大盛日本料理 (已結業)

代公司聲明道歉!!希望本網可以給我登出雖然本店不是一個高級既食店,但本公司其實一直都有提前食物水平同員工質數!食品方面會以全新,衛生,美味既形式推出員工方面無論在工作態度任何狀態上會給予全部食客滿意既回應,都希望可以各位食客滿載而歸,再次光臨!!再次!本公司現在會大大提升各部門,包括待應既服務工作態度,希望大家拭目以待如前本公司對大家造成不便之處,敬請千千萬萬既抱歉和原諒

久唔久都會去大盛食, 因為方便, 觀塘分店更加係幫襯左好耐不過服務差同漏單係咪佢地任何分店都有既陋習??今日晏晝成兩點几三點落去食晏, 呢d 時間多人得去邊?咁都仲可以漏單...簡直就係離晒大譜! 我地叫左一個親子丼(三文魚+三文魚籽)同一個蟹籽手卷叫完野食, 侍應就拎左罐可樂過黎(親子丼係餐, 有野飲)坐多陣就拎左個魚生飯黎, 但係望黎望去點解淨係得三文魚無三文魚籽?咁咪叫個侍應拎返佢走, 佢拎去廚房度問, 原來係佢自己擺錯檯個蔥三文魚碎飯係屬於我地後面張檯既...侍應就叫我地等多陣繼續等...等等下又有人擺低一個軟殼蟹+蟹籽手卷...嘩...乜咁筍呀...我叫過午市特價, 價值十蚊既蟹籽手卷咋喎做咩無啦啦咁大手筆變左軟殼蟹+蟹籽手卷?我都未開聲話比佢聽唔係我地既...就聽到由廚房+沿路全部侍應0係度嗌"hold 住hold 住hold 住...." hold 咩住...你地鋪頭係咪有0個d 疑似爆炸品?1. 你地d 侍應到底知唔知邊張檯邊個檯號? 你擺低兩樣野兩樣都唔係我地既2. hold 咩住...我無賴d 話你聽我見唔到舊軟殼蟹, 拎埋黎咬佢一啖你都吹我唔脹眼白白望住我0個個無

尋晚朋友生日唻e度食9個人叫左好多樣野食壽司拼盤 - 有三文魚,鰻魚,北寄貝,鱆紅魚等 條魚好長~好正~好味鮮珍寶赤貝壽司 - 我無食,不過見到佢真係好大巨型丫!!金龍卷 - ok~d蝦幾脆,不過無咩特別彩虹卷 - 唔記得lu...海鮮雜菜鍋 - 都ok豐富,好似有忌廉味,唔錯唔錯鮮魷筒 - 賣相同味道都十分好~推介!海老&什雜天婦羅 - 什天入面有蝦,茄子,芋頭,等 我食左塊茄子 都好巨型下, 熱辣辣~幾好~ 不過一咬佢d油流晒出唻...有d核突....食得好飽好飽~~最尾佢會送一人一粒雪米糍做甜品不過雪到好凍好硬覺得最正既三文魚壽司,好新鮮~好肥美~叫左咁多貴野100蚊都唔使~好抵^^環境擠左少少,服務都ok~衛生有少少得人驚...洗野個呀姐係咁係門面拎d野去洗...

昨日到大盛食LUNCH, 食物都OK, 一般港式日本餐廳. 午飯時間, 1:30PM都有人等位, 可能生意多唔憂做, 服務態度麻麻, 有個4眼圓面的女侍應的服務簡直不敢恭維! 佢行過打算叫落單, 點知佢直行直過不特止仲大聲夾惡話: 另一檯客人落單時問佢: 佢個樣好不肖好不耐麻咁回應: 大佬人地問你係咪唔使錢呀! 問非所答, 救命! 食完埋單, 午市唔使加一, 食左個UDON餐, 三文魚刺身, 炸蠔, 個炸蠔D粉厚過乜, 吉之島12蚊4隻仲好食過佢! 不過食物麻麻都唔緊要, 最多下次唔叫姐 呢間餐廳MENU放在檯上當檯墊, 上面寫三文魚刺身$38, 炸蠔$25, 個UDON餐$35, 埋單好應該係$98, 但佢竟然收我$102? 開頭以為計錯數, 出門口再睇番MENU, 冇計錯數喎! 入去問侍應, 佢話價錢同MENU一樣, 咁我去問番收銀, 佢黑口黑面咁計一次俾我睇, 我話乜唔係MENU上的價錢咩? 佢黑面咁話: 下? 乜有D咁既野? 乜可以等D客食完哂D話加價都得架? 事先完全冇人同我講過價錢唔同左喎! 咁收錢果陣你開天價都得架啦! 最後我好無奈咁走左.. 其實可唔可以去

之前有朋友話呢到既海膽炒飯好好食,. lunch 黎試下,....開始我成2點幾先食lunch 所以唔使排隊,..叫左海膽炒飯-75蚊, 好貴,.. (個人仲意生食品,.. 所以覺得個炒飯冇咩特別, 唔難食囉)三文魚壽司 - 1x蚊2件 ,.. (係好長, 不過太薄啦, 要重疊先係正常厚度, no good)帶子壽司 - 20蚊2件 (勁抵食, 新鮮 and 大隻, 又平,..必食!!)花之戀 -十蚊一件,... (又係激薄三文魚, 早知唔鬼叫)so far, 睇佢地既price list 都係幾抵食,.. 下次都會再黎食

呢間野d野幾好，不過成日漏單，尤其是壽司。通常d野食黎個d都係貴野先。而且埋單個陣成日冇人理，要喊幾次d人先黎。座位方面，有幾迫就有幾迫，唔理客人感受。不過客人多就冇計啦。

去完尖沙咀同觀塘分店食過之後,服務態度同食物水準本人覺得好差,訂左位都要等咁耐入座後某d待應又無乜禮貌,叫佢落單好似想殺左人咁~寫錯單又唔肯認錯~仲知果兩日食到一肚火.不過聽聞新蒲崗總店唔會比分店既差於是今日就去試試^^d三文魚同其他壽司都好肥美,飯既口感好好,而最愛既蟹粥d蟹都幾靚,又夠大隻..粥既味道好甜好入味比得上舊式大排檔既好味而三文魚腩卻比以前既無咁惹味> <.有d失望喇!!不過服務態度都搭夠返食物既水準喇.d待應生都專業特別係著黑色制服既一肥一瘦,而值得一讚係有位叫文,雪既女仔佢地做野都好細心,有求必應.而最攪笑既一位個個剷左青既男仔叫alex既待應,好鍾意笑又成日逼我飲茶.有d無奈=.=真係去過咁多日本料理未見過佢地做野咁駁命,一見我地d茶差不多無左3份2就自動黎幫我加茶.佢地真係幾勤力做野又快手有求必應,而我都有留意佢地招呼其他客人,好細心,有一張台有4個大人2個BB仔既客人,而果個alex既男待應都好細心兜去d安全既地方加茶同埋落食物比其他客人,可能佢驚整親d BB仔,佢地有d都好吹得下水幾nice,起碼好多笑容,如果比我下次同屋企人食飯我都會再去返新

這裏食物不錯，如果人少少真的很值得推介。但可惜我和朋友比較多人，於是有不愉快的經歷。話說我們一行十人，已訂了位，但我早到了，門口那位小姐就記錄我己到達，還說會留一張快埋單的十人位給我。那十人走了，門口小姐叫我入座，但我的朋友還未到，她見我一個人入座，便說我不夠人，請我出去，另一位收銀的小姐也立刻加入請我出去，你一言我一語的，說不夠四句，門口小姐已立刻叫了另一組四人的進來。這時我的朋友已到，我們便甚麼都不理立刻入座，而那四人便和門口小姐爭執起來。我自己也覺得我這種做法有點野蠻，但是，訂位不是為了怕滿座，所以才預先留位嗎？如果他們鋪頭堅持是人要過半數才能入座的，那與walk in來等有甚麼分別？你有沒有聽過在酒樓訂位是要一半人才入座的？另外，如果他們在門口已說我不夠人，叫我等，我沒有所謂，但他們不看清楚就叫人入座，之後又像如臨大敵的要人出去的做法十分趕客，至少我入座後甚麼心情也沒有了。既然他們鋪細，怕人佔了檯子又久久不到，就請不要有訂位的服務。

係,真係超大件,但係味道只係一般呢間店有好多人食,今次去雖然無排隊,但係都坐滿人!我食左個咖哩豬扒飯同一碟三文魚壽司,三文魚壽司件三文魚真係好大件,有四吋長!!所以咁多人食,感覺上好似抵食!咖哩豬扒飯味道只係一般,個咖哩汁欠缺左日本風味!見隔離枱叫左多碟壽司全部d魚生都大大件,俾人一種好拭食既感覺,魚生都新鮮!

I had been going to dinning at this place for 3 yrs now, they used to be very good and now.. the size of the sushi had desease a lot.., (if you went there in the past time, u know what i meant.)... and it is not the same anymore.. it is only 1/3 of the orginal size... so I tried some hotpot.. call "KimChi hotpot"... it turned out that it is not kimchi.. it is jap's sweet soup with Kimchi powler... sorry, i will never go to them again as I saw more shops they opened , the worse the restaurant goe

好多朋友都力讚呢間唔起眼o既日本o野, 今日終於都去o左一試三文魚壽司係大件夾抵食, 如果係細食o既女士, 真係兩件飽哂, 舊魚極長之餘, 無話切薄o左, 啖啖肉, 得!炸豬扒就炸到太乾喇, 有o的咬柴feel, 食之前一定要浸一浸湯牛肉鍋不過不失, 周圍都食到呢個水準服務ok 啦, 呢個地區你expect o的咩o丫

朋友在這工作.....介紹了這個水母壽司.....賣相不錯，但會否有點嘔心點令我想起星期六同契仔契女黎海洋公園既水母館睇既七色水母一樣....現在加了壽司飯像死般呈現眼前喇....朋友推介了，不可不食um......食落去像海哲般.....好味.....一邊食.......一邊控制自己唔諗海洋公園既回憶但食落食落幾好味....仲有囉......全場都推介緊個個8吋長既三文魚壽司.....好多人叫囉......由於朋友關係....是日食左好多壽司魚生落樓都係$100....問你抵未.....

好耐無去過大盛,第一次去係幾年次佢o岩o岩開,由於坐落新蒲崗,食落有驚艷ge感覺～果時d海膽又甜,仲要98蚊有一底、刺身拼盆98蚊,大大盆大大塊,又甜～冰火牛肉ｄ汁酸酸地辣辣地，正～但今次有少少失望，價錢比之前貴左，刺身sushi依然大堆頭，但個炒飯．．．真係失望，好乾，無乜海膽味～其實最不滿都係明明訂左位但都要到左等半個鐘....byebye 大盛

星期日下午，本來想食外野手，但太太話呢間未食過想試下，點知咁就出事。入去之前都唔知食乜野好，睇完menu叫左個咖哩豬扒飯套餐及鰻魚拉麵餐。那個鰻魚還可以，不過侍應先送上鰻魚，數分鐘後才上拉麵，感覺好奇怪。這個算是不過不失。咖哩豬扒飯可以話唔掂，送來時飯不夠熱，咖哩汁也是凍凍地的，換過一碟出來後，飯及汁是熱了一點，但吉列豬扒已淋哂，而且飯未食到一半已好快凍哂，感覺十分難食，茶餐廳廿多元出品都無咁差啦。侍應大部份十分生手，雖然態度不差，但也是不滿意。

這店真係排隊排得好犀利!!原因好簡單,大件!例如我叫左壽司拚,件件壽司嘅魚生都好大件,有三吋長!嘩!對於好似我咁鍾意食三文魚嘅人簡直係福氣!串燒係另一項推介:試吓燒牛脷,帆立貝,味道好而且幾香!但係唔知係唔係生意好嘅舖頭會串啲,侍應態度都係好差,難道要食好野一定要受氣??