大眾粥麵 (已結業)

魚片粥好好味 正呀 呵呵魚片都有味 粥又夠綿炸腸粉皮接得滑 油炸鬼又脆米粉都好正 大大碟唔油膩 仲有椰菜蘿蔔絲齋腸就okay 都係食醬啫有人中意甜醬杰 麻醬杰 多色 兔貓都係架 麻醬稀有乜好食

路經此地，見這間傳統粥鋪，便一試。點了菜乾豬骨粥、齋腸、蔬菜炒麵，共 HK$26。菜乾豬骨粥：用料甚豐、菜乾和豬骨都很多，唯米量過少。齋腸：一般貨色。蔬菜炒麵：這個又是用料甚豐，蔬菜跟麵條比例近乎 1:1，不算油膩。環境很舊，亦可以說是其風格。女待應態度友善，服務不俗，幫趁的許多都是熟客和街坊，家常閒談，有種舊區街坊食店 feel。這種感覺，連鎖粥店和新開發的屋苑是沒有的。

連續兩日飲宴，腸胃真係頂唔順今曰晏晝去食白粥炒麵（$13）白粥幾綿，無落鹽食都可以炒麵都幾多蔬菜，後悔落辣醬，因為好咸，炒麵味道一般，舖內仲有好榚選擇，下次試一試服務都幾好，好快手，地方頗殘舊，一般小店格局，當然唔可以同＜海皇粥店＞比，但價錢相宜，食得過

陪朋友影舊區，有d餓，就自己黎到呢間好街坊feel 0既食店填下肚……入到去都覺得幾污糟下，門口有個嬸嬸r緊頭，跟住有個年輕男子一見我入去即刻企起身問我食咩，我拎起充滿油漬0既餐牌睇左一陣，叫左白菜豬肉餃河粉+豆漿，佢就話「不如豆漿加紅豆沙丫，都係加多3蚊0者，好味架~」我就姑且話「好丫，試試」，點知換來有驚無喜……等左都7、8分鐘後，佢先拎左杯白白0地0既野俾我，插左支飲管，我0係飲之前一睇飲管個頂好多塵，就即刻拎走佢啦~雖然都知個杯唔會乾淨得去邊，但我都即管用個杯飲，嘩~d味好奇怪，豆味冇乜，紅豆又唔夠沙，同埋唔明點解佢唔俾匙更我，我點樣啜d紅豆上黎呢?齋飲好難食到d紅豆呢個時候，碗河粉黎喇~之但係我一睇水餃皮透出黎d餡0既顏色好鬼綠，唔似一般食0既白菜餃，唔通全部都係白菜葉?我從筷子筒拎起一雙，點知令人好驚0既畫面出現——每枝都好污糟，有d甚至有懷疑昆蟲0既腳仔黏住0係上面，我唯有拎出私伙消毒紙巾抹乾淨先敢用我一夾起餃子一咬發現——原來真係唔係白菜，而係韭菜，我估唔到以下對話0既抉擇係更驚……我叫年輕男子過黎話「我叫0既係白菜餃，但呢個係韭菜……」唔知點解佢好似有d開心(?)咁話

上星期日，由將軍澳倍呀爸媽去北角村附近行下，去到一間我小時候經常食野既粥鋪就入去，裏面的環境比從前好多了。咸肉粽都分好多種，我就叫左$14全蛋蓮子咸肉粽，味道很好，因為平時食開果D店鋪都無味的，蛋黃係好大同好靚，而佢哋係用五花腩，緑豆又夠多，總括而言，真係超值。梘水粽$9，一見到就覺得同平時食幾間完全晤同，因為大眾既梘水粽又爽又滑，更沒有重梘味的，再加上豆沙又軟滑，放一些糖就好味。裹蒸粽$20，我哋行出去問老闆娘，見住佢每一都是親手包的，而且未到端什節就已經有好多人落訂，落訂果個星期更會加幾元一隻，在她介紹下，我呀爸就食左$20裹蒸粽，佢話真係好飽，好怟食，味道也不俗。呀媽更在這裏下訂$40隻不同種類的粽。

每次經過馬寶道街市到德興隆吃窩貼牛肉包之時，都會看到這所老粥店。看見那殘殘的裝修，磚切的地面是濕濕漉漉的，製作腸粉及炸両的地方又是放在門外的。平常人包括太座在內，看到如此格局都不願意走進去。可是小弟偏偏對這些老式粥店極有好感。年幼時光顧的粥舖，不就正是這樣子的嗎 ?既然無人有興趣，就等小弟單刀赴會吧。晨早未夠九時來到，只得幾位婆婆在吃東西。可能是週日不需上班時侯，人丁才如此單薄吧。例牌要了白粥及炸両，這是小弟試吃新粥店時的例行動作。只要白粥的水準做得好，那該店的東西應是不會太差的了....等吃時四圍望望，裝修是沒有從外望進來時那樣想的殘舊，地下也沒有預料的那樣骯髒濕濕的。可能是這裡處於魚檔及肉檔旁邊，大家才有如斯感覺吧....白粥內看上去雖有不少的白果粒，但吃落卻沒太有白果香，反而有着淡淡的腐竹味，不錯。粥底是頗綿的，而且份量也比一般吃到的較多，吃來吃去總像吃不完似的，抵食....看到食友的comment說油條不夠脆。小弟是日吃到卻又不是如此，還蠻香脆的腸粉皮的米漿開得挺實淨的，沒有那些用筷子一夾便甩皮甩骨的情況出現。豉油也沒有吃完很喉乾的感覺，吃得頗愜意飽得很走出門外，走多兩步欲再買

28/11/2008 5.00p.m到左月底,$$$就開始冇la~咁就上open rice...去左大眾粥麵...味道唔錯~牛腩ok la~$22...真係ok^^但就好似冇咩人手...比較慢蘿白糕~$6...唔錯..因為蘿白糕好多蘿白....同飯店唔同~值得食下~

天氣寒冷身體一時未能適應,於是清淡一點選了這間位於馬寶道橫街窄巷的食店,環境因為附近賣肉食海鮮,地面濕淋淋!奉勸各位食友"小心地滑"一坐下先後叫了蝦米腸,菜乾豬骨粥,白粥,蘿白榚蝦米腸:需然是自家包製,不過可能放太久,有小硬,不過配上甜麻醬可以接受白粥:招牌白粥,加了白果,但沒有特別可言,粥底算綿,唯幸的是沒有添加"師傅"蘿白榚:頗細件,有蘿白味頗粉口,收貨菜乾豬骨粥:與白粥一樣,只是菜乾味較突出,算鮮甜其實埋單每人18左右大眾化價錢不應該要求太多,不過此店把製好的炒麵和腸粉不遮掩的放在門口,確實十分不衛生和冷了大打折扣,周圍是肉食海鮮店蒼蠅起舞,實在要留意...窮困與飢寒交迫的日子,算你一個ok吧......恐怕只要捱麵包的日子才會有再去的打算

11月21號 - 下午一點前之前行過好多次馬寶道街市, 但是看不到&不留意裡面有間粥鋪。 直至到今日就決定試試他們的飯la。 好緊張la。坐下來就叫左個細梅菜肉餅飯(HK$15,-)。 來到就即刻試。 個肉餅好軟, 但是好好味。下次可以整碎它, 然後撈埋D飯食。 可能仲好食。之後叫左個炸兩 (HK$7,-) 食。 不過覺得個油炸鬼不夠脆。 不算好吃。個環境都可以接受。 不是好大的地方。 但是都坐得舒服。 但是有D美中不足是D炒麵&炒米沒有蓋蓋著。 不算衛生。 服務方面就好。 因為我沒有叫野飲。 個姐姐就比左杯水我。 真係覺得好熱情。

只係$14有粥有炒麫食真係好平...不過冇$裝修的話至少都用張乾淨少少o既桌同桌布丫.食物都算係咁,如果d炒麫熱d會好dd...

4月6日，19:00又往西行到北角，迋完街市，到這裡吃粥。粥餐超平，白粥+炒麵或腸粉HK$9.-，有味粥+炒麵或腸HK$14.-，要了白粥+炒麵。白粥：綿而不純，有微香。炒麵：蒼白，偏淋(可能蒸得大久)，但總比翻叮好。題外話1：在吃粥時，有一男士內進，邊行邊叫：兩碗豆腐花，一碗多糖，一碗無糖。結果他全盡兩碗豆花，當他離開後，其他客人和店員閒聊，原來此君天天如是。題外話2：從街尾行到這裡，過程比鴻福小巷更精彩- 路濕和經過支撐騎樓的鋼架。