大盛日本料理 (已結業)

我一家三口去得最多都係呢間,天氣熱去食壽司最好!我0地點左:三文魚剌身(好大件,鮮美) 三文魚子,鰻魚壽司(唔錯) 軟殼蟹卷(呢個軟殼蟹唔得) 蟹子沙律(好多蟹子) 燒雞串烏冬(原來是雞軟骨,呢個都ok)book左位,so只等八分鐘,walk in 要等半小時

之前有朋友介紹過大盛, 話都唔錯, 所以今日一行四人, 行咗好耐都要試吓, 點知~~~~ 失望而回!!!!我哋叫咗4 個set lunch:-- 咖哩豬扒飯 (包埋前菜+三件剌生+汽水)- 吉列豬扒烏冬 (包埋前菜+三件剌生+汽水)- 兩個築地魚生飯 (包埋前菜+三件剌生+汽水)同事食個烏冬, 而我就食咖哩豬扒飯, 嘩, 件豬扒好似係煲完湯再拎去炸咁, 完全唔得!!! 前菜係中華沙律, 係有一粒粒可見嘅冰一齊食用! 凍都呢~~~ 三件剌生就無投訴喇~~魚生飯已經係角切架啦, 仲要唔多魚生, 如果玉子係魚生嘅話, 咁咪好多魚生囉!!蟹子都無粒呀!! 結論係: - 一定唔會有下次!!!

都有半年冇唻，見朋友有八五折咭，所以去左呢度唔知係咪落雨既關系，都唔係太多人，唔使等就有位一坐低，叫左個蟹子沙律，依然足料正之後叫左鹽燒雞翼，燒得好香，可惜鹽太多，咸左d鹽燒牛利，正，忍唔住再叫泡菜牛肉鍋，d湯好正，好入味同足料，朋友忍唔住叫左碗白飯撈湯露旬之士炸蝦卷，幾好味，不過紫菜有點un 大盛辣牛肉卷，比以前細左好多，縮哂水三文魚壽司，新鮮，ok燒羊扒，略嫌燒得過火小小，un un地總括而言，個人認為熟食比較出色

在新蒲崗打滾了五年，數到要在此區吃日本料理總是會第一時間想到大盛，無他的，食物質素高，價錢也算是抵吃。男友來接我放工，餓扁了肚的他提議吃大盛。我也沒有異議。甫到步發現沒什麼食客，不用等位很爽，不過也留意到現在的生意也不如以往，一直沒有出現人龍或坐滿客人的情況出現呢。是晚點了:1. 燒帶子串 - 超讚，燒得剛剛好，肉質還是很鮮嫩，帶子裙邊卻是脆脆的，非常鮮味2. 炸蠔 - 蠔略小，而且我覺得有一點點腥，但男友就覺得OK3. 炸蝦天婦羅 - 記得以前到大盛這是必點菜色，原因是皮脆肉嫩，蝦味十足。今天再嚐，蝦味仍然十足，只是外皮略厚及淋，實在大打折扣了。4. 壽司 - 用料仍然新鮮，水母壽司很爽口，很好吃，可惜飯有點鬆散，扣了一點分數5. 刺身雙拚 - 選了甜蝦及北寄貝，新鮮好味，賣相一流6. 蟹子沙律 - 男友例牌菜，味道正常，一如以往不會有太大驚喜其實之前已有好一段日子沒有光顧大盛，今天再吃，覺得水準是稍稍下降了，不給笑面也有原因的，也許很多人氣店，都會有這個通病吧，需要人氣名氣，也需要保持水準及不斷創新。

尋晚，同男友去左新蒲崗，見到對面間日本料理冇咩人，但呢邊就有幾個排緊，於是我地就揀左呢間試下。首先間野比較細，啲座位好迫。(幾乎要背貼背)燒雪魚~好大塊，又厚又香~正辣酒煮玫瑰螺~辣辣地好野味，一鍋有6隻，而且仲好大隻tim~正三文魚sushi~唔知係咪足8吋，不過真係好長好大件~正三文魚刺身~勁大塊，超厚身呀~正

今日晏晝約左男友出去新蒲崗食lunch因為我實在太想食日本野, 最後揀左大盛~雖然我住新蒲崗....但係好少會o係呢區食日本野囉...~d位好迫呀, 坐得唔太舒服=可惜我太餓啦, 影完第一張相就掛住食唔記得影其他了我地叫左以下o既菜式......●海膽壽司 (d海膽比我平時o係出面食既果d多三分一, 不過舊飯真係大左d}●帶子、帆立貝壽司 (呢兩款都不錯, 前者有鮮味, 後者也屬不過不失}●鵝肝壽司 (可能因為灘凍左先食, 所以唔好食)●玻璃蝦壽司 (我冇食到, 但我男友話ok喎, 咁既價錢算係咁啦~)●大蝦天婦羅 (呢個真係要讚~抵食呀, 好似有5隻定6隻, 又唔會用太多粉漿炸, 食落唔油膩~好香口, 我自己一個食左至少3隻)●炸吉列蠔 (d粉漿多左少才, 不過都還可以, 因為都幾抵)●串燒帆立貝 (有5粒, 燒得好香口~好惹味~不錯不錯...)●三文魚刺身 (值得推介~$40有八大塊真係好抵, 我同男友都唔知會咁平, 都係埋單時先知咁抵咋~d三文魚口感幾好, 都幾新鮮, 雖然未算得上好肥美, 但真係幾好食}服務方面中等啦....因為我又唔會預期佢好好s

今日九點去到, 等左5分鍾就有位D位真係幾逼下, 同埋人手唔算少, 不過總是唔得閒理你... 大約都有七八人係個泗至五百呎既店入面...好鬼好生意!!不過勝在好抵食嗌左清酒煮蜆, 三文魚刺身($40) 八大件, 三文魚子壽司, 蟹子壽司, 花之卷樣樣都好大件, 好新鮮個花之卷食完都已經好飽..清酒煮蜆都好入味.. 無沙!!真係比起板前,元氣好味得多食到我地兩個好鬼飽... 埋單都係$144 (九折左)..因為隔離台有家人多左張貴賓卡有機會再去!!!!

大盛 真係經常都有黎惠顧下食物尚算可以 (燒物最好 ) 今次有張食滿$400 - $100的discount所以決定一家人黎食基本上以下都係好味道既 ●三文魚、鰻魚、蟹撐壽司等.... 都OK●汁燒雞翼 ($24 一客共兩串 每串兩隻) 真係好好味 每次都必點●汁燒牛助骨肉 ($21 兩串) 個汁好野味... 不過有時會燒得過火左...●鹽燒三文魚頭 ($32 ) 呢個連我唔食魚既都食 就知幾ok la 不過要趁熱食哂 唔係既話都有點腥 (千祈唔好一個人食 因為好油膩)●什錦天婦羅 ($39 有蝦、茄子、蕃薯、南瓜..等) 熱辣辣好好味●蒜香牛柳 ($42 超正 ~ d肉好淋 用鐵板起有芽菜做底 , 唔會令到d牛因太熟 真係剛剛好●大盛拉麵 ($49 真係咩都有 扇貝、鰻魚、叉燒、栗米...等等.....都幾抵食)仲有其他....... 無特別推介 試下呢幾道菜都ok架^ ^不過樓面既員工的服務態度就唔係做得好足喇！可真係多野做啦　 但員工又少啵成個場得兩至三個做野　成日舉手都要等下先有人理呢樣真係要改改改改改下囉！

7個friend 去食叫左大概6-7樣餸2個天婦羅,焗壕,清酒蛽,鰻魚飯,燒魷魚,一客三文魚…個焗壕同鰻魚飯真係好好食！不過d waitress 態度真係麻麻,同埋個三文魚好耐都未到但係我覺得價錢幾reasonable,又食得飽

前幾個post既係我，我仲欣賞緊呢間餐廳．．點知．當我琴晚去食既時候～終於要俾個劣評佢。琴晚同bf去食，八點鐘，竟然唔駛等位。入到去呆左．．全場得番三個侍應（其中一個仲要係高級個個）係全場喎．．ｄ熟手既好明顯無哂．Alex更加唔係呢個場喇．．都諗住係咪換一換會好ｄ呀．．點知唔係．．佢地既侍應應該【聽力】有少少問題，叫左好多次都唔會行埋黎【眼力】都有少少問題：舉左手好耐都（我坐邊位）佢都可以直行直過（我對手甘長都睇唔到）佢話海嘯價六蚊碟sushi．．．三文魚個只．黎到．比之前係更簿，甘就真係六蚊碟喇，唔抵ｌａｗ人手唔夠～所有野都係好慢慢慢慢慢慢黎．．連蟹子沙津都係慢上ｌａｗ食完仲搞笑喇．埋單個陣我地出示左８５折卡，點知我地pay bill個陣呆左．．９折？（我地去左counter俾錢）之後佢計番８５折俾我地．．我地同佢講：好似有糯米慈架可個收銀（唔係平時做收銀個個．呢個係比較大年紀ｄ）講左句：得，我而家叫同事拎俾你．．講完繼續做佢既野．找錢俾我地．就無左回事。講真：成日黎食真係貪你ｄ雪米慈咩．．不過連收銀既attitude都係甘．就算我係常客．．都係算吧拉．．．呢間野．．我真係經常黎食．

Getting off work a bit late with M tonight...We have dinner at around 8pm~ We come to this Japanese place and we waited 50 mins before we get these orders Ask the waiters a few times to chase our food, they only says " i place your order" and walk off. They are so use to angry customer that they already know how to HANDLE us... Salmon sushi* normal, but i think this is on special HKD6 each Squid Sushi* quite fresh and it's a thick piece of squid Yummy, i can encore this if not waiting for 50+

人家話富不過3代, 係香港地好易就出現呢個情況.原因係前人做好左個品牌 / 食店, 而後人都"估"無人知道佢地用左比以前質素差左幾級既食材, 又"估"客人係蒙喳喳唔識分既, 咪出現生意下滑情況囉!因為家住新蒲崗, 以前一到假日呀, 都會黎呢間都幾平民化而又好食,低食既日本餐廳食下野, 午餐晚餐, 基本上一星期都必會來一次, 直至佢地既質素轉差而一直都而家都無再光顧了.質素轉差 有以下幾點 :1. 食物既size 細左, 以前同老公未結婚前, 係度叫左about 148 既2 人餐, 真係好食到好滿足先走ga, 但之後佢地踏入裝修前既2 人餐, 食完都仲可以去食糖水.好似抄烏冬, 轉左個碟, 就連入面既份量都少左 1/5.2. 就以三文魚壽司為例, 短左及薄左, 其實一食就已經知道, d 飯散及少少硬身.以前食既時候, 我可以包到好似"花之戀" 咁先食. 3. 一d 少人點既菜, 好似唔係好識整咁(本人覺得), 因為之前叫左一次炸雪羔, 入面咩都有, 有斷開既百力支, 又有好似m & m, 又好似有d 朱古力碎, 一般我食過既炸雪羔都會用麵包屑包面, 佢地好似用炸漿包在外層. 感覺怪怪的

見到呢間食店有唔錯的評價, 朋友食過都話唔錯, 於是昨晚冒著黃雨去食晚飯.未食之前的印象是還可的, 起碼可以訂位, 但座位很狹小, 坐在最近廚房的位置, 看到廚房忙碌地操作商量了一陣, 叫了：八爪魚壽司及劍魚壽司：魚生很長, 也很薄, 飯一夾就散炒雜菜: 水水的, 只有娃娃菜和洋蔥鐡板和牛: 最不知所謂的一碟, 若那幾粒只有醬味油膩膩的牛柳粒真的是和牛, 那隻牛也死得太冤枉了蟹粥: 只是一窩普通不過的雜炊加上一隻無味, 大概5兩重的小蟹而已一頓飯九折了仍需309元實屬不值, 破壞了與朋友吃飯的心情才最惱人

睇左alex 既回覆...部份同事態度係ok, 但係有d 野真係唔應該0係d 客面前出現...例如: 大叫其他同事整呢樣0個樣 (新蒲崗分店d 位有几迫, 大家知, 你地d 同事0係個客頭頂大叫...客人耳仔受罪, 口水花四濺...但係人地通檯野食喎...=o=)又例如: 0係客面前大叫同事"come on baby"...(即係點呢? 你黎返工定come on baby? 認真d 好嘛...)不過, 以我地經常性去食, 今次去, 係比上次進步左d...起碼會問聲"三文魚刺身黎左未"...好彩有問, 因為就係未黎...如果懶醒唔問, 漏單事件又會重演亦有問d 野齊晒未...一答齊晒, 佢就即刻掉兩粒雪米糍落黎...(記住係"掉"! 唔係比, 亦唔係擺) 食開都知係叫埋單先有雪米糍食, 佢呢個舉動係過於熱情定乜野真係唔知但係總之由佢一開口問d 野齊未, 無論佢既語氣、態度同動作(比雪米糍)都似趕客多d最好笑...隔離檯同我地得到同樣既"待遇"...到正式叫埋單既時候, 另一個同事又拎左雪米糍黎, 我地就話"食左啦...唔要la..." 咁哥哥仔就收返我地0個兩粒(因為男朋友食左個荔枝味,

有時睇到呢度既食評，總覺得ｏ岩ｄ唔ｏ岩ｄ～～下面個post係餐廳ｄ人登出黎．琴晚去左呢度食野～好似attitude 好左ｄ．．但係唔知會唔會keep住．．等我又寫番個comment先老實講，如果要食好新鮮既刺身同日本食～新蒲崗一定唔係首選。一定會去番CWB等貴少少既地方如果要食好平好大件夾抵食既～新蒲崗一定唔係首選。我一定會去元朗～～真係抵食夾大件～（一個沙律就定到好多地方既幾個）但係大盛我只會覺得係價錢同食品相符～唔算太差講到服務．．又老實講！就算我做埋佢地VIP！我真係覺得佢地services麻麻地特別係催單個下～黑我面～哼！！特別係某ｄ我相信係位高權高既～但係～既然下面位人兄話會提升～甘就放長雙眼睇下拉！講到食物：漏單總會有！！總要等好耐！有次試過等左九個字．．但係～有ｄ食物就勁快上．．真係怪怪地。質素呢：都係個句．甘既價錢就俾番甘既食物架喇～～～過得去甘拉講番今晚～今晚同bf去食日本食Again．例牌點左個幾樣野食，睇住佢加價睇住ｄ沙律size細左ｄ．．．．．但係我次次都必點。點左：　蟹籽沙律、三文魚，鰻魚，池魚sushi，日式炸蝦餅同埋魷魚筒反～蟹籽沙律- 呢排都發現青瓜既