大阪李朝園 (已結業)

星期日係用來hea既三點幾同fd睇完戲，覺得肚餓，見門口廣告牌話有下午茶餐，咪行入去食啲野囉。嗱！大家都見到㗎，「下午茶套餐」幾個字係度呀但可能係有d細字冇睇，行入去問咗侍應先知星期日不嬲都冇下午茶餐優惠。其實除左下午茶，仲有唔少飯同麵可以揀，一於試下喇！依個時間段，食客少係正常既。岩岩行入去，有三四枱後生仔食完，坐係度傾計，幾熱鬧。兩個侍應坐係最尾，揮手示意我地自己揀位坐，然之後就做番自己野四周圍連張餐單都搵唔到，同fd尷尬對望可能係睇到我地既傻樣，定做完自己d野，侍應依個時候先比餐單我地。中規中矩，我揀咗好耐冇食既滑蛋豬扒飯定食。熱辣辣既滑蛋豬定食好快到，幾靚。沙律、白飯、麵豉湯，仲有主角滑蛋豬扒。滑蛋超多，豬扒也很大塊！蔥花、洋蔥圈、紫菜絲豐富了口感，卻不喧賓奪主。用筷子撥開，夾起一塊豬扒，外脆內嫩多汁唯有如此恰到好處的濕潤度，才能在肉汁充足的同時，保證豬扒外皮不失脆度。跟餐沙律也被我吃個精光。蟹籽增加了爽脆感，沙律醬味道濃郁，不錯。朋友點了冷拉麵。實物與圖有種說不上來的差距，但該有的食材都在裏面要是能多一些醬，整體味道就不會被青瓜搶了風頭，又可增加濕潤度，更易入口下嚥。朋友覺得

今晚我地4個人去左試整章魚小丸子，雖然整得唔係好靚，但係店員會幫手整得好好睇睇！無論係章魚小丸子同甜既雪糕丸子，店員都超有耐性幫我地執手尾 食物味道都好好食，尤其係蔥燒，牛肉紫菜卷，小丸子同甜品！今次叫左一般好似pancake既丸子，沾雪糕食，雖然聽起黎好普通但味道好好味！店員仲超有耐性幫我地整到個皮脆脆地！下次一定要試下個紅豆丸子🍡最值得一讚既係所有店員服務及態度都非常好，同我地一齊笑足全晚！p.s. 可以訂位非常方便

真心唔明白點解會有人話服務好！同幾個朋友叫左3-4樣小菜（其中有樣係芝士薯條，點知食落去完全唔係芝士，似忌廉，明呃人！）及一客自制章魚小丸子。當日邊食小菜邊等佢開爐，食完小菜後不停叫人仲叫唔叫小菜，係咁sell,（但真心真心叫唔落），我地話唔駛啦，夠啦。呢刻開始個老闆態度更差，本來已經差！好啦，開始整小丸子啦，有d燒燶左，老闆見到幫我地燒番好d,但邊幫邊feel到佢想發脾氣，話燒到咁樣點影相阿！我地心諗：燒得好唔好關你x事，加上我地無個相影相，又唔特別.........我地食完連坐多陣既意欲都無，係即走。真心未試過去食飯都要受氣，

My Order:章魚小丸子 (二人份) $128滿腹套餐 <冷麵 & 石頭泡菜鍋飯> $78章魚小丸子 (二人份) 個人認為$128有點貴 因為材料成本真的超低!只有紅蘿蔔粒、泡菜、洋蔥粒和約20小顆的章魚~ 二人份大概就做到18粒 店員會先幫我們加點油然後其中一格加紅蘿蔔粒 看到紅蘿蔔煮到起泡就可以倒入粉漿 每桌只有一支粉漿 剛剛好夠用!貼心小提示:剛開始記得要把爐轉成小火!隔壁桌就是沒有開小火都焦了!!完成後放到碟子上加上日式醬汁、美奶滋、柴魚片~~就完成了=D 味道還可以 建議多加點泡菜，吃起來比較有味道! 而且粉漿有點太稀..冷麵這個還不錯 吃完熱騰騰的小丸子再吃冷麵 是滿搭的!可以消一下熱氣~

放假出去遠D搵野食搵野玩, 朋友話想自己整章魚小丸子, 於是上網找到大阪李朝園呢間店。我地預早BOOK左位, 去到人唔多, 都係兩枱客。坐底看著MENU, 看著發現呢度既食物咁搞笑既.....食品似日又像韓, 個下大家都有D唔識揀~最後我地三個人, 首先叫左自制小丸子喇, 然後點了蕃茄沙律、水冷麵、韓式炸雞、泡菜炒飯。先講一講小丸子吧, 店員會將材料放在枱上, 然後講一次點做, 亦都有一張說明紙放在旁邊,首先把少許油搽在鍋上, 然後把粉漿加進去, 之後再加埋D材料入去,等到咁上下就將小丸子反過來形成圓形狀, 大約過多一陣就完成可以上碟的了!制作唔算難, 只係第一次難免有D手忙腳亂幸好制成品都見得下人, 味道相比在大阪吃的當然差很遠, 材料同係日本食到的完全係兩回事,所以話呢個小丸子最多能說好玩, 不能說好吃吧(當然也好可能係我地整得唔好引致喇)蕃茄沙律- 冇咩特別, 不試也罷水冷麵- 同想像中有距離....泡菜炒飯- 我地有理由相信炒飯入面既泡菜同加係小丸子入面既係同一伙的, 味道一般, 都幾油。炸雞- 呢個算係幾樣食物中最好食既一樣!

這家餐廳是小妹平時經過會留意到，但又不會主動約朋友去食的小店，今天小妹有要事做，要食個快的，就試試吧！ 走到店內，感覺很日本。 點了個豬肉生薑燒套餐，價錢在銅灣來說還可以啦。 午餐附送沙津和麵豉湯，沙津菜算新鮮，麵豉湯則保持水準。 主食，豬肉生薑燒，賣相ＯＫ，醬汁不錯，但薑味不夠濃，另外豬肉則比較鞋口，有待改進，坦白說，小妹覺得吉野家會比這裡好吃，價錢還低一半。

終於食到啦，之前新開個時，walk in 又賣哂，訂又訂唔到。😒現在熱潮過左，無人食，隊又唔洗排，人又無，仲有靚靚姐姐教我燒。係幾好玩既，不過都幾貴又唔飽😂🔫試過一次就滿足了，都係食人地燒既好啲！🐙如果想去食既，平日既下午茶會平啲。一齊試下自己燒八爪魚丸啦😬🐙🔥食呢間一定要上自己燒既八爪魚丸，唔係因為特別好食，只係因為可以自己燒，同伴侶一齊去，可以建立一個美好的回憶。同埋自己整，點都唔會話唔好食掛😂炒烏冬真係麻麻，唔食都無咩所謂😂完😂💡提提大家，燒八爪魚丸熱量同澱粉質相對較高，唔飽都唔好再食粉麵飯，會易肥哦😉

又系我吃貨港女出動喇！前排好多次黎呢間野都大排長龍。諗住book 位又話不接受訂位 ....所以遲遲都未潮聖到.....今次又咁岩要去SoGo買野 所以先再黎碰下運氣 幸運地吾洗排隊 仲要得小貓三幾隻！由於我刨過OP後 已經知要食咩喇....炸芝士圈圈去到邊度我都一定必定會點 吾惜 呢度可以形容為難食芝士冇煙un個感覺 一pat pat 仲要吾熱 d芝士爆到出晒黎 泡菜煎餅煎餅好厚 泡菜小食吾到泡菜味 口內一口粉又系暖的韓國泡菜餐肉紫菜卷冇韓國果隻油香既精髓 壽司放耐左 有d硬 又系完全食吾到泡菜。（喂....泡菜你系邊牙？）鋪內主打自己整章魚燒 當然要試試有個後生既女侍應落枱 baba 講左一大輪野我地都聽吾切 淨系聽到臨尾講差吾多時後會過黎教我地反 咁我地唯有自己睇個牌自己試下整啦 有泡菜碎 甘筍粒 章魚粒 男朋友好叻叻好快整晒等反 點個等左好耐 覺得吾對路 個侍應好似冇理我地 丸子又好似要濃了 我地就雞手鴨腳咁系咁反 反反下先有個短頭髮的黎夠救我地有幾粒已經死左雖然好口粉 有d又濃左 但外面都系脆脆的 不過食一次就夠 玩一次就夠 .....潮聖的代價 預左中伏

近排韓風咁盛行韓食都係hit到爆啦呢間餐廳係一間韓國餐廳佢有一味菜(小丸子)係要自己落手落腳自己燒咁得意!咁引到我去試下自己燒比自己食啦首先店員比d既配菜比我,自己加落小丸子度, 分別係洋蔥, 紅蘿蔔,泡菜,店員仲會教埋你個步驟係點,等你唔好燒濃其實同普通街賣小丸子差無幾,係特別在係加埋泡菜落去有泡菜味燒完個身仲成身油味,不過過程係幾有趣,同朋友仔黎玩下都無防

公司有樣好處就係彈性食晏時間，今日我2點半先出去搵嘢食，可以就到tea time，人冇咁多，價錢又平啲～臨別銅鑼灣，繼續努力試多啲唔同鋪頭，今日揀咗呢間聽落個名似係韓國口味食店。。。因為係tea time，店內得我一枱客，啲職員傾緊閒計，全普通話交流，我有啲懷疑自己番咗大陸。。。小妹鍾意食烏冬，點咗佢哋嘅豬骨湯烏冬下午茶餐，$48加一有主食，一份小食同嘢飲，價錢都算可以接受啦。。。等咗約十多分鐘，我嘅烏冬就到喇，有2塊豚肉，有啲泡菜同芽菜，仲有半雙烚蛋。。。湯底應該係味精湯，豚肉唔鞋口可以接受，啲泡菜應該係為咗襯番韓式食店而加入，同個烏冬唔係好夾噉。。。個天婦羅一份有3隻蝦，配有沙律醬，新鮮熱辣，小妹好喜歡食蝦，有3隻確實大滿足！呢一餐味道so far so good，價錢搭夠，如果係平時嘅lunch time我就唔會考慮嚟食喇！

識嚟呢度係喺Facebook見有朋友打咭，今次同friend一行兩個女仔試下先！呢日我地9點先嚟所以唔使等位... 章魚小丸子$128首先店員會示範一次燒幾粒我地睇，之後就靠自己啦！個漿算係剛剛好落滿18個洞，而章魚份量有限，不能貪心想一粒加太多~其他蔬菜類配料反而好夠啊如果多d章魚就更加好啦！大概燒5分鐘左右，中間的章魚丸先熟要先反旁邊嘅要等多三四分鐘先熟建議大家一開始一定要加夠油，唔係反唔到啊！係唔係燒得好靚呢！其實我地叫左2次，因為第一次燒得唔好，店員見我地兩個人食2次都嚇左一跳！講返味道，其實正正常常無乜特別，不過係幾好玩！另外我地散叫左沙律同小食，掛住玩無影相。雖然未必會經常嚟食，不過今次係唔錯嘅經驗。

因為睇到大家介紹, 有得玩小丸子, 所以特登唻呢度食飯~ 一直都想買部機喺屋企自己玩, 但諗到玩多幾玩後部機都會封塵, 所以都係出街玩算了~~ORDER後, 店員會給我一些配菜用唻加落小丸子度, 分別係洋蔥, 紅蘿蔔及泡菜, 老公比較鍾意洋蔥, 我就比較鍾意配菜, 而紅蘿蔔加落去令小丸子更加靚 佢哋提供埋製作部驟, 店員亦都會主動教你點整。說實話, 味道不算是特別正的, 跟出面一些街邊店差不多, 如果佢再有椰菜絲會更好味, 幸好有泡菜, 味道較為特別一些。 但勝在可以自己動手做, 過吓手癮, 原來燒小丸子都不是那麼困難同埋幾好玩

專登帶表弟來燒小丸子，$128有D玩有得食，係oK既，好似2:30-5:30做特價$98。但不能只叫小丸子，一定要叫埋其他食物。叫了個推介抄烏冬(類似)$68，只可講oK啦，我唔會吸引到我食第二次。再叫個滑蛋豬扒餐，個人覺得唔掂。咁就$330，空間細，坐得又唔舒服，又好似無冷氣咁，好鬼熱。

個定食入面既沙津生菜係d菜頭菜尾 不開胃上菜時撞到手hea講一句sorry冷氣不足唯一特色是自己整小丸子普通料 不便宜 令到成間餐廳都好熱無服務可言食完都一頭汗 水都無杯

同朋友小小地兩三個人搵地方食飯有時都唔知食乜好，來試試自助章魚燒。訂了位所以都不需要等直入。如果可以有多些章魚燒的口味選擇會更好。不知是否坐門口的關係，店員都很主動教我們怎麼做，態度都很好。味道算是中上。餐牌選擇跟一般日韓餐類似。今天另外只點了芝士年糕鍋，味道合格但份量太少，只有半個麵。餐具都很小，吃得有點不好用。