大盛日本料理 (已結業)

隨心有位泊車，12蚊有1.5小時泊車，正，唔洗泊停車場。落車近近地，見到有人等位，見到 meun好抵吃，佢又這有兩張台準備走。甘就等一等。18:00後有激安價，呢個多到瀉既蟹子沙律才44蚊新鮮味道不錯，沙律醬唔會話太多同青瓜無話出晒水。痴左飯果D 我加D飯吃埋黑松露炒飯夠香同乾身，即炒，重有四隻帶子仔。呢個海膽一客四隻，又大又新鮮，好正呀！大赤貝隻，好爽。兩人吃左個炒飯 又飽又暖，重點D 生吃好新鮮。其實叫左幾件壽司，忘記指照。壽司D紫菜脆口，即叫即做，即時吃係好味D，有一兩件遲左吃味道即係無甘好。下次可以即邊吃邊用app加單 甘就最好。

是咁的 今日機緣巧合下同女朋友仔加埋其他朋友就黎到新蒲崗食晚飯，朋友介紹呢間日本餐廳幾抵食咁我地一行五人就去試下啦餐廳做緊優惠，如果落單超過400蚊咁就可以加一蚊有一份海膽咁就緊係加啦就算伏緊都係一蚊雞啫海膽色澤都好正常係餐廳燈光偏黃啫睇個樣都算新鮮每塊海膽都仍然保持到佢嘅形狀夾好都算實身唔會一pat野咁 初步黎講都係合格至於味道上呢，一蚊雞加嘅野我本身都冇咩要求唔好太伏就得，咁食落都符合預期，食落都唔多唔少食得出d明礬味不過唔算太濃還可以接受啦海膽味道偏甘但都食到淡淡嘅鮮甜味呢板海膽雖然唔係特別出色但都係合格嘅叫左個牛肉壽喜燒鍋 牛肉份量都唔少 配料份量都適中可以再多d嘅咁牛肉質素都唔錯起碼唔會太肥又唔會食到好重雪味唔錯治錯至於壽喜燒湯底略嫌咸左d 因為壽喜燒應該係甜甜地果種但就食唔到果種味喇不過當係牛肉鍋咁食都唔錯嘅食日本野點少得壽司呢到壽司總類都唔少不過價錢就各有千秋，最平嘅我見應該就係希靈魚9.8兩件 價錢高d嘅 四十幾蚊兩件都有 不過整體價錢都合理希靈魚壽司爭鮮價錢不過就好食過爭鮮嘅，但個人喜好就鐘意醋鯖魚果part再酸d咁成塊食落去同醃製嘅飛魚籽個對比度更大咁先好食嫁嘛呢到

🔻嗰日係新蒲崗做嘢 做完就緊喺去醫肚仔啦🤰🏻 行過 #大盛日本料理 見到輕食最貴都係$40 即刻入去試下佢！🕺🏼⠀⠀⠀⠀⠀⠀⠀⠀⠀⠀⠀⠀👍🏻滑蛋吉列豬扒飯 $40雖然佢叫輕食 但一個女仔都夠食 滑蛋煮得幾嫩🍳 吉列豬扒炸粉一啲都唔厚 有啲肉汁係入面🐷 本身以為係頹食🙊 點知原來一啲都唔差🤗⠀⠀⠀⠀⠀⠀⠀⠀⠀⠀⠀⠀一個lunch可以$40搞掂 糧尾首選一定係佢呀！😎⠀⠀⠀⠀⠀⠀⠀⠀⠀⠀⠀⠀👅好味（5粒最高）：👅👅👅👅🕍環境（5粒最高）：⭐⭐⭐⭐💵人均消費：$40🚗地址：大盛日本料理 (新蒲崗)新蒲崗寧遠街越秀廣場G25-27號⠀⠀⠀⠀⠀⠀⠀⠀⠀⠀⠀⠀

作日執屋執到好辛苦同呀媽家姐姐夫食返餐好既呢間野都開左好多年做街坊生意D水準都kepp住幾好D三文魚好壽司好長唔使食好多野都飽最近愛上燒三文魚半生熟滑得黎仲帶出好香魚油味食滿$440仲送一板海膽質素仲要ok既👍🏻🤤係有次叫外賣D外賣放得唔靚D壽司層層疊咁樣放到好迫唔知係咪因為咁冇咁好食但環保黎講係幾好既

星期六中午，獨自午餐，找了一間日式餐廳，環境不錯地方闊落。點了鰻魚飯，未食已經聞到鰻魚香味，鰻魚好足料，燒得不錯，而且是整條的，燒汁好好味，飯的份量不多，但米的質量不錯，粒粒珍珠米，簡單的一餐，大滿足！推介，好味而且性價比不錯👍

因為老公在附近工作的關係，大盛已是我深夜飯堂的首選。記得舊時店內環境比較似日式居酒屋，頗有風味。今年新裝修後燈光變得較以前明亮，少了份懷舊感覺。不過～味道和水準卻一如既往高質抵食第一次來用餐時，最深刻是他們的特長壽司，大大件而價錢合理，真係啖啖的滿足感。其次是他們的劍魚腩壽司，100%每次必點，鮮甜肥美，絕對推介！另外一樣推介可以一試的，便是日式麵豉湯。以我所知，他們的麵豉湯是每日由師傅新鮮熬製，並非平時飲的即沖湯包，相當足料。

呢間嘢已經來過好多次，真心想推介畀大家，佢嘅價錢非常之親民，選擇又非常之多。基本上壽司拉麵定食乜都有，個人推介佢嘅定食，大大份，餸又多。例如佢嘅 牛扒飯定食，牛扒真係非常之多，海鮮丼飯海鮮都非常足料而且新鮮。

以前係觀塘返工，好鍾意去大盛食lunch，鍾意佢抵食，味道又唔錯。轉左工之後一直都好懷念，咁啱琴晚去新蒲崗，見到有大盛分店，即食！我最掛住係個牛肉泡菜鍋，今次都有叫，平時lunch係份量細少少，會跟飯，dinner時間叫就只得個鍋。我一食入口係失望因爲成個鍋無咩泡菜味，得個辣字，好明顯相比KT分店加多左好多辣粉，我唔係食得好辣，所以要加水溝淡啲先食到。不過勝在多料，牛肉都有7,8塊，無麵無飯食完都有飽肚感。我因為未多夠喉，叫多左個三文魚腩加州卷，三文魚夠油分，燒完幾香，唔錯。男朋友叫左肥手拉麵同三文魚壽司，佢就話不過不失。正當呢餐飯食完想走，我拎起杯水想飲，叫到入面有兩隻蟻屍都明白有小昆蟲在所難免，但建議員工睇清楚先好拎俾個客啦仲有樣野唔好，啲員工好熱心，擺一擺低筷子，食物未食完都會問你係咪唔要收得，我覺得好似想逼走我地咁。呢個水準加上態度，我下次都係去番KT分店算了。

大盛一向是我的飯堂之一，因為平靚正，最近愛上黑松露帶子炒飯，黑松露香味撲鼻，飯炒得乾身，加上有我最愛的粟米粒飯份量亦夠多，而且最重要價錢吸引，一個星期食多兩日都唔怕肉赤

今晚同上世情人我阿媽去食日本野，一坐低睇下個餐牌，款式多都唔知揀食咩好，跟住店員就推介可以叫一個二人前晚餐定食，包括有刺身、炸天婦羅炸南瓜、煙三文魚壽司、仲有一鍋花膠海鮮菜鍋、一碟帶子黑松露炒飯。我驚唔夠食另外叫多一碟蟹子壽司同埋珍珠蠔壽司。先講一下一「二人晚餐定食」中的刺身，真係好新鮮，媽媽最鍾意食三文魚刺身同埋甜蝦刺身，見到佢真係食晒到舔舔脷😂，而個炸天婦羅真係炸得外脆內鮮，真係食過返尋味，好想再食多兩件。炸南瓜都好好食不過怕食得太濟，所以我食咗一件都留晒俾媽媽食😆😆，煙三文魚嘅水準都好嫩，最令我鍾意嘅就係花膠海鮮鍋，花膠好彈牙有口感，真係性價比高。至於帶子黑松露炒飯，由於本人唔係咁好黑松露嗰種味所以真係覺得麻麻。最令我驚喜嘅就係珍珠蠔壽司，蠔真係好新鮮，而且唔覺有腥味，食完一碟再嗌多啲食，堅好食，值得推介俾大家！兩個人食咗$400有找，都算幾抵食的高水準日本晚餐😊

朋友介紹呢間好味 所以就去試下啦~晚黑八點幾去入面坐滿人 出面都要等下先不過都算快有位晚上食有激安價 啲野食十分平😍試左醬燒三文魚腩壽司兩件都係十六蚊左右啲三文魚腩入口即溶😍😍食完即刻上叫多幾件之後試左個醬燒三文魚腩卷 又係好正🤤暫時係我既至愛之一👍🏻👍🏻個晚仲食左個海鮮煲 個湯好鮮好好飲啲海鮮都好正 特別係個魚 啲魚肉好嫩好鮮冇太多調味既湯 更加突出海鮮既鮮味👍🏻仲有一定要試既係海鮮pizza首先價錢勁抵 激安價四十幾蚊薄薄脆脆既餅底配埋啖啖海鮮肉 真係好爽😛第二次去就叫左個三文魚生飯三文魚魚生份量勁多！ 一啖魚生一啖飯都夠唔洗就住就住 價錢都係八十內個人覺得係超抵食😆仲有三文魚花膠煲 花膠就唔算突出 正正常常啦但係三文魚就勁好味 啲汁入哂三文魚入面勁入味之餘又juicy👍🏻👍🏻

本來諗住去Mikiki搵野食，路過見到有間日本料理餐廳，價錢非常抵，仲有埋野飲，所以就入咗去食。雖然餐牌上話係輕食，但其實份量以午餐嚟講，都十分足夠。滑蛋吉列豬扒飯比較少見有滑蛋吉列豬扒飯會加入埋青椒， 可能因為咁令到滑蛋變得比較碎。 還好吉列豬扒炸得啱啱好，唔會太老，食落好爽口。雜錦天婦羅飯比想像中多天婦羅，有炸蝦、炸茄子、炸青椒、炸南瓜同埋炸番薯等。 其實炸天婦羅飯食落都比較乾，不過還好炸茄子同炸青椒都有啲水份，而且有個汁，所以都還可以。

呢間日本餐廳在新蒲崗好耐的了，好耐無食，今日幫襯下，睇下水準有沒有下降先，午餐時間他們都有午餐優惠做的，有飯和拉麵，我選了個吉烈豬扒拉麵，味道一般，湯底較淡，麵條也好普通，最差是個吉烈豬扒，凍的，炸粉和豬扒也骨肉分離咁，只是不難吃吧，最後叫了幾份壽司吃才夠飽，壽司到枱了賣相一般啦，吃後覺得不是太新鮮囉，不是不好吃，是水準之下，也是不難吃咁囉，吃完後覺得水準真的較以前差了很多，但晚上還是有多人排隊進食的，可能晚餐會好很多吧，唯有下准再試下其他的吧

蟹子沙律，每次我都會叫佢走芝麻，因為我覺得食蟹子的時候有芝麻味不好食，蟹子和芝麻大細差不多但口感不一樣，所以食落去有些奇怪。孩子沙律，都是青瓜和蟹柳，青瓜絲非常幼細但蟹柳就處理得不足夠，很多時候都不是一絲絲的。黑松露蟹肉炒飯，起碼食到五碗飯。黑松露味很重，蟹肉一嚿嚿和新鮮粟米。真係可以食多碗飯。豚骨湯花膠火鍋配美國穀飼肥牛，$48三舊花膠，四片美國穀飼肥牛。豚骨湯入面有一些娃娃菜、大白菜、金菇、冬菇、粟米、芋絲和鬥富。

呢間日本料理餐廳放飯時間成日都有幾多中學生去食，自己覺得受中學生歡迎既餐廳應該係唔太差，見價錢同一般既日本料理餐廳唔係話貴好多就入去試，食完會覺得普通，無令我會再返去食。環境方面，座位與座位之間既距離窄，前後左右都係！客人出入時較為麻煩，感覺上幾逼。温泉蛋一口牛丼 - ($68連野飲) : 首先講賣相，還可以啦，個人覺得可以同menu影出黎既再近似啲。飯同牛肉既份量好多，對一個女仔黎講會覺得太多，有大半碗飯，牛肉粒大約有十幾粒，自己就食唔哂，但男仔既話就應該岩岩好。飯係用珍珠米，軟熟好味。牛肉肉質就麻麻，好多筋同肥膏，咀嚼都需要一段時間，但好既係牛肉既size大細平均，係一啖一舊，食起上黎既方便。牛肉既味道正常，內有肉汁，唔乾，大約7成熟。温泉蛋，有蛋汁，足夠撈成碗飯。呢碗飯既驚喜位係個醬汁，甜甜地燒肉汁幾開胃，燒肉汁撈埋蛋汁送飯味道唔錯！對於鍾意食甜既朋友仔會幾鍾意個味道。但都因為醬汁係偏甜，食到尾會有少少滯。整體黎講，只可以話中規中矩，呢碗飯賣點係一口牛，但牛肉方面可以有更多進步空間，因為筋位太多，食起上黎係唔方便同唔吸引。