大草原燒烤樂園 (已結業)

天氣好時就應該要多出外走走, 入大埔的好處時無論你走多遠, 總會有食野既地方, 原本都只想入大尾督食個下午茶, 誰知都會給大大的廣告牌吸引, 下午時間就去BB燒。手法與一般的一樣, 人頭費加開爐費任食送一支水, 不過就固定得一包炭, 加炭要收錢, 這跟限時沒甚分別, 不過都ok既, 我們只得2個人, 好快就會食飽走人。分量一開始由職員提供, 少得連盤底都見到。豬扒醃完都無味, 腸仔好鹹, 多春魚溶雪後非常軟, 而且好腥, 最正常是燒賣, 雖是粉團無肉, 但味道有少少魚香, 燒後亦頗香口。其實都因為抵食所以入黎, 下次都要搵一些在食物上有質素的燒烤場

選擇呢間燒烤場係因為諗住踩單車加BBQ,見租車公司話可以直接係呢個燒烤場交車,就行過方便啦...一行大人到步就見到外面好多不明飛行物體在眾目睽睽之下飛來飛去,相信應該係蚊黎架。行到去櫃位有幾種plan揀架, 見到有一個$700元的大人餐同埋有另一個有埋海鮮的套餐, 但一 心諗住任食都無留意其他包d咩, 任食就$85包四個鐘加一個飲品, 唔係自助形式的。係比張紙你自己剔,再由佢執比你, 食物的份量好唔平均, 先講第一Round, 平價的如丸類, 腸仔已經就佔左半盤, 扒類加雞翼等食物就每樣少少咁啦, 之後第二Round, 甚至剔左的都無比到, 豬扒比左成十塊, 雞扒, 叉燒,無比, 牛扒牛柳各四件, 之後又係丸丸丸, 任食唔包任何菜,麵包,栗米,蕃薯等都無架...每枱得一個盤, 一定要你食曬先可以再拎, 親眼見到有一枱主動埋怨,廿個人比一包炭一個盤, 你去埋怨都仲好會比多個你, 唔出聲佢就慳返。但食物質素其實係OK, 不過如果以佢地收$85咁樣"任食"就好難滿足到大部份香港人, 環境方面, 個廁所唔係好掂。

於八月中曾去過，當時覺得食物種類算可以接受，丸類也有芝心丸、蟹籽丸比較特別的，其他肉類也是一般那些。今次決定再去的另一個原因是其他燒烤場說週六日沒有任食，只可以買套餐，才決定選擇這間。不過今次之後決定寧願買套餐也不再去這間了。主要原因是食物大不如前，種類少得可憐，詢問下為何沒有芝心丸等，他說是暑假大贈送，現在沒有了。即或如此，連其他基本的如魚蛋也沒有，只有墨丸和牛丸兩樣，肉類中，雞翼有兩款味道、其他就豬、雞、牛扒、多春魚、獅子狗、香腸、芝士腸、很薄很薄的鴨臂、咖哩魷魚、怪味牛柳、要開口問才有的粟米、番薯。可選擇的食物就得這些。麵包、金沙骨、綿花糖是沒有的，更不用說海鮮那些了。若然想享受燒烤樂的同時會著意食物的，這間絕對不能帶給你任何滿足感。值得加許的是服務態度好，地方清潔。

幾個人o係大尾篤玩完獨木舟, 因為肚餓, 就去 BBQ 啦... 求其見到呢間是第一間, 就入去了...見到o的咩套餐份量少得可憐, 我o地根本冇可以食得飽, 所以選 "任食" o個隻..."任食" 的食物選擇又是非常少, 得十零款食物可以揀, 而且, 揀了食物之後, 要等好耐o的職員先執好o的食物... 一睇o個盆食物... 個心真係 "小" 佐出o黎... 少到丫... 真係好似當我o地係乞衣咁!!!之後我o地要用紙碟裝住o的生o既食物, 密密出去 "柯打" 每次得o個兩三粒魚蛋, 兩三條腸, 一塊扒, 兩三隻雞翼的 "任食" BBQ 食物...真係去一次就夠了~P.S. 雖然份量少得可憐, 不過食物都算可以, 另外環境好寬敞, 幾舒服~

今日諗住同男朋友入去大埔bbq...出發前打比大草原問下d價錢...有位女職員接聽...問佢自助燒烤是否有杜丹蝦,羊排同扇貝.都共係$70 + $10開爐....果位女職員咩都話有...咩話包..於是我同我男朋友揸車入去.....去到現場....見都d餐牌.....咩都冇...唔好話杜丹蝦,羊排同扇貝啦....連栗米..包都要加錢自己買...都唔知呢d叫咩野自助燒烤?? 2009-03-09 00:23218.103.x.x今日諗住同男朋友入去大埔bbq...出發前打比大草原問下d價錢...有位女職員接聽...問佢自助燒烤是否有杜丹蝦,羊排同扇貝.都共係$70 + $10開爐....果位女職員咩都話有...咩話包..於是我同我男朋友揸車入去.....去到現場....見都d餐牌.....咩都冇...唔好話杜丹蝦,羊排同扇貝啦....連栗米..包都要加錢自己買...都唔知呢d叫咩野自助燒烤??

試過好幾間燒烤場, 這間都是比較優勝, 不論環境或食物, 食物採用比較優質料, 醃料味適中, 不會全部同一隻味, 不會令我口渴, 雖然是套餐型式, 沒有任食, 可能份量只是剛剛好, 我通常都會叫多份鴨胸或一磅雞亦...都是40來一份...而且是大部份食物都是老闆找人從日本進口...味道比起本地的不同..... 平均每人都係100元左右,,,起碼食得開心..環境更是一流, 各自有私人的空間, 枱與枱距離較遠, 仲有前後兩片草地圍住, 比起其他場來得更舒服及relax....感覺自成一角.........老闆經常跟客人聊天,,,老闆娘是好有愛心的人, 收養左好多唐狗狗, 經常跟帶狗人仕暢談狗經, 真是一個非常優閒, 舒適的好地方.............

11/01/09, 我一家五口12點幾以經到大草原燒烤樂園,入邊冇人bbq,心諗賴野啦,但睇燒烤王d評語唔係咁好,咁就試下呢間啦,可能冇乜人,職員好nice,d野食幾好,我地只係食350蚊個餐,我地慢慢燒,都燒左成5個鐘,本人覺得最好食係豬扒和魚蛋,下次我會去試下個海鮮餐

I went there a year ago with my family members. The feedback from all of them was positive. The food provided was not of very high quality, but at least of reasonable standard. Moreover, since it was an open area, we did not feel choken by the barbeque smoke.The specialty is the roasted baby pig! The staff will grill the little pig next to the customers. We heard that it will take about an hour to make the pig and it cost about $300. My family members said that they wanna try the roasted pig nex

7個人叫左個7人餐,每人70, 另外再加鐘意的野食食物好味,雞亦排類肉類,食到唔停得口尤其牛柳,老闆話係紐西蘭貨喎好好味腸仔用厨師腸,魚蛋彈牙細食的人餐會夠食既,但成班行完山,d野又好味,好鐘意佢的肉食不會太咸,無咩味精又不會成盤醬汁得一個味所以加左第二輪肉,都係牛柳,豬排,义燒,同雞亦秋刀魚同粟米,蕃薯條秋刀魚係日本貨,鮮味有個大草地,不會逼埋一堆,個人坐落都舒服d服待周到,合對食物質素有要求,又肯比適理價錢的的人

今次係第二次幫襯大草原...由於第一次個老細好nice...又好識做..又送飲品個次係父親節(星期日)..但係個場好"吉"..所以招呼好好...每人~$70..而且係食得飽嘅.....今年中秋節..又再去啦.....點知咩都唔同晒.....大時大節要. (一定要叫套餐)...每人~$100都冇所謂..但係d食物份量就減咗一半 ........都算啦仲有.....每個套餐都送蕃薯+娃娃菜+粟米...但係我地叫咗1個10人餐+1個5人餐 ($1500)...但係...1份"蕃薯+娃娃菜+粟米"都冇之後問番收銀個亞姐攞...佢話轉頭補....又冇補我又再去問下啦...點知佢勁悔氣咁.."施捨"咗小小粟米比我....就算...!!!!!!!!!!!!!!!!!!!!!!!!!!!!好嬲呀,,,,,d"蕃薯+娃娃菜+粟米"明明係送嘅.....仲咩搞到我求你咁嘅??!!大家為免激氣....唔好幫襯大草原

10人set $900.講真份量只係夠一d比較細食的人.不過quality都唔錯喎.對於一d郊外bbq來說.食物醃料味十足.秋刀魚好大氣,有成支叉咁長.款式係比較少,但係算幾特別.個場唔算開發到好大.不過唔會覺得迫都幾好.又有草地一大片,又有個台,我諗可以比人book晒成個場.

我自己住大埔,成日去自助燒烤埸燒野食,以前去開咩師傅到燒,係任食場.初頭都覺得好抵食,但試過幾次夏天去,d野食好多都係好似人地食唔晒再用,有d直頭壞左.因為如果o係雪櫃雪住邊有咁快溶到雪,仲要壞埋.好失望,因覺得好似比$食人o地食剩o既野.之後去左大草原試,雖然係份量小d,但起碼企理衛生.我地其實人頭消費都係100元到,但就起碼唔使成盤垃圾食唔落,浪費食物.

其實佢地轉左唔係自助bbq 唔緊要, 因為明白可能真係有好多人浪費食物,所以佢地依傢係"套餐"價, 我地10個人, 佢當然俾10個人o既套餐我地揀, 我地揀左中等果個, 900元, 但每人只有一罐野飲.都唔緊要, 但只有１０條腸仔,丸,只有墨魚丸,仲係半磅......錫紙包娃娃菜,2包...冇味架!呢個價錢,效區黎講真係幾貴, 我聽到佢地賣40幾蚊差不多50蚊1磅雞翼,嚇死人,我地起初以為食哂可以俾佢加,因為份量少得可怕!!!!我地拿拿聲食完"頭盤"再搭車出去食"主菜"....不過呢個方式o既bbq場真係絕無僅有!千其唔好去!!不過可能由於太少人o既關係(星期日bor), d 侍應生服務幾好架!*原本個餐係每人90蚊的,但因為每人買多罐汽水,所以每人100蚊,但係都好肚餓................

我去過兩次，上年去嘅時候，印象非常之咁好，嘢食ok，老闆服務又好，任食之餘，老闆重親自攞多盤嘢食比我地添。可惜，事隔一年，上個星期同男朋友去，一去先知完全變哂。再冇任食呢回事，套餐之餘，份量好似開心樂園餐咁。比錢嘅時候都唔知上當，比完錢撞到朋友，叫我地快啲走，點知啲嘢食嚟到先知出事。二人餐唔知點解得一塊豬排同一塊牛排，唔係情侶去食都唔知點分。二人份量少到應該只係夠一個小學生或者一個老人家先會飽。食物款式一啲都冇驚喜，自己去街市買都冇咁嬲。重要收錢個阿姐嘅服務得個差字可以形容，好似你食就比錢，唔食唔好煩佢咁。同男朋友一口氣燒哂啲嘢食，食完即走，唔想再留係呢間黑店。總知唔好去，我對呢間完全感到失望，你一定會後悔。

18/11/2007 晚上和4位朋友很後悔未睇食評就去lee個BBQ場,埋位前問實$77/餐我地一人嗌一個A餐~不過係斷磅計, 冷不防有此一策, 落得吃不飽之下場...當時已經比晒錢~職員已開定爐我地坐底等嗌霖巴野食, 坐到炭都差不多燒完,足足有半個鐘, 覺得唔多對路~咪走埋去問~ 由窗口望返入廚房見得兩個職員執食物~ 仲見到佢地係好細心咁逐一將食物上磅~當堂醒晒~唔怪得要等咁耐~與此同時~有食客都等到鼓譟~職員話等多陣就有…終於等多3個字..食物先執好出黎~但一望~大家反應一致~目定口呆~4人分量食物包括: 廚師腸/4條紅布腸/3塊雞翼/5隻豬扒/2塊牛柳/4條魷魚/3塊牛丸/3粒魚蛋/3粒芝士腸/8條雞肉/3塊4罐汽水1小兜蜜糖我地仲懷疑緊係唔係兩人份量~ 但心諗已經知道”賴野”…無謂同佢地爭拗~之後好快燒晒就走人去食麥記….但老實講…咁樣做生意…真係無下次!!!