大蕃薯

營業中

休息中

大蕃薯最出名的就是豬手及以蕃薯蓉做的西多士，今次就叫了這些食物了~今次叫了兩款下午茶餐:蕃茄豬手手打麵+熱咖啡 ($35)有切件的蕃茄及多件豬手，配料十夠，麵是自家制的，好似天使麵似的，都幾彈牙，美中不足為湯底偏鹹，吃畢後感到非常口喝，應該是師傅作怪了。蕃薯西多士+熱檸茶 ($2X)這個西多比平時花生西多少甜，有些蕃薯蓉，都幾特別~如果咁啱來到粉嶺，都可以一試呀

本身想食隔離豬手麵, 但向門口聽到豬手賣晒咁就試下"大蕃薯"我好少來粉嶺, 所以都係第一次接觸呢間鋪叫左兩個蕃茄豬手麵下午茶 (好似$35@)其實都唔平....得一個麵同一杯野飲好在碗麵都算足料, 個蕃茄湯底好好咪, 差d想飲晒佢..豬手就反而失色左, 比個蕃茄湯搶晒, 不過都好淋, 算OK講番個環境, 正如其他食評所講, 感覺唔太衛生, d台唔清潔所以門口貌似特色小店, 但覺得自己食緊茶餐廳咁

今日系公眾假期，周圍無位，中午行到大蕃薯，就入去有位試下啦，但果度D位真系好逼，坐得唔舒服。 點左一個午餐，“秘制牛肉面”，得三舊牛腩，面太淋，又無彈性，好難食，最后加左辣椒醬才食左一半，無影相，無心機影佢。 個F就點左個焗豬扒飯加蕃薯奶茶，奶茶要加十元。個焗飯仲難食到飛機，豬扒系白白的色，好似白肉一樣，只是多左一點芝士。食左兩啖，78元一個飯，就放棄了。。。其中D服務真系好差，叫極都唔應你。。。無下次，請我都唔去。

東逛逛西走走的一天, 最終都是到了粉嶺吃晚餐經友人介紹下, 走到了大蕃薯, 餐廳名字有點可愛據聞這邊的蕃薯奶茶很有名 而且他們大部份的菜式也是用蕃薯作主題的,這麼特別的慨念, 值得一試! 餐廳內的牆壁上掛了一塊塊手寫的午市和晚市的餐牌!!而且木造的枱枱櫈櫈, 別具一格...蒜蓉包太軟, 一點也沒有烘過的痕跡 雜菜忌廉湯味道不錯, 沒有被菜蔬味蓋過了所有!蕃薯海鮮焗飯鋪在飯上蓋的海鮮一點也不欺場, 很豐富, 份量十足... 有青口, 蜆, 魚塊, 大蝦... 當然還有主角--蕃薯 而海鮮上面的香濃芝士, 蕃茄及香草, 令到整個焗飯水準更勝一籌!!一層層的芝士亦來得煙靭, 埋藏在海鮮堆中的蕃薯亦巧妙地為之合拍,軟腍的蕃薯融合在飯中, 沒有怪怪的感覺!!但, 敗筆之處就是飯粒略為硬了一點!!不然, 整體水準就是很不錯的!!烤羊架拼雜菌蔬菜飯羊架熟了一點, 而且佈滿了油脂... 若然切走了旁邊這些肥膏的話, 肉就所剩不多!!真的是十分油膩!! 反觀, 菜飯味道頗特別, 清新!! 但雜菌太少, 很難找到它的存在...再次是飯粒硬和乾身, 不易入口!! 蕃薯奶茶味道是特別的!! 因為奶茶中夾雜著蕃

自製法式麵包& 忌簾湯: 我沒有食, 但女朋友說很難食~瑞士肉丸: D汁好怪，肉丸味道更難食!脆皮豬手: 個芥蜜醬味道怪，唔match! 唔點醬食又唔得，否則好似食燒肉咁dry 到死!總結: 唔駛$都唔食。

去開嗰頭做野，同事介紹咪去試吓。我同個Friend一人叫左個Lunch Set。我叫左個南瓜龍利柳焗飯，我覺得味道好好喎，可能係我鍾意食南瓜啦。個汁杰度啱啱好，魚煎得香。朋友就叫左個茄汁豬扒意粉，我試左小小，味道無乜驚喜，但都ok我另外加錢將個餐飲改做蕃薯咖啡，坦白講，我又飲唔出有乜別特別總括嚟講幾十蚊食個lunch set，味道都唔係食評中所講咁差。我仲見佢啲甜品都好似幾靚，不過今次太飽，下次經過都想試吓

星期六去左一次,叫左兩個餐同蕃薯奶茶,個羅宋湯好酸,意粉一般,蕃薯奶茶就ok, 有d蕃薯蓉,都幾得意最唔鍾意係服務態度,因為第二次去咋,(上次係一年前)唔知原來手打麵係晚上先有,所以見黑版上冇寫係晚餐,咪下單要"手打麵2 & 8",結果侍應以為係午餐落錯左,黎個時我同佢講我唔係叫呢個餐,侍應: 2 & 8呀嘛我: 係手打麵2 & 8喎侍應黑面: 個個係晚餐黎架我: 下, 我唔知嘛...(唔係好like佢當初下單唔聽清楚)之後我重新點午餐,個收銀後來問個侍應, 佢竟然屈我地睇錯,離曬譜, 我叫餐講明係手打麵,你自己當時又唔聽清楚落錯左,sorry或唔好意思都冇聲,仲屈返個客,一係你地 屈我唔好比我聽到囉!我以後都唔會再去!!

看過大蕃薯的食評,每況愈下,也很爭扎幇襯不幇襯。但真的很山長水遠,來到粉嶺,每間試少少囉。看門面餐牌,原來她不是茶餐廳,而是「西」餐廳。很多東西pricing around $68。我心目中,只記得她有什麼薑汁蕃薯批。其實仲有合桃芝士蛋糕、南瓜批、和我今次買的蘋果甘薯胚芽芝士蛋糕。門面姐姐們,不如食友所說的”態度勁差”,我這次買take away,她們招呼周到。買了件胚芽芝士,賣相不整,不怪她,但芝士味弱,質地嚡口,而且一入口,有朕怪味,可能是胚芽的麥味吧。吃到蘋果的爽口,但甘薯粒,沒有味兒。很不好吃。

之前聽朋友講呢間嘅出品OK， 所以成家人（5個）一齊去試食。 入到店內，感覺環境好差，坐低之後，發覺有幾只蚊滋係度飛嚟飛去...坐得好唔舒服，好迫...睇咗一陣餐牌，價錢一般，如果如朋友所講嘅出品OK嘅話，唔算太貴，但...食完先至覺得勁唔好食，價錢與出品不成比例...雖然出品與價錢都好因個人而言嘅。最重要嘅係服務態度勁差，個嬸嬸待應好似博唔撈咁，講嘢大大聲，又無禮貌...因為我地有5個人，落單時間可能耐D，佢就好唔耐煩嘅語氣和態度，好似想我地拿拿聲落完，唔落就算啦...面目可憎...我諗住攞多張凳擺嘢，見佢落緊單，都費事叫佢攞，睇過隔離台已經食晒D嘢，又無人係度坐，咪以為果家人走咗，咪自己攞囉...點知隔離台果個人突然間返咗一個又坐低咗，而我已經擰轉背，睇唔到佢返咗嚟...跟住個嬸嬸待應該好大聲兼好無禮貌咁同我講“阿小姐，如果你要攞凳嘅話，叫我攞啦，唔好自己唔問人就攞啦，人地未食完架，你咁樣唔得架”...駛唔駛咁樣啊？？如果佢識做嘅，會自己擔返張凳返去，而唔係當眾大大聲咁係度鬧我囉....我屋企人聽到佢咁鬧我，個個都覺得佢好有問題，同埋落單態度差到啊，好似我地比唔起錢食唔起嘅感覺..

大蕃薯餐廳名，除一些甜品和奶茶會用蕃薯做，其他要推介如下：-炭燒脆皮芥蜜咸豬手：此處必食主菜，燒得乾食皮脆肉肥瘦適中！Yummy 安格斯8oz 牛柳：$128 嘩、如果愛吃牛的朋友，一定要order,呢度仲有16oz 比你選擇，真係好鮮味同d 牛柳好林,只要點少少芥棘已出其鮮味! Great ！ 正！另外，提各位要order 麵包布甸：做得好特別好味! 叫一客也可！本人叫了凍蕃薯奶茶，味道一般，可以不叫！Conclusion: $500 左右夠4 人晚餐okay ！好食！

一心諗住去食爵士拉麵，點知是日休息，仲要一休休足兩個星期，就諗起金剛小儀介紹的大蕃薯。一去到拎位又冇人理，淨係叫你係門口等，大熱天時足足等左15分鍾，好啦，終於有位啦，黎得呢度當然要試下佢出名既芥蜜脆皮咸豬手同蕃薯批啦，點知咸豬手，午市冇! 蕃薯批，琴日賣晒今日冇! 碳燒牛扒餐，冇! 經已O 晒咀兼一肚火.......... 迫於無奈地硬焗叫左一個碳燒雞扒餐，一個午餐煙三文魚什菜沙律，另多加一個蕃薯粟米沙律。等左3個字第一塊跟餐蒜蓉包和蕃薯粟米沙律終於出現啦..........但餐湯餐飲依然未見。經過兩個字三催四請下終於遲遲的送上餐湯，足足等半個鐘碳燒雞扒餐先出現，兩個字後雞扒餐都食完，三文魚什菜沙律依然未見，呢一刻真著左啦，由坐低到個三文魚什菜沙律上檯足足等左8個字，大佬呀，個三文魚什菜沙律係咪真係咁難整呀???? 終於嘈到老闆黎follow 都仲要等多2個字..........唉~一間咁細既餐廳都可以混亂，完全冇一個系統去做野，真係不知所謂，人地仲拎住隻叉食梗仲可以走埋黎收你個碟，咁得閒又唔去吹下單，真係冇野做去抓下爛腳啦，一餐飯可以收幾次碟，大佬我叉都未放低，你隻眼認為我食完呀

見旁邊既豬手麵太多人 加上天氣好熱.. 最後決定入大蕃薯Tea 一 Tea叫左招牌蕃薯西多 將中間既花生醬 換左成蕃薯蓉幾特色 但唔係話特別好食 fair既一餐不過不失但其環境都算幾好 幾乾淨 又涼爽

相信好多人都係睇左金剛小儀個節目去試下，我同老公想試下個蕃薯奶茶，d位好迫，大隻少少都唔好坐。點知落左單等左半個鐘都仲未黎，雖然我明白水吧人手唔夠，老闆娘都好辛苦一個人沖茶，咁我怕係漏單咪問個女侍應，佢竟然好唔客氣咁講：「係咁耐架喇！」就走開左，隔離枱個太太聽到眼都突埋。追問第二次個女侍應先拎張單過去水吧，我地兩個人為了兩杯野飲，足足花左45分鐘起度等，仲要俾個侍應用d咁既態度回答，點可能咁樣同d客人講野架？！杯野我飲落口無茶味，無奶茶味無蕃薯味，有蕃薯既質感，我諗對腸狀應該幾好，不過就唔係好飲囉。我見隔離枱d野真係好香，不過俾個咁既侍應一搞，乜野都變得唔好味。

1個超级吾掂既下午荼,2款既自家掣的麵,問佢係咩,個待應竟然5知?!?態度差到爆LOR!!!自家掣的麵好吾掂,即食麵都好過佢la,牛肉好靱......所謂既招牌蕃薯西多士,個包都做得5好(奶荼都係AR),+蕃薯落去都冇用LA.....總之1句講曬以後都5幇襯

本身想去群記食豬手麵, 點知未有豬手,3點半先至有, 逼住去隔離大蕃薯食見到門口有人排隊, 以為裡面好多人, 但其實裡面有唔少空枱, 不過唔放人入去等左幾個字終於入得, 叫左3個下午茶餐(蕃薯西多士, 雞翼沙律, 牛肉手打麵) 侍應問飲咩, 諗住要3杯蕃薯奶茶, 但奇怪是蕃薯奶茶唔可以跟餐, 要收正價... 最終只係叫左一杯 (如果唔係小儀介紹過絕對唔會俾多$16要呢杯野飲)之後睇到餐牌話加$10可以有甜品, 諗住加$10要蕃薯批點知侍應話蕃薯批又要收正價...最後都係要左一件(如果唔係介紹過都唔會又俾多$18要一件)等左一陣, 野食黎到蕃薯西多士, 兩個字,一般, 完全冇驚喜雞翼沙律, 其實佢唔應該叫沙律, 所謂既沙律只有蘋果同少少蕃薯蓉, 雞翼太咸牛肉手打麵, 仲衰過食即食麵, D麵好似未熟,好硬, D牛肉好肥, 個湯好咸蕃薯奶茶其實唔係太差, 但冇驚喜蕃薯批, 有少少薑味, 算唔錯overall, 野食唔掂, 不過服務方面仲唔掂叫女侍應俾多兩對筷子, 但只係俾左一對, 叫佢再俾多對, 點知俾左對斷既黎之後叫男侍應俾兩隻碗一隻羹, 點知佢淨係拎左一隻碗黎, 之後同佢講差一隻碗, 點