃針魚壽司: 見新鮮推介試下, 但唔覺有咩特別大蝦天婦羅: 炸物既首選, 又大又脆