大良鴻輝記

營業中

休息中

同朋友係附近吃完晚飯,之後再戰糖水, 朋友推介呢間既冰花橔蛋,成日係荃灣行街都唔知有呢間糖水舖鴻輝記餐牌:糖水款式不多, 價錢不算貴,估唔到連桑寄生茶都有~冰花燉蛋、西瓜涼茶、腐竹蛋糖水,大良燉鮮奶..最後我揀左大良燉鮮奶(凍)味道唔會好甜, 燉奶太固體狀, 感覺唔夠滑, 但有奶香味,而且燉奶本身養顏, 可以美顏~*下次光顧可以試下糊類*

入到黎未諗食乜好，見到隔離枱叫左碗大良燉鮮奶加兩粒湯丸，覺得好有新鮮感，因為通常湯丸都係加係流質糖水入面架嘛，所以就跟黎試左。成碗野白雪雪好趣緻，芝麻湯丸脹卜卜好飽滿，外皮Ｑ彈，流心芝麻餡甜度適中；而燉奶就好似豆花咁滑，邊食邊聞到一陣陣奶香，美味又養顏，作為飯後甜品好滿足呢！

響附近買碗糖水返屋企慢慢嘆, 行左去呢間專賣中式糖水既鋪頭, 荃灣確實唔會有太多間.要左最普通既腐竹蛋糖水$20腐竹煲到溶晒, 所以"不"落比較稀, 食唔到腐竹. 但食落有腐竹味, 甜度適中. 仲有一隻蛋, 都幾大隻, 個黃煲到熟透, 蛋白好滑, 配埋甜甜地既糖水食好夾.

呢幾日香港啲天氣熱到好似夏天咁，街上面好多人都換晒短袖衫，計我話點都唔及食一碗凍糖水咁透心涼。去開荃灣果頭行街，行到身水身汗，就撞左入黎整返碗清熱解毒既凍海帶綠豆沙，爽呀！碗綠豆煲到起晒沙，豆同湯既比例相當好，仲有爽口既海帶，啖啖冰凍清甜，口感非常豐富，個人仲即時降溫添。

女仔一年四季都要補，所以點少得一碗養顏糖水？我最鍾意黎呢度食木瓜燉雪耳，因為好足料，木瓜夠甜、雪耳軟滑，食落去甜度適中，每啖都好滋潤，食完成個喉嚨舒服晒，絕對係女仔既美顏恩物，難得每次黎食都保持到水準，抵讚！喺荃灣區食傳統中式糖水，多數揀呢間~

近年成日都聽到一啲傳統食店因為業主瘋狂加租而被迫結業，所以行街經過見到呢亭賣少見少既傳統中式糖水舖，真係要好好支持下！呢度招牌三寶係芝麻糊、杏仁糊同合桃糊，今次就試左芝麻糊。佢地標榜係自家鮮磨經典糖水專門店，以古法製造，好少有咁用人手炒製。芝麻糊顏色呈啡黑，同平日見到偏灰黑有啲唔同，一到枱已聞到陣陣芝麻香，食落口感好順滑、味道好濃郁。好多人都話芝麻糊有益補身，得閒經過要食多幾碗先得。

睇完戲行番去搭車, 路經糖水鋪又想買甜品返屋企食, 冬天都係鍾意熱食, 今次要個湯丸$19, 一碗有5粒得芝麻味選擇.先飲下個薑糖水, 甜但無咩薑味, 真係一碗好甜既"糖水", 湯丸大粒既, 咬落皮煙韌唔太厚, 滾得夠腍唔會一舊粉. 芝麻餡有芝麻味, 無咩特別.整體19蚊唔太值, 湯丸口味無得揀之餘, 糖水仲無薑味, 失左湯丸既精髓.

昨晚叫咗一碗杏仁糊，一入口完全沒有杏仁味，得一個（甜)字，還差過用罐裝杏仁粉開的，只食咗 2 匙羹便捨棄了！如此的差，今次第一次食到的。未食過舊式糖水舖如此差勁！記得這間糖水舖在以前不是這樣難吃，還希望能檢討一吓，不要嚇怕客人不再回來幫襯……

天氣持續寒冷, 所以食飽晚飯最啱食熱既甜品, 中式糖水就最啱, 所以即刻搵下附近邊度有. 見呢間有好多款式揀, 一於行過黎試下先. 不過由於好多人都好似我咁諗, 所以閒日晚都非常爆場, 所以決定外賣返屋企食.要左個腐竹蛋糖水($20), 碗係矮碗, 所以相對份量都比較少. 一打開, 腐竹料唔算太多, 都幾稀, 不過糖水唔算太甜, 食落都幾滋潤. 而最正既當然係隻蛋, 因為係足足一隻蛋, 配埋糖水食好夾.

這並非合桃糊，而是甜到漏糖水喔食左2啖真心甜到食唔落，無再食，超稀超稀超稀，超死甜超死甜，改名啦！唔好再誤導人叫「合桃糊」，索性叫「爆甜超稀垃圾合桃水」算了曾經的美味只是曾經；曾經的好質素也只是曾經當年就話食落口正，覺得真係好有傳統味，但原來一裝修完，就會變左另一回事囉，不再傳統，連味道都嚴重變質！同埋，我嚴重懷疑係打芡，而唔係合桃糊，真心，因為太難食，我食左2啖後就放左係枱面，過左5分鐘，竟然會再稀左！傻的嗎？？？

傳統中式糖水舖頭買少見少，呢間位置唔算旺，但都仍然吸引到唔少人，你就知佢幾正 上次同朋友食就叫左份腐竹雞蛋糖水同芝麻糊，腐竹雞蛋糖水唔會太甜得黎又好入味，我另外中加左兩粒湯圓,都係3$粒,夠哂抵食。芝麻糊方面亦好有芝麻味,而且仲好濃好香!入面當然仲有好多選擇啦，大部份中式傳統糖水都有,客人仲可以係糖水加蛋，湯圓，薑汁等，一個字，正！

今晚又食吓糖水！同事介紹呢間，又試吓！叫咗至愛嘅，合桃糊加芝麻湯圓，同埋芝麻糊加芝麻湯圓！果然靠得住，油分唔重，芝麻糊味濃，合桃糊味香，唔太甜！芝麻湯圓都ok , 夠煙靭！正👍👍👍

大良通常都係賣甜品，但有一排佢竟然有得食梅菜扣肉，三十幾蚊一碟梅菜扣肉飯，送一碗糖水，已經好抵，鋪頭入面新舊既甜品都有，唔錯！扣肉肥瘦均勻，極之上色，梅菜而且切得碎碎，因為太多油，煮得有膠質感，食落去同食糕無分別，加上汁多，撈到飯，一粒粒都沾上左色，絕對無可挑剔。之後加多個普通既腐竹糖水，清油，正，三個字，講完！

今日食完晚飯經過見到一間舊式格局的糖水鋪，因為本人喜歡中式真功夫糖水多過新式甜品店。所以既時沖埋去睇下到底咩料子。在門外睇下餐排先，以防中伏。睇到正正常常又有招牌芝麻糊就入去試試啦！入面唔大，中規中矩的格局，6張枱左右。同時都有好多人叫不同的糊仲有桑寄生水，咁我都唔諗好快手叫左碗芝麻糊食下。係枱上面有樣野我幾鍾意佢地會講返食咩會對身體有咩好，其實好多人都唔知其實中式糖水本身的好處。呢張紙就一一解答曬，仲可以令自體唔多好既人當補身咁食。芝麻糊好快就到左啦，店內姐姐手腳真快。淨係睇個樣無得唔合格，因為都係黑。但一試第一淡就知出曬事，無味既！食多幾淡試真d，芝麻糊極微，仲帶少少苦味，唔知係芝麻唔靚定咩啦。口感似羹多過糊，水不似水糊不似糊的感覺真係叫人難受。我第一次食細細碗的糖水只係食左一半就想走⋯⋯今次真係中曬伏，仲要話招牌⋯⋯希望佢其他招牌唔係咁啦⋯⋯

與朋友吃完晚飯來到老字號{鴻輝記}吃個宵夜。 這裡的甜品大多是傳統糖水:決定點「大良燉鮮奶」(熱)($19)和「芝麻糊」(熱)($19)。 味道方面沒有令我失望, 暖暖的燉奶吃一口口腔有滿滿奶香, 不會過份甜膩, 不過口感方面則沒想像中那麼細滑那麼入口即溶。在眾多傳統糖水中, 一向最喜歡有助黑髮強身的芝麻糊。 這個石磨芝麻糊有淡淡芝麻香, 不太甜,口感幼滑, 暖暖的喝起來能感覺到健康舒服。{鴻輝記}的傳統糖水價格不貴, 質素雖不算出眾但能體會到店家注重有益健康的用心, 下次有機會再來, 希望嘗嘗看它的綠豆沙。