大街阿婆豆花 (已結業)

食完呢間，忽然之間覺得河上鄉羅太真係好食好多 ，諗住必食，見到啲差評仲心諗到底真定假，真係好難食。出名既豆腐花黎講，真係好難食，自己睇圖我都唔多講，想中伏就去啦兄弟姊妹們

阿婆豆腐花($12)豆腐花有熱有凍, 行到個人熱熱地梗係揀返碗凍既降降溫啦🧊 其實出黎既賣相唔係幾好已經有少少扣左分會覺得唔好食, 食落質地唔夠滑而且豆味唔夠重🤨 不過佢既薑味糖水幫個豆腐花加左勁多分, 因為係出面完全未食過😍 薑既味道令到成個豆腐花𣊬間變左💯分 其實我覺得一場黎到點都要試下呢度既豆腐花, 因為我地去另一間食豆腐花啲糖水都係有薑味嫁, 唔知係咪呢度既特色黎嫁呢😌

其實幾個字就可以結論貴：$13 碗唔滑：應該叫「鞋」口，一層層粉咁味：豆味很少說真：從未試過咁差嘅豆花可能太多人食嘅關係但今日係平日喎 呢個唔係理由啦唯一可取係環境（唔計飛來飛嘅烏蠅）

每次入開南Y島行山，總會經過呢間呀婆豆花。 今次一樣都係食返碗再行山！獨突的薑汁糖水，仍然香甜可口。可惜，豆花就不如往年般滑口，甚至我朋友呀鞋口呀，可能呀婆老咗啦！至於店內有魚旦，咁岩朋友想食，雖然貴貴地，都照買既！魚旦發到好大，而且有少少好似隔夜味，而沙爹汁就夠味，少少麻辣口感，算係配搭到啲無咩味既魚旦啦！另外，因為店係室外，而且有樹林，冬天都有蚊，帶小朋友食就要小心啲。 Overall, 呀婆風雨不改開店既精神，我地要學習！

黎開南丫島大部分人都會食過呢間豆腐花，因為佢係榕樹灣行去索罟灣山頭必經地方，經過可以入內稍為歇息一下，食碗豆花，再繼續行程，凍豆花，因為太熱，所以叫左凍豆花，唔算太滑，豆花都算凍，可惜糖水係暖既，所以令到成碗唔夠凍，而且亦有d過甜，不過有地方可以乘下涼，休息下已經好好，不能要求太多。

豆腐花個質感好奇怪，漿糊feel 無乜豆味 好似食緊碗糖水咁價錢同個味道不成正比 真係唔抵食 味道：⭐️（無豆味 食緊糖水）價錢：⭐️（不成正比）環境：⭐️（鐵棚無環境可言）衛生 : ⭐️⭐️（都有用雪櫃雪住）服務：⭐️⭐️⭐️ （起碼有抺枱同收碗）

假日同家人到南丫島行山 因為天氣熱 行到半路中途見到有冰凍豆腐花賣就即刻過左去一行六人嗌左4碗豆花 2杯豆漿其實呢間店喺網上都有人介紹過 豆腐花真係好滑 又夠凍 但略嫌甜左d 豆漿都係甜左少少老闆娘可能係想幫行山人士補充糖份？

好久沒吃這種新鮮出爐的豆腐花。來南丫島不得不試這個豆腐花 ! 我們叫了凍的豆腐花 ! 清清涼涼，十分解暑。甜度亦適中，忍不住一口氣吃光光。差些忍不住想再叫多碗。XD 誠意推介大家去南丫島時試試看。

這間的豆腐花有行山的朋友話試過好正，於是又試下。外表看來跟一般的豆腐花沒兩樣，但吃了卻不相同。普通豆腐花入口總是粉實口，感覺到黃豆磨出來的粉被隔得不夠徹底，而為了增加質感，石膏粉的份量又太多，大多豆腐花，如果不加糖水味道都會過淡。這個豆腐花，入口滑溜，我的是熱豆腐花，熱熱地又好有豆花香，甜甜地。用舌尖一碰就如綿花糖化開，完感覺不到雜質，恰到好處，不會甜得搶去豆味的同時，不過食到底，糖水略為太甜。比起朋友之前來食時又貴了些，10蚊變12蚊了。

南丫島一日遊，由索罟灣行到榕樹灣，沿途有不少假日出遊的人，但要數最多人，必定是阿婆豆腐花。棚架搭成的帳蓬下，人頭湧湧，人人都在吃'中外聞名的阿婆豆腐花'。豆腐花很滑溜，放入口有豆香和甜味，但近乎沒有口感。吃到最底，糖水甜得吃不下。另有魚蛋燒賣等小食。魚蛋不彈牙，但魚味極濃，啖啖魚香。對行到餓的朋友來說，算是個歇腳點，食物的質素反是其次。

建興阿婆豆腐花一早就很出名了, 其實南丫島還有其它售賣豆腐花的店舖/攤檔, 只是仍不為遊人所知~ 大街阿婆豆花便是一例!如果到南丫島遊玩, 十居其九會前往建興阿婆豆腐花處品嚐, 但可能遊人日漸增多, 建興阿婆做豆花的速度有時會跟不上遊人購買的速度, 品質不穩定或不好吃, 這些意見皆時有所聞(不過我多數非假日非繁忙時候去買, 都比較好吃~!).某日如常行經大街, 於大街牛記路口見到有另一阿婆在售賣豆漿及豆花, 我見有街坊在幫襯, 阿婆亦有講有笑, 嗜吃豆花的我又跟在街坊後排隊~ 這位阿婆的豆花售價$7, 大大支豆漿(應有1.5公升)才賣$15, 豆花夠滑, 豆味亦濃, 而糖水是加了薑汁炮製的! 我愛豆花配薑味糖水, 所以感覺比建興的更好吃~ 豆漿偏甜, 但豆味亦重, 不知不覺在一天內也可喝光!阿婆並非每天營業, 跟她搭訕時她表示由於年老氣力不夠, 所以不會日日做豆花推下山賣, 但週末則一定會營業! 觀察所見, 阿婆賣豆花的位置是路口, 而對上一級地台則放了張摺檯及數張摺椅供遊人安坐堂食~ 如果大家經過見到阿婆有擺檔, 可以去支持o下, 坐起榕樹灣大街高處嘆滑滑豆花&豆漿, 的確好難得的!