大盛日本料理 (已結業)

我都有同下面那位一樣經歷, 以前那個姐姐ok的, 但自從這個哥哥做晚上叫位後, 就要等好耐!又有見惡即處理的毛病!等得太耐, 食得無咁好味!

我同我男朋友好鍾意去尖沙咀的大盛, 食物質素又唔錯, 又咁平o既價錢食到d咁o既野,真係覺得好抵食, 仲有介紹咩朋友去試, 個feedback都好好,所以上星期因貪近o既關係就諗住帶男朋友o既屋企人黎試下新蒲崗呢間明明訂左8:15pm, 我地7:55pm已經去到, 同門口個哥哥登記左, 轉頭等到8:10pm, 問佢仲有幾多張, 先發覺佢未有同我地登記(訂左檯都要跟到達餐廳先後而排), 咁都算喇, 如是者咪等囉, 因尖沙咀都係咁, 訂左都係要等, 係原來佢7:30pmo既訂檯係overbook 得好緊要, 要等o個批客入哂下一批先可以有檯, 有人投訴點解可以overbook得咁緊要都仲接訂檯, 個哥哥一句話唔係我接我唔知..咁就算, 間野一眼見哂有幾多位, 有咩可能可以接咁多訂檯, 如果明知日日都係咁, 索性不設訂檯啦!好喇, overbook都唔緊要, 最火就係個哥哥都唔係跟次序安排,俾d人話佢2句, 佢就安排人入, 即係唔惡都唔駛旨意有得食,佢俾人話得多, 就成日入左去幫手, 都唔知識唔識做帶位! 冇人睇個門口, 岩岩有人走, 有2個客居然可以自己入去坐低, d人都照serve, 真

因為o係新蒲崗返工, 所以好多時都會去依間食午餐.值得一讚ge 係d前菜好好味, 三文魚次次都好新鮮,好厚身, d 飯用上日本珍珠米,半透明,好有飯香, 好黏身. 比一般日本料理食ge 飯好好多.吉列豬扒好脆, 雞扒就好大件.$35 好抵食. 難怪次次食都咁多人.

上星期六同男朋友d屋企人(一共7位)去食飯,我地訂左位19:30pm, 準時去到諗住好快有位啦, 點知門口o個個"知客哥哥"同我地講要等多""一陣""先可以入去. 咁我地諗住訂左位, 應該唔使等好耐卦?! 但係見其他人同埋o個d walk-in o既係咁入,都仲未到我地. 問幾十次都話就到就到, 結果等到20:15pm都仲未有位, 已經一肚氣, 但都等左咁耐, 冇理由走o架....最後係20:30pm終於有得入去食...食左差唔多1個鐘頭多少少,o個d侍應見我地D野食都到齊晒, 就已經送甜品(雪米磁), 好似趕你走咁, 想坐多一陣都唔得, 唉... 其實間o野咪又係咁, 唔係話好好食, 價錢係比較大眾化, 我情願食"'和民""好過, 橫掂都係等咁耐, ""和民""o既服務態度&食物質素&環境各方面都好過佢地多多聲啦!

已經係第三次來，每次都要等位，因為六點幾鐘到所以唔駛等好耐!叫個左口魚刺身，唔知係咪左口魚本身個無乜味，所以覺得個刺身偏淡!!三文魚頭鍋，唔錯，辣辣地咁!!三文魚籽壽司，第一次落order來時好新鮮，第二次落order時就冇第一次咁新鮮，都食得過!!三文魚壽司，好大塊三文魚，正!!!抵食叫個乜乜飯(唔記個名)，外面係層蛋包住d飯，又係辣辣地，唔錯!!!清酒煮蜆，個人覺得酒味唔太重，不過d蜆都唔腥!!!

今日一家四口去食午飯，坐落後侍應小姐介紹set lunch，價錢ok，$40左右一set，點了2個set lunch"炸豬扒烏東& 鹽燒鯖魚飯"，再加其他食品"牛油果軟殼蟹卷+三文魚刺身2客+北寄貝刺身+蝦天婦羅+炒野菜"推介"鹽燒鯖魚，牛油果軟殼蟹卷，蝦天婦羅" 好味~~~刺身都算新鮮，炒野菜就普通d啦。全部都好好食，好夠食。找數$386.......喜出望外。

朋友從外地回來, 相約一聚和帶給我一點手信, 餐廳比上次來的時候好像擴充了不小, 但中午時客人十分之多坐位迫夾, 幸好侍應在繁多時間的態度仍然很好.先點了一個什錦剌生(松), 剌生份量和款式只是一般, 剌生新鮮但味道不突出, 相對價錢來說質量算是合理; 海膽拖羅蓉飯似乎比之前失色, 海膽沒有腥味但份量比以前細, 而且味道過於輕清; 同時間喝了一支菊正宗, 感覺偏於辛口; 意猶未盡再來一客特價午餐鰻魚飯, 前菜的刺生比質數不錯略嚴太小, 鰻魚飯的賣相更加吸引, 一大片鰻魚放在飯面之上, 可惜鰻魚燒得不夠香味, 而鰻魚的味道亦偏於輕清. 麵豉湯側十分重味.午餐時和朋友有點相對無言, 道別後正下著微微細雨, 獨個兒拿著兩大包手信趕回公司.

有晚來食,只係等左幾分鐘就入得,叫左:海膽拖羅蓉飯:海膽好腥,有d苦味,唔掂什錦壽司魚生都好大塊,都幾好,以鰻魚最好味甜蝦,北寄貝剌身:甜蝦好細隻,亦唔太新鮮,北寄貝都ok,炸軟殼蟹k,無咩特別蟹子沙律:好多蟹子,食完好'溜'

0尋晚同班friend 訂0左位8:30啦,我已經準時到..仲去埋comfirm..眼見0敢多人..叫我等..咪等0下囉....如是者..等0左20分鐘問0下有位未...話好快就有0家啦..0向12度寒風下食住西北風..等..又過0左20分鐘...再問..又敷衍我0地啦..既然都等0左40分鐘...有理由就0甘放棄啦..再等....如是者..問0下..又敷衍0下...足足等0左個半鐘..即係10:00 都仲有未有得食....已經到0左我0既極限啦...真係唔可以想像訂0左位...都要等個半鐘...個"知客" 淨係識得敷衍我0地啦...分分鐘0的walk-in 客食完走埋都未到我0地...在此奉勸各位..除非你有無比的等待...耐餓...能受得敷衍了事的服務態度...不逄可以一試其滋味...

上星期同成家人(10位)去食, 由於早已聽聞其"人氣鼎盛"之故,以事前一星期訂位,並於前一天再RE-CONFIRM. 諗住19:30人齊去到諗住好快有位啦,個企門口的哥哥你都話10分鐘左右就OK,點知見人2個,5個,5個...係咁入,我地問極都話好快,等呀等呀20:20都未有位,脾氣再好的都忍唔住同D侍應理論, 咁樣先能係5MINS內有位>.< 坐唔夠1粒鐘,侍應見我地D食物到齊,就即上送的甜品, 完全漠視我地慢慢享受食物的權利. 埋單時有個姐姐仔仲同我地講"你地想快D有位應O係訂位當日下午再打來CONFIRM, 咁會快好多有位嫁" (唔係呀化?!) 講真呢間野隨$平外,D 食物味道麻麻, 服務質素亦唔高. 奉勸各位有興趣前往一試都, 訂了位的請提早30MINS到達!

己經去過兩次...兩次水準都ok...但多人食係抵食好多.第一次同男友去食..叫左牛油果軟殼蟹卷..豚肉火鍋..海膽拖羅茸飯..炸雪糕...個卷好食...但覺得蟹唔夠多..豚肉煱..正...但可能佢煮得太耐d肉(硬)左小小...整體上都好...海膽拖羅茸飯..ok...但唔係好抵食...d海膽好小..炸雪糕...千其唔好叫..今次食左二百幾蚊..第二次同屋企人去..五個人..就食左四百幾蚊..叫左魚剌身..唔記得咩魚..但我覺得一般個蟹粥唔錯...今次有叫壽司...d壽司好長...好抵食..都算ok...提醒各位..book左位都係要等既...同埋個環境都幾迫下...

常見到尖沙咀山林道的分店其門如市，心想這間是總店，應該也不錯吧，可惜卻失望而回。要了一客鰻魚飯，燒鰻魚有點乾瘦，就連日本飯也是乾乾硬硬的…. 另外壽司亦做得馬虎，其中的蟹籽壽司旁邊都沾了蟹籽，哩哩fair fair 咁……

訂位,去到都要稍等五至十分鐘,以前唔係咁架,以前係準時到就即時入座...朝鮮八爪魚好重味,作為前菜一流刺身好似未溶雪咁壽司仍然大件抵食ok味道雜錦串燒好好味大盛卷可以不理我都係欣賞佢o既牛肉鍋周埋天婦羅仲會幫襯,唔好再退步啦希望。

三文魚+ 吞拿魚壽司：無錯，好大份，魚生係有六吋長既，舊飯依然係正常size，所以成隻碟比魚生遮晒。十五蚊一客=2件，係抵既。炸大蝦天婦羅：三十八蚊六隻，都可以。燒銀雪魚：四十蚊2件，正常水準。牛油果炸軟殼蟹捲：一般，蟹太，唔脆。五十蚊8件，又係好大件。但我覺得元氣/綠好食d。海鮮火鍋：料都夠，三文魚、帶子、蝦、魷魚、津菜....四十八蚊。蟹羔炒飯：又係同上次個海膽炒飯同一問題，太乾，有粟米粒一齊炒，但係乾晒硬晒。四十八蚊。合計三人接近三百，唔算高水準但係好大份，都叫抵，多人食會好d。好迫下，而且見d waiter哥哥好似幾亂，外面又好多人等，我見waiter 哥哥想叫隔離果枱埋左單先而被疾「我地未食完」，又見哥哥用紙巾抹完跌落地既wasabi後，隨即就上菜。下次都係外賣算。

上星期三(10/11)同家人去食晚飯, 訂了8:00, 我們7:45到了, 但要等差不多45分鐘才入座, 因為好多人等。果度地方不大, 坐位就痳痳, 不過的食物幾好又幾抵。我order了10件雜錦壽司, 都只是$88, 而且上面的魚生又好大, 好正。