大阪日本料理 (已搬遷) 新店位置

今日去尖沙嘴行街黎到呢間好古色古香的日本料理餐廳，整個環境其實真係有d和風既感覺，雖然裝潢舊舊地，但人潮非常多，應該都好味既！坐定定先知，原來餐廳即將要搬遷去富豪九龍酒店，所以原址好快就無嚕！今次好彩可以把握到最後機會試下原裝味道！餐廳提供多款午市定食，我最後點了三色御膳，包括三款刺身，炸蝦烏冬和石鍋雞扒飯！三色刺身刺身非常新鮮，每一塊薄切厚度均勻，帶子鮮甜！炸蝦烏冬呢個炸蝦烏冬老實講真係有d失望，點解可以將一款炸物擺係湯到浸到淋曬🙈完全真係失望至極！石鍋雞扒飯定食套餐仲包括呢個石鍋雞扒飯，面層鋪滿香烤雞扒，肉質唔會硬，淋上燒汁，唯獨飯唔夠香口，係石鍋都無飯焦！抹茶雪糕甜品仲附送一客雪糕，挑選了抹茶口味，相當滿足！

此店屹立尖沙咀47年，由日本大廚坐鎮，當聽見朋友說這間餐廳只做到7月17日，不得不約會一班食得之人去食。去到先知，原來8月中會搬去尖東重開👍🏻*我哋點了好多野食呀，有😋是我覺得必點的：．鯖魚箱押壽司 x2 (HK$336) 😋，好特別喔，好難得系香港可以食到關西大阪傳統的滋味，好香的醋味壽司飯．蒲燒鰻魚 x2 (HK$336) 😋．蟹粥 (HK$88) 😋，綿密多蟹肉的粥．立魚粥 (HK$82)．啤酒蒸二色蜆 x2 (HK$176)，都唔錯，但我比較喜歡清酒煮蜆多D．燒油甘魚㬵 (HK$128) 😋，燒得香脆肉滑．燒三文魚 (HK$106)．炸蝦天婦羅 x2 (HK$316) 😋，炸得脆口不油膩．燒餃子 x2 (HK$156)，皮薄但比較油．大阪海鮮沙律 (HK$128)．照燒雞和風沙律 (HK$85) 😋，有只溫泉蛋撈埋D雞一齊食．竹壽司拼盤 (HK$358)．燒茄子 (HK$90) 😋，用日本茄子，清甜可口．日本燒薄餅 (HK$92)．冷面烏冬 (HK$82) 😋，滑口彈牙～．冷面蕎麥麵 (HK$82) ．三色冷豆腐 (HK$68) 😋，好滑口～．明太子 (HK$116)，齋食比較

呢間日本料理餐廳想試咗好耐，不過經過親都好似無乜人氣咁 每次都作罷了 今日上op見到話就結業 所以特地去試下！提外話，見到有不少負評都話d員工態度差 等我又睇下今日點先！(下面講)2色蒲燒(鰻魚，三文魚腩)定食 $120麵豉湯同前菜不作多評價啦，都係正常味道鰻魚 燒得都幾唔錯 入口溶化既感覺 雖然唔係話去到頂級 但係已經好好食！三文魚腩 油脂多 肉又嫩滑！好快就比我清哂啦！價錢黎講其實真係有啲貴，仲要加一呢？間唔中又經過既可以試下既！咁橋今日真係比我地見到網上話既有幾態度唔好，話說食到尾聲既時候大概2點左右，旁邊枱位男士就係咁求員工落單嗌野食，但好似話乜都無哂！？咁最後梗係傾唔掂 不歡而散啦！(其實2點就乜都無得叫又係奇怪咗d既，同埋d員工係咁話忙 落單埋單都好亂 叫幾十次咁上下囉。不過大致上唔影響到今日用餐既感受既！ 上面有網友提到話結業，今日去好似係搬地點姐確實既資料 我都唔太清楚 如果大家想係佢搬之前試下就快手啦 7月18就講88啦

接近五十年的老店7月17日光榮結業哩間門口在角落的日本料理，以為只有鐵板燒，原來樓上好大，有差不多五千尺，已經開業差不多50年啦，但從來無去過，剛剛知道朋友在哪裡負責，說很快結業，所以去食下啦！12點3去到，無乜人，但12點半已經滿了，旁邊就有兩台日本人。鹽燒鹿兒島地雞定食雞肉真是鹿兒島的，仲好大份，肉質彈口，鹽味適中，煎的皮脆肉嫩。跟普通的沙拉，味噌湯，尖沙咀108蚊好OK啦，浦燒鰻魚定食雖然知道鰻魚系本地吾系日本的，但都無影響佢的質量，肉質好厚好有彈力，醬油不會太多但味道剛剛好，但份量一個男孩可能不夠。檸檬sorbet真系平時吾會食凍野，朋友介紹就比下面，嘩，成個檸檬，一打開個袋已經好香，食落好滑，超正。椰子雪糕唯一特別系雪糕放係半個椰子裡面，但味道無乜特別

喃住外賣自取鰻魚飯，打電話好有禮貌問佢鰻魚飯幾多錢，佢答完我喃住order，再問佢extra俾多個鰻魚汁，之後員工就好無耐性答唔得，我再表示之前可以架，之後個員工就話唔知廚房做唔做到，咁何解我一開始你就say no而唔係問下廚房呢，氣就食夠，以後唔會再叫呢一間外賣

夫君在尖沙咀剪完頭髮後相約在附近吃午飯，他提議到亞士厘道的大阪日本料理！我咁鍾意食日本菜當然say YES! 😉😉平常一般都是來食晚飯，但原來午飯亦有好多唔同選擇，花都眼亂。🤔🤔我選擇了刺身御膳，夫君選擇了三色壽司飯。🍣刺身御膳$158有沙律，蒸蛋，味噌湯，當日新鮮魚生3款各2片，海膽三文魚飯！超級豐富！🍣三色壽司飯 $118味噌湯，前菜，魚生飯內有海膽，三文魚魚子及各款角切魚生！刺身全部都好新鮮，尤其是海膽非常鮮甜！👍🏻👍🏻最後仲有雪糕做甜品，我哋揀咗芝麻和埋綠茶雪糕！兩款都好香濃和香滑。佢價錢唔算平，但用料的確新鮮，一分錢一分貨！

原本我在這裏是一個忠誠的客戶，之前的服務態度十分好，食物質素又高，可惜今天的事情讓我極為失望。我如常在中午時間到餐廳用餐，今天不知道為什麼沒有人在接待，都算了，入到入面企左係到一分鐘才有人問我幾位。坐下來之後，個陣有其他客人係到唔知因乜事發脾氣、但成村人走去服侍佢，我坐在位置足足十五分鐘、一杯茶又冇、濕毛巾又冇、筷子又冇、最好笑是連餐牌都唔比我。食西北風！！！之後忍不住唔住直接鬧個主管，為左一個客而得失其他客真是好蠢的行為、最後我也走了。

初四閞工午餐來吃，同事話平時來不用等位，但仍正內地旅客高峰期，尖沙咀附近工作的人都要回避，走去樓上或地庫少遊客去的餐廳，所以今天1250到，等了約15分鐘才有位坐。一邊等，一邊看著侍應傳菜各款好吸引的定食，已經好期待。假期缺供貨原顧，同事想叫的壽司定食或刺匕生定食已售完，最後叫了$150手卷定食(含兩個手卷，一碗細牛肉烏冬及一件好遲才上的烤肉). 量實大比較少，但幸好同事胃口細。我叫了一個$113吉列味噌豬定食,份量及味道ok, 喜歡有多多的salad菜。這個豬，不是一件豬扒, 而是用豬薄片圈成，中間夾了味噌醬。飯後有餐茶或雪糕，有個完美結束？

大年初四同同事專誠黎呢間餐廳試下，12:15pm入座，當時只有小貓三，四隻係餐廳內，我地被安排坐在一個冷氣風口位，我們要求waitress轉位，佢話位置係由前枱安排的，佢地冇能力轉位，而餐廳來的其他位都已被訂位了，坐到12:45，旁邊的枱仍未有人坐，而我和同事都坐到手腳冰冷。Waitress叫我地飲杯熱茶食飽就唔會凍。食物黎到，賣相和味道都ok, 但係服務太差了，waitress 基本上都係抱住啲客好煩既態度敷衍我地，結果我朋友被冷風吹到頭暈暈，waitress姐姐應一句"下話",話前枱太忙安排唔到其他枱就了事，我地下次一定唔會再黎。

因為公司係附近，所以經常尼呢到食野！呢間餐廳位置好多，如果十幾人尼食一樣有位，所以長期都唔洗點排隊，上餐又快，午餐好選擇！仍午市套餐有好多款，花多眼亂！咖喱牛肉烏冬，湯底好濃郁，烏冬都算彈牙！天婦羅加冷喬麥麵，天婦羅有蝦，冬菇，茄子等等，因為即炸所以都香脆，味道方面不太突出，正正常常的放題貨色～麵質有少少淋，但可接受！朋友點的其中一個套餐，魚生生鮮好食，而且份量好足，都只係百幾蚊子!大食的男市來到一定要點店裡面魚生飯套餐，有魚生飯、刺身、前荐‵茶碗蒸及麵豉湯，重有甜品同飲品，非常抵食！

大阪日本料理是尖沙咀區的老牌日本餐廳，老公很久以前已經說想來一試，今天我們終於到這裏吃午餐。我們點了一個牛肉鍋定食和一客刺身定食，每客定食都包括麵豉湯、前菜和白飯。跟據餐牌，本來要加$15才有飲品或雪糕，但後來不用加錢我們也可點飲品或雪糕，我們二人都選擇了雪糕。刺身定食的刺身包括了蝦、三文魚、油甘魚和八爪魚。蝦有一隻，其他的刺身各有兩片，份量看似不太多，但全都是厚切，而且味道不錯，加上價錢不貴，其實是頗值得一食。牛肉鍋送上，鍋內放了滿滿的蔬菜，牛肉的份量也不少，味道也佳。這兒的前菜和雪糕也好吃，前菜是我很喜歡的牛舌，雪糕方面，我點的豬芝麻雪糕芝麻味香濃，比老公點的綠茶雪糕好吃。另外，因為我們有優惠券，餐廳還送我們一客三文魚刺身。這雖不及刺身定食中的三文魚肥美，但也鮮味可口，而且有五片，可見誠意。值得一提的是，這店的侍應很有禮貌，至於這店的環境，雖然因為是老店，裝修有點舊，但也坐得舒舒服服。看來在尖沙咀吃午餐，到這店內是個不錯的選擇。

今日晏晝得閒去尖沙咀食下野，平時見到呢間餐廳覺得佢晚市有啲貴，但係佢嘅午市最平竟然$100有找！今日試咗佢個便當，又有燒鰻魚，又有魚生，成個餐仲包埋一個甜品，都係$100咋。唯一美中不足嘅係佢個雞，個味本身係唔錯嘅，但真係唔係好腍。

Lunch hour 想係尖沙咀搵食一D都唔易，除左上班族仲有一大堆自由行同你爭食，不過佢地往往只識去D大型連鎖餐廳...今日就約左位舊同事食呢間門面隱蔽但又屹立亞士厘道多年既日式料理。點左一份吉列豬柳餐盒定食，正係賣相已經非常吸引前菜有麵豉湯、沙律、冷奴（凍豆腐）通常出面既麵豉湯比較咸，但呢度卻味道適中沙律比較普通，只係配上沙律醬冷奴就有柴魚，冇需加其他醬汁，豆味濃主角吉列豬柳炸得非常正，唔會太厚粉，而且舊舊都好juicy 😋甜品有特濃芝麻味既芝麻雪糕

總覺得這間餐廳很神秘，可能是每次經過都好像關門似的，又沒有餐牌或侍應在門外，所以一直都沒有進去嘗嘗。今午碰巧經過，又看見有餐牌提供，便3決定一試。我點了最愛試的日替便當，因為每間餐廳的日替便當都不同，又可以一次試勻刺身、熱葷、炸物等不同食品。今次的便當包括親子雞、牛肉葱卷、刺身及炸三文魚鮫，味噌湯味道一般，刺身薄薄的但還算新鮮，親子雞雞和牛肉葱卷味道不錯，是醬汁濃了一點，炸三文魚鮫最好味，脆而不油，味道鮮美。最後有雪糕或餐飲提供，我點了芝麻雪糕，味道不錯，芝麻味濃，雪糕又挺滑。連加一價錢$98，在尖沙咀來說還可以吧。

星期五晚約咗同事一共五人去食日本料理，一入到餐廳已經聽到周圍都係🇯🇵日本人🇯🇵。。我哋帶咗一支🍶sake，所以收咗開瓶費＄100。。首先我哋叫咗一個🍣魚生拼盤，每款刺身均有兩件，幾款魚生都好新鮮。。我哋另外叫咗螢光魷魚同明太子做前菜，明太子同我平日食嗰啲有啲唔同，可能因為平日食嗰啲係燒明太子，而呢到嘅明太子比平日食嗰啲更加鹹。。串燒方面我哋叫咗兩串串燒牛舌，味道一般。。燒餃子🥟同燒鹿兒島雞翼🐔，我個人就好喜歡。餃子唔會燒得太乾，唔加醬汁都好夠味，而雞翼個味道非常好，亦都燒到剛剛好👍🏻👍🏻👍🏻。。相反個網燒牛肉🥩相對普通，可能係因為餐廳冷氣比較凍❄️，而且食物上得非常快，所以個網燒牛肉放左一陣就已經好凍。。炸蝦天婦羅🍤都係一般般，冇咩驚喜。。另外蟹粥🦀，大家都唔係好食到蟹肉，只係見到一隻小小嘅蟹鉗，而且粥底唔夠結身，大家都覺得佢個texture似茶漬飯多啲。。燒油甘魚骹🐟，我覺得如果可以再燒耐少少會更加好味，會再脆身少少。。而燒茄子🍆，不過不失啦。。最後餐廳免費送咗雪糕🍨做甜品。。整晚嘅晚餐氣氛都好好，由於日本人比較多，所以餐廳會比較熱鬧🎉🎉🎉，大家嘅情緒都好高漲。